|
رد: تجمع حوامل اهل الاردن الطيب
السلام عليكم
كيفكم بنااااااااااااات الاردن الحبيبة على فكرة انا حامل جديد ومن الاردن الي شهر ونص هاد رابع حمل الي عمري 28 سنة ان شاء الله ربنا يتمم للجميع على خيييييير |
رد: تجمع حوامل اهل الاردن الطيب
اقتباس:
|
رد: تجمع حوامل اهل الاردن الطيب
كيفكم يا بنات الاردن انا قربت ادخل التاسع و ايدي عقلبي من الولاده قررت اولد بمستشفى الراهبات اللي باربد بما اني اربداويه ههههه بحكو كتير منيح اول مرة ولدت بمستشفى الملك عبدالله وما ارتحت كتير بس هاي المرة مفكرة اخود ابرة الظهر اللي بتعرف اشي عنها بلييييييز تحكيلي لانو الم الولادة ما بعده الم و خايفه انها تكون مضرة
|
رد: تجمع حوامل اهل الاردن الطيب
هلا وغلا ام كوتي الحلوه الله يخليلك كوتي يا رب ههه عفكره اسمها كوتي ولا دلعها هيك
انا الحمدلله منيحه والامور تمام بس شويه رشحه مغلبيتني من الجو متقلب عنا بالسعوديه وبخصوص مستشفى الراهبات الورديه كتير بمدحو فيه حكتلي عنه صاحبتي اانهم كتير منظمين جدا ومستشفى نظيف وبالنسبه لابره الظهر انا بحثت عاليوتيوب عنها واعجبني كلام هدا الدكتور وهدا رابط المقطع http://www.youtube.com/watch?v=l3Z6-uA9qvs والف سلامه عليكي والله يقومك بالسلامه |
رد: تجمع حوامل اهل الاردن الطيب
ام كوتي ما عليكي امر حابه اعرف تكاليف الولاده في الراهبات الورديه
وكم يوم رح تظلي فيه |
رد: تجمع حوامل اهل الاردن الطيب
الغريبه هلا وغلا فيكي كيفك ان شالله مبسوطه
اله مبروك الحمل والله يتمم لك على خير ما شاء الله خبره معناها هههه بما انه ببدايه حملك كيف الوحام معك الله يصبرك حكيلي شو الادويه اللي بتاخديها هلا لا تنسي الفوليك اسيد |
رد: تجمع حوامل اهل الاردن الطيب
كيفكم ياصبايا واهلا والله بكل بنات الاردن
|
رد: تجمع حوامل اهل الاردن الطيب
اقتباس:
الله يئومك بالسلامه يارب |
رد: تجمع حوامل اهل الاردن الطيب
اقتباس:
انا كمان هاد رابع حمل الي بس انا خلص بالمرحله الاخيرة لانه دخلت شهري الله يتمم علينا بالسلامه يارب |
رد: تجمع حوامل اهل الاردن الطيب
مشاء الله اكثركم قربتو تولدو الله يقومكم بالسلامه نيالكم والله انا اتحرى على نار ولساتني بالتالت الله يتمم على الجميع على غير يا رب
شيري منوره |
رد: تجمع حوامل اهل الاردن الطيب
اقتباس:
هي الشهور الاولى بتكون سريعه بس اخر 3 شهور بتصير كتير بطيئة وممله بس الله بعين |
رد: تجمع حوامل اهل الاردن الطيب
بنت جبل الصنديان الله يمسيكي بالخير و الف سلامة عليكي ظلي اشربي عصير برتقال عشان تطيبي بسرعه من الرشحه بالنسبة لكوتي هادا اسمها الدلع اسمها مجد (ما الو دخل ههههه)
بالنسبه لمستشفى الراهبات معك حق الكل بمدح فيه بس اليوم تفاجات انو تكلفته عاليه يعني اقل شي 350 دينار اذا ولاده طبيعيه بدون اشي فصرت متردده لاتو ما بيستاهل كل هالقد و خصوصا انو معي تامين لمستشفيات تانيه والله يسلم ايديكي على هالمقطع ما تتخيلي اديه ريحني كنت رح انجن من كتر التفكير الله يتمللك حملك عخير يارب و غمضي عين و فتحي عين ولا انتي صرتي بالتاسع |
رد: تجمع حوامل اهل الاردن الطيب
شيرين تسلمي يارب عفكره انا بكره وبصير متلك و بدخل بالتاسع انا كتير مشتاقه اشوف ابني و احضنه و مليت من الحمل صرت احسه بطيييييييييييييييييييييييييء
الغريبه اهلا فيكي و الله يتمملك عخير بسم الله ماشالله عليكي بعدك صغيرة وصرتي مخلفه اربعه ليه هالقد مستعجله ؟؟؟ انا عمري 25 و توبه اعيدها بعد اقل من 3 سنين و الله حاسه حالي انطفست لا طلعه و لا نزله يا صبايا شو رايكم افتح موضوع عن فترة النفاس و كل وحده تحكي تحكي وين رح تقضيه و شو مخططه و المباركه و كل شي انا رح اكون اول وحده واحكي عن حالي انشالله رح اقضيها عند بيت حماي اسبوع او اسبوعين حسب الجو و رح تجي ماما طبعا و انشالله ما يصير مشاحنات او زعل مع انو ماما وحماتي بحبو بعض كتير والتنتين طيبات الحمدلله عفكره انا ساكنه بشقه لحالي و بيت حماي بالطابق الاول و مو مخططه لاشي لحد الان لاني يا دوب افكر بالولاده خخخخخخخخ والمباركه حماتي متخصصه فيها و هادا كل شي لحد هلا يالله تفاعلو معي بليييز بلكن نسينا زناخة الحمل و تعبو شوي |
رد: تجمع حوامل اهل الاردن الطيب
اقتباس:
يا هلا ام كوتي الله يتمملك على خير يلا هانت كلها كم يوم وبتولدي (عفكرة انا ئدك وعمري 25) بالنسبة للنفاس انا عايشة بقطر بس الحمدلله اهلي ساكنين جنبي ورح ئضي فترة اسبوع عندهم لانه صعب ائدر ائوم بولادي لحالي لانه هاد رابع حمل الي وبالنسبة للمباركه لسه مش عارفة ازا رح اعمل او لا بس اولد بالسلامه واخلص بفكر بالموضوع لانه انا سلافي في قطر كمان لهيك ببفكر اخلص من الضيوف اللي كل شوي بيجو واعمل مباركه بالمرة او ممكن الغيها عنجد لسه ماقررتhwaml7 |
رد: تجمع حوامل اهل الاردن الطيب
مرحبه انا حامل بالشهر الخامس على طول عندي مغص اسفل البطن وتحجر ببطني طمنوني طبيعي الوضع
|
رد: تجمع حوامل اهل الاردن الطيب
اقتباس:
|
رد: تجمع حوامل اهل الاردن الطيب
يااخواتي رعاكن الله:
ان شاء الله تكتب هكذا<<<<< وليس انشاء الله<<<<< هناك فرق كبير في المعنى ولكم الشكر والتقدير ع سعة صدوركم ^^ |
رد: تجمع حوامل اهل الاردن الطيب
اقتباس:
ماشاالله عليكي شكلك متزوجه بكير لحتى لحقتي عالااربعه بس كيف الحياه معهم اكيد بيغلبو انا بنت وحده ومش خالصه طول نهاري اركض وراها هههههه بس انا بواسي حالي و بقول رياضه مابعرف شو رح يصير فيي بس اخلف التاني شكلي رح انجن و ازت حالي من الشباكhwaml15 نيالك اهلك جنبك اكيد بتاخدي راحتك ان بيت حماي كتير مناح بس طبعا بيت الاهل غير و ما الي حدا غير ماما فاتفقو حماتي و امي انها تيجي لانو في غرف كتيرة و في شغاله احسن ما تتغلب ماما لحالها بالنسبه للمباركه نصيحتي انك تعمليها منها بتخلصي من الضيوف مره وحده و بتظلي مرتاحه بعدين ومنها بتظل ذكرى حلوة |
رد: تجمع حوامل اهل الاردن الطيب
اقتباس:
اهلا بتيا و الف سلامه عليكي و الله ما بعرف اذا طبيعي ولا لأ انا ما صار معي هيك بس في نساء عموعد الدورة الشهريه تبعها بصير معها نفس الاعراض اللي كانت تجيها قبل ما تحمل يعني بالدوره الشهريه طبعا انتي لازم تتاكدي من دكتورتك و ما تسكتي عحالك بجوز تكوني بحاجه لحبوب تثبيت الحمل و ان شاء الله ما تشوفي شر |
رد: تجمع حوامل اهل الاردن الطيب
اقتباس:
|
رد: تجمع حوامل اهل الاردن الطيب
اقتباس:
بس ديري بالك مجد تصير تغار منه هههه وفكره منيحه انك تقضي نفاسك عند حماتك منيح بتساعدك هي وامك في النونو بس الله يستر يتخانقو مين بدها تحمم النونو ولا مين بدها تلبسه والله انا صرت هاكله هم من هلا لما اولد كيف رح يكون الوضع لاني بكريه ورح اولد بالاردن ان شاء الله واكيد رح تكون ماما وحماتي معي ببيتي فالله يستر هههه مع انهم حبوبات انتو حكيتو عن المباركه شو هي هاي دخلك عنا بعجلون ما بعرف ازا بعملوها اريد شرحا عنها لانه ناويه اعملها واخلص هههه علمك عنا الزيارات اكترها فجائيه وما بتخلص ام مجد ما حكيتيلنا شو جهزتي شغلات الك وللبيبي من ملابس وغيرها يلا ما عليكم امر كل وحده تدخل تحكيلنا شو جهزت وشو بدها تجهز يعني عشان نستفيد من خبراتكن لاني ناويه انزل عالاردن وانا مجهزه كل شي بإذن الله |
رد: تجمع حوامل اهل الاردن الطيب
اقتباس:
انا بقول تروحي تشوفي دكتورتك وهي بتشوفلك الوضع وان شاء الله يا رب انه يكون طبيعي |
رد: تجمع حوامل اهل الاردن الطيب
اقتباس:
|
رد: تجمع حوامل اهل الاردن الطيب
يا هلا والله ام كوتي اه والله تزوجت صغيرة يعني 17 سنه بس الحياه هيها ماشية احكي حطيتهم كلهم بمدارس وروضات وريحت راسي شوي هي بتجيك لحظات بتنجني وبتشدي شعرك بس حلوين والله يقومك بالسلامه يارب
وهلا والله بنت جبل الصنديان بالنسبة لل مباركه احنا بنعملها عل الاسبوع بالزبط بنلبس البيبي طقم ابيض وطبعا انتي بتكوني متشيكة ومشخصة احنا بنوزع قرفه وكراوية وطبعا بنكون عاملين توزيعات مرتبه او مطبقيات بلهجات اخرى وبتلمي هدايا ونئوط من الناس (اهم نقطة هي خخخخ) وطبعا بترتاحي من ئصة انه كل شوي حد يجيكي انه خلص عجئة وحدة ومرة وحدة بس |
رد: تجمع حوامل اهل الاردن الطيب
بيتي صاير متل بيوت العزابيه من عدم الاهتمام hwaml15hwaml15hwaml15 مع انه جوزي الله يساعده مش مقصر بس عاد انتو عارفين كيف شغلهم بيكون
الله يعينو شو بده يلحق دوام شفتين ولا شغل البيت ولا والاكل بتوقع ما بولد الا هو مهدود حيله يا حرام مع انها الدكتوره بتحكيلي عادي اتحركي بالبيت متل ما بدك بس والله بخاف عالجنين من اي شي عندي وسواس ذابحني لدرجه كل يوم بشوف الاعراض بعدها ولا راحتhwaml4 بس بعدين بصير اتعوذ من الشيطان وبتوكل على الله والمشكله لو بدي اجيب ماما تقعد عندي حماتي مليون بالميه رح تزعل والعكس صحيح ههه وشغاله صاير مو بسهوله تلاقيهم اريد حلاااااااااااا |
رد: تجمع حوامل اهل الاردن الطيب
وهلا والله بنت جبل الصنديان بالنسبة لل مباركه احنا بنعملها عل الاسبوع بالزبط بنلبس البيبي طقم ابيض وطبعا انتي بتكوني متشيكة ومشخصة احنا بنوزع قرفه وكراوية وطبعا بنكون عاملين توزيعات مرتبه او مطبقيات بلهجات اخرى وبتلمي هدايا ونئوط من الناس (اهم نقطة هي خخخخ) وطبعا بترتاحي من ئصة انه كل شوي حد يجيكي انه خلص عجئة وحدة ومرة وحدة بس
هلا وغلا والله شيرين منوره اه يعني متل السبوع بمصر بس اهم شي النقوط والهديه ولا تعب عالفاضي ؟ بس عنا بعجلون ما عمري حضرت هيك مناسبه انا خايفه اعملها واعزم الناس واليوم التاني يرجعو ييجو هههه |
رد: تجمع حوامل اهل الاردن الطيب
وفيكي اكتر منوره بوجودك انتي ريحي حالك للشهر التالت وبعديها اتحركي براحتك يعني ريحي حالك اهم شي وفترة وبتعدي ان شا الله
وبالنسبة للمباركة هي تقريبا متل السبوع بمصر بس من عنا من غير اغاني وحركات انتي حتى لو ماكانت موجوده عندكم اخترعيها انتي هههه بس مشكله تتعبي بيوم المباركة وبرجعوا تاني يوم وحطي ملاحضة عل الباب لو سمحتو ممنوع الدخول بدون هدية او نقوط ههههههههه اكيد بمزح كان ماحد زارني |
رد: تجمع حوامل اهل الاردن الطيب
مساء الخير صبايا كيفكم
شو عاملين مع البرد الجو ممممممل الحمد لله على كل حال شيرين كيفك وين هالغيبه لا تكوني ولدتي الله يقومك بالسلامه ام كوتي ازيك يا قمر وازاي مجد بوسيلي ياها بنات بدي اسألكم اليوم طالعلي التهاب عند الحلق بس مو التهاب لوز لا برا الحلق على جهه اليسار والله مناعارف افهمتو علي ولا لا والله خايفه منه شو هو خايفه يكون يأثر عالجنين |
رد: تجمع حوامل اهل الاردن الطيب
اقتباس:
وسلامات ان شا الله وماتشوفي شر انتي شربي ةشغلات سخنه وان شا الله مافي ضرر |
رد: تجمع حوامل اهل الاردن الطيب
اقتباس:
تسلمي يارب و يخليلك النونو اللي في بطنك و عقبال ما تضميه و الله مجد هاكله همها كتير من الغيرة لانها كل ما تشوف بيبي بتلصق فيه و بتكون نفسها تاكلو . ان شالله تكون فكرة منيحه اقضي النفاس عند دار حماي و انا خايفه متلك من حساسيات ماما و حماتي لانو اسبوعين مش قلال. والمباركه هو انا عرفتها عند بيت حماي اهلي ما كانو يعملوها بس والله انها فعاله و بتريح وهي متل ما حكت شيرين بس احنا بنعملها عالاسبوع للقرايب بس و عالاربعين للنسوان جارات او صاحبات هيك اشي وكل واحد بيجيب نقوطه معو محلاة و هو جاي يلولح بايديه خخخ و بتفرجيهم البيبي عطريقتك الخاصة لما ولدت مجد فصلنا سله كبيرة و زيناها بالورد و حطينا فيها مجد كانت كتير حركه حلوة و طبعا الحلوان الو مية طريقه و نوع اكيد بتعرفي و بنوزع كراويا و قرفه و الخ من الضيافه بالنسبه للجهاز الله وكيلك ما اشتريتلو اشي بالمره ماما وحماتي طول نهارهم يجيبو و بصراحه انا مو مبسوطه ع هيك لاني حابه البسه عزوقي بس ما بدي اكسر بخاطرهم و في اشياء حلوة و اشياء hwaml15بس يالله ما حدا شايفه اول شهرين تلاته مهو ملفلف بالحرام عنجد برافو عليكي تجهزي كل شي قبل ما تيجي عالاردن عشان ما حدا يحشر حالو و بسعودية الاواعي احلى من هون بكتير اما شو بدك نجهزي فالتبانات القطنيات و البيجامات و و تبانات داخليات و مشدين تلاته للبطن عشان معدتو تظل دافيه و بناطلين برجلين مسكره و كيلونات و قماط للسره و كوفليه بس لا تكوفلي ايديه مو صحي و خلي راخي عجسمه هادا اذا مونتي عامك و حماتك هههه و طاقيه و كفوف ايدين مشان ما يخرمش حالومنشفتين و ليفه و طبعا حرامات اشي خفيف و اشي تقيل و كاري كوت للطلعات و كاري تشير للسياره و شنته بيبي و اكمن لبسه خارجيه و ما تكتري يادوب 3 قطع من كل اشي لانو البيبيات بيكبرو بسرعه فظيعه كل اسبوع بتلاقي مقاسه تغير . طبعا لا تنسي رضعه صغيرة مشان اليانسون و هيك شغلات اما اذا ما بدك ترضعيه من صدرك فاكيد بدك تشتريلو رضعتين تلات للحليب و شامبو و زيت اطفال و بودرة و لوشن و فازلين و كولونياو كحول للسره مشان التعقيم انا بستعمل بيبي ماجيك كتير منيح و فيه جونسون و غيرهم كتير و لا تنسي المشط و الفرشايه و قصاصه الاظافر و المقص و انا بنصحك تستعملي المقص لانو اظافرو بيكونو كتير طرايا و المقص اامن و انتبهي انو يكون راس المقص مدور مو مدبب هادا كل شي متزكرته هلا و ان شالله ما اكون نسيت اشي نصيحتي الك تحركي و توكلي عالله و اشتغلي بيتك على اقل من راحتك بما انها الدكتوره حكتلك عادي لانو شغل البيت يعتبر رياضه و مفيد للجسم كتير انا بشتغل كل يوم ساعتين او تلات مو اكتر و عامله جدول بيظل بيتي عطول نظيف شكلك موسوسه كتير من كل اشي بس ما تخافي من اشي هيك البكريه دايما اهم شي ركزي عالتغذيه المتوازنه و والفواكه و الرياضه و ظلي مبسوطه و رايقه و طبعا الصلاة و القران والله يتمملك ع خير يا رب |
رد: تجمع حوامل اهل الاردن الطيب
اقتباس:
و كيف الحمل معك؟ انا حاسه بالم عند اخر ظهري امرار ما بقدر امشي من كتر الوجع و بالليل ما بعرف انام حكتلي الدكتوره الراس مبلش ينزل بالحوض ما بعرف هيك يعني رح اولد قبل ما اخلص التاسع ولا كيف الحرقه جننتني و حركة البيبي بسم الله ما شاء الله صارت تدايقني كتير ترفيس و مدافشه عطول |
رد: تجمع حوامل اهل الاردن الطيب
اقتباس:
وبالنسبة للحمل والله التئل انا كمان دابحني بحس انه كل ماامشي انه في شي رح ينزل وبشد من تحت ونوم ماعم اعرف انام لانه عطول ضهري ورجلي موجعني اصلا اشي طبيعي البيبي بالتاسع ينزل الحوض بس ماله دخل بالولاده انا هيك بعرف ويمكن كمان يكون علامه على قرب الولادة والله بئقومك بالسلامه يارب ويفرحك بشوفة ابنك بصحه وسلامه |
رد: تجمع حوامل اهل الاردن الطيب
اقتباس:
يا رب يتمم ع خير و ما نتغلب بالولاده ما تتخيلي شو خايفه من الولاده و الطلق |
رد: تجمع حوامل اهل الاردن الطيب
اقتباس:
ووجع الرجلين الله لايوريكي صايرة مااعرف انام الا بالمسكنات وكمان هاليومين صايبني صداع مخيف لانه معي من اول الحمل فقر دم وهلا زايد علي مبارح رحت عملت فحص دم طلع دمي 7 ونص الدكتورة بهدلتني ولانه وزني عم ينزل كمان وبالنسبة للولاده مع انها رابع حمل الي بس والله مرعوبه يمكن لاني بعرف شو هي الولاده ووجعها الله يجعلها ساعه سهله علينا يارب |
رد: تجمع حوامل اهل الاردن الطيب
بنت جبل الصنديان وين هالغيبة طمنينا عنك
|
رد: تجمع حوامل اهل الاردن الطيب
اقتباس:
انا الحمدلله تمام منيحه بس مبارح كان عنا جمعه اردنيه الله وكيلك ههه وانشغلت الله يسهل عليكي ولادتك يا رب ليش خايفه من الولاده بتصدقي انا مو هاممني وجع الطلق ولا الولاده >>لا شجاعه كتير هذا لانك ما بتعرفي شي عنهم هههه بس لا جد مو خايفه من ساعه الولادع قد من رح اكون فرحانه بشوفه البوبو الله يسهلها على الجميع يا رب وازا خايفه ليش ما بتوخدي ابره الظهر hwaml7 |
رد: تجمع حوامل اهل الاردن الطيب
[QUOTE=بنت جبل الصنديان;1743485]هلا وغلا شيرين كيفك انتي
انا الحمدلله تمام منيحه بس مبارح كان عنا جمعه اردنيه الله وكيلك ههه وانشغلت الله يسهل عليكي ولادتك يا رب ليش خايفه من الولاده بتصدقي انا مو هاممني وجع الطلق ولا الولاده >>لا شجاعه كتير هذا لانك ما بتعرفي شي عنهم هههه بس لا جد مو خايفه من ساعه الولادع قد من رح اكون فرحانه بشوفه البوبو الله يسهلها على الجميع يا رب وازا خايفه ليش ما بتوخدي ابره الظهر hwaml7[/QU خايفة لاني مجربة شو وجعها للولاده بس عجبوني الشجعان hwaml60 وزوجي مو راضي يخليني اخدها للابرة لانه خايف تعملي مضاعفات بعد هيك بتعرفي هم شو بيعرفهم بالوجع اللي بتشوفي وحكالي انا مستحيل وقع عليها بس بتعرفي على ئد ماانا خايفة على ئد ماانا مستعجله بحكي هي هالساعه وبخلص والله بعين يارب |
رد: تجمع حوامل اهل الاردن الطيب
اقتباس:
يالله ما ضل شي عليكي كم يوم امانه ادعيلي وانتي تولدي الله يتمم علي حملي واشوف ابني بحضني الله يرحمه ابوكي وانا كمان بابا متوفي بس نحنا 6 بنات ما شالله يعني لا تدللت ولا شي هههههه يله عوضتها بعد ما تزوجت يله ضلك اقرأي سوره البقره كل يوم لحتى تولدي بتيسر الولاده عليكي وشكرا كتير عالشرح المفصل للاغراض ههه خليت زوجي يقرأهم ويحفظهم منيح |
رد: تجمع حوامل اهل الاردن الطيب
مساالخـــــــــــــــــير لكل بنات اهل الاردن
وأخيرا صار تجمع لحوامل الاردن انا اردنية بس مقيمة بالسعودية حامل وكمان يومين بدخل التاسع رح اولد هون بالمدينة المنورة للأسف انا لوحدي دعواتكم قربت اولد الله يهونها علينا وعليكم وان شالله اني بتواصل معكم سلامي للجميع |
رد: تجمع حوامل اهل الاردن الطيب
اقتباس:
يا حيا الله ايه واهلا وسهلا فيكي بالتجمع والله يهونها عليكي يارب احنا هون عفكرة اغلبنا بالتاسع انا الي اسبوع بالتاسع دعواتك احكيلنا هاد الحمل اول حمل ولا عندك اولاد وانتي من وين من الاردن |
| الساعة الآن 08:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .