|
رد: لعبه الصراحه "عايزه تغيري ايه في شخصيتك"
أشكرك مايا على الفكرة الأكثر من راااااااائعة
فعلا جمييييييلة جدااااااااا أشكرك من كل قلبى عيوبى 1- أنا نفسى أقوم لقيام الليل ولكنى متكاسلة عنه 2-الطيبة الزايدة عن حدها , وانى لا أحرَص من أحد وكتير جداااااا القى أقوى المقالب من أقرب الناس ليا 3- نفسى أعصابى تهدأ على ابنتى جداااا 4-الغيرة معى ما لها حد , وتسبب لى الكثير من المشاكل , ولكن هى ليست شك , ولكن الغيرة فى المواقف التى تستفزنى لذلك 5-الحساسية المفرطة , للأسف أنا حساسة جدااااااا , وعندما أحد يقول لى كلمة تغضبنى أو تجرحنى سواء بطريق مباشر أو غير مباشر , أحزن جداااا وممكن أبقى ساعات وأيام زعلانة جدااااا وأفكر فيها وتتعب أعصابى 6- نفسى أن تكون شخصيتى قوية , |
رد: لعبه الصراحه "عايزه تغيري ايه في شخصيتك"
مايا حبيبتي انا لشخصيتي--مو اقصد قدام زوجي لا
مع الناس احس الناس تستغلني لانني بيين قوسين(بقره)هههههههههه واكثر حاجه لما تجرحني بكلمه قويه ومااقدر ارد او ارد بس بخوف وقلبي يرجف بس انا عندي شريط كيف تثق بنفسك حلو مره وسمعته واحس اني تغيرت بعض الشي بس ان شاء الله ساتغير لاصبح (ذئب) |
رد: لعبه الصراحه "عايزه تغيري ايه في شخصيتك"
اقتباس:
حبيبتي سموحه لا شكر علي واجب انتي منوره الدنيا كلها والله العظيم hwaml7 بخصوص قيام الليل انا قلت فكره لفوضت امري لله اننا كل مانقصر في الصلاه نعمل قصادها اعمال خير كتير لحد مانخلي الشيطان هو اللي يصحينا عشان نصلي عشان هايبقي عايزنا نعمل خير واحد بدل الخير الكتير اللي بنعمله انا قريت الفكره دي مره وبخصوص العصبيه برضه قلت لفوضت امري انا متجوزه من 3 سنوات ومعنديش اطفال ف انتي خليكي حنينه عليها بوسيها وقولي الف حمد وشكر ليك يارب اني عندي طفله غيري مستعد يعمل اي شيء ف الدنيا ويبقي عنده ظفرها بس ربنا يخليهالك ويحفظهالك يارب حاولي تكوني صاحبتها وتتبسطوا مع بعض قضوا وقت لطيف العبوا سوا صاحبيها حسسيها انك من سنها عيشي معاها طفولتك من تاني ربنا يخليهالك يارب وتشوفيها عروسه بخصوص الطيبه وده اللي عايزه اقوله برضه لفوضت امري لله والله العظيم انا كانت اكتر كلمه بتضايقني في الدنيا اما حد يقولي انتي طيبه اووووووووووي كانت بتستفزني بس دلوقتي لقيتها انها العمله النادره الخبث وااللؤم مبقاش في اكتر منه الطيبه هي اللي صعبه واللي يعمل فيكي مقالب انا بحتسب اجري عند الله هبقي اخد حقي منه يوم القيامه وفعلا والله ده اكبر عقاب ليه مش هين والله ابدا العقاب ده للي يعرف خطورته ف اوعي تندمي علي طيبتك ابدااااااا اما الغيره كلنا والله حبيبتي كتير بنبقي هانتجنن من الغيره علي ازواجنا ربنا يحميهولك يارب بس بنمسك نفسنا عشان مايبانش اننا ضعفا بس حسسيه بيها علي خفيف الرجاله بتتبسط اوي بالاحساس ده بيحسوا انهم مهمين وانه لسه في حب والحساسيه اختي كده جدااااااااااا من اقل كلمه تتأثر وتتضايق بس مش عارفين نعمل ايه معاها بتبقي صفه ثابته اصلا في الشخصيه اكتر منها عيب بس انتي خدي الكلام علي انه هزار ماتعلقيش علي كل كلمه اي كلمه هتلاقيها تضايقك كبري ماتركزيش فيها كتير انسيها او تناسيها عشان متحرقيش دمك عليها مفيش حاجه تستاهل بجد نورتي الموضوع يا السماح ويارب اكون عرفت افيدك يارب ربنا يسعدك ياحبيبتي ويريح بالك وقلبك يارب |
رد: لعبه الصراحه "عايزه تغيري ايه في شخصيتك"
اقتباس:
حبيبتي فوضت امري لله اسمحيلي اخالفك الرأي انا رأيي ان الطيبه قوه مش ضعف ماتخليش حد يستغللك خليكي قويه وطيبه مش لازم تكوني ذئب عشان تكوني قويه ممكن جدا قلبك يكون طيب وحنين مع كل الناس وفي نفس الوقت بتتكلمي بقوه من غير خوف او تردد بصي اقعدي جربيها كده بينك وبين نفسك انتي تتكلمي بصوت عالي الي حد ما مش زعيق بس صوت كله قوه وثقه بالنفس واما تيجي تكلمي حد بصي في عينه دي اول علامات الثقه بالنفس وصدقيني والله طول م البني ادم متدين ومع ربنا طول مابيحس انه مالك الدنيا كلها وانه اقوي انسان في الدنيا ف استعيني بالله وربنا يقويكي يارب |
رد: لعبه الصراحه "عايزه تغيري ايه في شخصيتك"
اقتباس:
بالنسبة لقيام الليل متفقة معاك حبيبتى الله يقدرنا على فعل الخير بالنسبة لابنتى صدقينى انا معها حنونة جدااا والعب معاها , ولكنها عنيدة جداااااا انا لا احب ان اضربها ابدا ولكن من عنادها تستفزنى لانى اتكلم معها بعصبية شديدة صدقتى حبيبتى انها نعمة رااائعة وجميلة ولابد من صيانتها وحمد الله العظيم عليها كل لحظة الحساسية حبيبتى انا ما اعلق على الكلام من احد ولكنى احزن بينى وبين نفسى ومن الاشياء التى لا اعلم انها ميزة ام عيب هى اننى انسى الاساءة بسرعة بمجرد كلمة حلوة انسى كل اللى فات وكأن لم يكن شىء يحدث اشكرك جدا مايا لاهتمامك الله لا يحرمنى منك يالغالية |
رد: لعبه الصراحه "عايزه تغيري ايه في شخصيتك"
لعبة جميلة جدا
يعطيكم الف عافية لي عودة ان شاءالله |
رد: لعبه الصراحه "عايزه تغيري ايه في شخصيتك"
اختي السماح
ربنا يسعدك ويخليهالك يارب وتقلل عندها يارب باذن الله وتفرحي بيها عروسه زي القمر باذن الله واكيد ياسموحه نسيان الاساءه بسرعه جداااااااا ميزه راااااااااااااائعه بجد عارفه كان في قصه بس مش فاكراها اوي لما عبد الله بن عمرو بن العاص كان جالس مع رسول الله صل الله عليه وسلم وقال سيدنا محمد يدخل عليكم من هذا الباب رجل من اهل الجنه ودخل رجل من الانصار وتكرر الموقف تاني يوم ودخل نفس الرجل فاراد عبد الله ان يعرف لماذا هذا الرجل فراح عنده وقاله انه هايبات عنده 3 ليالي ومالقاش الراجل لا بيقوم ليل ولا بيعمل حاجه زياده بيصلي الصلاه المكتوبه وبيذكر ربنا وينام فقاله علي ما قاله رسول الله صل الله عليه وسلم وانه عايز يعرف السبب يعني اللي هايخليه من اهل الجنه قاله اني بنام وقلبي ابيض تجاه كل الناس لا يوجد في قلبي ضغينه لاحد بصي انا بصراحه فاكره القصه طشاش زي ماحكيتها كده بس بجد انا بحبها اوووووووووووووي ف صدقيني والله مافي احسن من الطيبه والقلب الابيض الصافي اللي بينسي الاساءه باسرع وقت ربنا يحفظك وتكوني من اهل الجنه انا وانتي وكلنا يارب باذن الله اللهم امين سالي الله يعافيكي حبيبتي نورتي الدنيا كلها وتنوري الصفحه وتشرفيها في اي وقت والله |
رد: لعبه الصراحه "عايزه تغيري ايه في شخصيتك"
والله فكره حلوه انه الواحد يتشارك مع اللي يحبهم
في اشياء في خاطره انا بلنسبه لي نفسي اغير من حياتي نفسي ابطل العصبيه الزايده نفسي ابطل ابكي على اتفه الاشياء لاني ماحب احد يقلي شي يزعل على طول دموووعي تنزل من غير ما احس بيها نفسي اسيب غيرتي لانه ماوراها غير العناد وحرقان الاعصاب وخلاص نفسي احدد ضحكاتي لاني مليت وانا اضحك لناس ماتسوى بس عشان اراضيهم نفسي واهم شي اني ما اشيل هم احد غير نفسي لاني كتيييييييييييييييييييير شلت هم ناس وفيت لهم لقيتهم اول مين ادوني ضهرهم |
رد: لعبه الصراحه "عايزه تغيري ايه في شخصيتك"
يسلمووووو حبيبتي مايا الجميله موضوعك في قمة الروووووعه ولك احلي تقييييم
|
رد: لعبه الصراحه "عايزه تغيري ايه في شخصيتك"
اقتباس:
يسلمووو ياقلبي علي كلامك الرائع |
| الساعة الآن 03:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .