|
رد: ديوانية البحرين - دردشة حوامل البحرين - البحرينيات
البنات حلوين فديتهم ، ربي يبلغج ويبلغ كل حامل ان شاءالله ويرزق كل شخص محروم بالذرية الصالحة ، يقولج الافضل ان تولدين على الموعد انا خلصت تقريبا التاسع واحسن عشان البيبي يطلع مكتمل ولدت قبل بيوم من موعدي
|
رد: ديوانية البحرين - دردشة حوامل البحرين - البحرينيات
يقولون لي المستشفى السوائل متجمعه لي تحت بطني
|
رد: ديوانية البحرين - دردشة حوامل البحرين - البحرينيات
يقولون عآدي مآ يآثر آلمهم آكون دخلت آلتآسع !
آلبيبي يكون مكتمل بس وزنه يزيد في بآقي آلآسآبيع يمكن آحسن بس خلآآآآآآآص آستمليت خصوصآ إني في غربة مآشوف آحد ومآفي شي يلهيني ومأجله درآسه عشآن آلحمل مااااااعندي آفكآر غير متى آولد ومتى آولد هئ هئ آتمنى آولد آليوم قبل بكره عآلآقل بنووتي بتوونسني فديتهآآآ مآحسيتي بهآلشعور وآنتي حآمل ؟ مآ مليتي ؟؟ |
رد: ديوانية البحرين - دردشة حوامل البحرين - البحرينيات
السلام عليكم
شخباركم خلف جبداتي اول شي نرحب بالضيفه اهلا تايم اوت شخبارش غناتي حيى الله اهل القطيف الاجاويد حياش تفضلي الماكن مكانش ترى هني الكل طيبات وحبوبات بلسم الله لايغير علينا بسوء ان شاءالله بنت الاياويد شخبارش وشخبار شيخة البنات؟ اي رحت المحل خذيت منه ثنتين ومحل ثاني وحده كنت ابغي ثياب للطلعه ماحصلت ابغي غير الدراعات ابغي فساتين ناعمه ع الاقل باقي البنات شخباركم ان شاء الله بخير؟ على قولتكم اني قلت بسكت عن زوجي لين ماهو يقول متى بتجهزين ماقدر اني عليه وسالفة الوسواس والخوف موضى ترى ياحنين اني انتابني تفكير اني مابشوف اللي فبطني وحتى التجهيز مو داك الحماس بس جدي اتكلم او لان زوجي مايشجع فالشعور مختلط عندي مادري والخوف من ا لشق هذا موضوع ثاني الله المعين اهم شي نقوم سالمين ونشوف البيبي سليم يارب تهون على كل حامل حملها وولادتها وتسهل امري بنات ابغي اسماء اماكن الاقي فيها ثياب حوامل خفاف وناعمين ويصلحون اطلع بهم رحت مشوار المحرق مو شي بصراحه مو مثل مدينة حمد ماعجبني على فكره تايم اوت عندنا بنيه امها سعوديه تعجبش السوالف وياها حدها فن (اني لاعبه فيها لعب مطفشتنها وهي مو سهله بعد خخخخخ) |
رد: ديوانية البحرين - دردشة حوامل البحرين - البحرينيات
فتوتة اول مرة اسمع بهالسالفة انزين وشنو معناته هل يؤثر على الجنين لاسمح الله ، اكيد جسيت بهالشعور وخاصة اذا بروحج وماعندج احد تبين احد يسليج وتلهين معاها خاصة البنات فديتهم حلوين ربي يحفظ بنيتي ويحفظ لكم اعيالكم يارب
|
رد: ديوانية البحرين - دردشة حوامل البحرين - البحرينيات
انا ابي اولد بسرعه تعب خخخخخ
|
رد: ديوانية البحرين - دردشة حوامل البحرين - البحرينيات
بنت الاياويد قالو ما ياثر بس ما ادري
|
رد: ديوانية البحرين - دردشة حوامل البحرين - البحرينيات
هلا طف طف نزل بومهدي دشاديش مال البيت قطن؟ يصلحون حق البرد لاني ناوية آخذلي وماشاء الله ماخذه منه دشدادشة من سنة تقريبا اغسل والبسها ولا تتغير الخلق ماله وايد تمام ، في محل اسمه كوخ الامومة قلت لج عنه في فرع في بوكوارة وفيه في مجمع مدينة عيسى والمحرق وفي محل اسمه بيت الحوامل اعتقد في مدينة عيسى مقابل السوق الشعبي ورامز بس على الشارع الثاني انا شارية منهم ثياب مال الرضاعة وفيه حق الحوامل بعد واسعارها زينة انا الي خذيتها حق المستشفى سعرها بخمسة دينار بس قماشها حلو بعد
|
رد: ديوانية البحرين - دردشة حوامل البحرين - البحرينيات
اهم شي مايأثر الحمدلله ، انا كانت دقات قلبها سريعه والتخطيط كان كلللش مايطمن سيدة يودوني ورقدوني قالولي خطر على البيبي وضروري نسوي لج طلق صناعي ويوم سألت دكتورتي منى الشرقي قالت وافقي نبي البيبي يطلع سليم ورضخت للامر الواقع عشان بنتي شسوي الام لازم تضحي
|
رد: ديوانية البحرين - دردشة حوامل البحرين - البحرينيات
آليوم احس بالم نهاية بطني ان شاء آلله يكون بولد
|
رد: ديوانية البحرين - دردشة حوامل البحرين - البحرينيات
اهم شي ولدتي وقمتي بالسلامة وبنتج معاج
|
رد: ديوانية البحرين - دردشة حوامل البحرين - البحرينيات
الطلق ايي الم في البطن تحت مع الظهر بس الطلق العدل يكون كله الم اسفل البطن اما الولد يضرب في الظهر حاولي تمشين وايد وربي يهون عليكم
|
رد: ديوانية البحرين - دردشة حوامل البحرين - البحرينيات
الم اسفل البطن بس مو وايد ونزل ماي شوي
|
رد: ديوانية البحرين - دردشة حوامل البحرين - البحرينيات
اي والله الحمدلله والشكر لك يارب وعقبالكم ان شاء الله تولدون بالسلامة
|
رد: ديوانية البحرين - دردشة حوامل البحرين - البحرينيات
اتمنى اکون بولد
|
رد: ديوانية البحرين - دردشة حوامل البحرين - البحرينيات
بخليج الحين
|
رد: ديوانية البحرين - دردشة حوامل البحرين - البحرينيات
حبيبتي اذا نزل ماي شوي روحي المستشفى تطمني احسن خل يشوفون يمكن انفتحتي وعشان الماي ما يقصر على البيبي ويصير خطر الله لايقول
|
رد: ديوانية البحرين - دردشة حوامل البحرين - البحرينيات
كروووشااات اخليكم الحين عندنا الساعه 10 الليل
بقوووم اسووي عشاناا انتبهووو لرووحكم ولنونوااااتكم و مشكورين ع حسن الضيااااافه حسستوني إني قااااعده ببيتي خخخ مع السلااااامه |
رد: ديوانية البحرين - دردشة حوامل البحرين - البحرينيات
حياج الله وربي يطمنج ان شاءالله
|
رد: ديوانية البحرين - دردشة حوامل البحرين - البحرينيات
هلا بنت لاياويد اني كنت ابغي قطن بس ماشفت عنده الا بوليستر متين شوي مووايد وخذيت دراعه خلقها حلو كانه قطن على كتان فيها تطريز يازعم اذا بطلع
ورحت محل ثاني قدام اخذت وحده عليهم تخفي بدينارين خلقها كانه قطن ماعرف اوصف اني وبس الحين ابغي اشياء تنلبس وقت الطلعه حلويات طارقق اي صوب وصفي شارع او مكان بقول لريلي ع الاقل يدليني |
رد: ديوانية البحرين - دردشة حوامل البحرين - البحرينيات
في امان الله تيوووم بالعافيه ان شاء الله :)
|
رد: ديوانية البحرين - دردشة حوامل البحرين - البحرينيات
احلاااااااااااام ام طلع معرض الخريف في نهاية شهر يناير اكو حاطين في الجريده
فتووووووووت وحشتيني والألم عادي راح تحسين به طواااااااااال شهر التاسع اكو اني من امس الم الظهر دابحني والماي ينزل بس على قطرات من بدايه التاسع ولا شفت شي الله المعين بروح الحين ادرس ولدي بكرة عنده امتحان |
رد: ديوانية البحرين - دردشة حوامل البحرين - البحرينيات
ماعرف اشرح بالضبط بس وانتي يايه من الجسر الجديد تروحين يمين جنج بتروحين عراد والحد وتروحين سيدة في اول اشارة اطوفينها الاشارة الثانية تلفينها يسار وعقب تروحين سيدة يمين بتشوفين استديو صحاري على يمينج وتمشين كله سيدة بتشوفين على اليمين حلويات طارق وجم محل كله يم بعض بس اذا مدينة عيسى اقرب لج روحي احسن لان المجمع معروف ولو سألتي بدلونج عليه ومرة وحده تتمشين وتغيرين جو
|
رد: ديوانية البحرين - دردشة حوامل البحرين - البحرينيات
يبغي لي اروح لا مدينة عيسى بعيد علي بشوف الوقت المناسب والله يسهل
|
رد: ديوانية البحرين - دردشة حوامل البحرين - البحرينيات
اقتباس:
صدق المعرضأخر الشهر زين زين إنشاء الله يصير عندنا عافية وقوة لروحته ،قريت ردش من شوي يوم تقوليين شهر 2 المعرض وتميت أفكر أقول اللعام شهر 2 رحت سوريا وأذكر قبل شهر 2 رايحه المعرض ومتسوقه منه الله يسهل عليش ولادتش بس لاتسكتين عن روحش والماي ينزل خيوو راقبي روحش عندنا وعندش خير إحنه بعد عندنا إمتحانات اليهال الله ينجحهم ويهديهم بحق محمد(ص) |
رد: ديوانية البحرين - دردشة حوامل البحرين - البحرينيات
السلام عليكم
هالحزة كلكم رقدتو عقب الغدة .. صار لي جمن يوم ماقدرت ادش صادني التهاب في لثتي ونص ويهي منتفخ والألم ذابحني واصل لأذووني حتى لين بغيت اكل ما اقدر احرك فكي.. ما ادري شنو الحل والمشكلة الألم في اذوني ماقدر اتحمله كله توون وخصوصا لين بغيت اررقد بألم نصفي في راسي .. صج ألم كريه وماعرف اوصفه شلوون الله لا يبليكم.. وانا مارحت المستشفى ولا ابي اروح لانه اخاف من الادوية ومابي اخذ مضادات مولية:( لا يحصل لي اكل حالي حال هالناس حتى لو اقعد او اوقف ماقدر اصلب روحي واحس بخلل في التوازن .. ما ادري من وين طلعت لي هالسالفة وطفلوو متفرغة.. امبدال ما تجهز روحها حق الولادة وتشتري حق بنتها رايحة تتسوق وتشرى حق روحها .. صج انج عبقرينوو .. لا تقولين ريلي مشغول وامتحانات تعرفين تشترين حق روحج بس بنتج ما تعرفين بلا عياررة << ما لي بارض احين اقعد وايد راسي مفتر واذووني توون جنه مسمار يحفر داخلهاا .. بس صوب اليمين وحتى لثتي منتفخة بس يمين والبيبي كله منخش صوب اليمين الله يحفظه بس |
رد: ديوانية البحرين - دردشة حوامل البحرين - البحرينيات
هلا فلونه
والله العظيم تقهرين انتين روحي الدختتتتتتتتتتتتتتتتتتتتتتتتتتتتتتر بطيتين جبدي تخافين من ادويه؟؟ يمكن الحل مرهم وتنتهي السالفه لا تتضاعف الحاله يلا روحي حبيبتي اني ابغي احس بفرحتنا ابغي وياه اتشرى لبنتنا مابغي بروحي اصلا ماعندي داك الاندفاع للشراء احسه يحبطني وايد كل همه دراسته ووقته منبطه جبدي خلني ساكته بس |
رد: ديوانية البحرين - دردشة حوامل البحرين - البحرينيات
ندري الله الحافظ لكن امرنا بالدواء روحي خيو لا تسكتين خوب مو حولان يشوفون دبتش وقولي ليهم حامل اما انتين بعد غير شكل
|
رد: ديوانية البحرين - دردشة حوامل البحرين - البحرينيات
وانا صار لي جمن يوم مادش موول محد يسأل .. صج انكم شسمه بس معليش انا باصير احسن
وانه قبل الحمال ماحب الادوية واحين اكثر من قبل اخاف واوسوس.. جيف المضاد الحيوي ايي بس حبوب ياحظي حتى كريم وقطور مضادات وانا متحملة الألم بس خايفة على البيبي.. احس الالتهاب بيوصل حق الاذون الثانية واخاف يأثر عليه هالفقير .. وعن التجهيزات احين ترى وايد احسن لج انا ثقلت وابي اكمل تجهيزاتي ماقدر امشي وايد وما لي بارض اختار الي اجوفه في ويهي اطخه .. ما عندكم حل غير المستشفى .. اختى تقول لي سخني زيت زيتون وحطيه في اذونج وانا اخاف من هالسالفة جان تنفجر طبلتي او يصير شي خطير الله ليقول |
رد: ديوانية البحرين - دردشة حوامل البحرين - البحرينيات
احس نص ويهي متخدر نوع التنمل حتى نفسيتي معتفسة على اقل شي اتوتر واعصب .. وما لي مزاج حق شي.. ابي اكل بس احرك فكي يزيد الألم وخالتي تقول لي اكلي علوج ويني وين
|
رد: ديوانية البحرين - دردشة حوامل البحرين - البحرينيات
لا حبيبتي ماتكلمين بشه اعرف ان المضاد اشكال والوان لكن روحي احسن انصحش ترى فيه حلول للحووامل ماتاثر ع البيبي هذا يأثر الالتهاب موزين يستمر
وبالنسبه للسؤال عنش اني يوميا تقريبا اسأل لكن ما املي عينش تبغين احاجيش بنبرة الخشونه اللي استعملها وياش عشان تعقلين hwaml4 |
رد: ديوانية البحرين - دردشة حوامل البحرين - البحرينيات
ههههههههههههههههههههههههههههههههه روحي مناك ماجفت شي
لا تحمرين ويهج علي بروحي مريضة حلاتج ادلعني نحيسة .. انا مادش لانه ماقدر اقعد وايد راسي يفتر شدرااج انتي شلون الألم.. حالتي حالة اتسبح وما لي بارض حتى امشط هالعبل يوعانة ولين بغيت اكل ماقدر .. حتى سي السيد الي في بطني يبي يقعد صوب واحد ويترك الصوب الثاني لا اقدر اتنفس ولا اقدر انبطح اتهقين اشيل شلايلي واذلف الدختر :( |
رد: ديوانية البحرين - دردشة حوامل البحرين - البحرينيات
ردت تقول تهقين
الحين بهقهق بخنافرش قومي شيلي عليه الدختر وغطي ويهش لاتخوفين جمن ياهل في الطريق بعد صايره جنش ساحره الويه على صوب يادافع البلا الله لا يبلانه قومي روحي |
رد: ديوانية البحرين - دردشة حوامل البحرين - البحرينيات
هاااااااااااااااي ياحلوين
شوعاملين؟؟؟؟؟؟ بسالكم اول موعد في التاسع يفحصون من تحت؟؟؟ |
رد: ديوانية البحرين - دردشة حوامل البحرين - البحرينيات
العبل تعالي باسويه لش امري لله اذا ماخدمناش الحين متى نخدمش ييبي المشط وتعالي دوري ولا تفرفرين رقبتش تملليني اوقفي سيده
|
رد: ديوانية البحرين - دردشة حوامل البحرين - البحرينيات
حبيبة حسوني النمره غلط ثنتينه مادشينا تاسع خخخخخخخ حارسي اللي لعبو بهم يدخلون ويجاوبون
|
رد: ديوانية البحرين - دردشة حوامل البحرين - البحرينيات
اكلم رفيقتي ع المسن تقول فيه تخفيظات في ماماز مال السيف واصله لـ70% والاسعار حدها فننننننننننننن
اني اروح ويى ياربي منهي تتبرع تروح ويايي ماعمري رحت السيف بروحي ابغي نفرات اروح وياهم :( |
رد: ديوانية البحرين - دردشة حوامل البحرين - البحرينيات
اقتباس:
فلونة ما تشوفين شر روحي المستشفى لان التهاب مو زين ليش ولا للبيبي اي بنات معلومة ترى في الشهر الرابع او الخامس لازم الوحده تسوي تنظيف الي اسنانها |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
انتي احين تنصحيني او تهاوشيني .. والله اخاف على شعري تسحبينه كله في يدج كفاية امخلص من الحمل ويقولون الشعر يصير حلو فترة الحمل .. الا صاير نتفة
المووهم عبقرينوو حتى سيتي سنتر تخفيضات على خرطي يازعم 50%.. بي اج اس 3شبابيك بخمسة دينار وحدهم مافيهم شي سادة عقب التخفيض 3 ونص .. والملابس الداخلية على 8 دينار الطقم ..وص السعر يصير 4 دينار بعد وااايد روحي سنتر بوينت هناك في مذركير اسعارهم معقولة وكواليتي زينة .. باتصل حق هالريل باجوفه يوافق او لا على روحة الدختر |
| الساعة الآن 08:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .