|
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
طيب ياختي بارك الله فيك عندي عدة اساله 1- كم كوب اشرب كف مريم او شنو المقدار وكم ساعه اخمره وهل اصفيه والا اشربه مع الشؤاب؟ 2- ورق التوت كيف اسويه انقعه والا احط معه ماء وبسرعه اشربه ؟ 3- اليانسون مو يسبب نزول للرحم اثناء الحمل ؟ واذا مايسبب نزول كم اشرب كوب والا بياله والا شنو |
رد: دردشة حوامل أهل القصيم - دردشة بنات القصيم - تجمع حوامل القصيم
|
رد: دردشة حوامل أهل القصيم - دردشة بنات القصيم - تجمع حوامل القصيم
مرحبا حوامل قصمان بما اني بكريه :(
بسسسالكم وش افضل مستشفى ولاده بلقصيم حكومي او اهلي ماتفرق |
رد: دردشة حوامل أهل القصيم - دردشة بنات القصيم - تجمع حوامل القصيم
حيا الله الجميع ... عليا اخر دورة لي 25 /5
وقالت لي الولادة المتوقعه في 13/3 ودكتورة اخر تقول 4/3 وثالثه تقول 9/3 وانا مافي اي علامة ولادة..دعواتكن.. حلوين رغم الحمل عندك الحبيب والفريح والوفاء أهليات .أما الحكوميات متوقع بهن اهتمام. |
رد: دردشة حوامل أهل القصيم - دردشة بنات القصيم - تجمع حوامل القصيم
مساء الخير
حبيت اسأل كم سعر السونار الرباعي في المستوصفات الاهلية في بريده انا اراجع عند العضيب لاكن ماسألت الدكتورة عن سعر السونار الرباعي |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
2-ملعقتين من ورق التوت في الكوب مع ماء مغلي ويغطئ ويترك من 10 الى 30 دقيقة بدون غلي ثم شربة كل يوم مرة وحدة 3- اليانسون عادي كل يوم واذا جاك الطلق جدا مفيد |
رد: دردشة حوامل أهل القصيم - دردشة بنات القصيم - تجمع حوامل القصيم
اهلين بنات انا ساكنه في الشرقيه واهلي في القصيم وناويه اولد عند اهلي اذا الله راد ابسأل وش رايكم في مستشفى الحبيب واحسن دكتوره
بكري جبته قيصري هل المستشفى ينتضرون احاول طبيعي ولا علاطول عمليه تكفون ساعدوني انا في هم وخوف اسفه طولت عليكم بكري ماجاني طلق نهائي بس نزلت السداده ورحت المستشفى على طول وبعد ساعتين قرروا قيصري ضعف نبض الطفل الدكتوره تقول اذا ماجاطلق على طول ق وش رايكم بالقرفه اشربها سسسسسساعدوني |
رد: دردشة حوامل أهل القصيم - دردشة بنات القصيم - تجمع حوامل القصيم
مرحباً فيك اخت المرحوم بإذن الله
أنا اتابع عند الحبيب لكن توني ماولدت اتابع عند دكتورة عائشة ومرتاحة لها وان شاء الله ولادتي عندها واعرف وحدة والدة عندهم وتمدحهم والله اعلم |
رد: دردشة حوامل أهل القصيم - دردشة بنات القصيم - تجمع حوامل القصيم
اخت المرحوم باذن الله
الحبيب مرة كويس وانا مقررة اولد باذن الله عند انصاف واعرف كثير ولدو عند سجيلا ويمدحونة بس مشكلتة ماتعرف عربي لازم مترجمة يعني ماتاخذ وتعطي معك والقرفة ابعدي عنة نهاااااائي واستخدمي اليانسون وانا الاول عملية قل نبض الجنين والثاني طبيعي وان شاء الله هاذا طبيعي |
رد: دردشة حوامل أهل القصيم - دردشة بنات القصيم - تجمع حوامل القصيم
|
رد: دردشة حوامل أهل القصيم - دردشة بنات القصيم - تجمع حوامل القصيم
مشكوره بنات الي ردوا الله يسهل علينا
عليه وش تنصحيني استخدم عشان يجي طلق ويفتح الرحم لان بكري عوشرت ولا جا طلق نهائي والحين ماودي يخلص التاسع الا انا والده باذن الله تكفين ساعديني بحكم تجربتك الله يسهل ولادتك |
رد: دردشة حوامل أهل القصيم - دردشة بنات القصيم - تجمع حوامل القصيم
انا المرات الي قبل استخدمت الخروع مع عصير ولا سواء فيني حاجة
هاذي المرة اخذت طريقة مجرباتها بنات خالاتي وكثير بنات من منتدئ ثاني (كمون+يانسون+نينخة+شمر+حبة سوداء+حلب+محلب) ملعقة صغيرة من كل نوع تنحط ببريق وتنطبخ بكاسين موية لين يصير الموية قد كاس بعدين تصفينة وتحطين معة ملعقة عسل وتروحين تمشين نص ساعة وبعدها تشربينة لمدة اسبوعين اللحين انتي باي اسبوع من الحمل |
رد: دردشة حوامل أهل القصيم - دردشة بنات القصيم - تجمع حوامل القصيم
قمرهم ندو
وييييييينك يارب تكوني ولدتي بالسلامة طمنينا عنك |
رد: دردشة حوامل أهل القصيم - دردشة بنات القصيم - تجمع حوامل القصيم
انا اليوم بداية التاسع ودكتوره خوفتني تقول وزن البيبي كبير واحتمال اولد قيصري والله نفسيتي زفت ماعندي احد اشكيله انابعيده عن اهلي
|
رد: دردشة حوامل أهل القصيم - دردشة بنات القصيم - تجمع حوامل القصيم
مساء الوررررد
لا حياتو مابعد ولدت دعواتكن بكرى عندي موعد المغرب . |
رد: دردشة حوامل أهل القصيم - دردشة بنات القصيم - تجمع حوامل القصيم
اخت المرحوم بإذن الله
انتبهي تولدك وانت توك كم وزن الجنين ؟ أنا سوتها فيني دكتورة وانا بكر وصار وزن الجنين عادي مو كبير واعرف وحدة ولدة طفلها 4 كيلو طبيعي |
رد: دردشة حوامل أهل القصيم - دردشة بنات القصيم - تجمع حوامل القصيم
عليا
أنا واياك نتشابه كثييييييير ولادتنا حول بعض و طفلتي الاولى عملية لان النبض نزل والثاني طبيعي والثالث ان شاء الله بالحبيب لكن عند الدكتورة عائشة لازم اول وحدة تولد تعطينا خبر* |
رد: دردشة حوامل أهل القصيم - دردشة بنات القصيم - تجمع حوامل القصيم
كم المفروض وزن الطفل في الاسبوع 36 وش تنصحوني من محرضات الولاده
وهل اعطي المستشفى الي اولدفيه خبر ان ولادتي الاولى قيصري وهل الطلق الصناعي يسبب انفجار الرحم للوالده قيصري لان خايفه مايجيني طلق تكففون المجربات الاول ق والثاني ط وش اسوي عشان الله يكرمني ولاده ط الله يسهل علي وعليكن |
رد: دردشة حوامل أهل القصيم - دردشة بنات القصيم - تجمع حوامل القصيم
اخت المرحوم هاذا جدول الوزن
الاسبوع 30 = 1319 الاسبوع 31 = 1502 الاسبوع 32 = 1702 الاسبوع 33 = 1918 الاسبوع 34 = 2146 الاسبوع 35 = 2383 الاسبوع 36 = 2622 يعني كيلوين و600غرام وشوي الاسبوع 37 = 2859 الاسبوع 38 = 3083 الاسبوع 39 = 3288 الاسبوع 40 = 3462 الاسبوع 41 = 3597 |
رد: دردشة حوامل أهل القصيم - دردشة بنات القصيم - تجمع حوامل القصيم
ندو الله يعينك ياروحي الله يسهل عليك وتبشريننا بالولادة السهلة
d&s يالله انتي طلعتي زيي ان شاءالله ربي يسهل علينا ونشوف هالبيبي بالسلامة انا عند انصاف بالحبيب |
رد: دردشة حوامل أهل القصيم - دردشة بنات القصيم - تجمع حوامل القصيم
مساء الخير
الله يسهل عليك يا اخت المرحوم حاسه فيك توكلي على الله واكثري من الاستغفار وانتبهي لحركة الجنين وخليها على ربك والله يسهل عليك اتذكر بعد مافقت من البنج بعد ولادتي بنتي الله يشفعبها ولادة قيصرية من كثر ماني ودي اولد واخلص اناظر لبطني واقول الحمدلله ولدت وارتحت سؤال كم قيمه الالتراساوند الرباعي بالمستوصفات الاهلية ببريده |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم يابنات القصيم
أبي أسئلكم عن مستشفى الوفاء أفضل دكتورة فيه تعالج تأخر الحمل و مستشفى الحبيب أفضل دكتور أو دكتورة لعلاج تأخر الحمل والرس/ مستشفى الزايد فيه دكتورة روحية إيش رايكم فيها ؟ ومستوصف الطايع ومستوصف الشرق فيهم أمل مكي و مها المكي إيش رايكم فيهم ؟ أتمنى الرد لأني محتاجة أبي أروح لهم وأبدأ في العلاج . أبي أفضل دكتورة أو دكتور |
رد: دردشة حوامل أهل القصيم - دردشة بنات القصيم - تجمع حوامل القصيم
صباح الخير اختي نور الحياة
الله يرزقك بالذرية الصالحة عاجل غير اجل بصراحه انا ماعندي خلفيه عن المستوصفات اوالدكتورات الذكرتيهم لاكن بقولك تجربتي مع تأخر الحمل بعد ولادتي الاولى بعمليه قيصريةو تلخبطت دورتي وماحمل ورحت المستتوصف العضيب والحمدلله حملت بعد علاج الدكتورة |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم ورحمة الله وبركاته
بنات القصيم. بسالكم وش أحسن تدكتوره نساء وبأي مستوصف. وايش رأيكم بدكتوره داليا بمستوصف ألفيحاء ردو علي ربي يجزاكم الجنه.. |
رد: دردشة حوامل أهل القصيم - دردشة بنات القصيم - تجمع حوامل القصيم
ردو علي بنات القصيم <جديده على المنطقه وبكريه
ربي يجزاكم الجنه حملت واجهضت ربي يرزقني هالشهر بس ماني عارفه اروح لمين ببريده |
رد: دردشة حوامل أهل القصيم - دردشة بنات القصيم - تجمع حوامل القصيم
صباح الخير اخت لهفه الانفاس اهلاوسهلابك في القصيم والله يرزقك بالذرية الصالحة بصراحة ماعندي فكرة عن م الفيحاء لاكن عن تجربتي بتأخر الحمل رحت لمستوصف العضيب والحمدلله من اول شهر علاج حملت وربي يتمم حملي
|
رد: دردشة حوامل أهل القصيم - دردشة بنات القصيم - تجمع حوامل القصيم
مرحباااا
بنات الله يرزقكم من حيث لا تحتسبون ياررب حبيت اسالكم وش افضل المحلات اللي اسعارهم معقوله لتجهيزللطفل وكماااااان وين الاقي لبس للنفاس والرضاعه وش رايكم في مبارك والحسون سنتر ببريده ربي يوووووووووووووووفقكم |
رد: دردشة حوامل أهل القصيم - دردشة بنات القصيم - تجمع حوامل القصيم
اهلين بنات القصيم
قمرهم ندو وش صار عليك مادخلتي تبشريننا الله يسهل عليك ويقومك بالسلامة d&s وش صار عليك لاتصيرين فقستي قبلي ولا قلتيلي هههههه |
رد: دردشة حوامل أهل القصيم - دردشة بنات القصيم - تجمع حوامل القصيم
نور ولهفة
ياقلبي انا احس افضل شي مستشفئ سليمان الحبيب فية الدكتورات كلهن يعالجن وفية سجيلا مرة روعة وفية دكتورة عصمت بالمستوصف السعودي مرة حلوة بعد |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
حبيبتي فية سنتر بوينت اشياء حلوة ورخيصة اما الفرهولات والاقطان افضل مذركير وعندك ردتاغ اغراضوة حلوة مثل سلة البيبي والمغطس والجلاسة ورخيص والحسون عندوة اشياء حلوة بس الاقطان لاتشرين منوة لانوة يخرب اشتري فرهولات مخمل بطانيات اما المبارك لاتقربينة وانتي ملابس رضاعة فية عند محل القرعاوي بشارع الملك عبدالعزيز محل صغير بس دوري فية ينزل مثل حقات واحة الجلابية واسعاروة رخيصة مقارنة بغيروة يعني من 90 الئ 180 |
رد: دردشة حوامل أهل القصيم - دردشة بنات القصيم - تجمع حوامل القصيم
عليه مشكووووره اوكي راح اروح لمذركير وسنتر بوينت مررره محتاسه الله يعين
طيب محل القرعاوي وين فيه بالضبط وكيف ملابس النفاس عنده حلوه او لا يعني يجي معها طرحه وروب خفيف نفس اللون او لا الله يسهل ولادتك |
رد: دردشة حوامل أهل القصيم - دردشة بنات القصيم - تجمع حوامل القصيم
وكمان وش رايكم في الوطني للولاده زين او لا
انا اررجع في مستشفى البكيريه رغم انه بعيد بس يمدحونه لي بصرااااحه سمعت كذا وحده والده في مستوصفات اهليه وخوفون انه مايتحملون اي شي يصير لكن الحكومي اخااااف من اني اسمع صراخ حريم وانا بروحي متخوفه حيييل انصحوووووني |
رد: دردشة حوامل أهل القصيم - دردشة بنات القصيم - تجمع حوامل القصيم
بنت النور لا انا اشتريت واحد من واحة الجلابية
و3 من القرعاوي والله مرة حلوات ومرتبات بغين ارواب او بدل او قطعة وحدة بس علئ حسب البضاعة يمكن يكون منزل ويمكن يكون كلوة مشيول انتي وحظك تعرفين شارع الملك عبدالعزيز بعد ماتتركين شركة الحسون علئ اليمين يجي هو عاليسار مو علئ طول بعدة بشوي لوحة صغيرة وفية ملابس اطفال وملابس نوم والشالات اشتريتها من سنتر بوينت القسم الي فية مكياج وشنط عندهم شالات سادة علئ 19 والملونة علئ 39 بس السادة احلا المستشفئ انا بحثت لين مت عن مستشفيات بريدة يقولون ان الوطني تختارين دكتورة بس لمن يخلص دوامها وانتي ماولدتي تروح وتجي المناوبة يعني ماتتحمل المساولية انا بالنسبة لي باذن الواحد الاحد بولد بالحبيب الله يسهل ويسر* |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم ورحمة الله
الى عليا وجميع الأخوات أبشرررركن ولدت بحمدلله يوم الاربعاء الساعه 6و55 دقيقه جبت بنوته عند الحبيب د/ ساجيلا ، بعد معاناة وطلوق وبلاوي يومين اسال الله الكريم رب العرش العظيم ان مايجيكن ماجاني وووواوه الولادة شيء يعجز لساني عن وصفه،،، ابعطيكن لمحه عن المستشفى من ناحية العنايه والاهتمام رووووعه الممرضات صراحه يدخلن معك الى دورة المياة يحممنك يغيرلك يساعدنك والنظافه مايعلى عليها ، الاكل موحلو ، بس عيب الممرضات والدكتورات عطووورهن واوه موتني في ريحهن ، اما الدكتورات ساجيلا فيها شيء تعصيب وجتني مرة قبل الولادة ووقت الولادة وقبل ماخرج من المستشفى ، اما وحدة مادري شو اسمها سمراء باكستانية لاتقربكن امانه فحصها يخوووف ويوجع وعصبية ووحدة اسمها شازية ياحبيلها يدها خفيفه وبس تذكر الله لدرجه تقول لامي اقري عليها يس والا انا ابجي اقراء عليها والله لو دريت مااولد الا عندها ياحبيها بس تذكر الله وتدعي ، اما شاكيلا فحصها بعد قوي بس ماتعصب وعائشة فحصها حليو ولا تخوف اكيد بقولون وشلون كلهن جربتي فحصهن .. اقولكن لان ولادتي يومين وبكرية وانفكت المويا من الاثنين لكن بدون طلوق والرحم مسكر الله المستعان . الله ييسر للجميع اي سؤال انا تحت الخدمه |
رد: دردشة حوامل أهل القصيم - دردشة بنات القصيم - تجمع حوامل القصيم
شمس الامل تسلمين يالغاليه
قمرهم ندو الف مبروووك والحمدلله على سلامتك وسلامة البنوته يارب يصلحها لك وتفرحين بها عروس ^_^ |
رد: دردشة حوامل أهل القصيم - دردشة بنات القصيم - تجمع حوامل القصيم
قمرهم الف مبرووووووووووووووووك والحمد لله على سلاااااااااااامتك
يماااامي خووووووووووووووفتيني والله جاني رعب واانا باقي لي شهرين على كلامك انهم مثلهم مثل غيرهم وش فرقهم عن الحكومي المفروض تكون نفسياتهم حلوه ويريحونك لكن سوووال بخاطري انا سمعت من زماااان قريبات لي يقولون كل شي حلو عندهم الا الخياطه مو حلوه اي كلام ,, جد مرعووووووووووووبه عليه مشكووووووووره بروح اشوف المحل يارب يكون منزل اشياء حلوه دعواتكن اخلص بدري من التجهيز |
رد: دردشة حوامل أهل القصيم - دردشة بنات القصيم - تجمع حوامل القصيم
كلووووووووووووووولوش الف الف مبروك ندو ياعيني عليك تعبتي الله يكتب الاجر
والحمدلله علئ سلامتك والله فرحت من كل قلبي الحمدلله علئ تمام النعمةhwaml7 وماجربتي انصاف hwaml15 قولي موب ناقصة كل شوي وحدة طيب شازيا يقولو رايحة لرياض معقولة رجعت يعني اخذها هي واتوكل |
رد: دردشة حوامل أهل القصيم - دردشة بنات القصيم - تجمع حوامل القصيم
الف مبروووووووووك قمرهم ندو الله يصلحها ويخليها لك
والحمد الله عالسلامة عليا كيفك ؟ ماولدتي وكيف الطلوق معك وهل انفتح الرحم عندك الله يهون على الجميع |
رد: دردشة حوامل أهل القصيم - دردشة بنات القصيم - تجمع حوامل القصيم
بنات ابسألكم كريمات المكياج تضر الحامل الشهور الاولى؟؟؟
لاني سمعت كذا شرايكم وهل فيه كريم اساس طبي؟ |
رد: دردشة حوامل أهل القصيم - دردشة بنات القصيم - تجمع حوامل القصيم
قمرهم ندو الف مبروك والحمدلله على سلامتك الله يرزقك برها وطاعتها
|
| الساعة الآن 10:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .