|
رد: تجمع حوامل ليبيا
ام رفيده ربي يقومك بالسلامه وطمنينا عليك ربي يسهل عليك
|
رد: تجمع حوامل ليبيا
اقتباس:
السلام عليكم ورحمة الله وبركاته كيف حالكم والله استحشتكم هلبه ام رفيده تسلمي شن حالك وحال عتئلتك يارب بخير والله ماعندي نت في حوشي جهاز من غير نتhwaml4hwaml4 ههههههههههههههههههههه |
رد: تجمع حوامل ليبيا
لولي كيف حالك ياقمر وشن حال البنوته
|
رد: تجمع حوامل ليبيا
ام اسيل كيف حالك يارب تمام
حبل الوصل شن صار معاك سافرت او لا ام رفيده وينك شورك جبتي خشي بشرينا |
رد: تجمع حوامل ليبيا
هدا الفرق بينهم تعالوا انشوفوا مع بعض 1/اذا وقع زوجها على الدروج : السوريه : ولي على آمتي ، سلامتك حبيبي إن شاء الله أنا ولا إنت ابن عمي . ( ميتة من الخوف عليه ) الليبيه : شنو خير مصيبتك .. طيح سعدك .. دخت ؟ تستـــــــاهل .. ماك تمشي زي الأعمى وما تشوفش في اللي قدامك 2/الزوج يعتزم السفر في مهمة عمل : السوريه : إنتبه لنفسك إبن عمي ، جهزتلك الشنطة ، كتّر خيرك على الأغراض اللي اشتريتها ، بيكفوا سنة ، الله لا يحرمنا من دخلتك علينا ، أولي على آمتي، تروح وترجع بألف سلامة . الليبية : ( أسبوع خليقتها مبرومه قبل السفر) ، وكل شوية دموع، وأمتى تبي تروّح؟ ومع منو ماشي ؟ وخيرك ماترفعنيش معاك ؟ مش تلصص عالبنات !! إحلفلي إنك ما تعفس مكانات فيها بِنات ! ما تتأخرش ، ينقصنا شي وانت مسافر ما نلقوش مِنو بينــا. وكل يوم تتصل بالتلفون باش تشوف أنت وين مفرهد؟ وأنا وين حاصلة في الهم اللي خليتني فيه ، وباش نحكيلك عالولد و وسخن منسي قريب مات كان مش من الكمادات والاكتفيد وبنتك اللي امدايرة مافي راسها . ( هوايتها نكد ) 3/عند العودة من السفر : السورية : ( تذهب للمطار لإستقباله ومعها وردة ) والله إشتأتلّك حبيبي ، كأنك غبت عني 100 عام ، والله الحياة من غيرك مالها طعمة تؤبرني حياتي . الليبية : (قاعدة في حوش بوها تستنى فيه) ، وأول ما تشوفه تنوض فيه زي المدفع ، مش قلت أمس تبي تروّح خيرك زدت يوم ؟ وجبت الحاجات اللي قلتلك عليهم أنا وأمي وإلا جاي تهز في كتافك . 4/إذا الزوج تأخر بَرّه فى شغل أو مع صديق : السورية : شو إبن عمي ! غِلي ألبي عليك تؤبشني يا روحي وكثير شغلتلي بالي، تؤبرني ما تتأخر عليي كثير مرة تانيه عشان بشتائلك أنا ، إن شاء الله إنبسطت ؟ الليبية : شرّفت يا أفندي !! وين كنت لاوي راسك؟ ماهو أنا خدامة في الحوش ، طول نهاري نكنس و نمسح !! وإنت إدّوح مامخلّي مُطراح ، مع منو من أصحابك كنت تنسرف ؟ شنو جبتلنا معاك ؟ وإلا جاي تصفق في يديك !! ، باهي اللي عرفت أن ليك حوش وعيلة وروحت . |
رد: تجمع حوامل ليبيا
5/إذا طلبت شئ منه :
السورية : إبن عمي تؤبشني تؤبر ألبي ( كله تؤبــر) حبيب ألْبي فيك تجيبلنا شي حلو من ديّاتك الحلوة ، وعلى زوئك شو بعشق زوئك يا مِزوئ ياحياتي . الليبية : أغلط مرة في حياتك وجيبلنا حاجه معاك ... بكلاوة وإلا بسبوسة ، نبي حاجه نحللي بيها ريقي اللي أمرّ من هالعيشة اللي معاك 6/إذا جابلها هدية : السورية : يسلّملي إياك ابن عمي حبيب ألبي ، يااااااي شو بتجنن عنجد عنجد زوئك بيعئد ، تؤبشني بتجنننننننننن الله لايحرمني منك يا عمري الليبية : والله غاب وجاب، وشوف شن جاب الغراب لأمه، من وين شريتها وقداش حقها هاذي ؟، وفلوسها منين لقيتهم مش ديمة تقول ما عندكش فلوس ؟ الله يقطع ذوقك مش لو جبتلي شلاكه نشلك بيها خير 7/اذا تبي شئ منها : السورية : من عيونى ابن عمى تؤبرنى بتؤمر أمر ابن عمى ولووو ، غالى والطلب رخيص مو على عيني يا عيوني ، شو بعبد سماك أنا .. دخيلو أنا شو بحبووو على راسى حبيب ألبي . الليبيه : ماهو حرام نرتاح شوية ، لازم حياتي ديمة تعب ونكد ، ماهو فيش غيرك فى الحوش؟ أنا مش فاضية ، إمشي درق عليّا وجهك شوفلك حاجه تلهى فيها ، مرارتي انفقصت خلاص .... اففففف اففففف . 8/لو طلبت منها فنجان قهوة : السورية : من عيونى ابن عمى، أحلى فنجان بُن من دياتى يستاهل تمك، وبدياتى راح شرّبك كمان ، تعبك راحة ابن عمي، ما في اغلا منك حبيب ألبي الليبية : قلتلي تبي قهوة ؟ هوينهم خوتك فى المربوعه برا إتقحطر معاهم، وإلا إمشي لأمك إديرهالك ، عاد توا إنسيب شغلي إللي في إيدي ونديرلك قهوة!؟ 9/اذا قاللها (تبي شي؟) وهو طالع : السورية : تسلملى حبيب ألبي ابن عمى ، مابدي غير سلامتك ، مكفينى من كل شئ مو نأصنى شئ ، تسلملى يا روحي ، بس حبيب ألبى ما تتأخر كثير بشتائلك أنا ابن عمي ، بدك اعملك شى لمن ترجع؟ الليبية : لأأأأ (طول شواربها شبرين ومِلْويات لين لونهم أزرق) ... ما نبي شي، وين ماشي؟ إن شاء لله ناوي بتقعد هلبه وبتخلّيني بروحي زي الهجالة ، .. جيب معاك شمالات للولد وإنت جاي واستيكة دحي وكرت لبيانا وحليب وحكتين طن وجبنة وباكو صابون غسالة ومتنساش الوركينا والدقيق . (هذا قالت ما تبي شئ ) 10/الذوق والتنويع فى الاكل : السورية : سلطات، تبولة، فتوش، محاشى، شوربات، كِبه بأنواعها، محمّر، مشمّر، يعني سفرة عامرة من كلّه، بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى ؟ دوء هاي من إيدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملتو ؟ صحتين على ألبك ابن عمي الليبية : لوعندها كل أنواع الخضراوات، والثلاجة مليانة بكل شئ ، ما تطمعش بأكثر من امبكبكة ، وإذا كنت محظوظ إديرلك معاها سلاطة . وطبعا ... شواربها شبرين قدامها ، وتبدأ في الشكوى وحطّان المشاكل فوق الطاولة ، وأول ما تبدأ ... اليوم باش ترفعني لحوش بوي ، وإذا حاولت الإعتراض أو الكلام فسيكون الحديث كالتالي: اليوم جت فواتير الكهرباء والميه، لازم تدفعهم ، (كأنها متشمتة فيك) . واليوم انكسرت إيد الشيشمة إمتع البانيو ، وبعد ما تكمل غداك برا جيب الراجل يصلحها ، ولدك يبي 120 جني يشري بوتيل زيه زي الصغار . واشريلي باكو شكلاطة على خاطر غدوة ماشية لجارتنا مباركة على خاطر ولدها انجح في الصحيفة اللّولة . متسبلة تمشي لاي حد وفي اي مناسبة حشيشتها صرف فلوس شني هذا مسكين الزوج الشهر الاول ايمشي عسل والتاني كند وهم على راسهhttp://l.yimg.com/us.yimg.com/i/mesg/emoticons7/21.gif تي من الاخير الواحد يمشي ايشوفله سورية ولا سروال مش خيرلهhttp://l.yimg.com/us.yimg.com/i/mesg/emoticons7/21.gif بالك ايحصل مقاس كبير ايجي عليه http://l.yimg.com/us.yimg.com/i/mesg/emoticons7/21.gif |
رد: تجمع حوامل ليبيا
خشوا علي هالصفحه وصوتولي هيا
هههههههههههههههههههههههه بجديات حطوني في المسابقه استروني http://forum.hwaml.com/t22534-36.html |
رد: تجمع حوامل ليبيا
السلام عليكم ورحمة الله كيف حالك يا ميمونة إن شاء الله بخير أني مازال ما ولدتش شكله ما يبيش يطلع في موعده ربي يسهل وخلاص وإنتي خيرك نازلة في الليبيات أكيدة أمك سورية هههههههههههههه على فكرة مش كل السوريات بنفس الروتين عندي صاحبتي سورية صعبة شوية لكن حلوة المقارنة تسلمي
|
رد: تجمع حوامل ليبيا
يسلموا ام رفيده
بس امي ليبيه عجبتني انقلتها لكم قلت انحطها هنا خير ههههههههههههه يضحكوا علينا الاجانب |
رد: تجمع حوامل ليبيا
خشوا علي هالصفحه وصوتولي هيا
هههههههههههههههههههههههه بجديات حطوني في المسابقه استروني http://forum.hwaml.com/t22534-36.html |
| الساعة الآن 07:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .