|
رد: كيف علمتي زوجك انك حامل
الله يسهل عليكم ويتمم عليكم بالف خير
خواتي ادعو لي ان شاءالله احمل والله بموت على الحمال الله يرزقني ويرزق كل المحرومات يارب |
رد: كيف علمتي زوجك انك حامل
مشكوره حبيبتي ع الموضوع الحلو والاحلى منه ردود البنات الله يثبت حمل كل وحده حامل ويرزق كل محرومه الذريه الصالحه عاجلاً غير آجل يارب
بصراحه قصتي قصه انا من بداية الزواج ماكنت ابغى احمل إلا بعد 6 شهور اقل شي حتى اكلت حبوب منع حمل بداية الزواج وكان زوجي رافض وتركتها بعد شهر ونزلت الدوره علي بعدها والشهر الثاني تأخرت وكنت خايفه من الحمل وهو يتحسب انه يكون حمل حتى يقولي لما رحت احلل إذا طلع حمل لا تزعلين احمدي ربي لأن غيرك يتمنى الحمل ومن هالكلام المهم حللت طلع مافي حمل ع طوووووووووووووول طيرااااااان له اناديه من الاستراحه انتظار الرجال واقول ابشرك مافي حمل صح زعل شوي بس الشهر الثاني تأخرت الدوره وانتظرها لمدة 9 ايام ومثل ماقلتو اعراض دوره وفيني خمول ونووووووووم بس وكنت شاكه بالحمل بس مابينت له وهو يدعي ربي انه حمل لأن اخوانه اثنين ما حملو حريمهم المهم قلت له وإحنا مره في السياره وش رايك نشتري التحليل المنزلي ويطير ع الصيدليه ويجيب افضل نوع وقاعد يخيريني بالسياره اطلبي ماتتمنين إذا طلع حمل المهم اول مارجعنا البيت وسويته طلع خط واضح وخط خفيف وتحطم وقال الحمدلله على كل حال وفي هذا الوقت تمنيت انا انو حمل عشان خاطره وكان نهاية الاسبوع بيسافر وبروح انا عند اهلي فأخذت معي جهاز الاب توب تبعه قلت بروح احمل فيه اشياء من اهلي وانا امزح معه في بالي شي ثاني ويوم رحت عند اهلي رحت للمستشفى وحللت دم وطلع حمل بعد ماكلمت الدكتوره وانا في السوق مع اختي بصراحه حزنت ماادري ليش ماكنت ابغى حمل بدري واختي ع طول تضمني قدام الناس وتبوسني مبروووووووووووك المهم بعد مارجعت البيت حملت صورة من النت صورة جنين في بطن امه في الشهر التاسع وماسك الحبل السري وكتبت عليها مبروووك يابابا وحطيتها خلفية سطح المكتب وبعد مارجع واخذني من اهلي قلت افتح الجهاز فيه مفاجأه لك قال اكيد صور الزواج ويوم فتح طااااااااااااااار من الفرحه ويجلس يحمد ربي ويبوسني وقال كيف خطرت عليك الفكره طووووووووووولت عليكم بس هذه الحكايه |
رد: كيف علمتي زوجك انك حامل
ذهب معي للتحليل اساسا ههههه
|
رد: كيف علمتي زوجك انك حامل
كنت في مستوصف في قسم النسا وهوه في قسم الرجال وارسلتله مسج وخبرته .
|
رد: كيف علمتي زوجك انك حامل
كان زوجي معايا وقت ما اخدنا النتيجه..
|
رد: كيف علمتي زوجك انك حامل
موضوع حلو والله
اما انا بالنسبه لي حملتي الاولى ببنتي هو فرح حييييييييل وانا ضليت ابكي يمكن شهر خخخخخ وحملتي الثانيه كان مسافر اتصلت عليه وهو بالسفر وقلت له بس لما رجع من السفر رجوله مو طايله الارض وده يحملني ويمشي بي عشان ماتلمس رجولي الارض ..... اما حملتي الثالثه الي هي الحين لان ضليت 6 سنوات على ولدي وهو حيل خاطره اني احمل قبل لاتتاخر علي الدوره قلت له يشتري لي تحليل حمل قالي تو بدري قلت له جيبه ماتدري يمكن ويمكن..... لان ضليت 4 شهور بدون موانع ولا حملت بس حبيت العب يعني بالتحليل خخخخخخخ جاب لي التحليل سويته وتركته على المغسله لانه يبيله دقيقه تقريبا او دقيقتين ابي اتجرأ اروح اشوف النتيجه ماني قادره .....قلت له قوم شوف التحليل جاني قالي خطين شنو يعني انا انطيييييييييييييت ومت من الضحك <<<<ليش مادري تقولي خبله هههههههههه قالي شنو مانتي حامل قلت له خطين يعني حامل وانا ميته ضحك وللحين مادري شنو سبب الهستيريا الي صابتني ذاك الوقت هههههههههههههههههههههههه والحين انا بالشهر الثامن الاسبوع الاخير منه دعواتكم ربي يتمم لي على خير ويفرح زوووجي بالمولود الي انتظره من زمان :) |
رد: كيف علمتي زوجك انك حامل
مرحبا موضوع حلو جدا وحبيت اقولكم كيف خبرته بحملي لان من يومين عرفت اني حامل
هوا دوامه في شركه يعني 12 ساعه ماشوفه من 6 صباح الى 6 مغرب قبلها يوم الجمعه واحنا راجعين من عند اهلي قلتله مر الصيدليه وخذ تحليل حمل طبعا مر وكان ماعند امل اني احمل لان ماكملنا 4شهور متزوجين ونظريته انو المراة بعد 6 شهور تحمل ))مدري من الي قاله هذي المعلوومة الخطيرة هههههه المهم من الصبح راح العمل وانتظرت الساعه8 سويت تحليل وطلع خطين وفررررحت واااااااااااايد كنت بدق عليه اخبره او ارسل مسج بس قلت لا..لا ...خليه يجي واسويها مفاجأة لانه يستاهل اقدم له احلى خبر باجمل طريقه واحلا اسلوب يستاهل حبيبي,,,,, المهم- رحت زينت غرفه النوم ورتبت البيت وطفيت الانوار كلها بس شمعات فغرفة النوم شغاله ورتبت له مفاجاءة حلوة طبعا لان كان عندي وقت كبييير اسويها اول مادخل جا حبيبي يمشي باتجاه النور واول مادخل لقى مكتوب بالورد عالارض *مبروك حبيبي انا حامل وحولها شمع ماصدق الخبر جلس يصيح من الفرحه جيت من وراه بأبهى زينتي وشغلت الانوار والتحليل بيدي علا طوووول قام شالني ويحضني لدرجة اني بكيت ))) تتذكر الموقف ,وربي احساس مررره حلو لما تحسين انك تملكين شي من اغلا انسان عندك كيف اذا كنتي حامل وانه قطعه منه بتحافظين علية اكثر من روحك _صباح الاحد كتب لي علا ورقه وحطها عالطاوله مكتوب فيها *حبيبتي لحد الحين احس اني بحلم ومو مصدق انك حامل ولاتخافي راح ارجع البيت بدري احس اني مشتاقلك ماودي اروح الدوام انتبهي لنفسك ......الباقي احتفظ فيه ......ووووووووووووووبس وسامحوني عالتطويل هذا الي صار |
رد: كيف علمتي زوجك انك حامل
اني جلست سنه وشهرين من زواجي من دون حمل
ولم تاخرت الدوره 3 ايام تعبت وداني المستشفى وسويت تحليل بول ودم وبعد ساعه طلعت النتيجه وهو الي استلم النتيجه وقالت له مبروك حامل المدام وفرح وحضني اني اقول لك لاتكذب علي يقول لي جد انتي حامل مبروك والحين لي 4 شهور بدخل الخامس الله يتمم علي بخير واشوف النونو في حضني |
رد: كيف علمتي زوجك انك حامل
انااا صار لي سنتين و نص متزوجه بس كنت في البدايه خايفه عشان عندي جامعه
ولما صرت اخر كورس قلنا خلاص ان شاءالله اللحين يصير حمل والولاده بعد التخرج ان شاءالله المهم انتظرت اول شهر مافي لان مافكرنا بالشي الا بعد ايام التبويض وثاني شهر بعد مافي شي بديت اخاف قلت يمكن لاني اخرت وثالث شهر بعد مافي شي بديت اخاااف حيل الشهر الرابع من الانتضار او الثالث بالصح كنت حاسه اني حامل وقلت لزوجي يلااا نروح نحلل بالمختبر قال يلاااااااا قلت لا لا خلها يوم ثاني قال لااااا اليوم يعني اليوم رحنا اخذت الدم ورحنا نصلي المغرب وبعد ربع ساعه رجعت عطتني الممرضه الورقه مكتوب ايجابي ضعيف قلت لها تعالي يعني شنوووو قالت لي يعني عيدي بعد اسبوع بس حامل يعني وظل يقولي طول الدرب ضعيف ضعيف ويضحك يقولي اكييييييد حامل لا تخافين بس لان ما تاخرت الدوره للحين وبعدها بيومين سويت تحليل بالبيت وبعد طلع خط خفيف هههههه يقولون لي يعني مايصير تنتظرين اقولهم ماقدر بعد كم يوم رحت المستوصف عشان اذا اكيد حمل يفتحون لي ملف قالت بعد ضعيييف ههههههههههه حتى قال زوجي بنسميه ويكلي ههههههه يعني ضعيف بس قالت لان توج مرره في البدايه اللي فرحني ان كل خالاتي وخوالي واهل زوجي كانوو ينتظروني من سنتين ويحنون علي يلا ويلا وكل واحد يشووفني يضمني ويدعلي حيييييييييييييل فرحت طولت عليكم كثير |
رد: كيف علمتي زوجك انك حامل
بالنسبه لي بحملي الاول تاخرت ب6شهور لدرحه انه يقولي بالشهر الخامس وشفيك مانتي تفكرين الحين بالحمل قلت ايوالله ودي بس الله يكتبه بعدها ظمني قالي لاتزعين ربي يجيب الي فيه الخير وبعدها بشهر رحت لاهلي وكانت عندهم عزيمه عائليه وكانت جدتي ام امي موجوده دخل ابوي بقايا الذبيحه ومنها الراس تقرفت من ريحه الراس لانهم يشونه كله تاخرت الدوره اسبوع قالولي خواتي المتزوجات والله لازم تحللين منزلي قلت كيف ووشلون ارسلو واحد من خواني عزابي يالله فهم وجاب التحليل تخيلوووو اربع من خواتي و2 من بنات اخوي عند الحمام طلعت عليهم فيني برووود قلت شوفو خطين غامقه قالو حامل واسمعو اليباب والتصفيق ابوي جلس يبكي يقول ليش بدري انتي صغيره موقف والله منساه رحت لزوجي بالبيت قبل مانام طلعت شريط الحمل طبعا جاهل فيه مايعرفه وريته قال وش هذا قلت تحليل حمل منزلي بالبول قال وش طلع قلت حمل قال لالا كيف عرفتي قلت اقرى وبتعرف والله جلس مبلم بعدين حظني وباركلي طاير مره راح قالي لاتقولي لاحد الين تحللين دم رحت وحللت علمته الممرضه راح واعطى كل ممرضه حق البشاره ربي لك الحمد راح وبشر امه وهله نزلت امه مسكينه تبكي وتبوس بطني والله حسيت اني ملالالالاك بجيبلهم سمو امير ههههههه حكمو عليه انه بدر وجاني بدر اسمه بدر وحملت مره ثانيه بعد سنه وسقطت وبعد 8 شهور وجبت لولي والحين حامل الله يتمم على خير كل حمل وفرحته اكبر وللله الحمد الله يتمم ويصلح ويرزق كل محروومه يارب
|
رد: كيف علمتي زوجك انك حامل
انا خليته يشتري لي الأختبار المنزلي ولما شفت خطين قمت ابكي وادق لزوجي وهو كان بالدوام خاف يوم شافني ابكي قالي خير وشفي قلتله طلع خطين انا حامل بالمررره فرح ورجع من الدوام وسويت تحليل دم بس عشان نتأكد والحمدلله وربي يتمملكم حملكم والي ماحملت ربي يرزقها بالحمل عاجلآغير آجل آآآآآمين موفقه حبيبتي عالموضوع الحلو
|
رد: كيف علمتي زوجك انك حامل
كان بالغرفة يوم دخلت الحمام احلل وماعرف اش كنت بسوي
طلعت وجيت عنده وانا مصدومة وريته التحليل قال شو يعني قلت ي م كك ن حااامل وكنت برتجف مات ظحك علي وحضني وباس راس وقام صلى ركعتين شكر وانا ماتحركت من مكاني وكلي ارتجف قال وش فيكي قلتله مو مصدقة ابغي اروح لدكتور قال اوككي بكرة قلت لا اليوم وهو مادري ليش مصدق رحت للدكتور واكد لي اني حامل بشهر وفرحت كتير وحصنت زوجي وانا اقوله احبك احبك احبك اللهم لك الحمد ولشكر والله لا يحرم كل محرومة من الاحساس |
رد: كيف علمتي زوجك انك حامل
انا كان جوزي مسافر وقتي حللت وطلعت حامل
بعد خمسة سنوات انتظار تخيلوالخبرشوحلوووووو وفورن بعثتلو مسج كتبتلوفيه مبروك حبيبي راح تصيررررر بابا مافي ثواني الا متصل علي انتي تمزحين قلتلو والله والله اني حاااااامل باركلي وقعد يبكي ويوصيني ديري بالك على حالك ولاتشيلي ولاتحطي ومن هالحكي الحمد لله رزقني محمد ولجين الله يحفظهم لي ويبارك فيهم يارب |
رد: كيف علمتي زوجك انك حامل
والله انا شكيت اني حامل قبل اسبوع واخذت تحليل حمل وحللت وطلع خطين على طول ماصدقت
وخبيته ولما سالني زوجي كذبت قلت مافيه حزن لاني توني مسقطه قبل شهرين بعدين حضنته وقلت لا حااااااااااااامل وفرحنا بس لسى خااااايفين اخاف مايثبت |
رد: كيف علمتي زوجك انك حامل
أنا قصصتي قصه تأخرت دورتي ولاني بكريه وتو متزوجه كنت خايفه يكوون حمل ونفسيتي
كانت زفت تخيلو رمضان والناس مبسوطه وانا كل شوي أقول بس الحين الدوره بتجي الموهييم رحنا انا وزوجي الصيدليه شرينا الجهاز ورجعنا البيت (بيت أهلي) بحكم انا كنا مسافرين عندهم وهو طلع شقة أخخوي ينام رحت حللت وانا مغمضه فتحت الا خطين يلقو قدامي بغيت أطيح وأجيب العيد من الخرررعه مدري اش حسيت بس شي غريب دقيت عليه وانا ابكي متلعثمه وهو مو فاهم قال اطلعي لي نتفاهم طلعت عنده واقوله شوف خطين خطين وهو مو فاهم اش يعني خطين يقولي يعني وش < بغيت أفلقه خخخخ قلت يعني حمل وجهه سسار الوان وعيونه مفتوحه ع الاخر يقول من جدك انتي المهم ثواني وأستتب الامن وهدينا وسسار يضحك علي وهو مبسسوط يقوول شكلك بيبي وفي بطنك بيبي مررره مايجي بعدين حللت وهيييك وكنا مبسسوطين ع الاخر مع انو كان لسا بدري |
رد: كيف علمتي زوجك انك حامل
والله طبعي احب الاطفال من يوم كنت صغيرة
ومن زمان اتمنى اصير ام واحضن طفل من ريحتي بحضني وكانت عندي مشاكل قبل الزواج ..عدم انتظام الدورة وارتفاع هرمون الحليب وتكيس بالمبايض ولا عالجتها خوفي من اضرار الادوية قبل الزواج وكان عندي احساس اني مابحمل على طول بعد الزواج مع اني كنت اتمنى الحمل اكثر من الزواج نفسه ودايما كنت اقول لاهلي لو في طريقة مشروعة اجيب بها طفل من غير زواج كان سويتها من زمان ولا انتظرت اتزوج الموهم اتزوجت واول دورة لي بعد الزواج اتأخرت انا وقتها كنت ادعي يارب اكون حامل وفي نفس الوقت انا متعودة على لخبطة الدورة يعني مو شي جديد .. وبس لمن رحت بيت اهلي قبل لا اكلم شهر على زواجنا ارسلت اخوي الصيدلية يجيب تحليل وجاب وحللت وطلع سلبي مع انه لسه بدري بس انا زعلت كان نفسي احمل وزوجي ماكان يتمنى بدري ..على اساس ناخذ حريتنا بس انا كنت خااايفة انه مشاكلي تأثر على حملي وبس الحمدلله بعد كم يوم لمن شفت الدورة اتاخرت وجاتني حكة بجسمي قالت لي اختي اكيد حامل ورفعت لي معنوياتي وعملت تحليل ثاني طبعا زوجي اللي جابه لي هذي المرة وهو اللي صحاني من النوم وكان منتظر النتيجة وطلعت ايجابية الحمدلله وفرحت فرحة ماقد فرحتها بعمري مع اني توي متزوجة بس عارفين لمن يكون عندك حلم من وقت واتحقق وزوجي مع انه كان يتمنى الحمل يتأخر بس حسيته فرح خاصة انه اهله طاروا من الفرحة لان زوجي بكرهم واللي ببطني اول حفيد للعايلة بس ادعولي ربي يثبت حملي ويقر عيني بشوفة ولدي حبيبي والله يرزق كل محرومة ياااااااااااااااااااارب .. |
رد: كيف علمتي زوجك انك حامل
انا لمن شفت الدورة تأخرت علي كنت اشتري التحليل بنفسي لمن اطلع من الدوام
مرتين أخذته لان في المرة الاولى مابان شي المهم لما طلع خطين خذت علبه فخمه خاصة بالهدايا وحطيت التحليل داخل العلبة وكتبت ورقة مبروك انا حامل ورحت اعطيه الهدية الا يقول لي " جايبه لي هدية معناها تبين هدية انتي بعد ضحكت وقلت له ماتبيها رجعها قال لا لا باشوف وش فيها ولما فتح العلبه فتح عيونه مستغرب ويقول لا لا من صجج واستانس والذي منه ........ مع انه هذا حملي الخامس الله يخليهم لي كلهم يارب بس هو كان يحن يبي عيال وانا ارفض ولدي الصغير عمره 4 سنوات الحين وانا في السادس والله يتمم علينا ويرزق كل وحده تتمنى يارب |
رد: كيف علمتي زوجك انك حامل
أنآ لمآ حللت زوجي مو عندي لأني انا بمدينه وهو بمدينه بحكم دراستي
وكنت راجعه من عنده لي اسبوع والحمدلله دورتي منتظمه وموعدهآ جا وهي ماشرفت رحت الصيدليه وجبت التست وحللت وع طووول خطين وسبحان الله من اول كنت حآسه اني حامل صورت التست ورسلته لزوجي اتصل علي ويقول من جد وهو مررره مبسوط ويضحك طبعاً زوجي مره نفسه اني احمل مع اني لسى متزوجه يعني بعد شهرين حملت الحمدلله ع كل حال والله يرزق كل محرومه |
رد: كيف علمتي زوجك انك حامل
الى الان مابعد حللت السبت القادم باذن الله
ودي احلل ولا يكون معي ولا اقدر هو اللي بيكون عند المختبر معي ودي اسوي له مفاجاة ولا ني عارفه كيف بس مممممره متحمسس يعرف |
| الساعة الآن 03:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .