|
رد: دردشة بنات السودان
مرحب بيكى ملاذ منورة بيكم وربنا يديكى الحمل الصحيح يارب ويرزقك
|
رد: دردشة بنات السودان
ياهلا وغلا ماكسديل منورة والله الحمل كلو على بعضو تعب فى تعب والمرة دى انا برضو تعبت اكتر من المرات الفاتت كل حمل بيختلف طبعا لنفس الشخص بينى وبينك يمكن الكبر ههه خلاص فترنا لكن انشاءالله خير هانت فى ناس لاخر الرابع بتعبو ربنا يجعلو فى ميزان حسناتنا ان شاء الله ويكمل لينا وليكى على خير
|
رد: دردشة بنات السودان
وينكم يا بنات نايمات ولا شنو؟ |
رد: دردشة بنات السودان
هلا هلا وين نايمين انا كنت في الشغل ياداب جيت البيت
ماكسديل الله يقويك يارب علي الوحم ويقومكم بالسلامه وبالنسبه للفطور شكرا كتيييييييير لكن ناقص العصيده اهم شي طبعا |
رد: دردشة بنات السودان
صباح الخير يا بنات كيفكم ان شاء الله كويسيين
مرحب بيك اخت شمس وان شاء الله ربنا يتم لينا جميعا على خير |
رد: دردشة بنات السودان
هلا ام رهوووف وين الغيبه الطويله دي
|
رد: دردشة بنات السودان
اهلين بام رهووف شكلك قربت حظك ربنا يقومك بالسلامة يا رب
|
رد: دردشة بنات السودان
والله يا ملاذ الروح جارية في التجهيزات بتاعت الولادة الملايات والشيالات والستائر ووووووو الله يكون في العون بس وغير الدوام بتاع الشغل الحمد لله على كل حال ادعو لي بس ربنا يسهل علي خلاص تقلت شديد
|
رد: دردشة بنات السودان
الله يسهل ليك ويقومك بالسلامه لكن ماتنسي تعزمينا للسمايه
|
رد: دردشة بنات السودان
عايزة اسالكم متى عرفتي انك حامل ببنت او ولد ...هذه المرة او المرات السابقة....امس سالت الدكتورة قالت ما مبين مع اني امس دخلت الخامس واسمع ان في يعرف من الرابع ..وايضا نسبة صحة كلام الدكتورة؟طبعا انا عارفة ان الحمدلله كله نعم من عند ربنا لكن الفضول قولو لي تجاربكم
|
رد: دردشة بنات السودان
الله يرزقك بالي تتمنيه يااااااارب
|
رد: دردشة بنات السودان
اقتباس:
والسماية من حسي ان شاء الله انتو معزومين |
رد: دردشة بنات السودان
تسلمي ياعسل ناويه تسمي منو ان شاءالله كان ولد ولا بت
|
رد: دردشة بنات السودان
انشاء الله راح اسميه يوسف
|
رد: دردشة بنات السودان
حتسمي يوسف خلاص معناتا طالبانا هديه لمن تجي السودان نجيبا ليك
حبيبتي ان شاءالله تكتب بهذه الطريقه وليست "انشاءالله" لانها بتغير معناها ياريت تنتبهي |
رد: دردشة بنات السودان
مبروك عليكم القسم
|
رد: دردشة بنات السودان
هلا وغلا بريمان الاحساء نورتينا حبيبتي ابقي طلي علينا
|
رد: دردشة بنات السودان
هلا بيك ديدو حبيبتي
في تجمع لبنات فلسطين يالغلا لو حابه تدردشي مع بنات بلدك ماتحرمينا من طلتك حبيبتي |
رد: دردشة بنات السودان
ايوة والله عارفة انها بتتكتب ان شاء الله لكن الله يهدينا بس الواحد بينسى ومع الكتابة بسرعة بتطلع منو غلط شكرا ليك على التنبيه
|
رد: دردشة بنات السودان
هلا ام رهووف كيفك حبيبتي
|
رد: دردشة بنات السودان
حلااااااااااااااااااااتكم و مبروك التجمع
وحظكم يا مغتربات السعودية ما شاء الله طلعتوا كُتار نحن في دبي ،، ومبسوطة بيكم شديد |
رد: دردشة بنات السودان
مرحبا حبيباتي شوفو دا الموضوع ...وحده كتبته ..
و وحده من المنتدى جربته وسبحان الله سار لها نفس الشي http://forum.hwaml.com/t119512.html الله يسهل ولادة كل حامل يارب ويرزق كل محرومة بالذرية إلي تقر عينها فيها ... يارب فرج همومنا وريح قلوبنا واجبر خواطرنا .. |
رد: دردشة بنات السودان
وينكم يا بنات إختفيتوا فجأة ؟!
|
رد: دردشة بنات السودان
السلام عليكم
كيفكم يا بنات وين مختفين لي فترة ما شايفة اي احد عسى المانع خير |
رد: دردشة بنات السودان
هلا انا عضو جديده هل من مرحبين
|
رد: دردشة بنات السودان
هلا سهوية نورتي :)
|
رد: دردشة بنات السودان
صباح الخيراااااات كيفكم والله لي فتره دخولي قليل بس بشرف علي اقسامي وبطلع
اها انتو اخبارك شنو ومرااااحب بيك سهويه وجلكسي خلوكم علي تواصل ماتنقطعو كل ماتدخلو المنتدي ادخلو التجمع اسالو |
رد: دردشة بنات السودان
ملاذ الروح كيفك من زمان ما شفتك
اهلا بيك يا سهوية تحياتي للكل وارجوكم ادعو لي خلاص انا فاضل لي ايام قليلة ربنا يسهلها علي وتكون ولادتي سهلة |
رد: دردشة بنات السودان
سلامي للجميع وللعضو الجديدة سهوية الف مرحب انا طولت ما دخلت لاني لسه في وحمي حد ممكن يصدق هههه ربنا يسهل لكن بسالكم رائكم عشان في اخت قالت لى ان الدوخة والصداع عشان الدم شوية ضعيف... رغم المدة اللى قعدتها هنا لسه ما بفهم مقاسات الدم المهم هو10مع العلم ان في نص الخامس افيدوني ربنا يسهل لكم الولادة ويديكم ساعة سهلة يا رب
|
رد: دردشة بنات السودان
ام رهوووف الله يسهل ليك ويقومك بالسلامه يارب
ماكسديل الله يخفف ليك الوحم ويسهل ليك |
رد: دردشة بنات السودان
نسبة الدم الطبيعي من 12 الى16
يعني دمك شوية ضعيف ركزي على العنب والبرتقال والزبيب عشان يزيد دمك والله يكون في عونك على الوحم تخيلي انا فاضل لي ايام واخلص التاسع والوحم رجع لي من اول ما دخلت التاسع بديت اشم الروائح الكريه واشتهي اكلات غريبة ده يقولو عنه ايه |
رد: دردشة بنات السودان
|
رد: دردشة بنات السودان
السلام عليكم ورحمة الله وبركاته
كيف حالكم يابنات أتمنى منكم أن تزورو موضوعى هذا فورا هل من الممكن أن أكون حامل وشكرا |
رد: دردشة بنات السودان
الله يعطيك العافية ام رهف انا احس المرة دي مختلف ...تفتكرى ممكن افضل كدة للتاسع المهم ربنا يسهل ....المشكلة كمان حبيبتي شفتي الفاكهة كلها بقت تعمل لي حوامض ولما اجي انام بليل لما تطلع من فمي مع اني لسه ما دخلت الشهور الاخيرة لكن الزبيب اوكي ما فيه مشاكل وربنا يسهل انا حاسة اني ما مقصرة في الاكل لاني في الاول ما كان عندي نفس للاكل لكن من دخلت الخامس وانا في حالة جوع مستمر لما والله احيانا بخاف ان يكون ما طبيعي ههه المهم حبيبتي ابقي طمنيني عليك كمان
|
رد: دردشة بنات السودان
اقتباس:
|
رد: دردشة بنات السودان
لما تغيبي يا ام رهف بقول ولدت ربنا يسهلك بالله طمنينا عليك اول باول
|
رد: دردشة بنات السودان
كيفم بنات بلدي ابشركم انا ولدت والحمد لله يوم السبت الساعة 10 م والحمد لله وعقبالكم ان شاء الله بس ما تتعبو في الولادة مثلي ولدت بطلق صناعي لان معاي سكر حمل وانا لي اسبوعين في التاسع اعطوني الطلق الساعة 6 ص ولدت عشرة مساء والحمد لله على كل شيئ وانا الحمد لله بخير ويوسف كمان بخير
|
رد: دردشة بنات السودان
الف حمدلله علي سلامتك ومبرووووك ماجاكي يتربي بعزك وعز ابوه
لمن تجي السودان نجيب ليك الهديه لي يسو |
رد: دردشة بنات السودان
الله يبارك فيك وتسلمي يارب وان شاء الله عقبالك يارب
|
رد: دردشة بنات السودان
يا بناااااااااااااااات
البواسير علاجها شنو مع الحمل ؟؟ علماً بإني عاملة عملية بواسير قبل كده بس شكلو قعدة الشغل مع الحمل رجعتا لي تاني hwaml93hwaml93hwaml93 |
| الساعة الآن 08:46 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .