|
رد: وش ذنبي؟!
:) بقولك شي بس لاتزعلين !
حبيبتي شوفي اذا جاء قال مو من حقك ومدري ايش ولازم تتعالجين , قولي له انت على اي اساس تتكلم وانت للحين ماكشفت اصلا !! وقولي له شيل من بالك الموضوع ولا راح اتعالج ولا راح اخذ ابر ولا اي شي الا لما تفحص انت وروحي للمستشفى وادخلي لحالك وقولي للدكتوره انو تقوله انو لازم يسوي فحص , ماتدرين يمكن نفسيتك تعبت والسبب هم , والسبب من الاساس منه !! وش ذا الظلم حرام يحطها فيك وهو اساسا ماكشف حنا مانقول ان التاخير منه ! لكن لا يطلب شي وفي احتمال يكون هو بعد فيه ! وانتي لا تسوين قدامه انك تبين اطفال ولا قدام حمولتك , وسوي نفسك عادي لاحقين وش ورانا , ولا ودي الحين حتى لو قلبك يبي وتكلمي مع زوجك انو انا ماني حسوده عشان تخبي علي مواضيع تافهه زي هذا , وان دل , دل على تفكيرك الغير منطقي , اول مره اشوف واحد يخاف على الناس من زوجته ! , :) وبالاخير احب ادعيلك من كل قلبي في ظهر الغيب يالغاليه , والله يكتب لك الحمل يارب ياكريم , وتسكتين كل من حكى فيك ياقلبي :) |
رد: وش ذنبي؟!
والله اني مشغووله كثير وبنفس الوقت حزينه لان صار خلاف بيني وبين زوجي سبب الانجاب
وشفت ردودكم ردت علي روحي ويارب يحرم يديكم عن النار.. وصدقوني دعواتكم بظهر الغيب تكفيني... استودعكن الله وجزاكن الله خير على الردوووود |
رد: وش ذنبي؟!
ربنا يكرمك اختي ويزرقك عاجل غير اجل وكل محرومة يارب
|
رد: وش ذنبي؟!
لاتستعجلين على رزقك واتوكلي على ربك
انا لي خمس سنين والحمدلله تجيني لحظات انهيار لكن حاطه ببالي ان ربي اعلم بالوقت المناسب وهل هم راحه لي ولا عذاب عيشي حياتك بالموجود واستانسي ولاتخلين الحمل هو السبب الوحيد لسعادتك وصدقيني ربي بيرزقك متى ماكتبلك والدعاء يغير القدر قومي الليل وادعي من قلبك وحاولي تقرين البقره كامله كل ليله اذا عندك وقت ولا كل بعد كم يوم وانفثي في مويه واشربيها وشربي زوجك معاك ولاتورينه انك تنهزين من كلامه وكلام اهله خليكي دايم موكلتها على ربك وقوليله لو لنا رزق مابناخذه الامتى ماربي كتبه لنا ومن باب الاخذ من الاسباب انت حلل وانا باخذ المنشطات وربك يفرجها علينا وعالمسلمين.. يالله ياارحيــــــــــــم ياكريـــم ياقدير ارزقها بتؤم بنت وولد وتعوض صبرها وارزقها من حيث لاتحتسب واجعلهم ذريه صالحه في كامل خلقتها وبأحسن خلق اللهم آميـــــــــــــن يارب اتمنى اختي انك ماتعطينهم بال وماتسمحيلهم بتعكير حياتك مع زوجك وتحطيم نفسيتك الله يسعدك ويزيح عنك كل هم ويسخرلك زوجك ويريح بالك.. |
| الساعة الآن 02:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .