|
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
أم نافجه الله يعوضك ويعطيك لين يرضيك ..ولاتنسي هذي الفترة كثرة الذكر..
انا اليوم السابع من الترجيع ..الله يكتب اللي فيه الخير . |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
السلام عليكم
اولاً الف مبروك للحوامل الله يتمم لهم على خير والله يبشر المنتظرات بالحمل السليم والله يعوض اللي فشلت عمليتها انا جديده بهذا المنتدى كنت ابحث عن موضوع بعدين قلت امر ع تجمعكم راعطيكم بعض الامل انا سويت الانابيب ثلاث مرات المرتين الاولى فشلت وانا حالياً خلصت الثالثه صاري لي 15 يوم وماشاءالله تبارك الله حامل يارب لك الحمد كنت احس بمغص مثل مغص الدوره والم بالظهر من اليوم السادس حللت باليوم العاشر وقالو حامل احس ماصدقت وبكيت واول من بشرت امي وابوي لان ابوي بالمستشفى مريض بالسرطان الله يشفيه وحبيت اسمعه خبر حلو وكان متحمس اني احمل اكثر من زوجي وكل يوم يقول لزوجي لا تخليها تتحرك الله يشفيه ويطول عمره ويفرح بولادتي ويفرح بأخواتي والله يفرحكم جميعاً لكن فيه حاجه مخوفتني وهو الموضوع اللي كنت ابحث عنه انو الاعراض اختفت فجأه من يومين في اليوم 13 صحيت شفت افراز قلييييل لونه بيج ومن اليوم اللي بعده ماعاد حسيت بمغص ولا الم بالظهر كلها اختفت مررره لليوم وموعدي بعييييد لاني مسويه العمليه بمستشفى حكومي بعد 3 اسابيع من اليوم مو عارفه وش اسوي دعواتكم الله لا يحرمنا واللي عندها خبره تطمني الله يوفقكم جميعاً |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
اقتباس:
الله يعوضك حبيبتي ميااسه وتاكدي ان رزقك للحين ماحان موعده ان شاء قريب تفرحين بالحمل بدون تعب اللهم امين سبحان الله وبحمده |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
رايه , رقى و مياسه
الله يعوض عليكم يارب قريبا بحمل سليم يارب والله اني زعلت من قلبي بس ما بنحكي غير الحمدلله و ان شاء الله في ميزان حسناتكم انصحكم تستغلوا شهر رمضان بالدعاء الكثير و الاستغفار قبل المحاولة مرة تانية و ان شاء الله يكتبلكم الحمل السليم قريبا يارب مياسه ... بما انك بالامارات انصحك تشوفي مستشفى الامل الجديد في الشارقة اللي عملت عندهم بصراحة حسيت الدكتور كتير شاطر و مريح جدا للنفسية ... و اذا بدك اي مساعدة او استسفار انا جاهزة كمان طلب بنات لو سمحتولي قبل ما تعملوا العمليه تصلوا استخارة و تدعوا بهالطريقة اللهم إني أستخيرك بعلمك وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم وأنت علام الغيوب، اللهم إن كنت تعلم ( بنجاح عمليه اطفال الانابيب في المركز ... عند الدكتور ..... )، فاقدرها يارب لي ويسره لي ثم بارك لي فيه، وإن كنت تعلم (بفشلها )، فاصرفها عني واصرفني عنها واقدر لي الخير ثم رضني به. و اذا حسيتي باي ضيق او الامور ما تمشي بسهول فما تكملي و ضليك صلي حتى تحسي ان امور العمليه تمشي بسرعة و بتساهيل من الله و الله يكتبلكم الخير يا رب |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
عاليه شخبارج خبرينا كيف كانت رحله العلاج والادويه وكم بويضه طلعت معك وتلقحت والله يتمم لك على خير
|
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
اهلين اختي اخذت الابره التحضيريه وبعدها ب3 اسابيع بدأت ابر تنشيط جونال اف 150 تقريباً 9 او 10 ايام بعدها الابره التفجيريه وقبل يوم السحب طلبت مني الدكتوره استخدم تحاميل سايكلوجست وماشاءالله تبارك الله سحبو مني
11 بويضه تلقح منها 6 رجعو 2 وجمدو 2 ولله الحمد الان انا حامل لكن من بعد اختفاء الاعراض بديت احس بخوف اني فقدت الحمل لا سمح الله |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
لاتخافي ياغاليه وكل يومين سوي تحليل الحمل الهرموني شوفي اذا النسبه ترتفع ف الامور طيبه.. كم كان حجم البويضات؟ واستمريتي على جرعه 150؟؟ لان انا 6 ايام اخذ جرعه 225 واليوم بدات 300 وباجر مراجعه؟ امس كانت معاي 6 بويضات احجامها 7و8و9 معقول يزيد حجمها اكثر عن 2ملم ف اليوم؟؟ اللي عندها خلفيه تخبرني بليز
|
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
هم يعطونك المنشطات لما توصل للحجم المطلوب بعدين يعطونك الابره التفجيريه
انتي حاولي تشربي ماي كثييير وعصير اناناس لما يقولو لك حجمها كويس |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
اقتباس:
مواعيدي فمركز دبي للاخصاب واليوم كلمتهم قلت لهم ابي تقرير تسولي شان اقدمه لمستشفى زايد العسكري للشرطه لانه اذا من طريق الشرطه او الجيش بيشلون تكلفه العلاج كلها هالمره انا دفعت كامل وكان تقريبا العمليه 22 الف درهم واول فحوصات لي 5000 درهم وزوجي 1600 والادويه كانتت تقريبا كلها 6000 الحمدالله على كل شي وفشلت العمليه على فكره يا بنات بقولكم شي انا من رجعت الاجنه يمكن تبهدلت شوي اول يوم انا رحت بروحي للشارجه من بوظبي وظعت لين لقيت المكان لاني مادل وبعد مارجعت الاجنه يمكن ساعه لين طلعت من اماره الشارجه وبعدين ساعتين طريق دبي بوظبي يعني 3 ساعات واليوم الثاني كان عندي مشروع التخرج وكان لازم اروح الجامعه وسويت البرزنتيشن وانا واقفه تقريبا 45 دقيقه وبعدها بخمس ايام بدت امتحانات الفاينل كنت اروح الجامعه وامتحن وارجع كل يوم وطبعن درج بيتنا طويل بس انا كنت مؤمنه بالله وقلت دام مانزل دم يعني الامور طيبه قبل ماحلل رحت المول ومشيت شوي من الملل طلعت ويوم رجعت اكتشفت ان التحاميل خلصت مالت المثبت وكلمت المستشفى يرسلون لي الوصفه على الايميل تخيلو رحت طبعتها ملونه ورحت 3 صيدليات مافي التحاميل لين كلمتهم قالولي روحي مستشفى النور ورحت ولما رجعت لقيت هالبني نازل علي وكانت الام الدوره زايده شوي وبعدها نزلت الدوره انا بنصحكم تأكدو ان الدوا راح يكفيكم اكثر من 15 يوم خاصه تحاميل التثبيت لو تشترون كرتونين افضل وطبعن الراحه :( انا ماتقيدت بهالموضوع ابدن |
رد: تجمّع امهات المستقبل2 للمقدمآت ومنتظرآت نَتِيجَة أطْفآل الأنابيب والحقن المجهَري
اقتباس:
وبنتظم على الجيم بحاول انزل وزني شوي لانه مع الابر زدت 4 كيلو |
| الساعة الآن 10:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .