المشاركة الأصلية كتبت بواسطة طفلة خذت قلبي (المشاركة 3698708)

انا عمري 21 متزوجة من سنتين وشهرين في ايام الخطوبة كانت الدورة عندي ملخبطة
قلت قبل الزواج لازم اروح انظمها علشان احمل على طول
رحت للدكتورة سوت لي فحوصات قالت كل شي تمام عطتني حبوب تنظيم الدورة ولا انتضمت عندي
بعد الزواج قال زوجي لازم ناجل الحمل فترة رضيت انا بس رجعت اتعالج عند الدكتورة علشان
تنظيم الدورة لما رحت عندها مرة ثانية كان ذاك الوقت عمري 18 سوت لي فحوصات مرة ثانية وقالت لي عندج هرمون الحليب
مرتفع كثيــــــر بس ماقالت لي كم نسبته عطتني الحبة اللي اخذها كل اسبوع مرة في نفس اليوم والوقت
ورجعت لها بعدها قالت نزل شوي بس للحين موجود وصار عندج تكيس فوق المبيض لازم نعالجه علشان مايكبر
المهم عالجت عندها رحت بعدها الموعد اللي بعده وسوت لي تحاليل قالت لي لازم اعالجج علشان تحملين
قلت لها بس انا مابي احمل الحين قالت لا لازم هي تحاول وانا مو راضية بعدين حسيتها بس تبي تسحب فلوس
المهم بعدها قطعت علاجي عندها
بس هرمون الحليب نزل والتكيس راح بس الدورة لسى ماتنظمت ضلت ملخبطة
بعد سنة وشهرين قررنا انا وزوجي اني احمل طبعا ماكنت امنع بحبوب كنت امنع طبيعي
رحت للدكتورة قلت بشوف شلون فحوصاتي وكذا
لما رحت للدكتورة حكومي كانت قلت لها مشكلتي وش اللي صار معاي قالت لي اول شي لازم اسوي لج تحاليل
علشان ما اقدر اعالجج الا اذا عرفت شنو فيج وسالتني تبين قبل انظم الدورة ولا تبين تحملين على طول قلت لها لا ابي احمل على طول قالت طيب شلون تاخذين علاج وانتي ماتنزل عليج الدورة لازم تنزل علشان تاخذين العلاج بعدها قلت لها عادي اخذ حبوب الدورة وكتبت لي علاج كثير حلو للدورة حبوب علبته مربعة فيه 21 حبة نصها بيضاء ونصها بنية ولما تخلص ثالث يوم تنزل الدورة
طبعا استمرت مدة علاجي 4 شهور بسبب الفحوصات وكذا والمواعيد كانت بعيدة عن بعضها اخذت تحاليل
قالت تعالي اخذي النتيجة بعد اسبوعين وبعد اسبوعين رحت قالت لي كل تحاليلج عدلة بس الظاهر ماطلعوا لج نتيجة هرمونات ورحت سويته مرة ثانية وطلع التحليل بعد 3 ايام ورجعت لها قالت لي عندج خمول في المبايض وما اقدر اعطيج علاج الا لما اشوف نسبته واشوف ينفع معاج المنشط او لا لانه اذا ماينفع معاج حرام اعطيج اياه
سوت لي فحوصات بس للهرمونات وامشي على حمض الفوليك علشان لو حملتي في هاذي الفترة ماتصير تشوهات للجنين ورجعت لها بعدها باسبوعين قالت لي خلاص بعطيج المنشط بس تاخذينه خامس يوم الدورة وتستمرين لمدة 5 ايام ويوم 11 من بداية الدورة تجين اشوفج اخذت الحبوب وخلصتها 3 ايام ونزلت علي الدورة وخامس يوم الدورة اخذت الحبوب المنشط لمدة 5 ايام رحت لها يوم 11 من الدورة قالت نفع بعاج بس بنسبة بسيطة لازم تاخذينها الشهر الجاي بنسبة مضاعفة قلت طيب اخذت الحبوب الدورة 21 يوم انتظرت ثالث يوم ومانزلت جلست انتظرها ومانزلت حسيت صدري كبر وتجيني دوخة بس ما اهتميت قلت لان الدورة مو راضية تنزل وطبعا خفت يكون رجع لي هرمون الحليب بعدها باسبوع سويت تحليل الحمل روتيني قبل ما اروح لها وطلع خطين طبعا ما اخذت الجررعة الثانية رحت لها وطلع في تحليل البول اني حامل صارلي 40 يوم
الحمد لله يعني نفع معاي من اول تجربه وانا الحين دخلت شهري التاسع وانتظر ولادتي

المشاركة الأصلية كتبت بواسطة ليلي24 (المشاركة 3699091)

انا بعد عندى ارتفاع في هرمون الحليب بس ماعرف جم النسبه عطتني الدكتوره حبوب (norprolac75) في احد منكم خواتي اخذ نفس الحبوب وحملت
لى اربع شهو اخذ منه وما الله كتب لي الحمل ربي لك الحمد ولك الشكر على كل حال

المشاركة الأصلية كتبت بواسطة ام رسيل1404 (المشاركة 3711679)

انا معآي واكتشفتو قبل حملي حسبي ع الدكتوره تعطيني من المنشطات ولااحمل اخر شي جلست افرفر بهالنت واقر ع هرمون الحليب واروح احلل وطلع معاي والحمد لله اخدت العلاج وحطيت بصدري ريحان وامتنعت ع الدجاج والحليب والالبان وبنفس الشهر حملت ماشاء الله بس اجهضت

المشاركة الأصلية كتبت بواسطة AMAL JADID (المشاركة 3722186)

الله يعوضك اختي

صح حتى انا الدكترة اعطتني منشطات و مصاريف و في الاخير هرمون الحليب مرتفع و تحاليل الزوج موكويسه

و الي اكتشف عندي الحليب مرتفع دكتور للاعشاب يعني مش متخصص حتى بعد اكثر من 4 سنين ماراطوووون للحمل و عند اكثر من 5 طبيبات

من القهر احكي و الله هادا الهرمون نصيحة كل وحده ماطلبهولها الدكتورة تعملواااا


وانا من هنا اقول للدكاتره اتقواااا الله ضيعتولنا وقتنا و فلوسنا و صحتناا و الحمد لله الامل برب العالمين الي ماراح يضيع رجاءناااااا