|
رد: تعبانه كثير
خليك معاه بالبيت لا تكلمينه ولا تردين عليه حتى لو كلمك او عَصّب عليك خليه في جوه
خليك ساكته خليه مايعرف اشفيك لا تقولين له لا كلمة حلوه ولا شينة عيشي في بيتك ولا كأنه موجود خلصي شغل بيتك ولا تقصرين في شي عشان ما يمسك عليك ممسك جهزي أكله قبل ما يجي من الدوام وحطيه له وخليه وإذا كلمك قوله كلمات مختصرة طيب أوكي خلاص زي كيذا او هزي رأسك او اسمعيه وامشي خلصي اللي قاله لك وأعطيه وامشي خليه يعرف انو بعد اللي صار لك تغيرتي خليه مايعرف شخصيتك تهتمي بنفسك ألبسي واكشخي ولا تعطيني وجه وإذا سألك اشفيك صرتي كيذا قولي له تذكر ايش سويت فيني وقت العملية وايش قلت ومتى جيت عندي وامشي وهو وقتها راح يفكر وراح يحس بالذنب بأذن لله خليك انسانه غامضة وشوفي كيف راح يصير لك انا قلت لك كيذا وشوفي اذا يصلح لك اللي قلته ولا طنشي |
رد: تعبانه كثير
حبيبتي الله يعوضك يارب بتوام سليمين معافين يفرحك ويفرح زوجك
اعذري زوجك ممكن زعلان عشان الاجهاض الانسان يحتاج له فتره لين يرضى بالقدر ان شاء الله راح ينسى ويتغير |
رد: تعبانه كثير
ياااقلبي عليك
يمكن هو كان مصدوم من اجهاضك وكان فرحان كثير بحملك فحصل له مايسمى بالتبلد من الصدمه وصار يحس انه في حلم ورافض انه يستوعب الواقع زوجك يحبك ثقي بكلامي هذا وراح يكون جنبك دائما لكن الفترة هذي عصيبة على كل اثنين يستنون طفل قادم وانا حاسه فيكم الاثنين شوفي حبيبتي الكلام اللي قلتيه لنا تحري الوقت والمكان المناسب وناقشي زوجك فيه بكل حب وحنيه احضنيه وقولي له كل اللي بقلبك انتبهي تخلين بينك وبين زوجك حواجز هو نصفك الثاني كل شئ بينكم يظل بينكم ومن خلالها رح يتضح لك ماكان غامض صدقيني رح ترتاحين الله يسعد قلبك ويعوضك |
رد: تعبانه كثير
الا صار لك مشابه للي صار لي لما ان الوحده تتوقع شي وللأسف
بس انا في ولادتي تخيلي وانا حامل يقولي اذا ولدتي وانل مو موجود بالبيت خلي السواق يوديك وش رايك بهذي الكلمه عصبت عليه وقلت له شنو انت ما عندك غيره وانا بهالموقف تبي السواق يوصلني وسويت له هذره حس انه غلط من صج ويوم ابولد نزلني وانا اقوله انزل معي تخيلي نزل وانا بغرفة الولاده وكل شوي يطالع الساعه يبي يروح الدوام انا قلت ما فيه لا تروح ويتثاوب وشوي ويغفي ويعصب علي اذا تألمت مررىه عصبني المهم انه سوا الا براسه وراح وما احد معي وظليت اعيره مده وفي ولادتي الثانيه كانت مفاجئه ولدت بطوارئ وودوني يخيطوني انتظرني لين ودوني الغرفه وقال انا كنت ابمشي بس قلت ما بروح عشان ما تهذر وتقول ما جلست مع اني ابيه يجلس ويخاف علي من نفسه ومو بالغصب هم ما سكت علييه |
| الساعة الآن 01:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .