|
رد: تجمع حبيباتي الكروشات اللي راح يولدون بشعبان
ام لبنى حتى انا ما عرفت ويارب اعرف النوع الزيارة الجايه
نعومه ممكن حبيبتى لو سمحتى اعرف بالضبط من وين جبتى مخدة الحوامل لانى بوصى ان شاء الله بنت خالتى بجدة تجيبها ليه وتبعتها لى بتبوك ومشكورة مقدما |
رد: تجمع حبيباتي الكروشات اللي راح يولدون بشعبان
سفن شفاكى الله وعافاكى حبيبتى حتى انا كنت افكر فيكى ما ظهرتى اليوم وربنا ياجرك على تعبك
|
رد: تجمع حبيباتي الكروشات اللي راح يولدون بشعبان
ياحبي لك نونيييييي ماتقصرين الله يسمع منك مررررره الله يتمم علينا يااارب ويفرحنا وننسى التعب
|
رد: تجمع حبيباتي الكروشات اللي راح يولدون بشعبان
اهلين كروشات
شخباركم وحدة وحدة ربي يتمم على خير يااارب |
رد: تجمع حبيباتي الكروشات اللي راح يولدون بشعبان
مرحبا يا حلويين
وشلونكم ؟!!وكيف بيبياتكم ؟!! انا ان شاءلله اني تمام وبخير بس عندي مشكله مدري هي مشكله او طبيعي عندي الم اسفل طني واللم اخر الظهر والجوانب عندي زي الشد هل هو طبيعي او اروح للدكتوره موعدي الاسبوع الجاي انشاءلله بكون على نهايه الخامس او دخول السادس* |
رد: تجمع حبيباتي الكروشات اللي راح يولدون بشعبان
كيفكم ياحلوات
فنو عادي الشد بظهرك وتحت بطنك واجنابك , دي اربطة الرحم يتنشد لان الرحم يكبر ولسسسسسه الشد المحترم << hwaml7 مانمت من سخافة الحموضة , لا حبوب الحموضة نافعه ولا الحليب ولا شي اصلا استاهل خبصت بس عاد مو لدرجة موضة يوم كامل < فيس يبكي من جد انتبهوا الحموضة حقت الحمل نشبة اذا بدأت مو بالساهل تروح طيرت النوم من عيني , وكمان حساسية الانف والعطس زايدين الطين بله دندوشة ان شاء الله بكرة اكتب كل شي بالتفصيل الممل عن التجهيز وطبعا اخدت راحتي في الاكل في جده وخبصت الدنيا كأني ماصدقت اشوف اكل ههههههههههه عقبالك نونييي جبت مخدة الحوامل من مذركير ..شوفي اي فرع كبير وان شاء الله تلقاها سفن الله يفرحك بتمام حملك وتشوفيه سليم معافى يااارب خوخه منورة كيفك انتي |
رد: تجمع حبيباتي الكروشات اللي راح يولدون بشعبان
هلآ فنووو
لآ عآدي حبيبتي لآ تحآتين هذى شي طبيعي و إن شاء الله كم يوم و يروح الألم |
رد: تجمع حبيباتي الكروشات اللي راح يولدون بشعبان
اهلا خوخه كيفك؟
فنو طبيعي جداً بما انه اول حمل لك بيصير اصعب الله يعينك نعوووومه الله يسمع منك ياحبي لك الله كريم يااارب |
رد: تجمع حبيباتي الكروشات اللي راح يولدون بشعبان
كيفكم كروشات وكيف بيبهاتكم
سفونة الف مبرووووووووووك عليكى الخامس حببتى عقبال التاسع يارب وتفرحى بالبيبى فى حضنك ام لبنى مبرووووووووووك عليكى الحركة انا كمان حستها بس خفيفة مثل النبض وعلى فترات متباعدة جدا وانتى هيك ولا كيف وباقى البنات كيفكم اللى عرفو نوع الجنين بداتوا تجهيز ولا باقى ان شاء الله نازلة مصر الاجازة بتاعتى يوم الجمعة وبعد كام يوم اروح للدكتورة واعرف نوع الجنين وابشركم اللى معرفش نوع الجنين ام حماده مسس يو سفن بارد ام لبنى خوخة مين باقى معانا مسس يو يسلمووووووو على التجمع حببتى |
رد: تجمع حبيباتي الكروشات اللي راح يولدون بشعبان
الله يطمنكم مشكوورين
بعاااد فيه اقوى من كذا احس هاذا ومرره تعبني ،، الله يعظم اجرنا ياارب ويحرم والدينا عن النار ماشاءلله عليهم الحريم اللي جايبين 8 و 10 واكثر هههههههه دايم افكر فيها جد ههههههههه |
رد: تجمع حبيباتي الكروشات اللي راح يولدون بشعبان
ام حماده الله يبارك بعمرك الله يسمع منك الله كريم يااارب
فنو حبيبتي الله يسهلها وبعد ماتولدين باذن الله تنسين واذا كبر ابنك تشتاقين لطفل جديد وتعيدين الحمل مره ثانيه كذا هم الله يقوينا يااارب |
رد: تجمع حبيباتي الكروشات اللي راح يولدون بشعبان
أخباركم ياحلوات كلكم ؟
أنا بخير الحمدلله .. بس لسه حياتي ملخبطه شوي من طلعت من المستشفى وانا نومي مخربط شوي بالليل وشوي الظهر ونفسيتي قافله بسبب التعب ظهري من النومه على سرير المستشفى للحين أحسه يألمني زود عن الألم العادي هذا غير الصداع اللي ماسكني مو راضي يفكـ وبما ان زوجي مشغول ماعنده وقت يطبخ وانا ما اقدر اوقف اطبخ اكلنا كله بيتزا من برا او قلي اشياء جاهزه بالبيت والحين خلاص احس معدتي هي ألم هي حموضه هي مدري وش صار لها هههه ربي يسهلها ... ان شاء الله فتره وتعدي بالنسبه للنونو انا بديت احس بضربات اكثر من ماهي نبض اوقات احس شي كذا ينط بكرشتي واذا حطيت يدي المس شي خشن الظاهر انه يحط يده او رجله او مدري وش ويضغط مايبين الشكل واضح بس كذا تطلع نفخه احس فيها اذا حطيت يدي توني البارح رحت المختبر خذو مني تحليل عشان الكروموسومات مدري وش سالفتها دقو علي قالو روحي سويه أحد عنده خبر عن هذا التحليل ؟ او قد سويتوه؟ موعدي إن شاء الله يوم الجمعه هذا ماعاد باقي إلا يومين ربي يصبرني بالنسبه للتجهيز خلاص انا ببدأ من هذا الشهر شوي شوي باخذ شوية ملابس بطلبها اون لاين زوجي موب فاضي يلف فيني لين يفضى الشهر الجاي نطلع نشوف باقي الأغراض متى مواعيدكم الجايه يابنات؟ |
رد: تجمع حبيباتي الكروشات اللي راح يولدون بشعبان
صباح الخير
كيفكم شوا الاخبار الكم وحشة |
رد: تجمع حبيباتي الكروشات اللي راح يولدون بشعبان
اقتباس:
والنونو انا زيك احس بيها كتير مو بس نبض ,,حضرتها تعترض على كل جلسة او حركة اذا غيرتها وكله احسه ترفيس هههههههههههه مرررره حلو دا الاحساس , وكمان لما يكونوا بالسابع تجنن حركاتهم تشوفيها من بره بطنك وتقدري تخلي اي احد يشوفها ..عيالي ينتظروا تكبر علشان يشوفو الرفسة هههههههههه الكروموسومات يسووها اذا ماعملوا الالتراساوند حقت النقر وكلهم لسندروم داون , تحليل روتيني ويااااااااااااااااااارب تشوفي النونو وتعرفي نوعه يوم الجمعه واتوقع ولد وانا موعدي السبت بعد الجاي بعد 9 ايام ان شاء الله وما اتوقع الترا ساوند بس يادوب تهزيء على زيادة وزني وكشف نبضات البيبي وتكتب لي فيتامينات |
رد: تجمع حبيباتي الكروشات اللي راح يولدون بشعبان
فنو لا تقلقى الشد والمغص فى الحمل طبيعى جدا حتى انا امس جالى شد بجنبي مؤلم مرة كدت ابكى منه لكن هذا طبيعى وبيزيد خلال شهور الحمل ويارب يؤجرنا على تعبنا
نعومه مشكورة حبيبتى ان شاء الله اقول لها ام حمادة توصلى بالسلامه مصر وياريت تسلميلى على مصر واهل مصر وانا مثلك لسه ما عرفت نوع البيبي مس يويو معلش ربنا يؤجرك على تعبك وبالنسبة لى موعدى بعد 10 ايام |
رد: تجمع حبيباتي الكروشات اللي راح يولدون بشعبان
اهلين ياغاليات
نعومه ام حمادة بخير الله يسلمكم موعدي بعد اسبوعين ربي يسهل بس بكرة بروح لها اضطراري لان عندي نغزات في العضلات الي تحت مدري وش هي اخاف التهاب في البول احيان النغزات من داخل المهبل الله يستر مدري عادي من ضغط المثانة او فيني شي بروح اتطمن الحركه احس بعض الاحيان زي الامواج البارح الحموضه عامله عمايلها رحت اكلت خيار والحمد لله مسس سوي مساج خفيف لظهرك بزيت عشان يرتاح والمعدة سوي لك ارز وبطاطس مسلوقه مع خضار راح تلاحظي الفرق من اول يوم انا جربتها ابتعدي عن المقليات والغازيات ربي يسهل ويتمم ع خير |
رد: تجمع حبيباتي الكروشات اللي راح يولدون بشعبان
مس يويو / سلامتك يا قلبي والله تعب لما يتلخبط النوم أووووم الأرهاق الله يعيننا ومبروووووك حركة الجنين الله يفرحك بشوفته وعقبال ماتشيلينه بحضنك وعلى التحليل روتيني عااااااادي .
أم حمادة / تروحين وتجين بالسلامة والله يسهلك فنو / بكرة بعد ماتولدين بالسلامة تنسين كل شىء وتعيدين الكره قصدي الحمل هذي سنة الحياة وهذي الأمومة الله يأجرنا على تعبنا . خوخه / سلامتك يالغلا لا تخافين انا زيك الشهر اللي راح حسيت بنفس الألم اللي فيك نغزات من بره ومن جوه وقالت لي الدكتوره أشربي مويه كثير أربع كاسات باليوم والله كثييييير وانا مهملة بشرب المويه بصراحة عشان كذا تعبت وقدامك العافيه . ونااااااسه يابنات اليوم دخلت الخامس بس للآن ماأحس بحركة وموعدي بعد أسبوعين تقريباً والله يتمم لنا على خير ياررررب . |
رد: تجمع حبيباتي الكروشات اللي راح يولدون بشعبان
اقتباس:
صباح النور رديت عليك بس عشانه تو الصباح عندنا وحسيتك حاسه فيني ههههه الحمدلله بخير إنتي أخبارك وأخبار النونو ؟ |
رد: تجمع حبيباتي الكروشات اللي راح يولدون بشعبان
اقتباس:
حتى إذا كنت واقفه زي البارح اسبح .. يتحرك حتى زوجي كم مره يحط يده ويحس فيه يضرب يستلعن عليه يجي من الجامعه يده بارده هههه ويحطها على كرشتي وأنواع الترفيس تبدأ آهاا الحين استوعبت ليه خذو التحليل .... المشكله ان اللي كلمتني اللي بالرسبشن لما سألتها ليه قالت مدري ليه بالضبط تبين احولك ع الدكتوره اذا خلصت قلت إيه بسألها .. ولا عاد دقت علي بعدين هههه إنت تتهزأين عشان زياده وانا عشان نقص دكتورتي كل مره اروح لها تقول لي ماتغيرتي وزني دويه وصل 44 هذا الاسبوع داخله انا مع وحده امريكيه حنا الثنتين بنفس الاسبوع هذاك ماشاء الله كرشتها قدامها ودبدوبه شوي وانا ابد ولا كأني حامل لابسه الجينز وبلوزه عاديه تقول لي انتي شلون كذا ليه جسمك ماتغير للحين وشلون ماطلع لك بطن حجم جنينك طبيعي وين موديته بالضبط داخلك .. المفروض الحين لك كرشه وانا وجهي كذا hwaml02 اقول لها يابنت الحلال عادي أهلي كلهم كذا قعدت سألتني عن تاريخ العايله الكريمه كلها هههههه تقول ما اصدق انتو كذا وتحملون وتجيبون عيال تعب عليكم أجسامكم مرا صغيره قلت عاد وش نسوي قدرة ربي بس قدمت لي موعد ولادتي يومين زياده صارت ولادتي بـ 5 جولاي يعني 15 شعبان يعني قبلك بيوم .. مدري ليه |
رد: تجمع حبيباتي الكروشات اللي راح يولدون بشعبان
اقتباس:
هذا الحمل وهن على وهن قريب موعدك الحمدلله ماعاد باقي شي hwaml7 |
رد: تجمع حبيباتي الكروشات اللي راح يولدون بشعبان
اقتباس:
والله صايره كل يوم لازم اشرب شوية سفن اب ولا ماتخف تذبحني وماعندي دوا للمعده ... شفت حبوب مص نصحتني فيها جارتي امريكيه اسمها tums تقول جدا مفيده للحموضه وتصلح للحوامل تقدرين تاخذين في اليوم اكثر شي 10 حبات بس مو اكثر http://forum.hwaml.com/imgcache2/hwa...718995_697.jpg هذا هي فيه منها على فواكه وفيه منها على نعناع بس باقي مارحت الصيدليه اخذت إن شاء الله طلعتي الجايه بمر اخذها وأجربها بالنسبه للنغزات عادي حبيبتي حتى انا احس فيها وماعندي التهاب ولا شي الحمدلله روحي إحتياط .. بس طمني بالك إن شاء الله مافيك إلا العافيه |
رد: تجمع حبيباتي الكروشات اللي راح يولدون بشعبان
اقتباس:
إيه والله انا اكثر شي هاد حيلي النوم ... مره ملخبط بس الحمدلله البارح زوجي ماخلاني انام طول اليوم جا الليل وانا هلكانه بس حطيت راسي نمت وصحيت الصباح مصحصحه شوي بالنسبه للمويه انا قريت كثير ان اللي مايكثرون مويه اوقات تصير عندهم مضاعفات بعدين تنقص المويه ع الجنين .. ووقت الولاده يخافون عليه حاولي تغصبين نفسك .. حطي لك علبة مويه جنبك كذا ماتضطرين تروحين تشربين وترجعين تكسلين من الروحه والرجعه .. خليها دايم معك وكل ماشفتيها افتحيها واشربي شوي انا من حالة الجفاف اللي فيني اشرب مويه الحمدلله كثير بس موب نافع ابد .. بشرتي دايم جافه وشفايفي متقطعه احس خلاص شوي وبتصير بشرتي زي خشب الشجر hwaml02 |
رد: تجمع حبيباتي الكروشات اللي راح يولدون بشعبان
مسااااكم ورد
فنوو انا مثلك بالضبط حتى صرت اخاف من الشد بس لما شفت كلام البنات ارتحت حلوين انا بعد ماعرفت جنس البيبي :( وموعدي السبت الجاي بعد 9 ايام بس مااتوقع تسوي لي سونار .. تحاليل وتشوف النبض اووووم التحطيم .. مابعرف جنس البيبي الا في نهاية الخامس ان شااء الله |
رد: تجمع حبيباتي الكروشات اللي راح يولدون بشعبان
حاولي تخلينها تسوي لك سونار
قولي لها ابي اعرف نوع الجنين وابي اسوي سونار واذا مانفع روحي اي مستوصف او مستشفى سوي سونار واعرفي الدعوه عندنا سهالات .. اي مكان يسوي لك سونار انا من زود ماطلعو روحي مع النوع حتى إحساسي قام يخبص البارح حلمت حلمين .. أول حلم اني ولدت ولد وامي وجدتي عندي مو ذاكره الحوار بالضبط بس ذاكره اشكالنا هههه والحلم الثاني اني جبت بنتين توأم وقاعده ابكي على راس زوجي وش اسوي فيهم ثنتين وانا مامعي احد يعاوني لا امي قريبه ولا فيه احد بيجيني هههه قسم مخي ضرب من التفكير .. مع اني احاول ما اشغل نفسي وافكر طول اليوم بس قامت تطلع في احلامي انا لو يقولون لي بنت او ولد خلاص بسكت بس ابي اعرف ههه |
رد: تجمع حبيباتي الكروشات اللي راح يولدون بشعبان
مس يويو وانا افرفر فى المنتدى لقيت هالموضوع عن الحموضة ان شاء الله تستفيدى منه انتى والكروشات وعلى فكرة ذكروا فيه اسم دواء الحموضه اللى نصحتك بيه جارتك
http://forum.hwaml.com/t51326.html |
رد: تجمع حبيباتي الكروشات اللي راح يولدون بشعبان
تسلمي نونيي الله يعطيك الف عافيه يارب
ولايذوقك الحموضه طول الفتره الباقيه من حملكك قولي آمين إن شاء الله راح احط لهم رد الحين |
رد: تجمع حبيباتي الكروشات اللي راح يولدون بشعبان
يلا ياحلوات زي ماقالت دندوشة نكتب اغراض البيبي علشان ماننسى ايش نحتاج
نبدأ بالملابس 1- نحتاج تقريبا 8 بربتوزات العدد مو كبير لاتنسوا انه البيبي كل شوي يستفرغ او انه اذا جيتي تربتي على ظهره علشان يطلع الهوا برضو حيبهدل الدنيا وممكن يسرب شوي بول من الحفاضة لانه صغير مرررره.. اهم شي بالبربتوزات لها ازرار من قدام وتحت من قدام علشان تضمني الرقبة مو ضيقة , ومن تحت علشان ماتتورطي اذا جيتي تغيري له الحفاضة تضطري تخلعي له البربتوز كامل http://forum.hwaml.com/imgcache2/hwa...724352_331.jpg ولا يكون عليها اي تيكت او ورقة لا عند الرقبة ولا اي مكان داخل اللبس. ولا تختاروا مقاس نيوبورن newborn لانه صغير مره والبيبي يكبر بسرعه ,, هذا غير انه البربتوز لما يكون مره قده وعلى المقاس راح يضايق السرة اللي لسه مانزلت ويضغط عليها. خلوكم على مقاس 0-3 ممتاز ومناسب. 2- بربتوزات بدون كم وبدون ارجل مقفلة وممكن تجيبوا 2 او 3 منها زي دا http://forum.hwaml.com/imgcache2/hwa...724348_661.jpg هدي حلوة في الصيف ولما يكون المكيف مقفل والبيبي عدى الاربعين , العبي في ايديه ورجليه واتفرجي على صغرهم هههههههههههه. 3- فانيلات داخلية جيبوا برضوا 8 منها ومن مقاس 0-3 وبرضوا انتبهوا لايكون فيها تيكيت .. http://forum.hwaml.com/imgcache2/hwa...724349_312.jpg وممكن بكم او بدون ولاحظوا التيكيت بره مو جوه. 4- طواقي وشراريب وقفازات ومرايل http://forum.hwaml.com/imgcache2/hwa...724347_765.jpg http://forum.hwaml.com/imgcache2/hwa...724347_743.jpg وبما اننا جبنا بربتوزات بدون كم وارجل يصير لازم لنا كم شراب وكم قفاز . القفازات مهمه مره لانه مهما قصيتي اظافر البيبي راح تلقي خرابيش في وجهه هههههههههه. والطواقي كمان مهمه لازم راس البيبي يتغطى خاصة لو دوبه متحمم . والمريلة اهم شي تكون تشك تشك مو ربطة علشان لاينخنق وكمان تكون مبطنة بشي ضد الموية وابدا لا يلبسها الا وقت الرضاعه وشيليها على طول. وانا استخدمها لما يكبر شوية مو من اول شهر 5- الكوفلات والبطانيات الكوفلة للتدفئة وعلشان البيبي يتطمن اذا لاحظتوا احيانا وهو نايم يتفزز على السرير ويرفع ايديه ياحرام من الفجعه ..والكوفلة حلوة اذا اتحطت عليه على خفيف بدون ربط وتشديد وخرابيط وافكار زمان لانه الدكاترة قالوا انها تضر العظام لو اتشدت على الايدين والرجلين. http://forum.hwaml.com/imgcache2/hwa...724347_118.jpg والبطانيات تحتاجوا بطانيتين ناعمه وحده للبيت والثانية للخروج لو اشتريتي عربية للبيبي . لما يكون نايم لاترفعي البطانية مره قريب رقبته علشان لاتغطيه بالصدفه اذا اتحرك. وممكن تسوي زي الفنادق اذا لاحظتوا كيف البطانية اطرافها من اليمين واليسار يحطوها تحت المرتبة وبكدا ماراح تتحرك . . . الموضوع طبعا لسه مطول بس اخد استراحه وارجع اكمل جزء النوم وايش نحتاج فيه ولسه باقي لنا كذا جزء ... واذا عندكم افكار لجزء الملابس شاركونا طبعا مجهود شخصي وجمعت لكم الصور من النت علشان تجمعنااحلى تجمع لكروشات شعبان ويااارب نشوف نونوهاتنا معافين ويقر عيوننا بيهم |
رد: تجمع حبيباتي الكروشات اللي راح يولدون بشعبان
اقتباس:
|
رد: تجمع حبيباتي الكروشات اللي راح يولدون بشعبان
مشكورة نعومه على طرحك الرائع وننتظر البقيه
|
رد: تجمع حبيباتي الكروشات اللي راح يولدون بشعبان
|
رد: تجمع حبيباتي الكروشات اللي راح يولدون بشعبان
هلا نونيييي كيفك حبيبتي اليوم
يلا نبدأ شغلات ولوازم النوم 1- سرير دائم للبيبي وطبعا اهم شي السرير لانه هو دا المكان اللي لازم يتعود ينام فيه وراح يعرف انه مصدر راحته وهدوءه ان شاء الله . واذا اتعود باذن الله ماراح تتعبي كتير في نومه لو كنتي منظمة اما لو كل يوم في مكان فالله يعينك على تعبك . وطبعا نستثني البيبي المولود اللي اقل من شهر ..هدا ينام في الحضن ويتدلع كمان hwaml67 وابوه ينام بره ههههههههههههه طبعا السرير الدائم اللي هو الكبير اللي يستمر معاه من الولادة الى 3 سنوات مثلا ولازم يكون خشب اصلي .. وترى الاسعار مناسبة .. ايكيا الاسرة فيها خشب ممتاز واصلي واسعارهم من 300 وفوق وشكلها تقليدي زي دا http://forum.hwaml.com/imgcache2/hwa...727633_743.jpg وراح تلقوا زيه عند اي مكان صناعات وطني بس نصيحه لاتشتروه من اسواق زي طيبة والعويس ومحمود سعيد لانه الوطني للاسف مايكمل 6 اشهر الا وهو فجأة هزاز ومخلع .. ومافرقت لانه سعره 200 عندهم او 300 ...فندفعها في شي عليه ضمان احسن. وسنتر بوينت فيها اسرة كمان بس على اغلى شوية تقريبا من 1000 الى 3000وبرضو خشبها حلو وتتحمل وتكون اكبر شوية في حجمها وسماكة الخشب زي دا http://forum.hwaml.com/imgcache2/hwa...727639_409.jpg وعندكم كمان بيبيز ار اص بيجيب اسرة امريكية وموجودة في امازون وعجبتني شخصيا لانه فيها مميزات زي الادراج والارفف زي دي الاسرة http://forum.hwaml.com/imgcache2/hwa...727640_347.jpg http://forum.hwaml.com/imgcache2/hwa...727634_893.jpg http://forum.hwaml.com/imgcache2/hwa...727634_732.jpg وانا لقيت زي هذا من نفس الشركة وسعره 1200 تقريبا .. 2- مراتب السرير لو ماحبيتوا تشتروا الاسرة من دي الاماكن فالافضل على الاقل تكون المراتب منها علشان مرتبة الرضيع مصممه بطريقة تلائم وضع ظهره وعظامه ودرجة حرارة مناسبة لجسمه ومكونة من خامات صحية . 3- دولاب او ادراج اذا مااشتريتوا سرير يشمل ادراج ممكن تشتروا زي دي الادراج http://forum.hwaml.com/imgcache2/hwa...727634_600.jpg تكون من فوق مكان لتغيير الملابس والحفاض ومن تحت ادراج او زي دي من ايكيا http://t1.gstatic.com/images?q=tbn:A...jqKXzqbWjGSfTZ والاثنين اسعارهم ابتداء من 300 ريال ...وممكن اذا مو حابين دولاب او ادراج ممكن تفضوا جزء من دولابكم او دولاب واحد من الاطفال ويتخصص للنونو وتكون طاولة التغيير ملحقة بالبانيو زي ما حأعرض لكم بالجزء الجاي. 4- مفرش السرير ويكون بالعادة طقم مكون من لحاف ومفرش سرير ومخده صغيييرة ومفرش لحواف السرير علشان لما البيبي يتحرك راسه ماتضرب بالحافة وكمان مفيد يبعد عنه اي ضوء مباشر علشان يرتاح ,,والاطقم احيانا تشمل ستارة وحركات ..اختاروا اللي يناسبكم . http://forum.hwaml.com/imgcache2/hwa...727634_119.jpg 5- ناموسية يفضل اذا في منطقة ناموسها كثير زي جده يكون عندكم ناموسية ولها احجام واشكال كتير وسعرها مرره مناسب وموجودة في ايكيا وسنتربوينت ومذركير http://forum.hwaml.com/imgcache2/hwa...727634_597.jpg 6- دعامات نوم للاطفال هذي طبعا كماليات اذا حابة يكون عندك وحده لو النونو نايم جنبك على السرير او الكنبة وبرضو موجوده عندنا باشكال مو كتير يادوووب كم شكل http://forum.hwaml.com/imgcache2/hwa...727634_922.jpg http://forum.hwaml.com/imgcache2/hwa...727634_724.jpg 7- الاسرة الهزازة ودي برضو ممكن تكون ضمن الاشياء اللي مو اساسية مره لانه ماتححمل اكثر من 8 اشهر لعمر البيبي زي دي http://forum.hwaml.com/imgcache2/hwa...727845_516.jpg دا يدوي وسعره قريب 200 ريال وممكن تجيبوه بالبطارية زي اللي موجوده في سنتربوينت وهدي اسعارها تبدا من 500 ريال وفوق وفيه شوية كماليات راح نخلي لها جزء لحالها ... وبرضو لو فيه شي ناسيته او حابين تضيفوه الموضوع موضوعكم . وشوي ان شاء الله نروح لجزء الحمام ومستلزماته |
رد: تجمع حبيباتي الكروشات اللي راح يولدون بشعبان
اه بطني متحجرة .. تعبتني اليوم
طبعا للبكريات تحجر البطن تحسي انه صار حجر وقاسي واتكور والنفس انكتم لثواني وبعدين تفك وترجع عادي.. التحجر هو تقلصات براكستون هيكس << يعني التحجر عينة من الطلق بدون ألم الظهر والدورة وووو .. مايخوف ويحصل باخر شهرين لتدريب الرحم على التقلص حق الطلق لكن اللي والده قبل كدا ممكن تحسه من الخامس زي حالتي ..بسبب التعب والوقفة الكتير والجلسة الكتير والاجهاد وقلة شرب الموية . لازم راااحه وشرب موية كتيييييييييييير مره << جالسة اشرب ممكن تحسوا بيه (اللي مو بكريات) لو اتمددتوا اكتر من 10 دقايق على ظهركم ..تحسوا بكتمة فجأة واحساس غريب في البطن .. معليش فلسفة زايده بس لانه تعبني اليوم قلت اقول لكم وبالمرة يكون عندكم فكرة علشان لو صار لكم ماتوسوسوا وتخافو |
رد: تجمع حبيباتي الكروشات اللي راح يولدون بشعبان
الله يسعدك يانعوووومه ماقصرتي الله يتمم عليك وعلينا يااارب
|
رد: تجمع حبيباتي الكروشات اللي راح يولدون بشعبان
ويسعدك حبيبتي سفن وربنا يتمم لنا جميعا على خير يااارب
مستلزمات الحمام قبل ما اكتب ايش نحتاج راح احط لكم صورة احدث شي في عالم بانيوهات النونو باانيو مع سبا spa وفقاعات وكمان دش ياعيني ياعيني http://forum.hwaml.com/imgcache2/hwa...739326_579.jpg وسعره 244 ريال بس وموجود في بيبيز ار اص فرع امريكا وممكن من امازون . ونروح لمستلزماتنا .. 1- بانيو للبيبي http://forum.hwaml.com/imgcache2/hwa...739325_538.jpg طبعا كل سنة نشوف افكار جديده , البانيوهات صارت افضل وتصميمها ملائم اكثر لجسم البيبي ممكن تجي منفصلة , وممكن مع كرسي يسند البيبي. وممكن تجيبي بانيو وقافي زي دا .. http://forum.hwaml.com/imgcache2/hwa...739325_440.jpg عبارة عن طاولة تغيير وتحتها بانيو والطاولة تغطيه ..وتحتهم دورين تحطي فيهم ملابس واغراض ومناشف ..وتقسيمات للصابون واغراض الاستحمام . 2- اسفنجات الدعم للبيبي http://forum.hwaml.com/imgcache2/hwa...739325_955.jpg تقريبا صارت كماليات لان اغلب البانيوهات فيها دعم ضد الانزلاق , وكمان الاسفنجه عيبها ماتنشف بسرعه ..خاصة ان المولود يحتاج حمام يومي فمتى راح تنشف ؟ صعب الا اذا اشتريتي اثنين . 3- مناشف البيبي طبعا لازم منشفتين كبار علشان الاستحمام اليومي كل يوم وحده ومناشف صغيرة للوجه , تنفع للاستحمام وتنفع اذا اتوسخ وحبيتي تنظفي وجهه في غير وقت الاستحمام . http://forum.hwaml.com/imgcache2/hwa...739326_876.jpg او ارواب استحمام http://forum.hwaml.com/imgcache2/hwa...739326_239.jpg طبعا دي الافضل من 3 - 6 اشهر يكون كبر شوية البيبي , بدري تلبسيه روب وتحوسي بيه . 4-شامبوهات وادوات تنظيف طبعا من كماليات الحمام طقم الاستحمام من جونسون او نونو او مذركير واسفنجه ناعمه وشوية اكسسوارات http://forum.hwaml.com/imgcache2/hwa...739324_569.jpg http://forum.hwaml.com/imgcache2/hwa...739324_475.jpg http://forum.hwaml.com/imgcache2/hwa...739324_307.jpg مقياس لحرارة موية الاستحمام http://forum.hwaml.com/imgcache2/hwa...739324_769.jpg صندوق اغراض الاستحمام وموجود في مذركير بسعر 150 و 180 ريال وممكن يجي بنفس شكل ولون البانيو يعني يجي طقم معاه http://forum.hwaml.com/imgcache2/hwa...739324_167.jpg حركة جديده وبرضو شفتها في مذركير http://forum.hwaml.com/imgcache2/hwa...739323_274.jpg طقم عناية بالمولود http://forum.hwaml.com/imgcache2/hwa...739324_980.jpg زبالة روعه للحفوضات , كل ماترمي حفوضة راح تضغطها جوه كيس منفصل ومانعه للرائحه سعرها في امريكا 80 ريال وهنا موجوده في مذركير 375 ريال <<< افترا عيني عينك http://forum.hwaml.com/imgcache2/hwa...739324_779.jpg اللي مو حابة تشتري طاولة تغيير ممكن تجيب هذي ممتازة واشكال حلوة ورخيصة وموجوده في سنتربوينت ومذركير طبعا باقي اغراض الحمام الحفوضات , وقطن ومناديل معطرة للبيبي وقطن لتنظيف الاذن . . والجزء الجاي لاغراض الرضاعه قلت لكم مشوار اغراض البيبي يادوب نشتريها شوية شوية على فكرة اغلب الصور من تويز ار اص ..ومن عند الشامبوهات وتحت من مذكير |
رد: تجمع حبيباتي الكروشات اللي راح يولدون بشعبان
نسيت اقول لكم , كل الاغراض اللي حطيت صورها انا شفتها في السوق وكتبت لكم فين تلقوها والاسعار برضو شفتها بنفسي .
ماعدا بانيو سبا الدلع مو موجود عندنا. وحاولت ما اجمع الا الموجود عندنا علشان يتسهل عليكم تشتروه وتعرفوا فين . ولسه باقي اكتب لكم عن الرضاعه الطبيعية والصناعية وادواتها والاغراض حقت بره البيت اللي نحتاجها , واغراضنا احنا بالحمل وتجهيزات شنطة المستشفى |
رد: تجمع حبيباتي الكروشات اللي راح يولدون بشعبان
اقتباس:
بس الحموضة خلاااااص تعبتني الله يعيننا في اخر شهرين |
رد: تجمع حبيباتي الكروشات اللي راح يولدون بشعبان
|
رد: تجمع حبيباتي الكروشات اللي راح يولدون بشعبان
نعومه يعطيك الف عافيه ياربي
ماشاء الله ماخليتي شي استلمتي كل شي بالترتيب شغل حلو ومنظم أنا بس تخلصين راح اضيف كم شغله شفتهم هنا وع الأغلب ما اعتقد انكم تلاقونها عندنا في السعوديه او غيره لأنها تجي بس عند الماركات الأمريكيه اللي مالها فروع وشوي شوي ان شاء الله نخلصهم بانيو السبا توهذا الإسبوع جايني عليه عرض خصم 40% بس مافكرت اشتريه أول شي محتاج مكان بالحمام غير كذا اخاف يجي الارض مويه واتوهق فيه كل مره لازم امسح تدرون حماماتهم هنا الله يكرمكم تقرف مافيها بلاعات وصغيره وحالتها حاله وحتى نوافذ مافيها والجو دايم بارد لو يجي الارض مويه ماتنشف إلا بعد كم يوم تطفش او لازم اقعد امسح فيها شغلانه ماتسوى علي |
رد: تجمع حبيباتي الكروشات اللي راح يولدون بشعبان
اقتباس:
تذكرين .. انا من الشهر الثالث وانا اقول لكم أحس بتحجر بجهة اليسار .. والله يتعبني والحين تقريبا من اخر الرابع للآن كل يوم الصباح أول ما اصحى احس بطني كله زي الحجر ما اقدر اتحرك كثير بس الاحظ اذا اكلت وشربت يخف وباقي للحين اوقات تجيه حاله وسط اليوم ويتحجر لي جهة اليسار ربي يسهل ويتمم علينا بخير |
رد: تجمع حبيباتي الكروشات اللي راح يولدون بشعبان
اقتباس:
أخبارك سفونه مشغوله عنا هاليومين تطلين ع السريع وتطلعين اقول ارجعي بس اقعدي مكانك ولاتتحركين واجد مو بزين ع البيبي |
| الساعة الآن 02:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .