|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاتة
كيف حالكم ياحلوات كلكم توحشتكم بازااااااااف |
رد: حبيباتى سيدات ليبيا تفضلو لأعرف ما حالكم
الف الف الف مبروك النجاح ياسوسو
وتمشي اميمتك وترجع بالف سلامة ان شاء الله وفي ميزان حسناتها وان شاء الله في حجة يارب وكيف حال اوخيك كويس وبااااااااااااااااااااااركولي عرفت جنس النونو بنوتة عسل ياناااااس ربي يحفظها واتكون هي ووخيتها من الصالحات المؤمنات وربي يقدرنا علي تربيتهم التربية السليمة يااارب عرفت الاحد اللي فات وتعشينا برا عزمني راجلي عالمطعم وقاعدين انخمموا في الاسم زوجي اقترح عليا انديروا دار نوم بنوتات لكن قلت مازال اصلا مش حيرقدوا فيها صغار |
رد: حبيباتى سيدات ليبيا تفضلو لأعرف ما حالكم
وينكم ياعسولات خميسية وطلعات
|
رد: حبيباتى سيدات ليبيا تفضلو لأعرف ما حالكم
قال الله تعالي ((يهب لمن يشاء اناثا ويهب لمن يشاء الذكور))
شن موقفك لو جاتك عزوزتك وقلتيلها وانتي فرحانة بطيري قالتلك الدكتورة بنوتة اتعوج فمها وتقولك كان اتجي الثالتة بنت!!! وآآآآك ياريتة ولد وكلام هلبة غيرة بالرغم انها عندها زوز ولاد بس وماعندهاش بنات قلتلها هالشئ المفروض تفرحي قالتلي نفرحوا بالاولي بس حسبي الله ونعم الوكيل حتي في رنودة دارتلي هكي لدرجة لما حملت نبي ولد علي خاطرها باش مانسمعش هالكلام انا باهية معاها بشهادة الكل الحمد لله خير من غيري ومع ذالك نطلع كخة لاني بنجيب وخية لبنتي لا قالت مبروك لا ان شاء الله تنوضي بالسلامة لااااااا ولاكلمة غير الكلام العسل امتاعها وطلعت ومن الاحد اتجي من فم الباب غير آهو وخلاص وتاني يوم تبيني اندير لسلفي عصبان اللي مرتة ماتاكلش فية فماديرش فية !!كان كانت معاي باهية واقل شئ باركتلي راني قلتلها حاضر كاعادة حتي لو مريضة لكن انا نضرب في الابر علي خاطر ضهري والله طابه عليا الدكتورة راحة لما قلتها هالكلام زادت التكشيرة وعطتني ظهرها وروحت والمشكلة انها بصحتها ماشاء الله وقبل منجئ انا اديرله فية وهما ايطيبوا 3دورات يعني انتقام حسبي الله ونعم الوكيل ام الاولاد حتي صداع يافلانة ابعتيلنا الغداء آآآآآآآآه شن بنقول كل هالشئ كاتماتة ومنقول لحد لكن طلع الطيب كخة باختصار لانة طيب ويخدم غيرة وحسن النية واليوم اللي بعدة جتني لاسلام لا كلام باش اتقولي مش قلتي ضهرك خيرك راكبة للدور التالت لاختك !!!! وطبعا انا مشيتلها بعد مضربت اليبره وقعمزنا مع عزوزتها اللي والله ياناس عسل ناضت اتغمرتني اتباركلي وتدعيلي وشوي وبكيت كيف الناس تختلف سبحان الله نحكيلكم لاني محكيتش حتي لاقرب الناس ليا ربي يهديها وخلاص هذيك الليلة مرقدتش كل ماتغفي عيني نحلم بيها حسبي الله ونعم الوكيل لين القيت روحي خلاااااص معادش قادرة نتحمل صليت مش عارفة قداش ركعة لين القيت نفسي نبكي بصوت عالي وراجلي يحضني ويسمي بالله عليا وخاف مسكين للاسف حكيتلة مع اني منحبش ننقل الكلام حرج مني وقالي امي علي عيني وراسي لكن يوم تغلط فيك ماتسكتيش المهم بأدبك واحترامك ناقشيها وماتستسلميش واهم شئ انا والله لو انعبوا الحوش كلة بنات انتي وبناتنا تاج راسي وامي حقي طاعتها وبرها وانتي احترامها فقط طبعا عزوزتي مش كبيرة زي مقلتلكم في50سنة وحسيتة حرج من امة هلبة هديتة وقلتلة بس اليوم وغدوة حننسي وفعلا بعد كلامة وصلاتي ارتحت وتوة انا احسن بهلبة والله حسيت نفسي فرحت اكثر من فرحتي لو كان ولد لاني من الاول نبية علي خاطرها اما انا وزوجي الحمد لله كلة من فضل ربي ولو ربي كاتبلي الولد حيرزقني بعدهم او حتي بعد اربعة او خمسة المشكلة يابنات هالشئ اول مرة انقولهولكم سلفتي عندها زوز ولاد وتالث قريب يوصل ماشاء الله ربي يزيد المعاملة والفرق واضح من قبل منقوللها بنت هلبة مواقف صايرة لاتحصي ولاتعد يوميا مع رنودة حسبي الله ونعم الوكيل سبوعي في بنتي كان بصراحة فخم وراقي وحتي الامورة هادي نفس الشئ وزوجي يقولي لو جوني بنوتات كل سبوع اكبر من التاني انا قلتلة طبعا مش طريقة هادي هههههه المهم انربوهم ونعلموهم كويس هدا الاهم المشكلة اتحسسك كاني هادي البنت الخامسة سبحان الله يارب اهديها مش قصدي قرمة بس مجرد فضفضة اما انا وراجلي عايشين احلي عيشة اللهم لك الحمد وامس طلعت راجلي فاجاني درس قدام محل ذهب شري لرنودة تعليقة جديدة باختياري طبعا آحم احم وانا خراص عمليات لان امتعاتي وحدة راحت والتانية وحدة منهم اتكسرت الله لايحرمني منة انا مانبيش غير ربي يطول في عمري في طاعتة وعمر بوهم وتربية صغاري وطاعة الوالدين يااااااااااااااااارب اسفة طولت عليكم |
رد: حبيباتى سيدات ليبيا تفضلو لأعرف ما حالكم
ماتفهموش من كلامي غلط
كنت بنحذف المشاركة بس هذا كلام حق والحمد لله مفتريت علي حد وكنت بنحدفة لاني فعلا هالشئ صار الاحد والاتنين وانا توة والله بدون مبالغة في احسن مايكون الحمد لله والسبت بنكمل ان شاء الله اتات الحوش البساطات والتحف ونهاية الاسبوع ان شاء الله بنبضع لرمضان ربي يبلغنا رمضان بالف صحة وسلامة ويقدرنا علي الطاعات يااااااارب وبنكمل جميع النواقص ربي يسخر الحال لاني من النوع مانطلعش في رمضان حوش بوي في الاسبوع مرة ونفطر مرتين في الشهر الكريم والزيارات هني وهني لالا منحبش ولو اضطريت من 13ل18 رمضان فيهم نطلع ونشري حوايج العيد ونزور ناس مضطرة انزورهم او نباركلهم حتي راجلي العشرة الاواخر ياخذ اجازة ويعتكف في المسجد ولله الحمد الله علي ايام رمضان انشم فيها من توة ههه ياااااارب قدرنا علي جمع اكبر قدر من الحسنات يااااارب |
رد: حبيباتى سيدات ليبيا تفضلو لأعرف ما حالكم
يلا بنات تعالوا استاحشتكم هلللللللللللبة
الله لايحرمني منكم ام فراس واثري وصلتني مباركتهم قرؤا موضوعي نبي فية اسماء حلوة |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم حبيباتي .... ان شاء الله طيبين اقتباس:
مرحبا شموسة كيف حالك وحال شموسة وعبسي .. وتانسك سلفتك غزالي جا بالسلامة ........ تنفع غناوة ههههههههههه اقتباس:
كيف حالك حبيبة ... جيجي اولا الف مبروك وان شاء الله توضي بالسلامة ويجعلها ربي قرة عين لك ولابوها صدقيني اختي ... فيه مثل ايقول اللي تجيب البنت اتجيب الولد .. وبعدين لازم تفهم ان جنس الجنين يحدده الرجل مش المراة وفي الاخير هذا رزق من ربي بنت ولا ولد توة كيف بعضهم والبنت احسن من الولد في حنها واهتمامها وديمة تود وتنشد ........... ذكرتيني بقصة امي... امي جابت اربع بنات علي روس بعضهم وسلفتها اللي هي مراة عمي جابت ثلاث اولاد علي روس بعضهم وتم فيه مقارنة وتفضيل بس العبرة بالتربية ... اهو الحمد لله انا وخوتي كلنا..صلاة وخوف من الله ومتخرجين من الجامعات واللي يحضر وهم عكسنا تماما .. طبعا من التفضيل والدلع وراني ما نشمتش بس هذا هو الواقع وفي الاخير امي جابت 3 اولاد والعاقبة عندك .. واهم شي ان راجلك مقتنع |
رد: حبيباتى سيدات ليبيا تفضلو لأعرف ما حالكم
السلام عليكم
شنججججججججج مشيت للحفلة وجونى ضيوف العشية وووووووووووو ومشيت لحوش عيالى الصبح درت الفطور والغداء غادى وبابا روح امس مممم بس أهم ماحدث اليوم خخخخخخخخخ لا إله إلا الله محد رسول الله |
رد: حبيباتى سيدات ليبيا تفضلو لأعرف ما حالكم
شنج اوشى كيف الحال
الحمد لله على سلامة الراجل |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
أهلا بالليبيات الغاليات والله ماطقنا فراقكــــــــــــــــــــــــــــم الله يحفظكم ويرعاكم |
رد: حبيباتى سيدات ليبيا تفضلو لأعرف ما حالكم
فكرتينى فى قصة زمان فى التلفزيون
عزوز حرجانه من كنتها والكنة خايفة ومرعوبة ومدايرة مئة حساب لعزوزها على قد ماتلقح عليها وتبيها تطلع من الحوش بجة نبو ولد والولد وصل للقمر مشى جت صاحبة اتلمراءة وفهمتها ان اأذن وبدت هذيكا المراءة تضم فى دبشها وتبى تروح فى قولة نبى ولد ولما فهمت العزوز معاش عندها ماتقول سكتت وصارت تهدى فيها وتقوللها خيرهم حتى البنات باهيين تقول الكنة بس الولد وصل للقمر تقول العزوز حتى البنت توصل لو تبى هههههههه حلوة القصة نفديها جيجي والحمد لله واحد مايعرف الخير وين |
رد: حبيباتى سيدات ليبيا تفضلو لأعرف ما حالكم
اقتباس:
شوفي يا """"""""""""" سوسو """"""""""""""" الدافع للطفل للتفوه بالكلام البذيء أو التصرف تصرفات خاطئة لا يخرج عن ثلاثة أحوال وهي : ~~ محاكاته للآخرين ، الأقران والإخوان والأدهى إن كانوا الكبار فمرات يتعفلق الأب ويبدأ يصبـــــــــــــــ في الخيرات وهو غافل عن الكمبيوتر اللي قاعد يخزن ويوم يطلع يــــــــــــــــــــــــــــلام ويعاقب ؟؟؟ وهنا نحتاج إلى ضبط أنفسنا والتقنين من الاحتكاك بمن فسد خلقه من أقرانه وبيان خطأهم دومــــــــــــــــــــــــــا ~~ حب لفت الأنظــــــــــــــــــــــــار وهو أمر شائع ومنتشر ، والسبب الرئيسي فيه أننا طول اليوم منشغلين بأحوالنا وشؤوننا ولا نلتفت لأطفالنا إلا .......................... إن أخطأوا ،،، نلتفت إليهم بالكلية طبعا نلتفت لنعاقب ونصرخ ولكنه مستمتع أنك قد اكتشفتي أنه موجود ولا يهم ماذا ينتج عن هذ الاكتشاف ؟؟؟ فلابد من سياسة اصطياد السمكات الخضراء واهمال الحمراء ~~ الفضول وحب التجربة يريد أن يستلذ بهذا الشعور الممنـــــــــــــــــــــــــــــــــــــــــوع يريد أن يتحرر من الضوابط ويتفوه ويتصرف كيفما يشااااااااااااااااااااااء وهنا نحتاج إلى وقـــــــــــــــــــــت "" قل ماشئت لمدة دقيقتان ...؟؟؟"" ~~~~~~~~~~~~~~~~~~~~~~~~~~~~~~~~~~~~~~~~~~~~~~~~ بالتالي بما أنك قد جربت اللامبالاة والضرب ولتخويف ولم تنجح العملية وإن كنت لا أحبذ أسلوب اضرب بتاتا وإن كنت مع أنواع العقاب الأخرى فأرى أنه يجب عليك التركيز على تعزيز الجانب الإيجابي فيه مثلا بإعطائه شكولاتة لأن الصباح كله لم يقل "" كلمة ممنوعة """ وإن نطق في المساء أريه قطعة حلوى وأخبريه أنها كانت مخبأة له ولكنه سيحرم منها لأن الشيطان أقنعه بقول كلام ممنوع ربط الطفل من صغره بأن الشيطان يريد به الشر ويجب عصيانه |
رد: حبيباتى سيدات ليبيا تفضلو لأعرف ما حالكم
جي جي
وسعي بالك فالدنيـــــــــــــــــــــــــــــــــــــا دار ابتلاء ومن خالط الناس وصبر على أذاهم خير من الذي لم يخالط الناس ولم يصبر على أذاهم وبالعشرة والمواقف تعرف الناااااااااااااااااااااااس ربي يباركلك في حملك وذريتك |
رد: حبيباتى سيدات ليبيا تفضلو لأعرف ما حالكم
احرصى على أن تمدحى طفلك على الأشياء التى لم يكن يفعلها من قبل مثل ربطه لرباط الحذاء لأول مرة بمفرده أو ركوبه الدراجة لأول مرة بدون مساند. واعلمى أن مدحك لطفلك على أى إنجاز جديد أمر سيحفزه على خوض التجارب الجديدة والمختلفة.عندما تجاملين طفلك أو تقولين له أى كلمة تشجيع فيجب أن تفعلى هذا الأمر وأنت تنظرين فى عينيه وأنت مبتسمة.
يجب أن تعطى طفلك كلمات مجاملة وتشجيعا وتقومين بمدحه كثيرا مع تجنب مدحه مثلا على شكله أو على المظاهر، وبدلا من هذا قومى بالتركيز على طيبته أو كونه يساعدك طوال الوقت. واعلمى أن طفلك عندما يسمع منك كلمات المديح كثيرا فإنه يشعر بمدى قيمة تلك الكلمات ويبدأ هو نفسه فى مجاملة الآخرين.شجعى طفلك على أن يتحدث عن الصفات الإيجابية الموجودة فى أصدقائه من حوله.قومى بتعليق رسومات طفلك فى العمل وفى المنزل وهو الأمر الذى سيجعله يشعر أنك تقدرينه وتريدين أن يشاهد كل من حولك أعماله.يجب عليك أيضا أن تذكرى طفلك دائما بحبك له مع الحرص على قضاء الكثير من الوقت معا وأن تتصلى به مثلا لتتحدثى معه على الهاتف من العمل. لا تقومى أبدا بمقارنة طفلك بأشقائه أو أصدقائه حتى لا يشعر بالغيرة والألم. منقــــــــــــــــــــــــــــــــــــول |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
الف الف الف مبروك النجاح والتخرج سوسو شني تجهيزاتك لاستقبال الضيوف ان شاء الله عمره مقبولة لام وعقبال الحجة جيجي والله موقف صعب ولا تحسدي عليه خيرهم البنات والله تلقاهم امهم زي الرحمة ومفيش من يحس بالام والاب زيهم الله غالب هدا تفكير معظم النساء همي رغم ان عزوزتك مش كبيرة حتي تفكر هكي انتي اطلعي خير منها واسكتي المهم راجلك راضي وهذه نعمة من الله وتحديد جنس الجنين مش بايدك حتي اتقولك هكي وانتي مرة مرة راعي صحتك ومش ديمة تقدري ترضي الجميع ومش لازم اتنفذي كل الطلبات العصبان وغيره ههههه انشحن فيك كيف حالكم ام فراس وشموسة واوشي واثري لي عودة للتعليق علي ردودكم |
رد: حبيباتى سيدات ليبيا تفضلو لأعرف ما حالكم
بالنسبة لحوش بوي اثري
الدور الارضي غيروا تفصيلته الي صالة نسائية ماشاء الله كبيرة كبيرة بجنبها ممر ومطبخ كبير لو فيه عزومة كل الطبخ يكون فيه ودار صغيرة وحمام وصالة رجالية بابها منفصل عليهم بحمامها حاشكم وفوق كله غرف نوم مع مطبخ وحمامين وغرفة معيشة وغرفة ضيوف رجالية ونسائية في حالة مفيش مناسبة |
رد: حبيباتى سيدات ليبيا تفضلو لأعرف ما حالكم
بنات في اخت سورية طالبة المساعده ياريت بنات طرابلس ايفودوها
هدا موضوعها http://forum.hwaml.com/t34569.html |
رد: حبيباتى سيدات ليبيا تفضلو لأعرف ما حالكم
صباح الخير
كيفكم إن شاء الله خير |
رد: حبيباتى سيدات ليبيا تفضلو لأعرف ما حالكم
مشكورة أثرى على النصائح وأتمنى تزيدينى وفى الحقيقة أخوى صغير مواليد 2006 وولدى متعلق بخاله وحاشاك لما يتلاقو طيارة وكلب |
رد: حبيباتى سيدات ليبيا تفضلو لأعرف ما حالكم
السلام عليكم
صباح الخير ياحلوين |
رد: حبيباتى سيدات ليبيا تفضلو لأعرف ما حالكم
السلام عليكم
طبعا جايينى ضيوف العشية إن شاء الله جنودة خلينى نقولك تجهيزاتى وضيافتى لضيوفى هى شوكلا وخديت مثرد روععععععععة طبعا هبلة اول مرة ب25 وانا اصلا واخداته ليا فترة يعنى مش خصيصا للنجاح وعصير وشوكلا وقهوة او شاهى او كاكاو لن عندنا هلبة مايشربوش فى القهوة ولالشاهى ومعه كيكة وطبعا لأنى ناوية ندير كيكة مش حلويات نقدم ى كيكة وفى حلويات بسيطة معاها امى ماهانش عليها مانعملوش حلويات وقبل ماتمشى دارتلى بيتيفور رووووووووووووعة والله ماشاء الله ربى يخليها ويسلم يديها والله حلووووووووو والكل يسأل عليه ماتقولوش كيف لما تروح امى اسألوها باهىىىىى وشن تانى وشوية حلاوات من مرت خالى يللى تصنع في الحلويات(معششة وأصابع ... و) وبنت عمتى جايبتلى غريبة الحلقوم انا موصيتها عليها وهما يللى جايين اليوم إن شاء الله ووووووووووووو وبعدين بيتزا وطاجين طبعا درتهم أنا وماما وفواكه وبس................. الحمد لله لاقوة إلا بالله وامس عمتى جابتلى من مراة جنبهم سفرة أصابع مش عارفة اصابع شنو هههههه المهم سود ومغمسات فى الكنافة وبصراحة حسيتهم احلى من الاولات لأنى عجينتهم فظيعة معجونة باللألواز |
رد: حبيباتى سيدات ليبيا تفضلو لأعرف ما حالكم
اه قاعد ماجى حد بخيت الدنيا بالمية قدام الحوش وبخرت الحوش
وغيرت حوايجى ووووووووووووووووو ووو درتلهم رنة هههههههه |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اتصلت بيا بنت عمتى قالت ماصارش من جيانهم
متعقدددددددددددة ومتنرفزة انا توا ااااااااخ لا إله إلاالله |
رد: حبيباتى سيدات ليبيا تفضلو لأعرف ما حالكم
توا انجيك انا ياسوسو
ماشاء الله كله تمام تقريبا اسمها اصابع النسكافة او الكنافة |
رد: حبيباتى سيدات ليبيا تفضلو لأعرف ما حالكم
خاطري في كيكة علي سيرة الكيك بنوض اندير
|
رد: حبيباتى سيدات ليبيا تفضلو لأعرف ما حالكم
سوسو طلبتي مني طريقة السويسرول الحار او حاجة ثانية
|
رد: حبيباتى سيدات ليبيا تفضلو لأعرف ما حالكم
خطر عليا ماخطر عجنت عجينة
شن سمعتو على نتيجة الشهادة الاعدادية |
رد: حبيباتى سيدات ليبيا تفضلو لأعرف ما حالكم
جنودة باهى تعاليلى نكلم فيك جديات
لا مش أصابع النسكافة لأن مافيهاش نسكافة ممكن أصابع الشوكلاطة فقط |
رد: حبيباتى سيدات ليبيا تفضلو لأعرف ما حالكم
هيا اصابع مغطسة بالشكلاتة والكنافة صح
وين بنجيك للحوش والله انشوف فيها صعبة رغم ان خاطري نتعرفوا اكثر |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اقتباس:
لا صعبة لا شىء وانت عارفة انى اكثر من مرة نكلم فيك جديات وعارفتنى ماعنديش مشكلة بس انت تسكرى فى راسك |
رد: حبيباتى سيدات ليبيا تفضلو لأعرف ما حالكم
طبعا العجينة درتها بيتزا ملفوفة طبعا الاسم خديته منكم انا اول مرة نعملها بهالطريقة يعنى درتها بيتزا عادية بس لفيتها
تشبه الخبزة الملفوفة بس بالنسبة ليا طريقتها غير هذه المهم الحشو صلصة بيتزا عادية وضفت حاجة قالتلى عليها عمتى روعة (ورق السلك) فظيييييييييييع وضفت من عندى معدنوس وشوية دحى مطبوخ وجبنة شرايح بس للأسف ماعنديش زيتون بس طلعت حاجة مش عادية تهبللللللللللل ماشاء الله عليا ههههههههه ضرورى نزللكم الصورة يمىىىىىىىىىىىىىىىى |
رد: حبيباتى سيدات ليبيا تفضلو لأعرف ما حالكم
شوفي طريقة السويسرول سوسو
|
رد: حبيباتى سيدات ليبيا تفضلو لأعرف ما حالكم
حلوة البيتزا الملفوفة بعجينة البيتزا العادية
او عجينة العشر دقائق ياسوسو روعة روعة تنفع لاي نوع معجنات سريعة وتشكليها زي ماتبي |
رد: حبيباتى سيدات ليبيا تفضلو لأعرف ما حالكم
اسمعووووووووووو كلمتنى بنت عمتى جاية تواااااااااا
سلاااااااام |
رد: حبيباتى سيدات ليبيا تفضلو لأعرف ما حالكم
السلام عليكم
خيركم مهناك حد جنودة حرجت لما طلعت وخليتك طبعا جتنى عمتى وبنتى عمتى وهدرزنا وحكينا وكلينا واستمتعنا وتوا دوشت وخشيت اتكيت على السرير وجيتكم جوووووووووووووو زى أيام الاردن الكمبيوتر على السرير جووووووووو |
رد: حبيباتى سيدات ليبيا تفضلو لأعرف ما حالكم
جنودة نبى دكتور جلدية كويس
|
رد: حبيباتى سيدات ليبيا تفضلو لأعرف ما حالكم
السلام عليكم
صباح الخيرات نسمع بالدكتورة ليلي الأغا كويسة في الضمان او مركز المعاقين في بوغلاشة تقريبا بس اي مصحة وغيرها مش عارفة |
رد: حبيباتى سيدات ليبيا تفضلو لأعرف ما حالكم
وينكم .....................
|
| الساعة الآن 07:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .