رد: اسباب الاجهاض وتوقف نمو الجنين .. لنستفيد منها قريبا باذن الله ..
 

الله يتمملك على خير يااارب انتبهي من كل شيء حتى اكل المطاعم ممكن يكون في تلوث << متعقده ..

الله يسهلك حملك وولادتك يااارب ..

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

لو حملتي اتركي الدراسة سنة ملحوووق عليها ,, وبالنهاية حتتعلق الشهادة بالمطبخ اهم شيء اطفال يملو حياتك .. الجامعه مرره تعب ..
انا عن نفسي بس اشم ريحة الحمل باجل سنة في الجامعه حتى لو دحين بنص الدراسة .. الين اولد ..
ولاحقة عالدراسة ..

الله يعوضك اللي راحو بـ 3 توائم ياارب وتبشرينا دا الشهر بحملك ..

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

انا سويت عملية تنظيف في ناس تقول هي سبب تاخر الحمل وفي ناس تقول هي سبب الحمل بسرعه ..
عمتي سقطت وماسوت تنظيف بعد مرور سنة راحت سوت تنظيف حملت على طول بعدها ..

توكلي على الله وسويها ..

الله يرزقك عاجلا غير اجل ياارب ويعوضك بللي راح ..
اهم شيء زي ماقلت لدلع الاحساء لو حملتي ارتااااحي الراحة التامة واجلي الجامعه الين تولدي لاحقين عالدراسة ..
واهم اهم اهم حاجة لاتقولي للقرايب .. خبي ..

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

اضااافة سبب الصبغه والتشقير في نفس الموضوع ..

______________

كمان يابنات افتكرت ازا زوجك يدخن يعسل يشيش قوليلو مااشوف وجهك بالبيت .. الشيشة والمعسل اكيد بالبيت ..
وكمان البخور والفواحات القوية ابتعدو عنهاا ..

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

عشقي الاطفال
صراحه موضوعك جا بوقتو جداااااااااااا رائع وهذا الي ببالي من زمان
لكن قولت لو كتبت كذا اخاف البنات يقولو اشبها هذي معقده ولاموسوسه
ولا يقولو ماتؤمن بالقضاء والقدر ........

ان شالله لي عوده بحكاية اجهاضي

جزاك الله خير وربنا يكرمنا اجمعين بالحمل المعافى والذريه الصالحه

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

انا استغرب ليش كل ماصار لوحده شي قالو عين؟؟؟؟ليش صار مجتمعنا موسوس لدرجة جنووووونيه بالعين.....اتوقع لو وحده تعطس قالو عين....ليش يابنات محنا مؤمنين بالله ومؤمنين بالقضاء والقدر والمكتوب....ليش ماتتحصنون وتتوكلون على الله؟؟؟

اللي استغربه فيه بنات تتحصن وكمان تقول جاها عين هذي انا اقولها انتي ماعندك ثقه في الله وبلاش تتحصنين دامك تقري اذكارك وتلاقي العين تخترقها؟؟سبحان الله اش هالوساوس العجيبه

بنات لاتزعلون مني بس والله كل الناس صارو كذا اي شي يصيير لهم لو تافه قالو عين مايقولون قدر ومكتوووب

صح أنا أنسانه أعرف انو فيه في هالدنيا عين وحسد بس مو كل شي يصير نرميه عالعين ونوسوس بأنفسنا

اتمنى ماتزعلو من كلامي بس خلو ثقتكم بالله كبيره وتحصنووو وتحصنوو ولا بيجيكم الا اللي ربي كاتبه

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

ام بدر العين حق ,,
انا حطيت العين سبب من ضمن الاسباب اللي ممكن تكون سبب توقف الجنين . مو على طول قلت عين ..
ولو اخاف من العين ماكان عرف الكل انو حامل بس برضو يبقالي درس بحياتي ..
وانا اللي سارلي مو اجهاض فجأة توقف نموه حتى دم استنيت اسبوعين مانزل ..

المهم ايماني بالله كبير ومتوكلة عليه وبتحصن وللان عند رايي بقضي كل اموري بالكتمان اتباعا لحديث الرسول صلى الله عليه وسلم ..
واعرف اذا العين بتصيب لو بالشهر التاسع بيموت بس برضو الشهور الاولى فترة تكون الجنين ..

وازا ربي راد وحملت ححذر من حاجات كتيره ضمنها انو اتكتم على موضوع حملي لبعد التالت + التحصين والتوكل على الله ..

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

فعلا كلامك صحيح والله يكتب لك الحمل السليم يااااااارب ويفرح قلبك انه القادر على كل شيء

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

حبايبي انا جديدة في المنتدى وحابة أقولكم تجربتي في الأجهاض الله يعوض عليا وعليكم خير يارب..متزوجة ليا 4 شهور ونص وحملت في رمضان والدورة تجيني في آخر رمضان وماجات
انتظرت للعيد وبرضو انا عاد فرررحت قلت شكلي حامل وجررري للمستشفى احلل وقالو مبررررررروك مدام حامل وزوجي طار فرح وصار العيد عيدين وراجعت للدكتورة وسوت سونار قالت مو باين شي وسويت تحليل الرقمي طلع الرقم مايرتفع قالت تعالي بعد يومين
ونشوف ارتفع شي بسيط والمفروض يكون اعلى من كدا قالت نعملك اشعة صوتية والحمدالله بان الجنين بس صغيررر مره بس الحمدالله ارتحت اهم شي بان وبعد اسبوع حسيت بمغص
قوي زي مغص الدورة بس اقوى روحت الحمام الله يكرمكم والقى دم بس خفيف صرخت وجاء زوجي مفجوع قولتلو وديني المستشفى وكشفت الدكتورة بيدها وتشوف الرحم قالت الرحم مغلق و50 في المية ماراح يستمر انا ع طول بكيت عندها قالت يابنتي ان شاءالله فيه امل بس سوي الأشعة الصوتية ونتأكد المهم وسويت الأشعه واول ماخلصت الدكتورة قالت معليش الجنين ماراح يستمر توقف نموةوربي بكييييييييييييت كأنو عزا عندي وجلست تهديني واعطتني مضاد وحبووب حديد وقالت 3 ايام وارجعي ان شاءالله يطيح من حالو وماتحتاجي تنظيف وفعلا بس وصلت البيت استمر الآم والمغص الين نزل والنفسيه دمااار والحمدالله ع كل حال ..
انا اقول يمكن اجهدت نفسي رمضان اسواق وطلعة ونزلة والعيد والكعب العالي مادري والأكيد انو ربي ماكتبة ليا ...

رد: اسباب الاجهاض وتوقف نمو الجنين .. لنستفيد منها قريبا باذن الله ..
 

السلام عليكم عشقي الأطفال
أولاً الحمدلله على سلامتك والله يعوض عليك
ثانياً اقرأي كلامي للأهمية
أنا توقف نبض الجنين عندي ثلاث مرات وفكل مرة كنت أعمل مثل ماعملتي اتعب وابكي واروح لأكثر من دكتور عملت تحاليل الفيروسات تقريباً كلها وتحليل الغدة الدرقية وهرمون الحليب وفي الإجهاض الثالث قالي الدكتور انه الحمل الجاي راح نستخدم اسبرين وابر كلكسان لأن الدم مايوصل للطفل والمشيمة تتجلط وبكذا الطفل مايوصله غذاء .
انا سمعت الكلام هذا وبحثت في النت عن ابر الكلكسان وليش تستخدمها بعض الحوامل فكان فيه اسباب كثيرة منها الأجسام المضادة بأنواعها وهي كثيرة وتحليل نسبة التجلط في الدم و أنعم ربي علي بالحمل وأول ماحللت رحت الصيدلية وشريت ابر كلكسان وتعلمت كيف أضربها وحجزت موعد عند الدكتور ومتابعه معاه إلى الآن واللي آخذه ابر كلكسان واسبرين وفوليك مع حديد وكالسيوم
نجي للأسبرين لأن في حملي الثاني كنت استخدمه ليه ماسبب سيوله للدم ليه مات الجنين و100 ليه وليه طلع السبب من سوء الإستخدام وعدم نصح الطبيبة لي بكيفية أخذ الأسبرين بحثت في النت عن طرق أكل الأسبرين وطلع لازم آكله مع ماء دافيء مائل للحرارة عشان تذوب قبل ماتوصل للمعدة لأنها لو وصلت للمعدة أحماض المعدة ماتخليها تذوب وبكذا ماتستفيدي منها وأنا أيش صرت أعمل أكسر الحبة بأسناني اللي قدام "القواطع" واشرب الموية وتذوب وابلعها
ومعلومة ثانية بالنسبة للفيروسات لو مثلاً اكتشفوا معك اي فيروس وصابك خلال الحمل تأثيره ماراح يمتد للطفل اللي بعده سبحان الله لأن الجسم يكون اجسام مضادة ضد هذا الفيروس
وللأسف اختي هذا اول حمل لها وتوقف نبض الجنين بالشهر الثالث الإسبوع اللي راح ولا كانت تستخدم مناكير ولا مزيل مناكير ولا كلوركس ولا سافرت ولا راحت ولا جات لكن استفادت من تجربتي وراحت سوت التحاليل اللي سويتها والحمل الجاي بإذن الله راح تستخدم ابر كلكسان
وأطلب من كل من يقرأ كلامي يدعيلي بثبات حملي وإن الله يتمم علي ويرزق كل محروم يارب اللهم آمين