|
رد: تجمع الخليجيات المتأخرات بالحمل
اقتباس:
مايصير جذي ياقللبي. افا ماتوقعتج جذي احيدج قويه فديتج. حبيبتي خلج قويه وكوني متفاءله ووقفي مع زوجج هو محتاج وقفتج معاه ولازم تكونون ممتعاونين وروحكم وحده حبيبتي العلاج يبغيله صبر وطولة بال. ومايصير انج تهبطين معنويات زوجج بضيقتج انتي بهالحاله تحسسينه بنقص. ادري انج ماتقصدين وأمنيتج تكونين أم. بس ياحبيبتي لازم ماتحسسين زوجج بهالضيجه اللي فيج. حاولي تتناسين وتدورون عالعلاج سوى. ريلج كيف يترتفع معنوياته وكيف بتعالج وهو يشوفج دايماً زعلانه ومزاجج مب رايق معاه. كيف بتحمسينه عالعلاج او إذا احتاج الأمر لجراحه. منو بيوقف معاه ويسانده. حبيبتي هو نصيبج وززوجج اقتنعي بمشكلته وحاولوا تلاقون لها حل مافي وقت للزعل والضيجه ياقلبي ربي يفتحها عليكم ويرزقكم يارب من غير تعب اكثر يارب وطمنيني عالأشعه وان شاء الله سليم ومايحتاج إلا بس شويه أدويه ان شاء الله يارب |
رد: تجمع الخليجيات المتأخرات بالحمل
هلااناعمانيه بكمل شنةمن ولدت ولدي الله يرحمه عمره اسبوعين صح انه توفى بس جاني بعد3سنوات طبيعي ماشاءالله تبارك الرحمن طبعازوجي معه ضعف الحيوانات المنويه مايتعدوا5مليون الحمدلله على كل حال اللهم اجرني في مصيبتي واخلف لي خيرامنهاالله يعوضني بطفلين عاجلاغيراجلاوجميع المحرومين يارب
|
رد: تجمع الخليجيات المتأخرات بالحمل
سوري حبايبي خطأمطبعي hwaml15اقصدبكمل سنه مستعجله ابي انامhwaml16
|
رد: تجمع الخليجيات المتأخرات بالحمل
السلام عليكم ورحمه الله وبركاته
جيت الكم من جديد كيف حالكم اختكم المساء من السعوديه انا طبعا صار لي سنه وشهرين متزوجه رحت للدكتوره بعد مااكملت 10 شهور من زواجي وطبعا كنت رايحه علشان كانت تجيني وانتو بكرامه حكه في وقت الدوره ورحت اشوف اذا في التهابات ولا وخذت مسحه طبيه وكان فيه خفيف مره والحمدلله خلاص راحت الحكه طلعت من نوع الفوط وغيرتها وتغلبت على المشكله المهم بعدها رحت الها علشان ابي اتابع علشان الحمل وكذا رحت قست الضغط وطلع الضغط مرتفع قالت ماقدر اعمل الك شي وضغطك مرتقع تخاف احمل والضغط عندي مرتفع ومايصير حمل مع ضغط مرتفع المهم انا مارتفع ضغطي الا من تقكيري من الحمل والناس ليششششش ماحملتي للحين واللي تقولي استخدمي الخلطه الفلانيه واللي تقول روحي للدكتور الفلاني شاطر حسسوني انو انا عقيييم هههه الناس دايم يكبرون المسأل المهم الفتره اللي راحت كل ماقيس ضغطي مرتفع وصرت كل يوم اقيسه مرتفع << مستعجله على الحمل المهم قالت اكيد في سالفه تخلي ضغطك مرتفع وحولتي الى دكتور الغدد الصماء والباطنيه وعملت التحاليل الازمه وطلع الكلسترول مرتفع وبالادويه نزل والحمدلله نجي للاهم .... << حشى قصه حياتي من اول ههههههههه hwaml5 بعدها رحت الى دكتوره النساء وقلت الها انا الكلسترول عندي نزل والضغط انضبط واريد اتابع علشان الحمل قالت طيب بس اول شيئ نعمل تحاليل للهرمونات وعملت تحاليل الهرمونات كلها وشافت بالسونار الصوتي المبيض وحجم البويضات الحمدلله كل شيئ تمام الا هرمون البروجسترون نازل طبعا هذا الشهر الثالث اخد ابره تفجيريه تبويضي ممتاز وحجم بويضاتي ممتاز طبعا بعد مااكتشفت انا هرمون البروجسترون المسؤول عن بطانه الرحم ضعيف اعطتني حبوب الدوفاستون لزياده سمك البطانه ويؤخذ في اليوم 16 للدوره واخذت قبلها ابره تفجيريه وان شاء الله ابشركم بحملي بحق محمد وال محمد المهم بعد تحليل الهرمونات طلبت تحليل لزوجي وقالت اهم شيئ يكون ممتنع عن الجماع من 3 الى 4 ايام علشان تبين النتيجه مزبوطه وبعد ماعملنا التحليل رحنا يوم ثاني علشان النتيجه والحمدلله التحليل تمام وممتاز في كل شيئ وبس هذي قصتي علشان تكونو في الصوره :) :) hwaml7 وعذرا على الاطاله |
رد: تجمع الخليجيات المتأخرات بالحمل
مرحبا خليجيات .... انا بعد اختكم من السعووودية (قسطنطينية )<<< ولووو اسمي مو عاجبني اخترته ع السريع و احين ابي اغيره القولي حل ههههه
كنت حابة اعزي اختي من عمان ( حبيبة زوجها )... الله يصبرك حبيبتي و انا بعد مثلك ولدت قبل سنتين قيصري و مات طفلي لاني كنت لسا ما خلصت الشهر السادس الله يعوضك و يعوضني .... بس انا ما ابي توأم ههههه .. اعتقد واحد يكفي لوووول و اختي ( المسااء ) طالما كل اموورك بخير انشالله تحملي باسرع وقت يااارب انا مررررة عاجبني احمل هالشهر ... طبعا صار لي سنتين امانع ... بس محتارة هالشهر اترك المانع ولا اخذه....زوجي يقول مانعي هالشهر و اتركيه الشهر القادم ... لان هالشهر انا عندي اختبارات و الشهر القادم راح ننقل لشقة جديدة انتو شرايكم ؟؟ انا بمووووت قاعدة اتقطع على الحمل ... خاصة اني فغربة و حابة يكون عندي ونيس :) |
رد: تجمع الخليجيات المتأخرات بالحمل
هلاااااااا والله باحلى خليجيات
باذن الله تجمع خييير لنا ولكم ربي يرزقكن الذرية الصالحة يااارب اصبرن واكثرن من الدعاء والاستغفار انا احتشامي من السلطنة عمري 20 سنة الشهر الماضي كان يوم ميلادي متزوجة من سنتين وعندي والحمدالله ولدين ادري داخلة عرض بس شفت تجمع خليجيات قلت يلا نشارك مع الناس هههههه اسال الله ان يرزقكن الحمل السليم المعافي قبل رمضان يااااااااااااارب |
رد: تجمع الخليجيات المتأخرات بالحمل
صباح الخير حبيباتتتي باذن الله نفرح فيكم هالشهر
بنت بلادي عورتتتتتي قلبي الله يكون بعونك ويشرح صدرك ويعافي زوجك يارب |
رد: تجمع الخليجيات المتأخرات بالحمل
اقتباس:
بس مايصير اللي قاعده تسوينه في نفسك وفي زوجك حراام لازم توقفين معاه ولا تحسسينه ابدا ابدا انه فيه شي بالعكس خليك طبيعيه لااهتمام زايد علشان مايقول كاسر خاطرها ولا تزعلين نفسك لانه بينعكس على نفسيته ولاعلاجه الله يهدي سركم ان شاء الله ويرزقك ربي باحلا توام ربك كريم سبحان الله وبحمده |
رد: تجمع الخليجيات المتأخرات بالحمل
دلووووعه زوجي الله يعوضك ان شاء الله وشفيع لك ان شاء الله
السلطااانه ان شاء الله تكوني حااااااامل وتجي تبشريناا المسااء الحمدلله لاصار كل شي تماام عندك وعند زوجك فان شاء الله تحملي القسطنطينيه استخيري حبيبتي وشوفي اللي بترتاحين سويه احسن اسمك ذكري يوم كنا صغاار كان تعجيزي اذا احد طلب ان نكتبه او نقووله هههههههههههههههه الله يفرح قلوبنا بالحمل عاجلاً غير اجل سبحان الله وبحمده |
رد: تجمع الخليجيات المتأخرات بالحمل
مرحبا بنات انا شفت التجمع وعجبني انا جديدة معاكم ومتزوجة من 5 شهور وماصار حمل ولله الحمد راجعت الدكتور وعمل لي تحاليل انا وزوجي بالنسة لزوجي قال له كل شي تمام مااعدا ضعف الحركة 10% ولازم مايقل عن 25% وقال له هذا شي بسيط عطاه مجموعة فيتامينات وقال له نعيد التحليل بعد 3 شهور وممكن خلال هالفترة يصير حمل
وبالنسبة لي قالي الfsh عالي نسبته 8 طبعا انا مو فاهمة شي وقالي لازم ننتظر نتيجة فحص مخزون البويضات وبعد 10 ايام قالي مخزون التبويض ضعيف وكتب لي فيتامين hdeaومش موجود عندنا ولا لقيته الا في امريكا طلبته عن طريق امازون.. وسوالي الترا ساوند عن طريق المهبل قالي عندك كيس دموي على المبيض اليسار ويمكن يكون مسبب انسداد في قناة فالوب ولازم اسوي لك قسطرة بالبالون انا خفت وقلت بستشير دكتورة ثانية متخصصة في الالترا ساوند لما رحت لها قالت لي ماشاء الله التبويض عندك ممتاز عندك بويضة في المبيض اليسار حجمها 18 وخلال هاليومين لو الزوج سليم مككن يصير حمل وقالت لي لاترجعين لهالدكتور مرة ثانية ولا تخلينه يعمل لك قسطرة لانها خطرة وقالت لي لو افترضنا ان عندك انسداد مع انه الكيس مايسبب انسداد فانت عندك جهة اليمين شغالة وممكن يكون تاخر الحمل من زوجك لان عنده ضعف حركة وقالت لي روحي راجعي في مستشفى حكومي افضل .. اسفة طولت عليكم بس انتوا شرايكم في حالتي وش تنصحوني فيه؟؟ |
| الساعة الآن 06:36 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .