|
رد: زوجي أسباب همي؟؟؟
زين سويتي
كلام عين العقل اللي ببطنك ماله ذنب وادعي الله يسخر لك زوجك باين انك تحبيه .. انتي كاتبه ان مكانك وسط قلب زوجك فحاولي تسترجعي هالمحبه حرام تنتهي اما من ناحيه اهله عامليهم باحترام قبلوه اهلا وسهلا ماقبلوه براحتهم وابركها من ساعه ريحي بالك وبس ^_* |
رد: زوجي أسباب همي؟؟؟
حبيبتي من توكل على الله فهو حسبه
توكلي على الله واشكي همك وحزنك له فالثلث الاخير من الليل فهو لا يردك صفر اليدين واكثري الاستغفار وقول لا اله الا انت سبحانك اني كنت من الظالمين لي صديقه ماشاء الله عليها اذا صار بينها وبين زوجها شي قالت هالدعاء وعلى طول ربي يفرجها عليها سبحانه حبيبتي انتي على قولتك مو مقصره معه بشي فلا تحاتين ماله حجه باي شي يسويه والاحسن لا تكتمي بداخلك لازم تصارحيه انتي تتعبي وهو ولا همه ولا درى عنك بعدين حرام ترى الجنين اللي بداخلك يحس بكل حالاتك سواء كنتي مستانسه او زعلانه وهو ماله ذنب والغذاء ما اوصيك ترى مارح ينفعك احد ونصيحتي لك غيري اسلوبك معه وهو بيحس يعني اثقلي شوي عليه هو بيستغرب تغيرك واذا سالك لا تقولي على طول قولي مافيني شي وخلك تضحكين وعاديه مع غيره ومعه ثقيله صدقيني اذا ما جن لا تقولي ام البدرين قالت الرجال كذا اذا لقو الحرمه تسال عنهم وتطاردهم يثقلون واذا ماعطتهم وجه ماتو قهر بالنسبه لاهله السلام عليك ياجاري انت بحالك وانا بحالي اهم شي محترمتهم ولا تغلطين على احد فيهم ومو مقصره مع ولدهم بعد وش يبون لازم يحمدون الله لا تشيلين هموم الدنيا وانتي بهالحاله تأذين نفسك وجنينك على حسابهم ربي يفرجها عليك وييسر امرك ويسخر لك زوجك واهله اللهم امين |
رد: زوجي أسباب همي؟؟؟
صح ام الجازي انتبهي عل صحتك اولا
ولا تجعلي حياتك وهمك كله زوجك نص لك ونص له هو نصفك الثاني الي يكملك وانصحك الداومين عل استغفار وان الله يحنن قلبه عليك واشغلي وقتك بالتجهيز للبيبي واقراي اشيا المفيده للبيبي واذا عندك هوايه حلو انك تنميها وتشغلي وقتك والله يقومك بالسلامه ويهدي الي في بالك |
رد: زوجي أسباب همي؟؟؟
معليك قلبي ولا تشيلي هم هو زوجك بنهايه والرجال كلهم يحبون الطلعه والوناسه ولا تشغلي بالك انتي حامل واهم شي صحتك وتبينه كل شوي عند اهلك اكيد يستحي وترى الرجال يحبون الوحده تكون ثقيله تدلع عليه جربي وشوفي
ولا تشيلي هم بتولدين انشا الله وبترجعي بيتك ويكون الوضع طبيعي ويفرح بلمولود وبتعيشي حياه حلوه |
| الساعة الآن 11:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .