|
رد: حبيباتى سيدات ليبيا تفضلو لأعرف ما حالكم
ام فروسي حبيبتي هوني عل روحك ممكن اماثره فيكي الحلمه لي حلمتيه "متوسوسيش روحك اومااتخليش جو الكائبه اياثر عليك"انا بروحي مضايقه بس مش عارفه السبب او من ابسط الاسباب نقعد نبكي قلت ممكن لانه الحوش ماززال فاضي او لان نفس الحوش جديد عليا بس الحمد لله ربي العالمين مصيري نبي انتعود عليه اقري سورة النور او يس او يوسف "من اوشي" الحمد لله لما قريتها تريحت اشويا
|
رد: حبيباتى سيدات ليبيا تفضلو لأعرف ما حالكم
اقتباس:
اي والله عزيزتي اثري كأنك تقري فيا الغربه واخده دور رئيسي اكيد..ومش عارفه كيف لي قاعدين سنوات طويله ومنسجمين ومتسكين بأخر لحظة ف سقطو التأشيره والبقاء هنا صح بلد متطور .. نظيف .. مثقف اغلبه.. بس مع ذلك الواحد يرايف ع تراب وشمس بلاده الحاارقه وأصوااات الاذان ونسمة الفجر العليله لي طعمتها غير في ليبيا رايفت ع هلي واجد وكل ناسي .. ووضع البلاد وجعني لعل اخري فترة اثر فيا ضابط انقتل مع ابنه عمره سنتين وزوجته وبنته ف بنغازي بعد تفجير سيارتها بمنطقه قريبه من هلي جدآ .. وجعوني بجد لعند امتي هكي .. واثر فيا لي صاير ف طرابلس خصيصا ان زوجي متابع الموضوع لحظه بلحظه ع نت يعني شفنا حتي الصواريخ من قدام فندق المهاري واخيرآ كثرة الكوابيس لي معش فهمتها مرة مصابة بسرطان التدي عافانا الله واياكم ومره غضب والدتي عليا وهالحلم استمر 3 ايام؟؟؟ ليللات ومره خالي المتوفي والعزيز ع قلبي بأني معاه في خندق تحت الارض وتركوني اهلي جميعآ واخرها اليوم حلمي بسيارة زوجي الجديد..؟ وسرقتها وتنديمي لزوجي في الحلم بأن اتسرع في شرائها قبل السفر وبميبلغ25 ألف..؟ وغيره أحلام او كوابيس مخيفه حتي زوجي قالها ليااا لدرجة قعد يرقي فياا ديما هو كان هكي ايامات الحمل ديما ومرضي.. والله ماني عارفه السبب بس بجد كرهت النووم ومانبيش نذكر كوابيس لي فيهن الاء وفراس لانهن يبكن فيا |
رد: حبيباتى سيدات ليبيا تفضلو لأعرف ما حالكم
اخواتي الغاليات ان شاء الله كلكن بخير
ام نوزه عزيزتي ديما ف البال قلبي الصفحات وحتلقي كلامي ليك بس هي اخر فتره مادخلتش وااجد |
رد: حبيباتى سيدات ليبيا تفضلو لأعرف ما حالكم
اقتباس:
اهلين غاليتي ان شاء الله .. اهو نلعب مع العيااال وننسى حلو جو الطفوله ابرياء مش عارفين شئ .. الا عالمهم الجميل نجيبهم جنبي ونقعدو نلعبوا مع علو ضحكاتهم وفرحتهم ننسي كل الهموووم .. وحالة اللي صارتلك صارتلي بس مش لدرجة البكاء اول ليله بتتها في شقتنا الجديدة بعد تمت عدت كلها وساويس وكأنها مش عاجبتني واضايقت رغم ان كل اللي يجي ينبهر بها وتعجبه لين بعد يوم و 2 قعدت نقتنع بأنها حلوة .. وتأقلمت وقعدت شهر بس فيها وسافرت |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم جميعا بدون استثناء الباين غياب هلبه شموسه أكيد تغير عليك جو البيت حديد وماتتسيش ان الحمل حتي هوا يأثر تغير في الهرمونات وغيره أقرئ القرآن وتشغيل نفسك باي شي يلهيك ونفس الشي ان فروسي والله حال البلاد يبكي بس الغريب لما تقولي انك متكدره من اجل وطنك يقولوا انتي مش حاسه بعيده عليها بالعكس ممكن اكثر أشخاص يتأثروا هما المغتربين مع الغربه وزياده كل يوم خير أسوأ من الثاني علي البلاد بالاضافة الي انك شفتي التطور اللي فيه البلدان الاخري فتتحسري علي بلادك وتتمة بها تكون هكي او اكثر مش غير العلم او التكنولوجيا تأثر فيك بس مواقف الناس رغم انهم مش مسلمين راح نحكيلكم علي موقفين صاروا معانا ام فرأس عليك بالصدقة حبيبتي انا عارفه انك مش مقصره بس زيدي شويه هالايام |
رد: حبيباتى سيدات ليبيا تفضلو لأعرف ما حالكم
مشينا الي مووول تسوق كبير
وتمنيتكم معاي لانها ماركات عالميه روائح ومكياج وكله يبي مشاركه في الاختيارات خصوصا ام فروسي عندها فكره ماشاء الله ألقيت عطر شانيل ب 100دولار والعلبه حجمها كبير وإلا الشيلان بالقفازات عجبني واحد كريمه فيه فيوكه تايقر مع القفازات لو رجعنا ثاني بناخده وخديت شامبوا بالبلسم متاعه يشكروا فيه في الفيس هديته ب 4 دولار وقالوا انه ب 30 في ليبيا والله اعلم |
رد: حبيباتى سيدات ليبيا تفضلو لأعرف ما حالكم
بعد ماكنا في سوق كبير مشيناله قالو انه فيه
خبزه زي خبزه ليبيا واحني طالعين قعدنا نستنوا في الباص جنبنا مراه كبيره في السن قالت لو سمحتوا انتم مسلمين نبي نسالكم سؤال طبعا قولنا تفضلي قالت عندي زي قطعه الفرش عليها رسومات وزخرفه لي صديق مسلم ماعرفتش شن أندير بها قالت هل هيا مهمه فهمنا انهاالصلايه قالت تستخدم للصلاه فقلنا ايه للصلاه قالت هل هيا تورثوا فيها لابنائكم واحفادكم هيا تبي تعرف مدي أهميتها للمسلمين تخاف تتصرف غلط فيها وخايفه الشخص اللبس نساها يدور عليها فتبي ترجعهاله قلنا لها لآل عادي يشري غيرها وقالت هياعاجبتني عادي لو علقتها علي الحيط بصراحه عجبتني وعجبني تفكيرها واحترامها للديانات الاخري وبعدها ركبنا في القطار واحني داخلين في واحد كلم زوجي قاله لتحكي عربي انا شفتله ألقيتها معلق سلاسل في رقبته كلم زوجي قاله انا عراقي المهم حاول يفتح دوه مع زوجي وفي الأخير طلع يبي فلوس فرق كبير بين الموقفين |
رد: حبيباتى سيدات ليبيا تفضلو لأعرف ما حالكم
الســـــــــــــــــــــــــــــــــلام عليكم
ورحمة الله وبركاته كيفكم بنات ؟؟؟ مافيش أخبار على جيجي و أموووووووووولة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: حبيباتى سيدات ليبيا تفضلو لأعرف ما حالكم
أم فروســـــــــــــــــــــــــــــــي
يا هلا عمومـــــــــــــــــــــــــــــــــــــــا حاولــــــــــــــــــــــــــــــــــــــي أن تحدي من هذه الكوابيس بالآتي ** عدم تكرارها ** عدم التفكير فيها لأنها من الشيطان الذي يهدف إلى بث الحزن والكدر في نفس المؤمن وحينما يجد تقبلا لخططه الجهنمية يضاعف الجرعة ولهذا كان من السنـــــــــــــــــــــــــــــــة تأملي هذا السؤال وإجابته ،،،،،،،،،،،،،،،،،،، ارجوا إفادتي عن بعض الكلمات التي ارددها عند رؤية حلم مزعج؟ ثبت عن رسول الله عليه الصلاة والسلام أنه قال: الرؤيا الصالحة من الله، والحلم من الشيطان، فإذا رأى أحدكم ما يكره، فلينفث عن يساره ثلاثاً وليستعذ بالله من الشيطان ولينفث عن يساره ثلاثاً ثم لينقلب على جنبه الآخر فإنها لا تضره ولا يخبر بها أحد، هكذا السنة، وفي لفظ آخر يقول صلى الله عليه وسلم: إذا رأى أحدكم فليحمد الله، وليحدث في ذلك من يحب، وإذا رأى ما يكره فلينفث عن يساره ثلاث مرات، وليتعوذ بالله من الشيطان ثلاث مرات ثم لينقلب على جنبه الآخر فإنها لا تضره، ولا يخبر بها أحداً، هذا يا أخي هو السنة. للشيخ عبد العزيز بن باز ~~~~~~~~~~~~~~~~~~~~~~~~~~~~~~~~~~~~~~~~~~~ وتفائلي خيرااااااااااااااااااااااااااااا واشغلي نفسك بأي نشاط جديـــــــــــــــــــــــــد ما هي أخبار حفظ كتاب الله ومراجعة ماتم حفظه ؟؟؟؟ |
رد: حبيباتى سيدات ليبيا تفضلو لأعرف ما حالكم
أم نووووووووووزة
كيف حالك ؟؟؟ وحال الأولاد ؟؟؟ طبعا الولد في اللغة يشمل البنت والصبي ربي يحفظهم سوسو غياااااااااااااااااااااااااااااااااااب |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكن خواتي ..
ايش اخباركم كلكم بدون استثناء مع تمنياتي لكل مريضة بالشفاء ... ولكل ذات حمل بالخلاص الجميل والميسر ولكل منتظرة ان يمن الله الكريم عليها ببهجة وفرحة تسجد لها شاكرة كرم وعطاء الوهاب.. ولكل ذات هم وكرب . الفرج القريب من العلي القدير القادر ان يقلب همها فرجا |
رد: حبيباتى سيدات ليبيا تفضلو لأعرف ما حالكم
فروستي بعيد السو عليك ..
وكيف ماقالت لك اثري حاولي تنسي |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
وينكم بنات
اموله بخير الباين مازالت جيجي مش مبينه هيا وسوسو اوشي شن اخبارك وشن صار عزمتي العروس وشن قررتي بتهديلها اثري شن اخبار وليدك وروح زوجك او مزال شموسه وفروسه ربي يطمنا عليكم احساس مجرباته الجسم في الحوش بس الفكر والقلب مشغولين ومضايقين من غير سبب ان شاء الله ربي يفرج كرب الجميع دعواتكم لي حبيباتي في تحصيلي العلمي وفي حياتي الزوجيه |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكن خياتي الحبيبات ... المنتدى موحش من غيركن |
رد: حبيباتى سيدات ليبيا تفضلو لأعرف ما حالكم
اقتباس:
هلا جنودة ... شخبارك ياحبيبة واخبار دراستك .. لا مازلت ما عزمتش العرسان لانه مازال يجن في ذبايح عندي هلي غادي يعني مازال العرس مانتهى لعند امس ذبيحتين وحدة في الغدا ووحدة في العشاء وقررت نهديها خاتم حتى انا لان الفلوس اللي عطيتهم الها رمزيات ربي يوفقك في حياتك العلمية والعملية ويعطيك كل ماتتمني |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم جميعا بدون استثناء
والله امقصره امعاكم بس والله برده اوزكمه انا ولعيال وجو والوضع جديد عليا والحوش امسقع وامجمد قلت الزوجي بلاش منها السفره اوناخذو اثاثنا من هنا بس هو رفض او اصر عل المشيه لانه ابروحه ملزوم بلشغل اومنها تفريجه عل النفس بس يرجى في وضعي الصحي من ناحية الحمل ايتماسك اشويا |
رد: حبيباتى سيدات ليبيا تفضلو لأعرف ما حالكم
ولي فيها خيره يختارها الله قالي شوفي دكتورتك او اساليها عل وضعك بلنسبه لسفر اتصلت ابدكتورتي القيتها اجازه
|
رد: حبيباتى سيدات ليبيا تفضلو لأعرف ما حالكم
اليوم نبي نطلع نبي ناخذ كبابيط لعيال او كنادر اونا نبي بيجامات ددافيه او كندار صوف
|
رد: حبيباتى سيدات ليبيا تفضلو لأعرف ما حالكم
جيجي ياربي اتكوني جايبه او فرحانه ابنوتك
|
رد: حبيباتى سيدات ليبيا تفضلو لأعرف ما حالكم
نمشي نبدا في غداي نبي اندير شربة عدس اودجاج في الفرن اورز ابيض
|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
توحشتكم شن اخباركم حبيت انطمنكن اني الحمد لله الحمد وكل الشكر لله من ساعه خشيت لحوشي ومعاي احلي جمان في العالم ربي يحفظها جبتها قيصري والحمد لله علي كل حال انزادت الامورة يوم السبت 9/11 العمليه الساعه 5:30 تعبت هلللبه وللاسف قاعده تاعبه تو نحكي كل شئ اول مانفضي جبت في مصحه الفتح وخاشه من الاي باد الله اعلم كيف طاعه الكتابه سلام توة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله تبارك الله .. ربي يحفظهاا والحمدلله على سلامتك،، ان شاء الله بس ماتعبتي واجد هو الله غالب التعب ضروري منه في الولاده وتعب عن تعب يفرق .. الحمدلله انك جبتي على خير وقمتي بالسلامه وانتي وبنوتك الحلوهـ عقبال أمـــوله يـــاربي هالايام تجيب واتريح... وان شاء الله ربي يحفظها ليك هي واختها الحبوبه وفي انتظار قصة ولادتكـ,,, وشن ردة فعل رنوده مع اختها عادة الاكفال يغااارو ؟؟ |
رد: حبيباتى سيدات ليبيا تفضلو لأعرف ما حالكم
اقتباس:
ان شاء الله عزيزتي ونفس ماحكيتلك وحنتبع نصائحك انتي واثري ان شاء الله |
رد: حبيباتى سيدات ليبيا تفضلو لأعرف ما حالكم
غاليتي اثري فعلآ اني لا احكي الكوابيس بس حبيت نوضحلكم كل الامور بهالفتره وحكيت الاهوون
ونحاول اني بعد انوض مفجوعه اندير نفس ماوصانا رسولنا الكريم عليه الصلاه والسلام من صغر سني واتبعها .. وحتي اني انوض عادة من فراشي ونشرب اميه طبيا يقول كويس شرب الماء بعد الكابوس المزعج يعني متبعه الشيئين حسب السنه والطب ولو انسيت زوجي ابسط شئ ينوض وديما يذكرني .. الحمدلله امس واليوم حالي كويس.. ورديت للصياام .. وبديت نشغل نفسي ببعض الاشيااء ..والحمدلله على كل حااال |
رد: حبيباتى سيدات ليبيا تفضلو لأعرف ما حالكم
جنوده ان شاء الله ربي يوفقك في دراستك
ويرزقك الذرية الصالحه يااارب .. |
رد: حبيباتى سيدات ليبيا تفضلو لأعرف ما حالكم
اقتباس:
ماشالله الله ايبارك جيجي مبروووووووووك البنوته اوربي يحفظها لكي وايباركلك فيها اوتربى في عزك او عز بوها الف الحمد لله عل السلامه اول مااتفضي احكيلنا التفاصيل الولاده |
رد: حبيباتى سيدات ليبيا تفضلو لأعرف ما حالكم
سوسو صار طلعتي زميلتي في الاكزيميا بس انا في الاصابع بس
تعرف باكزيما الاظافر ..من تحت الظفر لعند نصف الصبع وفعلا الطماطم والوراكينه(البوطاس) والغسول حتي عجن يعتبرن مهيجااات وان شاء الله الطب يطوور وانحصلوا علاج أبدي لهن وووينك غياااااااب ان شاء الله خير |
رد: حبيباتى سيدات ليبيا تفضلو لأعرف ما حالكم
شمووسه صحه غداااك وحسيت ان منطقتكم مسقعه او الحووش بم انه مازال ماتفرش وبلا اثات مسقع..
وشن جو بنغااازي هالايام بالنسبه للصين لو كان زوجك مظطر ان يمشي عمل يعني فامشوا وغيروا جو لكن لو كانت من اجل الاثااات ف بصراحه انصحك بالاثات التركــــي أجمل وأبسط |
رد: حبيباتى سيدات ليبيا تفضلو لأعرف ما حالكم
ان شاء الله نطمنوا على اموله
|
| الساعة الآن 12:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .