رد: ابرة الانزلاق الغضروفي
 

اختي الغاليه عاشقة الجنه
انا اعاني من الديسك منذ 4 سنين وقبل سنتين عملت العمليه بالمايكروسكوب
وبعد 8 شهور من العمليه عادت الالام مره اخرى فطلبني الدكتور باجراء اشعة رنين ملونه لاكتشف ان الديسك عاد ومعه تليف من جراء العمليه
والان بعد سنتين من العمليه مازلت اعاني من الالم والبعض يقول لي لابد من اجراء العمليه مع وضع دعامات للظهر والبعض يقول ان عمليات الظهر فاشله والافضل اني اتعايش مع المرض وانا في حيره مره اخرى
اسأل الله العظيم رب العرش العظيم ان يشفيك ويشفيني ويختار لنا مافيه الخير

رد: ابرة الانزلاق الغضروفي
 

ماتشوفين شر يالغاليه
انا متزوجه من 10 شهور وعمري 23 سنه وجاني مرض في عظامي من 7 شهور ونا في معاناه معاه بس الحمد لله
في البدايه الالم كان في منطقه الحوض الجانب اليسار ورحت لدكتورتين وقالو انه التهاب بسيط في العظم بس انا ما صدقت قلت معقوله كل هالالم و السخونه والتهاب بسيط!!!!
وبعد فتره انتقل الالم الجانب الايمن ورحت لاخصائي عظام وقال عندك التهاب في العظام وعطاني حبوب بس بدون فايده
وبعد فترة زاد الالم وصار في الحوض و الركبه ورحت لدكتوره وسويت اشعه وقالت عندك هشاشه عظام وتلف في الغضروف واحتكاك و تاكل في العظام و التهاب روماتيزمي حاد وحالتك متقدمه وخطيره روحي تعالجي برا
ورجعت لدكتور الثاني وعطيته اشعتي وقال عندك نفس كلام الدكتوره وان عظامي تعبان وايد
ومن شهرين زاد الالم وصار في الحوض والركبه وفي الايد و الاصابع و الظهر احيانا ما اقدر اكتب ولا استخدمها لشي حتى لو بسيط ورحت لاخصائي ثاني وسويت اشعه مقطعيه و قالي ما فيكي شي بس كل الي عندك تيبس في العظام يعني الدم ما يجي في منطقه الالم وسالني اذا سويت حادث او طحت ونا صغيره لان كلهم قالو المشكله قديمه يعني من زمان وهي عندك وانتي ما حاسه بالم
ووقالي اذا ما فاد علاجي بسوي لك عمليه يعني بشق العظم بيسوي فيه فتحه عشان الدم يدخل
وكل دكتور بعمليته الي يقولي شق والي يقول حديد والي يقول بلاستيك والي يقول ابر بس اعرف ممرضات انصحوني ما استخدم ابر نهائيا لانها بتزيد مع مرور الشهور
بذمتكم من اصدق انا؟؟؟؟؟؟
جاني يئس من الاطباء ودي اصير زينه واحمل و اصير ام وافرح زوجي واشوف عيالي يكبرون قدامي
عسى الله يشفينا عاشقه الجنه وsmea وانا ويشفي كل مرضى المسلمين