|
رد: ديوانية البحرين - دردشة حوامل البحرين - البحرينيات
شغل البيت مايخلص وايد تعب انا ظهري احسه منكسر ، اذا انتي في الخامس يبين ترى شنو فيج ، انا امي تقولي نساتج وايد ثقيلة معناته فيج بنيه ههههه ، شكلج ماتغير؟ في اماكن في جسمج اغمجت ولا يمكن تو الناس على هالسوالف
|
رد: ديوانية البحرين - دردشة حوامل البحرين - البحرينيات
بنت الاياويد
مو شرط اذا نساتها ثقيلة تييب بنية لانه انا نساتي كلش خفيفة ولله الحمد بس كرهت الجماااع فقالوو لي ناس وايد اذا فيهم بنية يكرهون الجماع والله اعلم |
رد: ديوانية البحرين - دردشة حوامل البحرين - البحرينيات
اي عدل كلامج مو شرط بس على كلام امي اقولج وتقولي الي فيها بنيه على طول كله تبي ترقد اما الي فيها صبي تكون نشيطة والعلم عند الله طبعا
|
رد: ديوانية البحرين - دردشة حوامل البحرين - البحرينيات
بنت الاياويد // اذا على حجي الامهات ترى واايد انا امي تقولي فيج بنية لانه سمرت وخشمي صار جنه كورة مع ان توني في الخامس وكل من يجوفني متغيرة يقولي فيج بنية ,,, بس نساتي ما كانت ثقيلة وايد عكس اختي كانت في بيت امي اول ثلاثة اشهر لانه تعبت في نساتها وايد بس بشرتها فتحت عن قبل وما تغيرت وايد وقالو لها في الاشعة فيها صبي والله اعلم
على قولة امي البنية تاخذ جمال الام والولد يعطيها جمال وهاذي كله حجي والله بنت خالتي تسألني اذا تاكلين حلاوة وايد فيج بنية واذا تاكلين موالح فيج صبي اذا حسيتي بحركة الياهل تحت فيج صبي واذا حركته فوق بنية ونفس حجيكم عن الخط الي يصير في البطن سيدة او عووي وو وو واايد ومن هالحجي الي ما يخلص وانا جربت الجدول الصيني طلع لي بنية والله اعلم ،،، كلها توقعات اهم شي يكون البيبي سليم ومافيه شي،، بس سبحان الله خاطري اعرف شنو فيني hwaml5 |
رد: ديوانية البحرين - دردشة حوامل البحرين - البحرينيات
هههههههه الحجي وايد اخذي وخلي بس كله بيطلع في الغسيل بس الحين ترى احسن شهر يبين فيه جنس الطفل واضح ، وانتي شنو خاطرج؟ انا فيني بنيه بس ويهي ماتغير بس خشمي شوي عرض ورقبتي صارت غامجه واباطي وبين ريولي يعني اماكن معينه والي يشوف بطني يقولي فيج صبي على قولتهم طوالي والبنيه اتيي مدور ، ترى البنيه اهيه الي كله يالسه تحت وتسبب ثقل نفس الحصاية تقعد لج بتشوفين عقب جم شهر حتى رقاد ماقدر ارقد تعبانه كلش ريولي وايد تشير ، شنو حاطه في بالج الاسامي اذا بنت واذا ولد؟
|
رد: ديوانية البحرين - دردشة حوامل البحرين - البحرينيات
انا الحمدلله للحين ماحس بثقل حتى وزني مازاد وايد،، والله ماينعرف لهم يختج احنا اول حمل لنا وكل من يقول لنا حجي واحنا نصدقه,, انا بطني مدور وسري ناط يمكن لانه انا ضعيفة وسواد في جسمي نفسج من حملت وانا ماروح الصالون اسوي حلاوة استحي منه
اذا الله تمم على خير انا خاطري في اسم خولة اذا بنية واذا صبي يوسف بس طبعن زوجي مايبي يقولي اذا صبي الياس واذا بنية سارة وما استقرينا على اسم لانه خبرج ماعرف شنوفيني،، الاسبوع الياي اذا الله كتب باروح اسوي اشعة والله يعطي كل وحدة فينا اللي تتمناه وبنجوف وين يوصل آخر قرار في الاسم ،،، شرايج شنو احلى اسم فيهم حق الصبي والبنية ؟؟ |
رد: ديوانية البحرين - دردشة حوامل البحرين - البحرينيات
سارة ويوسف احلى شي حتى خولة حلو مب شين ، عند من انتي اتابعين حملج؟ بس تصدقين هالجيل كله بنات يعني شكلج ويانا هههههههه حلوين البنات آيه عليهم
|
رد: ديوانية البحرين - دردشة حوامل البحرين - البحرينيات
بنت الاياويد
انا ما تغير فيني شي بس مثل ما قلتي خشمي احسه صار عود خخخخ عرض وما اقدر انام فترة طويلة على جهة وحده لانه ريلي تعورني يلا ما بقى شي وتولدين واحنا نولد وراج خخ والله يقومنا بالسلامة يا رب وانا شهرين اصير زينة وشهرين بلاعيم وزكام هالمرة مو بس بلاعيمي تعورني الا وياه كحه خخخ الله يساعدنا |
رد: ديوانية البحرين - دردشة حوامل البحرين - البحرينيات
الله يصبرنا ان شاء الله انا بعد ريولي من فوق كله تعورني لازم اغير بطحتي كل شوي ، انا من تصخنت تاريخ 3 بداية الشهر والكحه ماراحت مني للحين احس روحي جني شرقانه وايد كريهه الكحه ماتروح، اليوم المفروض اروح اشوف التوزيعات عشان احجز بس زوجي وايد بارد كله يقولي تو الناس
|
رد: ديوانية البحرين - دردشة حوامل البحرين - البحرينيات
ما عليج من زوجج حني فوق راسه لمن يقوم يوديج
خخخخ انا قلت عن حسب بشتغل على توزيعاتي بروحي يوم قلت لزوجي قال شلج بالدوخة وعوار الراس قال بنحجز عند زوجه رفيجه تسوي توزيعات |
| الساعة الآن 05:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .