السلام عليكم ..
بالنسبة لي بقول تجربتي بالتفصيل <- بتطفشكم هع
بعد زواجي ب 8 شهور رحت المستوصف عشان اعرف شنو السبب في تأخر الحمل الى هذا الوقت .. لان بعايلتنا البنت من تتزوج اذا بتتأخر بالكثير 3 شهور ..
المهم : رحت عند دكتورة اسمها ماجدة سوت لي سونار وقالت لي عندك بويضة نشطة وعطتني حبوب ( ناسية وشي ) وانا ع نياتي قلت دكتورة بتبع كل الخطوات اللي تعطيني اياها .. تأملت بذاك الشهر ان ربي يرزقني بالحمل الا وجتني الدورة
ورحت راجعتها وعطتني كلوميد وجت ايام التبويض عملت لي سونار تقول التبويض عندك ضعيف مرة وعطتني ابر لمدة 3 ايام وراجعتها وقالت بعد تحتاجين ابر وعطتني لمدة يومين وقالت الحين انتي احسن وحددت لي ايام التبويض وبعدها عطتني الدوفاستون وماصار حمل ..
ونفس الشي الشهر اللي بعده لين طططفشت لعبت بأعصابي وغيرت الدكتورة رحت لدكتوربنفس المستوصف اسمه عادل سباق ع طول اول ماشاف الملف عصب وصار يهاوش ويقول شلون تاخذين ابر وحبوب وهي ماسوت لك لا تحاليل ولا حتى لزوجك .. حدها تصوير سونار واصلا ماكانت الصورة مبينه التبويض يقول التصوير كان للرحم ..
وسوا لي تصوير وطلع معي تكيس والتبويض صار مرررررة ضعيف ولما عملت التحاليل طلع هرمون الحليب مرتفع ..
الحين انا سؤالي لما كل هالاشياء فيني اجل البويضة النشطة اللي اول مارحت عند ماجدة من وين جت ...
تتوقعون علاجاتها هي اللي سبب لي الضعف والتكيس ؟؟؟
والحين انا لي سنة و3 شهور اتعالج وللحين ربي ماكتب لي الحمل .. دعواتكم لي :)

ادري طولت عليكم وطفشتكم عذروووووني