رد: دردشة بنات ليبيا , دردشة حوامل ليبيا , تجمع بنات ليبيا
 

السلام عليكم اهلين سوسو ليبيا تشرفت بمعرفتك وشكرا ع الترحيب وانشاء الله ربي يوفقك وانما الاعمال بالنيات ياحبيبتي hwaml29

رد: دردشة بنات ليبيا , دردشة حوامل ليبيا , تجمع بنات ليبيا
 

السلام عليكم
كيف حالك سوسو
الف لاباس عالسنافر
والله مالحقت نقرا شن كتبتي
انا من امس غاطسة نتعلم في الفيس بووووووووووووووك
واخيرا سجلت فيه
بس خايفة تجيني منه مشاكل
من منكم مسجلة وقولولي كيف تتصرف في استخدامه طبعا نبي
ندخل لصفحات البنات بس ونتكلم مع البنات بس
سوسو في صفحات في الفيس بوك يعرضوا في بضاعه وانتي اختاري وتوصلك لعندك
وحق التوصيل 5 او 10 دينار

رد: دردشة بنات ليبيا , دردشة حوامل ليبيا , تجمع بنات ليبيا
 

كيف حالك ياام اجنادين انشاء الله كويسه والله حتى اني ما نعرفه الفيسبوك راجلي ديمه ايقولي دوته فاضية لكن ضروري بنتعلمه hwaml5

رد: دردشة بنات ليبيا , دردشة حوامل ليبيا , تجمع بنات ليبيا
 

حبيبتى اعرى وبالنسبة للطبخ

الطبخ فن

واسرع طريق لقلب الرجل معدته

تعرفو اكتشفت انه فعلا المثل هدا
يللى نقصده
انى لما ندير حاجة لزوجى وتعجبه يفرح ويصير يمدحنى

والزوجة لازم تعرف شن زوجه يحب وشن مايحبش
وطبعا السنة الاولى او حت الستة اشهر الاولى كافية لتعلمى مايحب زوجك من اصناف ومايكره

ولكن مع هدا
حاولى ماتخليش الكرش يطلع خخخخخخخخخ مشكلة الليبين

يعنى مرة بعد وين عشاء رومنسى لاباس بيه
لكن مش كل يوم وليمة على العشاء

لانك حبيبتى الزوجة انت طبيبة الاسرة
بيدك تقدرى تقدمى الاكل الشافى والضار

ديما حاولى تشكلى وتفننى فى الاشياء التىي يحبها زوجك
لان دلك سيفرحه

وحاولى ان تحبى مايحب زوجك

لان مثلا انا كنت نكره الاكل البحر ومانعرفش اندير الحاجات الغريبة زى القمبرى والقرنيط

وزوجى يعشقهم
فى الاول صار هو يعلمنى ومحلاها اللقطة لما زوجك يعلمك حاجة
وبشوية بشوية صار يحاول يحببنى فيه

وتوا انا اعشق الاكل البحرى
واتقنه وماهرة جدا فى صناعة الاطباق البحرية
واعلمى من يقف فى المطبخ هو طبيب الاسرة المسؤول عنها

والاهم الاسرة الكبيرة
امتعينك
ماتاكلى عليهم
شىء
تعرفو انا متربية فى حوازة وعندنا عادة ان ندوقو بعضنا ديما
ولما تزوجت
بديت نطيب على حساب عيلة مانعرفش نطيب لشخصين
ولهدا كنت يللى انديره لازم صونية لاتعينى
لدرجة لما ندزلهم حاجة يعرو انى انا اليوم مطيبة

وبعد سنة من زواجى لما حماتى نخطبت وبتعرس
قالتلى حاجة حللللللللوووووووووةةة
وفرحتنى هلبة

وهيا انها قالتلى انا بندير زيك مع امتعينى ماناكل عليهم شىء ونحسبهم فى كل شىء

طبعا هدا مش ضرورى ولكنه من باب العطاء والحسبانية
ولقطة حلوة منك
او ان زوجك يرفع صحن لامه ويقدمه ليها طبخة من يدين زوجته محلاها اللقطة

ولازم تتعلم الكنة حاجة وهى ان تنخرط فى اسرة زوجها كبنت لهم وليست كدخيلة
بصراحة نعرف حدة ماشاء الله عليها

من اسبوع عرسها نازلة تغسل معه فى الماعين
وخاشة فيهم

ووحدة تانية لبعد السنة ونص باش بدت تساعد فى عزوزتها فى الحاجات البسيطة

فخليك دكية واعرفى كيف تاخدى دوق كل واحد
الشيبانى يحب البازين والعزوز تحب الحلو
والعزارة يحبو الفتافيت
انا سلافى يحبو المهلبية فى رمضان فديما نحاول نعملهالهم

رد: دردشة بنات ليبيا , دردشة حوامل ليبيا , تجمع بنات ليبيا
 

بنقوللكم صايره فيا حاله لا نوم في الليل لافي النهار عندي حكه في بطني مهبلتني ياناس ماخليت زيت ولاكريمه الاودرتها وأمس الدكتورة وصفتلي كريمه متاع علامات التمدد متاع البطن وقاعده مهبلتنيhwaml15

رد: دردشة بنات ليبيا , دردشة حوامل ليبيا , تجمع بنات ليبيا
 

اهلا بالحلوين
والله شوفو انا ماليش هلبة فاتحة صفحة عالفيس
بس فعلا دوته فاضية وديما فايتته ونجيكم هنا والله هنا احسن بالف مرة
دوة فاضية
المشكلة يللى فيه كله صغار وجيل جديد يللى زعميتهم بيقودو الامة فى يوم من الايام
والله قلبى متقطع عليهم وعلى هالحال لان عالفيس داهب شيرتهم
ومايطلعوش منه بكل لا ليل لا نهار

ونعرف حتى بنات كبار ومتخرجات وفيه حتى المتزوجات وتلقيهم طول اليوم عليه ويهدرزو ولاد وبنا

كان حاجة فيها تمرة باهى
فى يللى يسو ومايسواش

وبصراحة انا مرات نخش الكدب حرام
ولكن مش مسجلة فى اى منتدى
نخش ندير تشك على صفحتى ونحفظ الصور الدينية يللى تعجبنى ويللى فيه فايدة ناخدة والباقى نرميه
ومتعرفه على صاحبات من معظم انحاء ليبيا نهدرز عليهم مرة مرة

هو كويس للحاجات الكويسة
لكن العافن يجبد الباهى معاها

ومنه الجيل الصغير تعلمو السراكة حاشاكم

على العموم اجنادين اعطينى اسم صفحتك باش نتعرفو على بعض اكتر

رد: دردشة بنات ليبيا , دردشة حوامل ليبيا , تجمع بنات ليبيا
 

ممكن مدايرة عملية قبل ولاحاجة
انا مكان الجرح ديما يحك

رد: دردشة بنات ليبيا , دردشة حوامل ليبيا , تجمع بنات ليبيا
 

لالا بكرية ياسوسو في التاسع توا قالتلي الدكتوره العسل فاخم وبطنك تبي تتمدد هدا علاشhwaml5

رد: دردشة بنات ليبيا , دردشة حوامل ليبيا , تجمع بنات ليبيا
 

ليا مايقارب شهر بادية نعلم فى ولدى خشان الحمام طبعا باديين من الصفر والطريق طويلة
خخخخخخ ان شاء الله لا
بس نحاول معاه بشوييييييييييية
بس توا اسبوعين دروس مكثفة
الشمال فى النوم بس القايلة هدا لو رقد القايلة
وفليل

وتعرفو عكس الناس مايحبش نديرله ميه قبل مايتبول

نفكر انه فى الشتاء كيف بيصير رح يتجمد لو زوجى محنش علينا ودارلنا ميه سخونة فى المرحاض

وطبعا نحن مرحاضنا فرنجى مسكين ولدى تعله ويركب بروحه ماشاء الله عليه

نعرف وحدة بنتها ناشطة وتعلمت بس لما خش الشتاء ماصارش لانه البنت تبدا زرقة من الصقع

طبعا حاشاكم
بس حاليا مهوسة
كل دقيقة نسأله ومع هدا مرات يعملها مسكين ونحاول قد مانقدر مانكشخش عليه
باش يعنى مايصيلاش حالة نفسية ويعملها وهو نايم وتستمر لما يكبر


خخخخخخخخخخخخخخخخ بالتفصيل الممل
تخيلو البارح والله هو مش البارح الصبح بعد 7 ونص لما حصلت شوية نوم

حلمت بروحى اندخل فيه الحمام ههههههههه

رد: دردشة بنات ليبيا , دردشة حوامل ليبيا , تجمع بنات ليبيا
 

امممممممممممممممممم هدا علاش
التمددات تسبب الحكة
امى زمان رابع بيبي والحكة قتلتها فى كل جسمها

طبعا انا لما كنت بكرية
بعد ماجبت
تضايقت هلبة من العلامات التمدد وصرت همى انى نزيلها وشريت كريمة غالية
بس اكتشفت انها مش رح تمش والكريمات فقط للحد من ظهورها