|
رد: بناات المدينة المنورة ادخلوا ساعدوني والله نعببببت !!
انا اراجع عند المستوصف وعند الخاص
المستوصف اول شي تفتحي ملف بعدين لك 4زيارات بسس طول حملك الا اذا تعبتي لا سمح الله واتفأجأت انو عندهم سونار لانو حصل معي مشكله اعطتني موعد وسوتلي اما الخاص جربت الصفا جدا سيئ لدرجة انوو مرا طلعت ابكي من القهر اذا اعصابك حاره انصحك ماتروحي جربت فاطمة ومنى والله ماارتحت تخيلي تدخل المرضى على بعض وتشتغل والغرفه كلها مرضى كيف اخذ راحتي ولا تعطيك وجه بس تامرك سوي كدا كدا وخلاص اما منى احسن منها بسس برضو ماتسمع لك بس بتمشي الدور ودحين اراجع بالعقالي الجديد د امل صبري صراحه من اول مادخلت ارتحت تسلم عليك وتسال كيفك وتجلسي انتي وزوجك وتناقشكم بهدووء وتفهمك كل شي وحنونه مرا واهم شي ماافي زحمه والمستشفى نظيف مرا طبعا الزياره 85 اظن والسونار ب200 وبعد اسبوع تجي مراجعه مجانا تسويلك سونار بدون دفع اتمنى انو افدتك واسفه عالاطاله |
رد: بناات المدينة المنورة ادخلوا ساعدوني والله نعببببت !!
أنا معاكم يا كرررروشات الدكتورة فاطمة خيرفي الصفا, والدكتورة غادة حلبي طبعا هذة مررة طيوبة في البترجي, وكمان الدكتورة شنوانة في مستشفى أحد هذة كانت جارتنا ودئما تعطي نصائح
دعواتكم لي بذرية الصالحة آآآآآآآآآآآآآآآآمين |
رد: بناات المدينة المنورة ادخلوا ساعدوني والله نعببببت !!
ضمه
ربي يرزقك الذريه الصالحه يارب انا اتابع عند الدكتوره ايمان في العقالي فرع سلطانه متابعه حمل ب2000ريال شامله التحاليل الاولى الثانيه السنار وكل حاجه تديك مواعيد وتاكدي الحجز عالساعه كام وتروحي قبل الموعد بربع او نص ساعه وتدخلي ربي يسهل لك دكتوره تريحكوتنفعك |
رد: بناات المدينة المنورة ادخلوا ساعدوني والله نعببببت !!
<< وجه القمر>> جزاكي الله خيرا حبيبتي على ردك لي غلاااااااتي.
<< ضمة >>ربي يرزقك بالذرية الصالحة ويحقق لك ماتتمنين عاجلا غير ااجل يارب. << غنو حيااااتي>> جزااااكي الله الف خييييييييييييير حبيبتي ريحتيني الله يريحك دنيا واااخرة يااارب انتي ووجه القمر لاني فعلا كنت ابغاا معلومااات كااافية عن العقااالي الحمد لله استفدت وانشاءالله بكمل مراجعاتي عندهم والله يتمم لي ولكم ولجميييييييييع اخواتنا الحوااامل على خيييييييييييييييير انشاالله. |
رد: بناات المدينة المنورة ادخلوا ساعدوني والله نعببببت !!
الله يهدي البنات بعضهم تسمع قبل 5 سنين الدكتوره الفلانيه كويسه وتكتب
يابنات امدحوا اذا سمعتوا من قريب مرره لكم ومايتعدى السنه انا دائما براجع المطبقاني واشوف نجمه ودخلت عندها مرتين مررره ماعجبتني حتى كشفها والله والله تقولوا مبتدئه او جاهله كرهتها ,, وللاسف لحد الان البنات تمدح فيها يابنات خافوا الله هذي ولاده مو كشفيه لاتمدحي الا اذا انتي او اختك جربتها بس لا تقولي سمعت ولا احد مدح انا رحت كمان احمدو مرره عصبي واخلاقه زفت صراحه وكمان دخلت على الدكتوره هاله ماشاء الله اخلاق وتتقبل منك اي سؤال باسلابي الثاني وكمان الدكتور هشام كويس وصبور جداا طبعا باسلابي الاول ورحت لدكتور حسين حاليا مررره ممتاز لكن للاسف سافر اجازه وحولني لدكتور احمد فتحي ولسى مارجعت عنده يقولي اخترته لكي لانه جداا حليم لانك اسلبتي قبل كذا والان محتاره بين هاله او احمد وممكن الدكتوره احسان بخش بس كثيير ماقريت خوفني منها والله يعين يارب |
رد: بناات المدينة المنورة ادخلوا ساعدوني والله نعببببت !!
هلا فيك اختي بلسم دلع :
فعلا الدكتورة هاالة عسل ماشاءالله انا كنت اتابع عندها تبويض بعد ماسقطت في حملي الاول ، مرة ماشاءالله عليها ذوووووق ومحترمة واخلاقهاكويسة وتفهمك خطوة بخطوة وتسمعك للاخر وكنت بحول عندها بدل من نجمة العجوزة هاذي ، بس للاسف لقيتها مسافرة ومادري متى تنتهي اجازتها وثاني شئ دوامها في الصباح من 9 الصباح الى 2 الظهر ومافي احد يوديني الصباح ولا كاان من زماااان راجعت عندها ، بس الحين بكمل مراجعاتي انشاءالله في العقالي كثير مدحوها والله يقدم اليفيه الخير يااارب. |
رد: بناات المدينة المنورة ادخلوا ساعدوني والله نعببببت !!
قلبي انا اتابع في الموساة واولد فيها رووعة بمعنى الكلمة واذا تحبين تروحين بالليل احسسن وكل دكاترتها ممتازين بس ايمان وهالة شوكت وهالة طنطاوي وماجدة توب عندهم بس الولادة انا قيصيري اختار دكتور وكلهم رائعين جدن فوق م تتخيلي اما المطبقاني م انصحك نهائيا فيه ولا المستوصفات تحاليلهم مو مرره حسبي الله عليهم اكلوني فجععه م انساها وعندك كمان مسشتفى الاحمدي رووعة دكتورة سوزان ودكتوره وفاء وامل والحلو الاحمدي جهاز التصوير بغرفة الكشف اما الموساة لا دكتورة نادية حقت الاشعة ورهيبه جدن .. واي سؤال حاظرره من عيوني عندك الخاص حقي ارسلي عليه وابششري بعززك ..
< طولت قرقرتي واجده جدن جدن ... م انعطى وجه اووي |
رد: بناات المدينة المنورة ادخلوا ساعدوني والله نعببببت !!
انا لست من المدينة لكن لم احب المرور دون المشاركة او الدعاء
ان شاء الله الاخوات يفيدوك والله يتمم حملك بخير يا رب |
رد: بناات المدينة المنورة ادخلوا ساعدوني والله نعببببت !!
يغلق الموضوع بسبب كفاية الردود المفيدة
|
| الساعة الآن 11:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .