المشاركة الأصلية كتبت بواسطة mishael (المشاركة 2713554)

اكشن ولادتي ،،،
طبعاالاغلبيه كان يعرف ان معي تحجر وقساوه من يوم الاربعاءيوم الخميس والجمعه بطني زاد قساوه ومالان ابدددد حتى لمايلمسه احد يوجعني
قالت لي وحده سوي بخور البصل ترا يريح ويلين البطن مو شرط ولاده عقبه ،،
لما رحت عند امي قالت نسويه لك عشان تلين بطنك وتتحرك البنت ،،
سويته وتدفيت والمغرب تروشت بمويه دافيه لان كان يخخخنق بريحته وخفت يخنق النونو صارت تتحرك ولان بطني شوي ،،
رجعت لبيتي وعالساعه 12 ونص كني حسيت بطلق واساسا كان ظهرري يوجعني وكانه مقسوم من الخميس ،،

وقمت ورتبت البيت قلت احتياط وسبعت مواعيني وفضيت الثلاجه ورتبت عالخفيف وسويت سشعري استشورته ماكنت حابه اولد وانا مبهذله ،
وتذكرون كنت اقولكم عن الحساسيه واني تعبت وان الام كانه زاد نمت تقريبا من وحده ونص لثلاث وصحيت من بعدها على طلق
كتت اقول يمكن ماغص او امساك او يمكن التهاب فالبول
عالفجر ماارتحت قلت اروح اشوف طبعا بعد ماتروشت ثاني مره بس جسمي بمويه دافيه ولبسة وصرات اكل رطب وامشي واقرا الزلزله
ولما رحت كان زوجي ناوي يداوم ذاك اليوم بس قال بقعد معك لحد ماتولدين
دخلوني غرفه كبييره فيها اسره وستاير وخفتتت من الحريم يجون وهم يااالله يتحركون ،،
وركبو علي جهاز الطلق بعد مالبسوني وجردوني وبدا الخوف الجهاز غريب حق التخطيط وكل شوي اقول لا اللحين بيقولون لي ولاده
واحس من الخوف زادة الالم كنت كل طلقه اشم ورده واطفي شمعه وزوجي يكلمني واقوله ابد شكلي ساعه ساعتين وانا والده اكيد
مرة علي الدكتوره وليتها مامرة يمكن خيره ماادري الله يجعله المهم كانت متدربه سألتني انتي باي شهر قلت بالتاسع على بالهااني مخلصه التاسع
شافت التخطيط منتظم بس متفرررق قالت بكشف عليك ولما كشفت خانتني وسوة تحريض يوجع بس حق ثواني مو اكثر قالت انتي رحمك مفتوح بس انا شلت السداده عشان بسرعه تولدين الممرضه صارت تصارخ عليها وطلبتلي الاستشاري طبعا انا مااعرف انقلش الا شي بسيط
واللي فهمته انو قبل التحريض رحمي كان فاتح ثلاثه ولما جا الاستشاري قالت له انه فاتح اثنين بس
قالها المفروض صبرتي وانو التحريض المفروض تكون عندها مشكله او مخلصه شهرها من اسبوعين كان تركتيها تمشي وترجع بعد كم ساعه تاخذين لها المقاس ونشوف المهم صار اللي صار وتركوني منومه ،،


بعدهابثلاث ساعات طبعا الطلق من بعدها زااد وجتني متدربه ثانيه قالت بكشف عليك قلت لا اخاف توجعيني وماابي هالمتدربات يلعبون فيني طبعا صرنا بعد الظهر والمويات مانزلت الاخفييييف مجرد رطوبه وزوجي داق على امي بس مارضو يدخلونها قالو اذا دخلت غرفت الولاده دخلتي عندها ،،

رجعت لي المتدربه وكشفت وكان اربعه وسوتلي توسيع وهي تكشف طبعا ماشاورتني بس كنت احس فيها واصارخ عليها ولاني اعرف ان الكشف يكون بسيط ومايألم زي كذا
قبل العصر جتني الممرضه قلت لها ابي اطلع عشان امشي ويفتح الرحم لاني تعبت قالت تبين تطلعين ولاتاخذين مسكن ابره من الورك ،، قلت اخذ المسكن وصرت كل بين طلقه وطلقه انااااااااااااااااااااام لان انهد حيلي وانا اساسا كنت مهدوده ،،
على اذان المغرب خلاص دخلوني غرفت الولاده وللحين الطلق كان بعيد عن بعضه بس كل ماله يحمي زياده
المهم بعد مادخلوني جاني دكتور سلم وبكل ثقه اخذ الجوانتي وبيكشف قلت لا معليش انا مااقدر كيف اغطي وجهي واكشف له عورتي ماقدررررررة صار يصارخ علي ومر متفاهم ابدددد ومعصب وانا اساسا كنت شايفه دكتورات عند باب الغرفه يعني يكذب علي قالي مافي دكتوره قلت معليش استنى وانا كنت ابكي خوووف وقلق وماابغى دكتور خصوصا متدرب وصغير بالعمر وانه فيه دكتورات انا كتت اقول دكتوره صغيره ماابيها ابي دكتوره كبيره بالعمر تكون فاهمه وشاطره
قالي اسمعي دكتوره مافيه والممرضه ماتولدك تفهمييين ماافي غيري رضيتي ولا انتي المسؤله حسيت نفسي ضعيييفه وخففت منه وسمعت الممرضه تقوله بعد ساعه ونص بتجي ناقبه يبدا دوامها قلت معليش ابي الناقبه مع اني ماادري وشي الناقبه طللع الممرضه بطرف عيني وصارخ علي قال مافييه افهمي اتكلم عربي قلت خلاص عطني ابرة الظهر واستنى لسى الطلق بارد معي مليش اذا تعبت او تعب الجنين يصير خير ساعتها
طلع وقام يتنيحس علي منع امي تدخل علي وكل مادقت الممرضه تطلبلي دكتور الابره يقولها استني شوي يبني اتعب او ماادري شسالفه
راحت ممرضه سعوديه دخلت لي امي بالتهريب وكانه محد انتبه لها وراحت امي وكلمت الكونتر وطلبولي دكتور ابرة الظهر دكتور سوري عساه ياربي بالجنه اخلااااااق ونفسيته زيييينه وصبوووور راعئ نفسيتي كنت ابكي وتعبت من السهر والطلق وكان الطلق معي كل عشر دقايق
هداني وصبرني وبعدها عطاني الابره كتبت لكم تفاصيلها وقالي مالها اي مضاعفات حطلي قبله بنج موضعي عشان مااتحرك وفزيت شوووي بس الحمدالله مااثر وبعدها جتني الناقبه صوماليه مسلمه متحجبه كبيره تخاف ربها حسيت ان الدنيا فرجة لي اللهم لك الحمد كل مالها الامور تتحسن كشفت علي وانا كنت خاااايفه بس مشاءالله عليها ماحسيييييت ابددد قالت لي فاتح خمسه ولازم نستنى للعشره قلت طيب طبعا صرت مااحس بالطلق وصار يجي كل ربع ساعه يعني رجع يبرد بعد ماحمى بس كنت اسمع طوت الجهاز واحس بدف فاعرف انو طلق
امي صارت تقرا علي وكانت جايبه معها زيت زيتون وحاطه معه حبة البركه وحلتيت دهنت ظهري وارتحت نمت الى تسع وحطتلي طلق صناعي والحمداللله ماحسيت بشي وقالت ارتاحي الى عشر الا ربع ونمتتتت قمت على الدفع وقالت بكشف والحمداللله صار عشره ونص
قالت ادفعي صرت ادفع واللحين عرفت فايدة المشي لانك تمسكين رجولك وتزحررين حاولت وحاولت وحاولت ويخلوني ارتاح واخذ نفس طبعا رجع الدكتور
وكان يبي يثبتلي ان الناقبه بتعبني واني انا الخسرانه طبعا كان عندي ممرضات كثير فلبينيه وافريقيتن غير الناقبه وتهاوش مع اني وقالها ان ضغط الجنين وحرارته مرتفعه وانتي المسؤله نفسيته شييييييييييييييينه وجايب معاه دكتور ثاني بعد والناقبه ماقدرة تتكلم لانها ناقبه صارت تقولي ادفعي لاتوقفين عشانهم وهي مغطيتني اني طردته وهددته تشتكيه على الاداره وجابت سيرة شخصيه معروفه ودقت قدامه على السكرتير تبعها بعدها طلع هو واللي معه وهو يهددد ويصارخ وانتي المسؤله بعدها دخلت علي دكتوره سعوديه قالت وشفيكم قلت لها انا خايفه ماابي اولد خلاص طلعوني قالت اتطمني انتي اللي حرارتك مرتفعه مو الجنين والضغط كويس ماعليك منه بس هو كذا نفسيه وصارة تساعد الناقبه وبذلة اقصى جهددددددددد وقبل لايطلع وسعتله بالمقص شوي والحمدالله طلعت عال11 ونص نسيت ل الام والتعبب والاهات لما سمعت صوتها وكانت زرررقااا من الطلق البارد نظفوها وحطوها على صدري نظفوني وطلعو المشيمه وبدو بالخياطه وماحسيت الا اخز غرزتين
من ابرة الظهر طبعا
ونظفوني ورتبوني ودخلو زوجي عندي وشاف بنوته مدري ليش مادخلوني الكشك البارد اللي بعد الولاده اللي دايم يقولون عنه
البنت لبسوها من عندهم مارضو البسها وخلوني ارضعها واتعشى واغسل واغير ملابسي وارحو امي وزوجي وارتحت لي ساعه بعدها ودوني غرفتي وكل هذاك كان بغرفت الولاده ،،
صاار تعييير وقصة حيات ،،
نصيحه لما تروحون للمستشفى اذا كشفو عليكم والطلق بارد قرلو لدكتوره الطلق حامي ولا نطلع نمشي لا تجلسون ولاتكثرون اغراض معكم ملابس بنتي رجعتها مالبستها ،،
ادعولي بكرا تطلع ،،