منتديات حوامل النسائية - خطيبي يتجاهلني ساعدوني بليز

السلام عليكم و رحمة الله و بركاته

اول شي لفت نظري في الموضوع

1- عدم رضى أمه سوى الغلط فيك أو فيها الله العالم
2- عمرك 17 صغيره تفكرين بلحب اكثر من الزواج و الأستقرار وخصوصا أنه مأخذك عن حب
3- اذا بأيام الملكه تبادل شتائم بينكم و مايحترمك ايش خله حق بعدين مدري لما تطيح الميانه بينكم
4- انا لو مكانك و هذي طريقته أبتعد عنه و أقوله مع نفسك انت بجد لي اسباب كثيره
انه امه مو راضيه و احس مافي تواصل بينك و بين اهله و ثانيا مايحترمك مهما كان مايقولك انقلعي و مع نفسك
اله اذا بمزح عادي لكن بعصبيه لا مو حلوه بحقك
و حركة انه اذا مارديتي يزعل و مايكلمك طول اليوم
يعني ايش
لاتنجرين وراء الحب
خلي عندك قاعده مع اي انسان قابله للزياده و النقصان
الاحترام 100% لازم تحترمي اي شخص قدامك و على علاقه معاه هذا الاحترام يا ينقص بينكم يا يبقى زي ماهو
هو اللي بيزيد الحب لان
الحب 0%
يزيد مع الحياة الزوجيه الاستمرار بلاحترام الاهتمام و تقديرك و تقديره لظروف الحياه الزوجيه و الكلام الحلو الطيب و طريقة المعامله بينكم هي اللي تولد الحب و تخليه كل ماله و يزيد

مااعتقد بعد الكلام اللي قلتيه ممكن في بداية جديده
اله اذا اتغير من نفسه
و بعدين هو ماله حق عليك و أنتي في بيت أهلك
ثانيا هو مو بلسعوديه او مدري مو نفس المنطقه حطيها قاعده له دام انك في بيت أهلك ماله علاقه وين تروحين و تجين لان أعتقد أن بيتكم في رجال تستأذني منه و هو أدرى بتحركاتك
وهو اللي له الحق انه يمنعك لانك في بيته

و بعدين بدايتك معاه
تخوف أمه مو راضيه عدم أحترام و ثانيا من الحين يفرض عليك قوانين
و انتي واضح انك راح تخضعين له لانك تحبينه لدرجة انك نسيتي نفسك
واضح انك ماراح تسوين شي او تتغيرن و الدليل انك كاتبه
بأخر الموضوع احبوووو
يعني انتي تبحثين عن حل عشان تبقين معاه عن طريقه تتعاملين فيها معاه
مو عن نصيحه تفيدك
لنفسك

نصيحه مني لك هذا الأنسان اللي ذكرتي أفعاله معاك من نواحي عده ماينفع تكملي معاه
لانك بتندمين بعدين و تكرهين نفسك و لو رحتي تشتكي لاهلك و تقوليلهم بعدين بيقولو لك توك جايه تقولين لنا

في كلا الحالات لازم اهلك الحين يدرون بوضعك معاه و بطريقة معاملته الك

و أذا ماتقدرين تتركين و تحسين أن الظروف هي اللي خلته كذا
في حل أنك تتكلمين معاه
أرسلي له رساله تكون من قلبك فيها كلام يدل على الاستمراريه و الحكمه و ليس على الحب
لان اذا كتبتي بأغلب الرساله احبك و مااقدر اعيش بدونك وووووو من كلام الحب و مااقدر اتخيل ان حنا نفترق ممكن الرجال هذا يزيد بمعاملته السيئه معاك

أكتبي له بلرساله
يافلان تذكر متى
حبينا بعض و تمنينا نعيش مع بعض و نكون لبعض
ربي حقق لنا امنيتنا
ظروفك مع الدراسه مقدرته و أنتظر اليوم اللي ترجع فيه بلسلامه لي و لاهلك
ربي يوفقك انشالله و تعدي الفتره بنجاح حاسه فيك و بوحدتك و بغربتك لكن عشان توصل للنجاح في عقبات من ضمنها الغربه و التعب تحمل و أصبر مقدره اللي انت فيه
لكن لاتخلي الامور بينا توصل لدرجة الاهانه مااعتقد انك ترضه ان أحد يهين كرامتي فا مابالك انت اللي قاعد تجرحني و تهين كرامتي معاك
كل شخص فينا له عادات سيئه أنا فيني عادات سئيه و انت بعد
أذا انت شاريني و باقي معاي على العشره خل نعطي نفسنا فرصه ثانيه نحسن علاقتنا و نتخلص من عاداتنا السيئه و طريقة معاملاتنا لبعض
و بخصوص طلعاتي و جمعاتي
مع اقاربي و اصحابي انا ممكن أتنازل عنها في ايام لكن مثل مالك حق فيني هم لهم حق علي اهلك و أهلي و اصحابي و اقاربي لهم حق علي
انا ممكن أخفف طلعاتي و أخلي جمعاتي مع أصحابي بأوقات
معينه و زياراتي لأقاربي بأوقات معينه
لكن أني اقطعهم مره وحده هذا الشي يسمى قطع ارحام
اعتقد انت أنسان مؤمن ماترضى بشي مايرضى فيه الله و لا رسوله
لي اجر لو تواصلت معاهم
أخذ وقتك في التفكير في علاقتنا و بطريقة معاملاتك لي
وله اقولك خل ننسى اللي راح و و خذ قرار اذا ودك نكمل حياتنا مع بعض
خل نتخلص من عاداتنا السئيه و خل نعطي كل واحد فينا حقه
انت تاخذ حقوقك و انا اخذ حقوقي الحياه الزوجيه مثل مافيه ايام عسل و ايام حلوه فيها ايام مره
لكن كل هذا بيدنا
و القرار لك بلنهايه
أنا عن نفسي شاريتك و مقدره الحاله اللي انت فيها و اتمنى الاحترام بينا يكون متبادل
فكر براحتك و أحتريك .

هذا الرساله ممكن تفيدك
و اذا رجع للبلد و بنفس المنطقه يعني فيس تو فيس
و ظل معاك بنفس الطريقه من غير تردد
اتركيه قبل لا تتورطين بحياة زوجيه معقده و قبل لا تكونين في بيته و يخلف منك و وقتها تطلبين الطلاق ...

و اتمنى ان الحال بينكم يتحسن للأفضل و ان تكون سحابه معديه و يرجع معاك سمن على عسل
و ماتوصل الامور بينكم للطلاق
لكن لاتنسي لازم أهلك يدرون بكل اللي تسوينه و اللي صار
و بس هذا اللي عندي لك

استودعك الله ...