|
رد: ساعدوني بفكرة لتجهيز بسيط
اول حمل لك الله يسهل عليك و يبارك لك فيه و انشالله تقومين بلسلامه و يجيك مولودك بصحه و عافيه
بلنسبه للتوزيعات اللي الناس تأخذها معاه بجد هي غاليه و اغلبها تنرمي عشان كذا لازم تسوين شي مفيد بحاول أفكر لك بكذا شغله و بسوي لك منها عينات و لي رجعه لموضوعك |
رد: ساعدوني بفكرة لتجهيز بسيط
لا اله الا الله
|
رد: ساعدوني بفكرة لتجهيز بسيط
ربي يقومك باالسلامه انتي والبيبي ان شاءالله
سوييييي اشياء بسيطه وحلوه مو لازم فخامه مرررررره |
رد: ساعدوني بفكرة لتجهيز بسيط
3 مرفق
عزيزتي لاكلفي على عمرك وكلام الناس مايفيدك في شي اذا سويتي اتكلمو واذا ماسويتي اتكلمو كمان
ارضاء الناس غايه لاتدرك اهم شي نفسك اذا حابه تسوي سوي ولاتبالغي زي انا قريب خرجت من الولاده رح انزل الصور في موضوع انتي شوفي مواضيعي لانو ماكلفني غير 1000 وشويه بس وكلها شغل ايدي طبعا باالمستشفى ماسويت شي لاني تاني يوم خرجت في البيت طبعا كنت ارقد في غرفة الاستقبال وقت الضيوف بعدين ارجع لغرفتي طبعا اول زينت الباب بقماش تل وورود بعدين جبت فلين على شكل رضاعه ومصاصه وفي اشكال تانيه تحصليها في محلات الهدايا وعلقت بالسقف وطبعا ماجبت مفرش ولاسرير لانو خلاص صار قديم الموضه طبعا جبت قماش ساتان الرخيص ولبست الاريكه اللي في المجلس وزينتو بالورود وسويت مخدتين وغطايه اما بنسبه للحلويات ماجبت شي غالي لانو ولاده مو عيد جبت من السوبرماركت حلويات وشوكولاته مشكل وحطيتو بصحن الحلاوه وطلبت من وحده تسويلي توزيعات بسيطه للاطفال اخذت عليه 300 قلتلها ماابغى شي مكلف لانو للبزوره اما توزيعات الحريم انا سويتها وجبت السله اللي زي العربيه زينتها وغيرت لونها لانو كان لونو بوني وغيرتو للسكري وجبت تحف صغيره على شكل مضلات وزينتها بشرايط والحلاوه اما الفطاير والبيتيفور اشتريت صحن للتقديم وحطيت فيه ورح انزلك الصور عشان تاخدي فكره طبعا للبيبي اخذتلو هندوله صغير وطقم واسفه طولت عليكي |
رد: ساعدوني بفكرة لتجهيز بسيط
ياقلبي انا سويت المستحيل عشان اجهز للبيبي واحط توزيعات وتحضيرات
بحجه انه اول بيبي لي المهم الحمد لله انا والده لي 26 يوووم وحطيت كل اللي نفسي فيه بس تحسسسفت كثير خسرت ما يقارب 6000 ريال على المفرش وتجهيزات الغرفه غير ملابسي وملابس النونو وبصراحه الناس ماتقدر انك تحطين لهم وتتكلفين بس انا شي بخاطري وسويته وبا الاخير تحسفت بس الحمد لله ع العافيه لي ولبنيتي والبيبي الثاني ماراح اتكلف كثير بس انتي حطي شي بسيط في بيت اهلك ولا تزينين غرفه المستشفى لان راح تكوني تعبانه فا راحتك في بيت اهلك وخليك بسيطه ونعومه وبا التوفيق يا الغلا |
رد: ساعدوني بفكرة لتجهيز بسيط
حبيبتي مثل ما قالو البنات لا تهتمي بالناس لان ارضائهم غااية لاااااااااااا تدرك .. لو شو عملتو ما رح يعجبهم
و البساطة حلوة مرررررة أهم شي تقومين بواجب الضيف و تكرمينه و الباقي ما أشوفله داعي أنا بكرية و مفرش عرسي ما أحد شافه على شان كدا راح استخدمه انشا الله ولونه سكري و بني وحلو مرة و الحمد لله الحمد لله الحمد لله ^_^ نحنا عنا بسوريا هذي القصص مو دارجة أبدا يعني ما أتذكر رحت عند و لادة و شفتها مزينة *_* ... و أنا أشوف البنات بالمنتدى أقول لازم أزين ... أشوف البنات عنا بسوريا ما ألاقي أحد مزين حتى لو كانت مادياته فوووق الريح ما يزين لأنها مو عادة عندنا <<< أظنها نعمة هالشغلة ههههههه |
| الساعة الآن 04:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .