|
رد: دردشة حوامل المغرب المغتربات
hwaml30hwaml12
l ما شاء الله و لا حولة و لا قوة الا بالله انا جد جد فرحانه بهاد التجمع الله يخلينا ديما مجموعين و نسولو على بعضيتنا الله يكمل علينا بيخير و نشوفو بيبيهاتنا على خير اما موضوع ركيل غير نعسو على رحتكم المبارات ما تبا حتى نص الحمل غادي ينعسوكو على الجنب الي يبغيو هما هههههه بحال ولدي كان ديما ينعسني على جنب واحد و ايلا درت يركل ليا يركل حتى نتقلب على الجنب الي باغيه هو شفتيو تحكم من الكرش الله يحفضهم لينا و يجيب الي في غيب على خير و الله العضيم فرحتوني يا لبنات بانكم تجمعتو ما شاء الله عليكم و الله يحفضكم |
رد: دردشة حوامل المغرب المغتربات
الله يجزاكي خير يا الغالية سماسم على التثبيت
ربنا يجعلو بداية خير مرحبا بكل الي جا لعندنا و الف الف مبروك التثبيت |
رد: دردشة حوامل المغرب المغتربات
معلش كنت غابرة على ود كان عندي نت كيفصل
كان عندي زيارة للطبيب الحمد الله طمني انو طبيعي بيتحرك و الحمد الله و انا عاد دخلت في الرابع الله يكمل علينا بالصحة و العافية اما الادوية فكنت اخد فوليك قبل و من بعد الحمل مع اسبيرين و تحاميل للتثبيت و دبا خرج ليا الحديد و الكالسيوم كين شي وحد ة بحالي كلي دوايات الحمد الله يا لبنات ديرو وقت ندخلو فيه كاملين و يناسبنا كاملي |
رد: دردشة حوامل المغرب المغتربات
السلام البنات كيف دايرين لباس عليكم و كيف دايرين البيبيهات نتمنى يكونو في صحة جيدة.و الله الا توحشتكم بزااااااف و فرحت ملي لقيت التجمع ديالنا تثبت و توسع.مرحبا بالاعضاء الجدد.نور القمروميس ليف و ملاك.اختي سماسم شكرا على التثبيت.الله يكمل عليكم حملكم يا رب.عرفتو لقيتكم كنتو كتكلمو على الركيل انا مازال ماكنحسش بحركة الجنين و لكن كنتسنا بفارغ الصبر النهار اللي نحس بيه و يونسني شوية وااااااو اكيد شعور راااائع الله يكمل علينا يا رب
|
رد: دردشة حوامل المغرب المغتربات
مرحبا بيك بين بنات بلادك اختي ملاك
ام صيصة كتقتليني بالضحك بداك الصورة الي دايرة فالصورة الشخصية ديالك وخصوصا ديك السنة ههههههههههههه كيديرين لباس عليكم اش خباركم عندك الحق اختي خصنا نديرو شي وقيت نتلاقاو فيه نتمنى نشوفكم على خير |
رد: دردشة حوامل المغرب المغتربات
اهلا وسهلا بنات بلادي انا فرحانة بزاف ملي لقيت هاد التجمع ديالكم
انا مغربية من مدينة الحسيمة ريفية ولكن عايشة فبيلجيكا مغتربة وحاملة فالشهر السادس منكدبش عليكم مكرهتش نولد دغيا بش اونسني ولدي فهاد الغربة وعمري ٢٠ |
رد: دردشة حوامل المغرب المغتربات
مساكم الله بالخير
شخباركم بنات بلادي ؟؟؟ انا الحمد لله بخير مرحبا بالجميع في تجمعنا الله يسهل على كل وحدة الحمل ويفكنا على خير يا رب العالمين بخصوص نتجمعو في وقت واحد نظن هادشي صعيب حيث كل وحدة منا في بلاد وكل وحدة والوقت اللي عندها شيء عندو الصباح شيء عندو الليل اهم شيء نسولو على بعضيتنا ومنساوش بعض تحياتي للجميع |
رد: دردشة حوامل المغرب المغتربات
السلام عليكم البنات كيفكم مع الحمل ام صيصة فكرتيني في النعسة ديال الجنب انا في ولدي جنابي طابوا وليت تنقول امتا نجي ونتلاح على كرشي شوية تقهرت خصوصا في الشهر التاسع ولدت تالاخير وليت تنجر وفي ديك الفترة تتبلوكا لياا رجلي سبحان الله من جهة الفخد على غفلة ونهار انولد مخليت فين درت مادخلت تليل غير جيت انعس واجي قالياا نوضي تمشي تولدي الجهد مابقاش هههههههههههههههه ايوة الله يفككم على خير غير انتوماا ضربواا وقيسوا في الخريج ماديروش فحالي
الاخت سوسنة مرحبا بيك بيناتناا وانشاء الله تفرحي بالنونو بغيتي غير الوناسة وجدي انشاء الله تونسي تتولي طلبي لي يعاونك هههههههه ام صيصة بالنسبة للتوقيت الصراحة كاين فرق ساعات بيناا ولكن نحاولواا انشاء الله خصوصا لي ماخدامينش غير في الدار |
رد: دردشة حوامل المغرب المغتربات
السلام عليكم انا ايضا مغربية مغتربة في بلدي عمري ٢٠سنة حامل لاول مرة الشهر السابع اقيم في مدينة العيون شكرا ام صيصة على هدا التجمع
|
رد: دردشة حوامل المغرب المغتربات
مرحبا بيك اخت اميرة العلوي وباهل العيون , سعادتك مزاله في بلادك راني توحشتو بزاااااااااااااف
الله يصوب وصافي |
رد: دردشة حوامل المغرب المغتربات
اقتباس:
http://forum.hwaml.com/imgcache2/hwa...876732_352.gifhttp://forum.hwaml.com/imgcache2/hwa...876733_849.gif بناس الصحراء الغالية بكل مدن المغرب العزيز لغالي |
رد: دردشة حوامل المغرب المغتربات
http://forum.hwaml.com/imgcache2/hwa...877394_792.gif
http://forum.hwaml.com/imgcache2/hwa...877394_607.gif شكرا ليكم على روح المحبة الي خلاتكم تجتامعو انا حبيت اعمل واحد الجدول باش نعرفو كل وحدة الي قربات تولد قبل الاخرى ندعيو ليها حتى ربي يفكها على خير و هكدا حتى ربي يمرر لينا ششهورنا على خير الجدول كالتالي الاسم المستعار------ شهر الحمل الحالي-----موعد الولادة -----نوع البيبي 1-ام صيصة ----- اول الرابع------ ان شاء الله07/04/2011---الله اعلم 2-ismahan2000---شهر الرابع----- 3-ام خلفان---- - شهر سادس------ 4-نور القمر -----شهر الخامس----- 5-miss lv -----شهر الاول ---- 6- سوسنة- ------ شهر السادس- -- -- 7- amira alawi- --- شهر السابع --- -- و ان شاء الله مجموعتنا تكبر يا رب و نتابع بعضنا و ندعيو لبعضياتنا المطلوب كل وحدة دير كوبي و تكمل لخانة بتاعتها بحال المتال بتاعي http://forum.hwaml.com/imgcache2/hwa...877394_677.gif |
رد: دردشة حوامل المغرب المغتربات
تسلم ايدك ام صيصة والله يتمم لكم على خير انشاء الله
مرحبا بيك الاخت اميرة والله يكمل ليك وتولدي على خير |
رد: دردشة حوامل المغرب المغتربات
ربي يخليك ازين و تفرحينا في القريب العاجل بحملك ان شاء الله
http://zoom.maktoob.com/showImage.ph...08696&size=500 |
رد: دردشة حوامل المغرب المغتربات
انشاء الله ازين غير دابا خاصني راحة شوية بعد الاجهاض راكي عارفة بيدماا نرتاح شوية وربي يكتب لي فيهاا الخير يارب للجميع
|
رد: دردشة حوامل المغرب المغتربات
مساء الخير على بنات بلادي كيف دايرين لباس عليكوم ؟
|
رد: دردشة حوامل المغرب المغتربات
انا بالاسبوع الخامس ولا احس باي وحم هل هذا طبيعي
|
رد: دردشة حوامل المغرب المغتربات
طبيعي ام خطاب انا ماجاني وحم اصلا يعني ما توحمت هههههههه
|
رد: دردشة حوامل المغرب المغتربات
يعني ماحسيتي باي شيئ
انا بس مغص ببطني وظهري وصدري |
رد: دردشة حوامل المغرب المغتربات
السلام يا امهات المستقبل.كيف دايرين نتوما و البيبيهات.مرحبا بيك يا اميرة وسطناانتي و ام خطاب.بالنسبة لام خطاب شئ طبيعي لو ما حسيتي باي وحم.انا ايضا ما حسيت بحتى شي وحم باستثناء قيئ خفيف في الاسبوع 9 او 10.و الان الحمد لله حملي غادي مزيان و في ضروف جيدة.الله يكمل عليكم
|
رد: دردشة حوامل المغرب المغتربات
امين يارب
انا مره خايفه |
رد: دردشة حوامل المغرب المغتربات
الاسم المستعار(اسمهان2000 )شهر الحمل الحالي-(بداية الرابع )موعد الولادة( ان شاء الله 22 مارس)---نوع البيبي (في علم الغيب)
و ماكرهتش تزيدو حتى اش قررتو تسميو البيبي.بالنسبة لي الى كان ولد غادي نسميوه محمد على سمية اب زوجي الله يرحمو..اما اسماء البنات فهي كثيرة و زوييينة مازال تالفين او ما قررناش. ايوا نتوما البنات عاودو لينا عليكم و امتا غادي تولدو ان شاء الله |
رد: دردشة حوامل المغرب المغتربات
مرحبا بيك ام خطاب في تجمنا وبالنسبة للوحم كل وحدة وجسمهاا وفي الي يجيهاا بعدين لانو الوحم يبتدي من الاسبوع السادس مافوق ويمكن يجيكي خفيف مثلي لمدة اسبوعين وراح والله يسهلك ولي جميع الاخوات الحوامل
|
رد: دردشة حوامل المغرب المغتربات
"سوسنة موعد الولادة ١٨ من يناير وعندي ولد وبغيت نسميه عمران
والله اسهل علينا لولادة يا ربي آمينن |
رد: دردشة حوامل المغرب المغتربات
سوسنة تصدقي انتي بحالي فموعد الولادة وفجنس المولود وحتى انا وراجلي قررنا نسميو عمران
يا سبحان الله تصوري دبا ولدنا فنفس النهار انشاء الله ههههههههه سبحانك ربي |
رد: دردشة حوامل المغرب المغتربات
السلام عليكم كيف عاملين خواتاتي المغربيات ؟ ان شاء الله تكونو بخير وفي صحة جيدة شكرا اخت صيصة على الجدول اش رأيكم نديرو شجرة الاسرة المغربية في هاد التجمع وكل وحدة تسجل فيها اسمها باش تبقى ذكرى ومنها نكونو اسرة كبيرة ان شاء الله يلا نبدأ ( •_• نـُور القـمَر •_• ) (.........) (.........) (..........) (...... ...) (......... ...) (......... ...) (.............)(...........)(............) (........)(............)(.............)(.......... ...)(...........)(........) (......... ...) (................)(.......................)(...... ...........)(......... ...) (......... ...) (......................)(....................)(... .........)(.................)(......... ...) (............) (...................)(................)(.......... ......)(............)(.............)(...........) (.................)(...................)(......... ...) (................)(...............)(...........) (................)(.......................)(...... ................)(.............)(.............) (.......................)(......................)( ......................)(................) (......................)(........................) (........................) (....................)(.............. ......) (...............)(................) (............)(.............) (............)(.............) (..............)(...............) (..............)(...............) (................)(.................) (................)(.................) (................)(.................) (.........)(.........)(..........)(.........) (...........)(...........)(..........)(........... .) (............)(...........)(.............)(....... .... ....) (.............)(...............)(............)(... .... ..........) |
رد: دردشة حوامل المغرب المغتربات
اهلا الحبيبة نور يا قمر
هيا الاولى هي الي متعاود ( •_• نـُور القـمَر •_• ) ( ام الخلفاء) (.........) (..........) (...... ...) (......... ...) (......... ...) (.............)(...........)(............) (........)(............)(.............)(.......... ...)(...........)(........) (......... ...) (................)(.......................)(...... ...........)(......... ...) (......... ...) (......................)(....................)(... .........)(.................)(......... ...) (............) (...................)(................)(.......... ......)(............)(.............)(...........) (.................)(...................)(......... ...) (................)(...............)(...........) (................)(.......................)(...... ................)(.............)(.............) (.......................)(......................)( ......................)(................) (......................)(........................) (........................) (....................)(.............. ......) (...............)(................) (............)(.............) (............)(.............) (..............)(...............) (..............)(...............) (................)(.................) (................)(.................) (................)(.................) (.........)(.........)(..........)(.........) (...........)(...........)(..........)(........... .) (............)(...........)(.............)(....... .... ....) (.............)(...............)(............)(... .... ..........) الله يديم المحبة بيناتنا يا ربي قولو امين |
رد: دردشة حوامل المغرب المغتربات
لبنات بغيت نسولكم شي حاجة وخا جاتني حشومة
ولكين راكوم عافين الغربة لا حنين ولا رحيم الا سيدي ربي وثم انتوما خرجات ليا واحد اللحيمة فاللور حشاكم معرت واش باسر هدوك ولا شنو وانما مفيها لدم لا والو غير خارجة وصافي معرفتش اشنو دكشي الي عرفات فيكوم تفيدني ربي يخليكوم |
رد: دردشة حوامل المغرب المغتربات
اختي ام الخلفاء شكرا بزاف على الانضمام للشجرة , لاباس عليك ما تشوفي شر نتمنى تروحي للدكتورة هي اللي عندها خبرة
|
رد: دردشة حوامل المغرب المغتربات
لبنات مدام احنا مجمعين هنا علاش للي ما نفيدوش بعضيتنا بشيء اكلات مغربية وخصوصا اننا كل وحدة من مدينة ومنها نكتشفو الاكلات المغربية انا عندي ليكم حلوة الفقاص ان شاء الله تعجبكم فقاص بالمربى وكاوكاو المقادير: 5 بيضات خميرة حلويات ملعقة كبيرة الزبدة الدقيق زلافة زيت زلافة سنيدة ذرة ملح للتزيين: كاوكاو محمر مقشر ومهرمش مربى مشمش الطريقة: يمزج البيض مع السكر .. beurre.. الزيت.. الملح ثم الخميرة والدقيق الكافي لجمع العجينة. نشكل كرات نبسطها بالمدلك..ندهن وسطها بالمربى ثم نرش فوقه الكاوكاو نلف العجينة على نفسها حتى نحصل على شكل رولو ندهنه بالبيض ..ونضعه في الفرن *يطيب نص طيبة * بعد إخراجه من الفرن ...وحتى يبرد ..نقطعه كما في الصورة ونعيد تحميره في الفرن. ان شاء الله يعجبكمhttp://forum.hwaml.com/imgcache2/hwa...955584_430.gif http://forum.hwaml.com/imgcache2/hwa...955584_430.gif |
رد: دردشة حوامل المغرب المغتربات
صباح لخير عليكم
تبارك الله عليكم و عليك اخيتي نور هادشي كيشهي و لكن لخاطر ما كينش باش ندير شي حلوة نتسنا لوليدة مني تجي ان شاء الله ايوا فين وصلنا في الجدول الاسم المستعار------ شهر الحمل الحالي-----موعد الولادة -----نوع البيبي 1-ام صيصة ----- اول الرابع------ ان شاء الله07/04/2011---الله اعلم لو ولد يوسف ولو بنت لجين ان شاء الله 2-ismahan2000---شهر الرابع----22-03-2011 لو ولد محمد ان شاء الله 3-ام خلفان---- - شهر سادس------18-01-2011 لو ولد عمران ان شاء الله 4-نور القمر -----شهر الخامس----- 5-miss lv -----شهر الاول ---- 6- سوسنة- ------ شهر السادس- -- 18-01-2011 لو ولد عمران ان شاء الله 7- amira alawi- --- شهر السابع --- -- ما شاء الله عليكم ام خلفان و سوسنة سبحان الله الله يكمل عليكم بالخير يلاه يا امهات كملو جدول الي باقي ما كمل باش نبداو نحضرو السفوف للي قرب hwaml03hwaml10 و اكيد نور فكرة الشجرى جميلة شكرا |
رد: دردشة حوامل المغرب المغتربات
( •_• نـُور القـمَر •_• )
( ام الخلفاء) (ام صيصة) (..........) (...... ...) (......... ...) (......... ...) (.............)(...........)(............) (........)(............)(.............)(.......... ...)(...........)(........) (......... ...) (................)(.......................)(...... |
رد: دردشة حوامل المغرب المغتربات
اقتباس:
|
رد: دردشة حوامل المغرب المغتربات
ام خلفان ربنا يشفيك ويعافيك من كل شر انت لازم تستشيري طبيبك هو الي يقول اشنو هوا باسر و لا غير جليدة خرجت لي من تقل الي كنعرف بواسير تتكون عامرة بالدم و كتدير لحريق
و متقدريش تجلسي عليهم الله يحفضنا منهم الله يسمعنا عليك خبار لخير مني ترجعي من طبيب طمنينا عليك و ان شاء الله خير |
رد: دردشة حوامل المغرب المغتربات
شكرا ختي ام صيصة وانت ياقمر اسول فيكم الخير انا انشاء الله واحد شوية غنمشي عند الطبيبة نيت عندي رونديفو ونسولها انشاء الله يكون خير
نور اش هاد لحداكا احم احم ههههههههه تبارك الله عليك باينة عليه بنين وخا مدقتوش المصيبة دبا الى كانت شي وحدة كتوحم ودرنا شي اكلة مغربية ومالقات منين تجيبها خصوصا الى كانت مغتربة هههههههه على اي انا غنفيدكوم بوصفات الجمال والرشاقة انا عندي ليكوم حل للكابوس الكرشة الي معقدا بزاف دلعيالات ايوا الحل ساهل ينصح بتتبعه مدة سيمانة غتجيبي مكورة عرفتوه داك الي فيه وراق راه كنديروه فسكسو غتشدي ورقة مناه اولا اكتر حسب كرشة الي خارجة ليك وبيتي تزولها وتشديها غتشدي ديك لورقة بيديك ودوزيها فوق لعفية ديال لبوطة بلا متحطيها لا فمقلا ولا والو غير بديك تبعديها شوية على لعفية باش متحرقش غير شوية من جوج جوايه وتحطيها على كرشك وملي تسالي تلفيه بشي شال وتنعسي الى كانت شي وحدة عندها الدهون بزاف غدي تلاحض انه ورق الكور عمر بالما فالصباح لانه يمتص الدهون والسموم هاد الطريقة صالحة لجميع اماكن فالجسم ومجربة انا شخصيا درتها قبل ما نتزوج قبل العرس وولات كرشي ملصقة معايا بحال لمانكان هههههه وكاع الي جربها كيشكرها بالنسبة دبا حيت الزواج والراجل يستحسن الدار فالصباح منين تفيقي وتحيديها فلعشية ومع الشغل راك تديري رياضة واقيلا كترت الهضرة وليت ترتارة كنتمنى تستافدو |
رد: دردشة حوامل المغرب المغتربات
الزين ديالي كتقصدي لمكَور ياك ديال الخضرة اللي كنطيبو
|
رد: دردشة حوامل المغرب المغتربات
ايه الغزال هو هداك
اش خبارك بعدا اش خبار النونو وكاع ملين دارك فالمكة والمغريب؟؟ |
رد: دردشة حوامل المغرب المغتربات
الحمد لله والشكر لله كلشي بخير يسولك عليك الخير
وانتِ كيف بقيتي ؟؟ شكرا بزاف على الوصفة , بصراحة انا محتجاهة بعد الولادةان شاء الله حنا العيالات ضروري نكونو وسيمات قدام رجالنا , الله يخليهم لينا . |
رد: دردشة حوامل المغرب المغتربات
الله عليك يا ام خلفان بصح نيت انا عانيت منها طول فتر سنتين من بعد لولادة الاولى و ما نزلات غير بريجيم و رياضة حتى تقهرت
و لكن هادي وصفة ساهلة ان شاء الله مني نولدو اشخباركم مع تقل انت نور في اي شهر دابا و اشنو تاريخ لولادة ديالك |
رد: دردشة حوامل المغرب المغتربات
غير خليها على الله اللي عارفاه دابا اني في الشهر الخامس , انشاء الله هاد الاسبوع نمشيالدكتورة نشوف جنس الجنين ومنها نعرف اي اسبوع انا فيه
|
| الساعة الآن 10:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .