رد: دردشة حوامل أهل قطر - دردشة بنات قطر - تجمع حوامل قطر
 

هلوو شوكولاطه.. انتي بجر؟
الويكند دواااااااارة لان انا ما اطلع طول الاسبوع و اليهال محكورين معاي.. ان شاءالله يدفى الجو شوي عشان نقدر نطلع.

رد: دردشة حوامل أهل قطر - دردشة بنات قطر - تجمع حوامل قطر
 

شوكولاطه ؛


هههههه من تزوجت وانا اقول بروح له ولين الحين مارحت هههههه

ان شاءالله بحجز عنده بعد فتره بسيطه عندي عرس بحجز عنده اذا بروح


متوهقه في ولدي مادري شسوي فيه 

رد: دردشة حوامل أهل قطر - دردشة بنات قطر - تجمع حوامل قطر
 

الويكند اممممم ماحس فيه الايام تتشابه عندي

قاعده بالبيت 


الخميس اطلع اسير ومتملله اليوم مادري بسير


ولا بقعد مكاني ابرك 

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي

اي فديتج بجر

يحليلهم اليهال الله يحفظهم
دفيهم واطلعو شمو هوا
عيب الويك اند انه زحمة حلاته الواحد يروح بر ولا بحر ولا عزبة وباربكيو الله احلى ههههه



مس حسن

اي زين تسوين روحي له
ايه عليه علاوي ماعندج احد يمسكه ؟
يكسرون خاطري اليهال الواحد ماوده يهدهم بنفس الوقت يقيدونج
الله يحفظهم يارب

ههههههههه اطلعي غيري جو روحي اي مكان
روحي معرض السيارات < ----- بتتسطر ههههههه اتغشمر طبعا لووول

انا احب الشتا وطلعاته بس الثقل عائق هههههه الحمدالله رب العالمين

رد: دردشة حوامل أهل قطر - دردشة بنات قطر - تجمع حوامل قطر
 

مايبي حد ولدي بس انا  يتدلع

ههههه اهم شي معرض السيارات 


ماطلعت قعدت بالبيت 


ان شاءالله قريب بتخفين 


و بيجي البيبي بالسلامه ان شاءالله

و ينور دنياج 

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي ؛


نورتي موضوعي فديتج 


و يسلمو على التقييم 


/

شخبارج مع الدوام و الثقل ؟


ان شاءالله مرتاحه 

رد: دردشة حوامل أهل قطر - دردشة بنات قطر - تجمع حوامل قطر
 

ويييه يحلوه الله يحفظه والله يعينج ان شالله*

ههههههه اي خبرة معارض ههههههه

امين يارب الله يسمع منج

ياالله قولو لي من خبراتكم شنو اللي يسرع الولادة ويسهلها باذن الله من تجاربكم

غير المشي والتمر؟


وبعد شي ثاني اذا احد فيكم يعرف
يدي صارت تنمل واااااايد لما انسدح ولا ارقد
سألت الدكتورة قالت لي عادي احتباس سوائل ويمنع وصول الدم وبيروح بعد الولادة
حد فيكم صاده هالشي ؟ وهل تعرفون له حل ؟مع اني مانام عليها بس علئ طول من انسدح كفوفي نملت*



رد: دردشة حوامل أهل قطر - دردشة بنات قطر - تجمع حوامل قطر
 

بنسبه لي كان الرحم مفتوح 2 سانتي

بس الطلق بارد 


قالت لي الدكتوره امشي و اشربس دارسين

مشيت وايد و شربت دارسين زاد الطلق شوي

ولما نمت اختفى ثاني يوم شربت خروع 


4:30 العصر بدأ الطلق معاي 11:15

و نزل ماي الجنين وانتي بكرامه ورحت المستشفى

بس كان الرحم مفتوح لما شربت خروع

/


بخصوص التنميل مادري ماصار لي ولا عندي خبره فيه سوري


ربي يسهل ولادتج فديتج انتي وحرم المالكي وجميع الحوامل

رد: دردشة حوامل أهل قطر - دردشة بنات قطر - تجمع حوامل قطر
 

اللهم امين ,, والحمدلله اللي هونها عليج ,,

تسلمين حبيبتي ,, ماقصرتي يالغالية ,,

انا اسمع عن الدارسين والخروع بس مثل ماقلتي لازم يكون في طلق ,,

تسلمين مرة ثانية

رد: دردشة حوامل أهل قطر - دردشة بنات قطر - تجمع حوامل قطر
 

يسلمج فديتج 

قصر الله الشر عنج حاضرين للعسولين 

يمكن ينفتح الرحم و الطلق بارد ماتحسين فيه

انتي الحين بأي شهر ؟


انا كنت رايحه الدكتوره اشوف لان زادت الافرازات عندي وانتي بكرامه شفافه

ورحت وسوت لي فحص وقالت الرحم مفتوح


هالكلام قبل موعد الولاده الي معطيني اياه


بـ 12 يوم .


الخروع زين بس لازم يكون الرحم مفتوح

لان اذا كان مسكر بيجيب لج طلق وايد

و الرحم مسكر 


مو زين يقولون الطلق وايد والرحم مسكر

رد: دردشة حوامل أهل قطر - دردشة بنات قطر - تجمع حوامل قطر
 

مس حسن

هلا الغالية ,, الله لا يقصر بعمرج ان شالله :)

انا مادري الصراحة أحس احيان بالام بس ماظن انها طلق لأن قالو الام الطلق تحت البطن والظهر ,, خبرج بجر ماجربت الطلق قبل ,,

الحين سلمج الله انا فالتاسع ,, شهري ,, ماعطيني 18 أو 20 فبراير الولادة ان شالله

اي صح كلامج من جذي ماقاعدة اخذ شي من هالاشيا او الاعشاب اللي تزيد الطلق على قولتج لازم يكون الرحم مفتوح ,,

بعد بكرة ان شالله عندي موعد بنشوف شبتقول الدكتورة ,, الله يعين وييسر يارب

وبجرب القرفصاء على قولتهم ههههههههه أدور الاشيا اللي ماتضر ان شالله

المشكلة مب قادرة أمشي وايد هالايام الهوا بارد ..حدي ربع ولا نص ساعة .. مع اني اتدفى بس احس بطني يتيبس من البرد ,,

شكلي بمشي فالمجمعات ,, بس يبي لي أحد يغمض لي عيوني hwaml03 ولا بفلس ومابمشي كل شوي بوقف

رد: دردشة حوامل أهل قطر - دردشة بنات قطر - تجمع حوامل قطر
 

هههههه حتى انا اول بيبي لي

وتمللت ماعرف اي الالم طلق 


وصفوا لي بس ماعرفته

الا لما رحت المستشفى وقام يزيد ويجي كل 5 دقايق

عرفته ههههههه

اي القرفصاء كنت اسويها زينه


ههههههه اهم شي حد يغمض عنونج 


خلاص تمشي في بيتج احسن 



انتي كم عمرج اذا مايزعجج السؤال

بس حبيت نتعرف على بعض اكثر 

رد: دردشة حوامل أهل قطر - دردشة بنات قطر - تجمع حوامل قطر
 

هلا مس حسن

الدوام ماشي حاله .. الثقل موجود و احس الشهر الثامن ما يمشي..

الله يعين ان شاء الله.

رد: دردشة حوامل أهل قطر - دردشة بنات قطر - تجمع حوامل قطر
 

هلا شوشوو.. شخبارج؟

بخصوص تسريع الولادة انا ما جربت الصراحه كل شي له وقت سبحان الله.. بس المشي ززززين و الجماع و التمر طبعاا.. انا في بجري مشيت لين هلكت و بدا معاي الطلق عقبها سبحان الله..
اما في الثاااني مشيت لين زهقت و ما ولدت الا في اخر يوم من شهري..
المشي اذا ما نفعج ما راح يضرج ان شاءالله.

و بخصوص التنميل شي طبيعي و لاتحاتين ان شاء الله.. ربي بيسهلها عليج.

رد: دردشة حوامل أهل قطر - دردشة بنات قطر - تجمع حوامل قطر
 

ماشاءالله عليكم ما لحقت على سوالفكمhwaml5

الله يهون عليج شوكولاطة و صدقيني كلما سهلتيها على نفسج بتسهل .. لا توسوسين وايد..

و ان شاء الله بتجربين الطلق الصجي hwaml10

جك بك الا البيبي طالعhwaml9

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي ;


الله يعينج فديتج


و يسهل عليج ان شاءالله بتمر الايام بسرعه لاتحاتين 

رد: دردشة حوامل أهل قطر - دردشة بنات قطر - تجمع حوامل قطر
 

يحليله بجرج علاوي يا أم علاوي ,, الحين عاد تعلمتي صار عندج خبرة للمرات الجاية ان شالله ,, عقبالنا

اي والله شكلي بتمشى فالبيت عن الخساير هههههه المشكلة الحوش ماقدر حذانا بنيان وعمال يطلطون لابارجت فيهم ..شكلي بمشي داخل البيت من الغرفة للصالة للمطبخ هههههههههه

عمري سلمج الله عمر الزهور hwaml03 إلا قولي عمر السدر ولا العوسج هههههههه عيزنا يمج مابقى من العمر كثر ماراح ,, لا تعيبين عاد hwaml81hwaml83
28 hwaml53hwaml72hwaml83

رد: دردشة حوامل أهل قطر - دردشة بنات قطر - تجمع حوامل قطر
 

سبحان الله .. حتى الوحدة نفسها يختلف من بيبي للثاني شلون عيل من وحدة لوحدة ,, على قولتج الوحدة بتولد فالوقت اللي ربي كاتبه لو شنو ماسوينا , بس يعني الواحد ياخذ بالاسباب,,

والتنميل الله يعيني ويصبرني عليه احسه يزيد كل يوم ,, الحين لما امسك الجوال بعد يدي تنمل hwaml03

امين يارب الله يسهلها ان شالله علينا وعليج يارب

تسلمين حبيبتي ماتقصرين ,,

رد: دردشة حوامل أهل قطر - دردشة بنات قطر - تجمع حوامل قطر
 

ههههههههههه اي النشاط زايد هاليومين

امين يارب العالمين ,, ان شالله الله يسمع منج ,, احاول ما اوسوس ومخلية الاجانب قدوتي hwaml10hwaml16 الحياة عندهم سهالات يحلوهم ,,hwaml42hwaml64

ميرسيي حبيبتي تسلمين ,,

رد: دردشة حوامل أهل قطر - دردشة بنات قطر - تجمع حوامل قطر
 

شوكولاطه ؛

اي بجري حبيب امه ماتشوفينه يتدلع 

اي صار عندي خلفيه عن الولاده 


عؤبال عندج 

تمشي انا تمشيت بالبيت بعد ههههه في الايام الي يكون فيها ريلي مشغول امشي حالي ههههه



اي الحين كله بنيان بكل جهه الله يعين

فديت عمرج 

تو الناس عمرج عمر الزهور 


اعرف ناس دخلوا الـ 30 و القلب خضر و يحسون هذا وقت الشباب الحقيقي 

رد: دردشة حوامل أهل قطر - دردشة بنات قطر - تجمع حوامل قطر
 

بنات تككفون من تعرف عيادة ممتازة للحمل غير عدنان وعمر بوزينب لانة رحت لهم ومافي فايدة وصار لي 5سنين ماحملت

رد: دردشة حوامل أهل قطر - دردشة بنات قطر - تجمع حوامل قطر
 

ياهلا حبيبتي 


انا ماجربت صراحه بس حبيت افيدج


فـ بحثت بقوقل و هذا الي طلع لي بمدحون عليهم ؛


ناس تمدح دكتوره مها اللي في عياده الدوحه وناس تمدح الدكتوره ليلى حامد


/

بالنسبة لدكاترة العقم عندنا ..
عندج الدكتور شحاته في مستشفى النساء والولادة .. عندهم وحدة علاج العقم
وعندج خاص دكتور فواز .. وهو شاطر ويتابع معاج الحالة ويقولج الصراحة..
بس اللي يمدحونهم د هدى وهي زوجة د فواز ..
وعندج د لطيفة المناعي انا تابعت عندها فترة وزينة
ودكتورة حليمة في النساء والولادة ومريم فلامرزي بعد

و الدكتور ( شحاته ) وايد يمدحونه هو اكثر واحد لقيت له مدح


و الله يرزقج الذريه الصالحه سويتي

و كثري من الاستغفار 

رد: دردشة حوامل أهل قطر - دردشة بنات قطر - تجمع حوامل قطر
 

الغلا كله الله يرزقج بالذرية الصالحه عاجلاً غير آجل..

جربي تتابعين مع مستشفى الولادة و توكلي على الله.

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي ؛


صباح الورد شلونج فديتج ؟


صرت ادخل الصبح 


علاوي مايخليني انام ههههه

رد: دردشة حوامل أهل قطر - دردشة بنات قطر - تجمع حوامل قطر
 

يحليله دلوع ماما ,, الله يحفظه

امين يارب ..

اي شكلي جذي مالي الا البيت ,,

ميرسي يا ألبي تسلمين صح صح شباب شباب والقلب خضر :) :d:
انتي ماقلتي لي كم عمرج ؟

رد: دردشة حوامل أهل قطر - دردشة بنات قطر - تجمع حوامل قطر
 

شوكلاطه ؛

ويحفظج فديتج


يسلمج حبيبة البي انتي 


انا قبل يومين دخلت الـ 20

رد: دردشة حوامل أهل قطر - دردشة بنات قطر - تجمع حوامل قطر
 

هلا وغلا عزيزتي الغلا كله ,, حياج الله وبياج ,, عسى الله ينولج مرادج قريب يارب

عدنان وعمر الله يهديهم صار همهم المادة بس ,, يشفطون فلوس ,,
جربي احد من اللي كتبتهم لج مس حسن او مثل ماقالت اختنا حرم المالكي ،، حمد,,

هل هم قالو لج فيج شي ولا لا ؟

انا حملت بعد تقريبا 3 سنوات من الزواج والحمدلله ,, احنا أصلا كنا مأجلين تقريبا سنة وبعدها الناس كلونا بقشورنا ,, وحملت عقبها الحمدلله بس 3 شهور وماكان في نبض فسقطت ,, عقبها رحت حق عدنان ماخلا علة ماسواها فيني وانتو بنات قطر كسالى وماتتحركون ومن جذي التبويض عندكم ضعيف وخرعني ,, ولا خلا دوا ولا ابرة ماعطاني ,, حطم نفسيتي وعفسها ،، تركته هو و أدويته وتوكلت على الله واكتشفت ان هاي كلامه حق كل البنات ,,

سبحان الله كم شهر وحملت مرة ثانية لكن بعد ماربج كتب ويتم الحمل وسقطت وماكنت ادري اني حامل ,, رحت جربت عمر مدحوه لي ,, عاد عمر الثاني فلم لي !وقال لي اطفال انابيب ,, انزين اسمع سالفتي اول شوف شعندي شماعندي شفيني شمافيني ,,, اذا تبين التفاصيل بقولج اياها عالخاص .. المهم طلعت من عنده ولا عاد رجعت له ,,

عقب فترة رحت حق دكتورة عادية في الأهلي ودكتورة ثانية في عيادة خاصة وتشيكت علي قالت لي الحمدلله كل شي فيج سليم ,, فتطمنت وخليت الموضوع على رب العالمين ,,

وتوكلت على الله ,, وكنت ملازمة الاستغفار ,, وأدعي في كل صلاة رب هب لي من لدنك ذرية طيبة انك سميع الدعاء ,,, ربي لا تذرني فردا وانت خير الوارثين

والحمدلله رب العالمين الله رزقني والحين انا حامل ولله الحمد الله والشكر الله ينقلنا تمامه و ,, عسى الله يرزقج يارب وكل من يتمنى ,, ةعسى الله يفرحنا بشوفة البيبي ,,

عليج بالاستغفار والدعاء عزيزتي خاصة اوقات الاستجابة ,, فالسجود وبين الاذان والاقامة والقيام والشفع والوتر ,, وصلاة الحاجة ,, عليج بالصدقة ,, وحسن الظن بالله ..

وباذن الله رب العالمين ما بيخيب رجاج وبتبشرينا قريب ان شالله ,,

و حاولي ماتفكرين ,, انا ادري انه صعب وخاصة الناس اللي ياكلون قلب الواحد لكن طنشي كل اللي تسمعينه وتوكلي على الله ,,, لأن النفسية تلعب دور كبير ,,

وعسى الله يفرح قلبج ,,

( كأني وايد اتكلم hwaml03 )

رد: دردشة حوامل أهل قطر - دردشة بنات قطر - تجمع حوامل قطر
 

يحليلااااااااااااااتج صغنطوطة ,, العمر كله يارب hwaml29hwaml51hwaml84

رد: دردشة حوامل أهل قطر - دردشة بنات قطر - تجمع حوامل قطر
 

حلة دنياج سُكرتي 


ههههه 


وياج فديتج

/

والله يتمم حملج يَ رب

و ينقلكم البيبي الجميل بتمامه يَ رب

وتفرحون فيه و يترس عليكم البيت 

رد: دردشة حوامل أهل قطر - دردشة بنات قطر - تجمع حوامل قطر
 

اميـــن يـــارب 

تسلمين يالغالية 



رد: دردشة حوامل أهل قطر - دردشة بنات قطر - تجمع حوامل قطر
 

شوكولاطه ؛


يسلمج ربي فديتج


و يخليج لنا تنورين سوالفنا 

رد: دردشة حوامل أهل قطر - دردشة بنات قطر - تجمع حوامل قطر
 

hwaml7صباحووووووووو.. كيف اصبحتوا.؟

حلاتين مسويين نيو لوك المنتدى..

مس حسن طلعتي من الاربعين انتي و لا للحين.؟

رد: دردشة حوامل أهل قطر - دردشة بنات قطر - تجمع حوامل قطر
 

مس حسن

ويخليج الرحمن يالغالية ,,, وتنورين لنا سوالفنا انتي بعد ,,


---------------------------------
حرم المالكي ,,

اي والله حلاتين ,, هالستايل أحلى من القديم احسه كئيب شوي ,,

كفاية عيد الحب اللي مسوينه ههههههه مووزعين القلوب في كل المنتدى ,, زين ماقصرو


------------------------

شخباركم يارب بخير وطيبات ومرتاحات

أنا اخباري كالتالي :

أنا أمس رحت موعدي ,, وإذا بالدكتورة تقولي انا بسافر وبحولج دكتورة ثانية وبعطيج موعد لما ارجع احتياط يمكن ماتكونين ولدتي
قلت لها متى يعني قالت على 22 فبراير ,, فإذا بي صعقت ههههههه قلت لها حرام عليج كل ما اجيج تزيدين يومين ,, مب جاية مرة ثانية ,, ضحكت قالت بجر يمكن تطولين ,,, ( بارك الله فيها رفعت معنوياتي ههههه )

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي ؛


اي فديتج طلعت من زمان

الحين ولدي قريب يكمل 3 شهور ان شاءالله 

رد: دردشة حوامل أهل قطر - دردشة بنات قطر - تجمع حوامل قطر
 

شوكولاطه ;


ياهلا فديتج الحمدلله طيبين ونسأل عنج 


ههههههه حتى انا قبل موعد ولادتي سافرت دكتورتي


و قالوا لي يمكن تطويل لانج بجر


بس ماعليج ولدت قبل موعدي بـ 10 ايام


و اعرف وايد اول بيبي لهم و وولدوا قبل الموعد


و مثل يوم الموعد


فـ تفائلي والله يسهلج فديتج 

رد: دردشة حوامل أهل قطر - دردشة بنات قطر - تجمع حوامل قطر
 

شوكولاطة:

اللغه العربية مقطعه بعضهاااا لووووول.. من دكتورتج يا فرحتي؟

انا اول موعد لي في الولادة الاسبوع الجاي مع دكتورة فاتن الطاهر..

رد: دردشة حوامل أهل قطر - دردشة بنات قطر - تجمع حوامل قطر
 

مس حسن:

انا نفسج في بجري ولدت قبل الموعد بتسع ايام تقريبااا ما كملت شهري..

و الثاني خذت التاسع كله و ولدت على التاريخ اللي عطوني اياه..

خاطري هالمرة اولد بدري.. الله يسهل ان شاءالله.

رد: دردشة حوامل أهل قطر - دردشة بنات قطر - تجمع حوامل قطر
 

حرم المالكي ؛


الله يسهل عليج يَ رب


و تولدين بالسلامه و ينور البيبي الدنيا 

رد: دردشة حوامل أهل قطر - دردشة بنات قطر - تجمع حوامل قطر
 

صباح الخيرات والليرات حبيباتي

عساكم دوووووم يارب بخير مو يوم


اميــــــــن يـــارب الله يسمع منج ,, من بؤكـ لباب السما

رد: دردشة حوامل أهل قطر - دردشة بنات قطر - تجمع حوامل قطر
 

شفتي شلون هههههههه من الصدمة مو مني hwaml03

دكتورتي دينيز ,, فالمستشفى الأهلي ,, والحين مادري حولتني على وحدة هندية مادري شسمها بس مب روزفي ,,


فاتن فالولادة احس اسمها مار علي ,,
الله يوفقج وياها ويسخرها لج ويسخرهم لنا كلهم يارب ويسهل علينا ..