|
رد: الغاليات بنات فلسطين اتفضلو هون.....
حواء شو صار بالمسابقه ...؟؟
|
رد: الغاليات بنات فلسطين اتفضلو هون.....
يسعد اوقاتك نور الحمدلله انا بخير واولادي بخير
المسابقة كانت نتيجيتها لا اعلى بنت جابت اصوات هي من غزة |
رد: الغاليات بنات فلسطين اتفضلو هون.....
السلام عليكم
كيفكن يا صبايا ؟؟ معلش غبت عنكم أسبوع كامل والله كنت في منى بالمستشفى نايمة 6 أيام طلع معها حمى شوكية والله كانت نفسيتي زي الزفت ولا أكل ولا شرب ولا نوم لأني كتييير خفت عليها بس الحمد لله اليوم عملولي خروج من المستشفى ومنى ما شاء الله عليها الحمد لله ياااااااارب الحمد لله ع سلامتك يا فوفو |
رد: الغاليات بنات فلسطين اتفضلو هون.....
ام مروان حمد الله على سلامتها وماتشوف شر ...ومن شو الحمى اجتها ...
كنتي ب اي مستشفى ... والله كان بعونك قعدة المشفى بتعب .. وان شاء الله فتره وعدت .. |
رد: الغاليات بنات فلسطين اتفضلو هون.....
كيفكم يا بنات بدون ذكر اسماء
الله يسعد مساكم و كل اوقاتكم و يبارك لكم في اولادكم |
رد: الغاليات بنات فلسطين اتفضلو هون.....
نور العمر الله يسلمك حبيبتي
انا من غزة كنت نايمة فيها بمستشفى الأقصى ومن شو أجتها هاد اللي بدو يجنني ويجلطني بنتي آخر نظافة وآخر ترتيب باليوم بتلبس يمكن 15 مرة بس الدكاترة حكولنا هاد فايروس بالجو |
رد: الغاليات بنات فلسطين اتفضلو هون.....
حمد الله على سلامتهاا ... والحمى شوكيه مش مرتبطه بالنظافه بتكون بكتيريا بالجو ...
كيف اتحملتي مستشفى الاقصى انا ما بحب هالمستشفى ... وان شاء الله مانحتاج الهم في يوم... كيف وزنها بعد ما مرضت ..؟؟ هلا نبض منوره ... كيفك ؟ |
رد: الغاليات بنات فلسطين اتفضلو هون.....
هاي صبايا
كيفكم اشتقتلكم مين هون ؟؟ الي عندها خبرة تجاوب الاكل وكميته اله علاقة بالرضاعة الطبيعية ؟ يعني شو الاهم بالنسبة لحليب الام والكواليتي تعته السوائل او الاكل ؟ عشان بفكر اخفف اكل بدي وزني ينزل |
رد: الغاليات بنات فلسطين اتفضلو هون.....
هااااااااااااااااي كيفكم
ام مروان سلامتها الحلوه ديري بالك عليها هلا نبض نورتي طمنينا عنك دودو كيفك والله ما عندي فكره لسؤالك انا بزيد وزني كثير بالحمل والي بزيدهم قبل الاربعين بطيرووووووووووو |
رد: الغاليات بنات فلسطين اتفضلو هون.....
عفكرة الدنيا بردت مره وحده جوها جو شتى صح
على العيد شو راح تشترو انا مبارح نزلت الشتوي للاولاد واليوم غيرت ديكور الصالة عندي بكرا بدي اشيك على الصالون واخر الاسبوع بدي اعمل حفلة للمطبخ بكرا ان شاء الله راح نطاهر عزوز يالله شو هاكله هم وخايفه علي الله يتممها على خير يارب بدي اشتري للاولاد اواعي بكرا الصبح لانه بعد المغرب بتكون حفلة الطهور يوم الجمعة مفكرة اروح عند اهلي راح اضل عندهم يومين |
رد: الغاليات بنات فلسطين اتفضلو هون.....
حلو كتير يلي عم تفكريفيه يا حواء استمري و طهور الولد ما بغلب ان شاء الله اول العشرة اللي تطاهروهم و روحي عند اهلك بتغيري جو حلو التغيير
نور العمر اهلا بيكي كيف اولادك احساس اين انت يا فتاة ام مروان سلامتها بنتك ما عليها شر ان شاء الله |
رد: الغاليات بنات فلسطين اتفضلو هون.....
تسلمي يا قمر
شو عامله اليوم انا غير العادة جاي عبالي مقلوبه كتاكيتي نايمين هلا |
رد: الغاليات بنات فلسطين اتفضلو هون.....
كيفكم صبايا
شو لما اكون هون بتختفوا كلكم هههههه خطرت ببالي ام جودي اشتقتلها كتييييييييير وعيون المها الك وحشة احلى ام ادم حبيبتي ممممم عم بفكر هاليومين اشتري لعمورة تياب العيد مع انه اشتريتله تياب جديدة الاسبوع الماضي بس لازم للعيد وبدي اجيب قطعة او تنين تقال عشان ازا طلعنا طلعة بر عالعيد يمكن يكون برد حواء بالنسبة للطهور انا طهرت عمورة تالت يوم ولادة والحمدلله ما ندمت ابداااا يعني صدقيني ما حسيت فيه وفعلا الله يرضى عليها الدكتورة الي نصحتني اطعرو قبل ما اطلع من المستشفى ان شاء الله عزو ما بغلبك وبيطيب بسرعة ومبروك الطهور سلفا ؛) |
رد: الغاليات بنات فلسطين اتفضلو هون.....
وبدي انحفففففففف جد
في كم كيلو كابسين على نفسي بدي يروحوا :( بس خايفة اعمل ريجيم يخف حليبي :( |
رد: الغاليات بنات فلسطين اتفضلو هون.....
مرحبا صبايا
كيفكم جميعا اليوم صارلي اسبوع والدة ،، والحمدلله صرت احسن ورزان كمان منيحه بدي اسألكم ،، بخصوص الكرش الي بتكون بعد الولادة مين صارلها كرش بعد الولادة ؟ وبيروح لحالو ولا لازم احط مشد او شغلة؟ |
رد: الغاليات بنات فلسطين اتفضلو هون.....
الحمدلله على سلامتك فوفو
والحمدلله انه انتي ورزونة بخير بالنسبة للكرش حسب طبيعة الجسم اول شي تاني شي انا بنصحك البسي مشد طبي طول فترة الاربعين واشلحيه بس وقت النوم بيساعد كتير واشربي اعشاب واشياء سخنة كتير بتساعد وبس تخلصي الاربعين ممكن تلعبي رياضة للبطن عالخفيف وطبعا انتي وحظك فيه بيروح كرشهم ١٠٠٪ وفيه بيضل ع خفيف بعد وقت |
رد: الغاليات بنات فلسطين اتفضلو هون.....
مرحبااا ياصبايا منورات
دودو كيفك وكيف عموره ... فوفو بالنسبه للكرش متل ماحكتلك ام عمر جيبي مشد طبي واشربي اعشاب واشياء دافيه ... حواء مبروك طهور ابنك رح يغلبك او يومين بعدين بصير احسن ... انا اليوم نزلت واشتريت ملابس العيد ل ابني وبنتي وجبتلهم شغلات للشتى كمان لانه الجو صار بارد وكمان احنا ع البحر هوا كتير ... مين بدو يضحي ع العيد ... وكل عام وانتم بخير .... انا ان شاء الله ناويه اصوم بكره ... |
رد: الغاليات بنات فلسطين اتفضلو هون.....
مساء الخير
اشتقتلكم كثير كثير فوفو الحمد الله على سلامتك |
رد: الغاليات بنات فلسطين اتفضلو هون.....
نور العمر ... إنتي من وين بغزة ؟؟
أموووووووووووووووووت وأعرف ليش صارت الدردشة مملة ع الآخر دخيلكن شو هالكسل هاد |
رد: الغاليات بنات فلسطين اتفضلو هون.....
هلا ام مروان ... انا من غزه ...
نفس السؤال بسألو ليه صاير التجمع الحكي فيه بالقطاره خخخخ كيف بنتك ان شاء الله صارت احسن ... |
رد: الغاليات بنات فلسطين اتفضلو هون.....
صباح الخير
ام رزان : الحمد لله على السلامة تتربى بعزكم ان شالله حواء: مبروك طهور عزوز ......خبريني كيف ابو العز هادي ولا غلباوي؟ ام منى: سلامتها بنوتك ما تشوف شر ان شالله تقلبات الجو بعمل امراض عند لصغار مساكين بيمرضوا بسرعه ........... بالنسبة لملابس العيد شريت لاولادي بس مو شتوي شريته للخريف كم طويل ......وغيار تاني اتئل شوي ازا اجت برد |
رد: الغاليات بنات فلسطين اتفضلو هون.....
هلا جاره صباح الخير ... كيفك ..؟
وكل عام وانتم بخير |
رد: الغاليات بنات فلسطين اتفضلو هون.....
نور العمر:
وانت بالف خير انا الحمد لله منيحه كيفك انت والاولاد..؟ |
رد: الغاليات بنات فلسطين اتفضلو هون.....
يسعد اوقاتكم يا حلوين
الله يبارك فيكم يا رب الله يا جارة عزوز الو ساعات وساعات اجمالا برلنت كانت اهدى منو بكثيييييير |
رد: الغاليات بنات فلسطين اتفضلو هون.....
مسااااء الخيرات
الله يسلمكن يا صبايا إن شاء الله ما تشوفوا الشر لأولادكن طمنوني عنكن ؟ لكن بدي أفهم وين بتغطسن أه فهمني |
رد: الغاليات بنات فلسطين اتفضلو هون.....
هلا ام مروووووووووووووووان ان عني بفوت كل شوي بس ما بلاقي حد
هلا اجا الشتا بلكي يختلف الوضع ويصيرويطلو البنات |
رد: الغاليات بنات فلسطين اتفضلو هون.....
صباح الخير يا قمرات
اشتقتلكم كتير خصوصا لولو وحلا وام اسيد رفيقاتي الحمل وباقي الصبايا اكيد حواء حبيبتي كيفك شكلو عزو مغلبك وازعر زي عمورة هههه الله يعيننا عليهم بيكبروا وبتكبر غلبتهم صحيح يا صبايا الكلام للكل يعني بدل ما تضلوا تفوتوا تقولو الدردشة ميتة وما حدا بيفوت حاولوا تنشطوها ولما نفوت نكتب استفسار او سؤال تردوا علينا وهيك بنفتح مجال للنقاشات بدل ما نفوت وكل رد نكتبه يكون عبارة عن يااا الله الدردشة مملة يا الله ليش ما عم بيفىت حدا يا الله صايرة الدردشة بتخنق عادي يعني اللي حابة تفتح مجال نقاش تسال وتجاوب بننشط الدردشة ولا انا غلطانة ؛) بوساتي لاطافيلكم جميعا :) |
رد: الغاليات بنات فلسطين اتفضلو هون.....
مرحبا صبايا
كيفكم اليوم جارة الله يبارك فيكي تسلمي شو مشروعكم للغدا اليوم ؟ انا زمان ما اكلت طبخات ،، كل يوم شوووووووووربة جاج او لحمة :( |
رد: الغاليات بنات فلسطين اتفضلو هون.....
اقتباس:
تسلمي انا كنت بدي اشتري مشد طبي بس حكولي انه ع الفاضي ،، وصرت اشرب اشياء سخنة مثل شوربات ومي من الحنفية وقرفة وزهورات ان ششا ءالله تروح الكرش يارب انا ما بحب الكرش ابدا ابدا اقتباس:
ان شاء الله بس تروح الكرش لاني ما بحبه ابدا مع انه وزني وسط ،، بالشهر التاسع كان 58 ،، بعد الولادة ما بعرف قديش اقتباس:
والله يخليلك اولادك |
رد: الغاليات بنات فلسطين اتفضلو هون.....
مبارك يا فوفو بنتك ان شاء الله تخاويهاكمان سنة
بنات شو رايكم بقضية تدخل اهل الزوج بحياة ابنهم بيتدخلو بامور كبيرة وصغيرة |
رد: الغاليات بنات فلسطين اتفضلو هون.....
فوفو
يسعدلي هالصباح ام رزان كيفها الامورة طمنينا عنها وكيف الرضاعة والامومة والنوم ان شاء الله كله تمام ومية المية بالنسبة للمشد مش عالفاضي ابدا بالعكس انا كتير فادني وضباي بطني بالاربعين بس بيضل بدك شوية رياضة للشد المشد من امهاتنا وجداتنا الكل بلبسوا وعن تجربة جيبي ازا بتقدري نبض يا هلا منورة بالنسبة لتدخل اهل الزوج بيني وبينك ما في اهل زوج ما بيتدخلوا بالحياة تبع ابنهم بس في ناس اكتر من ناس خصوصا اذا كان ابن وحيد او ابن اصغر او اكبر المهم اهم شي انه الوحدة تتطنش وتكبر راسها وتتعامل بكل برود وتحاول تحافظ على بيتها وخصوصيته بطريقة ذكية يعني قدامهم قولي اوكي وماشي وحاضر وبالاخر اعملي اللي بدك اياه والزوج اله دور كبير المفروض يكون متفاهم مع مرته انه امورهم الخاصة ممنوع حدا يتدخل فيها لانه هو بيساعد كتير انه الامور ما تتوتر وبالاخر بيضل بيت الحمى بيت حمى ما بتقدري تعملي شي قدر ونصيب هههههه بس الواحد يكبر راااااااسه ويطنش ويعيش مبسوط لانه ما حدا بالعالم مستاهل تتدايقي او تتاثر حياتك عشانه ؛) |
رد: الغاليات بنات فلسطين اتفضلو هون.....
خطرت ببالي انبثاقة
ان شاء الله تكون بخير يارب ؛) |
رد: الغاليات بنات فلسطين اتفضلو هون.....
مسا الورد لاحلى صبايا
اشتقتلكم كتير كتير شو الاخبار ؟؟ فوفو الف الحمد لله على سلامتك انتي و رزونة .. ان شاء الله بتتربى بعزكم و دلالكم بالنسبة للكرش بدو رياااااااضة ... انا بطني كلو راح حتى عضام الحوض عندي صارو واضحيييييين ههههه و وزني الحمد لله كلو تقريبا خسرتو الي زاد بالحمل يمكن ضل كيلواو اتنين كيلو و نش مبينين علييه بس بروحو ان شاء الله لس مشكلتي زي ما حكت دودو انو بضل بدو شوية شد يعني ريااااضة ... بس بتكاسل هههه بعمل يوم اه و عشرة لا .. بس ما بينفع لازم انتظام نبض منورة يا عسل بالنسبة لسؤالك طبعا حكي ام عمر صحيح .. ما في اهل ما بيتدخلو .. بالعكس حقهم هادا بضل ابنهم بس طبعا كلشي و الو حدودو و في اشياء بضل القرار الأول و الاخير الك انتي و بنالنهايه بتختلف من ناس لتانيين دودو اشتقتلك ام عمورة شو اخبار عمورة افنندي ؟؟ شو اخر تطوراته ؟؟ و انتي كيف وضعك ؟ ام مروان سلامة قلبها منوشة .. ان شاء الله صارت احسن ؟؟ انا اخباري الحمد لله منيحة صبورتي بعد حمس ايام بالزبط بتصير اربع أشهر و طبعا مشكلة الترييييييييل مطلعة روحي ههههه .. حتى بقول ممكن تسنين لانو في أطفال على الأربعة ممكن يسننو بعدين طتير صار بدها انتباه لانها صارت تقوم بس لسا ما بتفعد منيح يعني بس ثواني و بترجع تقلب بس اذا بحط جنبها محدلت عادي بضل قاعدة و تلعب و مثبته حالها و وزنها تقريبا سته كيلو و 400 غرام يعني كويس الحمد لله .. و بعد عشر أيام في الها تطعيم ان شاء الله يكون بسيط و انا الحمد لله ماشي حالي الدورة اجتني بموعدها تمام ان شاء الله تضل هيك و ما تتلخبط بس يا بنات مش عارفة شو قصة وجع الضهر و الصداع لليوم كتير بوجعوني تقريبا باستمرا و خاصة الصداع من اول ما اولدت حلا و ام عبد الله اشتقتلكم كيفكم الجوز هههه ؟ و كيف البيبياا الزغار ؟ حواء شو اخبارك يا بطة و كيف عزوز و برلنت ؟؟ باقي الصبايا كلكم كلكم ان شاء الله تكونو بخير .. حيفا و انبثاقه ويينكم ؟؟ اشتقتلكم يا ضرسانات |
رد: الغاليات بنات فلسطين اتفضلو هون.....
|
رد: الغاليات بنات فلسطين اتفضلو هون.....
يسعد اوقاتكم يارب
انا بخير والحمدلله عزوز وبرلنت بخيير وبسلمو عليكم نبض بالنسبة لسؤالك ما في بيت حما ما بتدخلو بس الي بحكم حجم التدخل الزوج يعني اذا سمح الهم يتدخلو بكلشي خاص ولا مو خاص هو الي بخلي حياتو فوضى والعكس صحيح بتعرفي انا حماتي كثير حشرية بتحب كلشي يكون من تحت ايدهها انا بحب الاستقلال بحجم الحشرية الي عندها مثل ما حكت دودو شو ما تحكي حماتي بحكيلها ماشي وان شاء الله بس الي بريحني بعملوووووووو هلا هي فهمت هاد الشي وخفت عن اول يعني بدك اسلوب لتحطي حد لحشريتهم |
رد: الغاليات بنات فلسطين اتفضلو هون.....
صباح الخيررر ... كيفكم
صباح الخير حوااء كيفك وكيف طهور عزوز ... الف مبروك الطهور حبيت اصبح عليكم ... لانه وراي شغل لفوق راسي وبنتي نايمه وابني طالع عند اهلي بدي استغل الفرصه واخلص شغلي ههههههههههههه برجع بس اخلص ع ال 12 ان شاء الله ... |
رد: الغاليات بنات فلسطين اتفضلو هون.....
يسعد صباحكم صبايا
حواء ونور العمر منورات يا حلوين لولو ماشاء الله الله يخليلك اياها شو الايام بتجري انا عمورة هلا ٣ شهور و١٠ ايام اخر مرة قبل ١٠ ايام كان وزنه ٦ ولسا طبعا بيغلب بالنوم كتير يعني وقت البسه بجاماه واطفي الضو وابلش انيمه بيعمل نكد وبيضل شي ساعة ليتعب وينام ومرات انا بتعب بضطر اعطيه رضعة وانا وحظي ينام على طول ولا يغلب وينام وصار طول النهار يزن بدو اياني جنبه ٢٤ ساعة ما بعرف اعمل منه اشي مع انه ما كان هيك ومش معوداه ابدا عالحملان بس شكلو بدو يسنن بكير على هالنكد وبيضل يعضعض باصابعه هاد بس هالكم يوم الشي كله جديد صحيح بدي اسالك والسؤال للجميع كم مرة الله يعزكم بيعمل البيبي براز باليوم وكيف بيكون ، لانه مرات عمورة بيعمل مرة ومرات ٣ او ٤ مرات ومرات بيضل يوم مش عامل وتاني يوم بيعمل كتير بيعوض |
رد: الغاليات بنات فلسطين اتفضلو هون.....
يسعد صباحكم و كل اوقاتكم الجميع منورين
|
رد: الغاليات بنات فلسطين اتفضلو هون.....
بنات انا فاقدة احساس و غموض و جارة و مسك
|
رد: الغاليات بنات فلسطين اتفضلو هون.....
بنات تدخلات اهل زوجي قتلتني و انا الي 20 يوم عند اهلي وولادي مش معي طبعا
و الامور مع زوجي بتسير للأسوأ مو للصلح دعواتكم لي |
| الساعة الآن 08:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .