|
رد: سيدات ليبيا الحبيبات ..تفضلووو
السلام عليكم ورحمة الله وبركاته.
إن شاء الله تجمع خير وبركة يارب ونسمعوا فيه ألأخبار الطيبة .. ربي يحفظك هدهودة ومعذوووووووووورة وربي يهديها سومة هههههههه الله يسلمك فروسة ماقصرتي ,, كيف حالكم , وأوشي شكله إمتحانات الصغار.. جنووودة ليك وحشة ,, فروسة فضانية معناه عشاء ويتفاهمو التريس في كل شىء ., هما يبو يجو مشووار عشية ويروحوا لكن عمي شدهم ودرنا بازين وكسكسي,, وطبعا فواكه ومسير وزيتون هههههه ومشاريب وعصائر وشوكلاطة وبكلاوة وو وشاي ولوز ههه الحمد لله إن شاء الله ربي يسخر.. |
رد: سيدات ليبيا الحبيبات ..تفضلووو
|
رد: سيدات ليبيا الحبيبات ..تفضلووو
|
رد: سيدات ليبيا الحبيبات ..تفضلووو
سلم يديك سوسو
كنكن مكسدات يابناااات |
رد: سيدات ليبيا الحبيبات ..تفضلووو
السلام عليكم كيف حالكم
فروسه وسوسو انستوا علاش متعبين أرواحكم يسلموا ايديكم وين باقي البنااات فروسه القفطان يهببببببببل وين نلقى منا زعمااااااااا؟؟؟ |
رد: سيدات ليبيا الحبيبات ..تفضلووو
سوسو ألف مبروك علي حماتك ربي يكمل عليها ويهنيها
اليوم درت كنافه ليه فترة زوجي جاي خاطره فيها وفي نفس الوقت عندي حليب محلي قريب تكمل صلاحيته قلت منجربها بالحليب بدل العسل امشي قالي لا بالك تفسد وتجي ما تنفعش قلت امالا منجرب شوي في القوالب امتاع الكب كيك ومنديرلهم حليب ومندير وحده في طاجين بروحها بالعسل واشبح كيف تجي بنتها امتاع الحليب قاعدة ما ضقتها |
رد: سيدات ليبيا الحبيبات ..تفضلووو
كنت برا أني وسما اليوم الجو حلووو شمس ولقيتها مكسده أعيت من الألعاب امشي قلت هيا خلي نطلعها شوي بدون عربة تتمشى وتشوف الناس
لكن هبلتنييييي اللي تشوفه في الطريق اتبعه وتمشي وراه ههههه وخصوصا لو كلمها والجهة اللي ماشييتلها أني تمشي عكسها وتجري بسرعه والطريق فيها صعدات ونزلات مش مساوية قلتلها ترا خلي انريح روحي ونخش |
رد: سيدات ليبيا الحبيبات ..تفضلووو
السلام عليكم ورحمة الله وبركاته كيف حالكم يا بنات ومبارك علينا وعليكم التجمع وان شااااءالله ديمة عالخير ملمومين وان شاءالله هالتجمع ايكون فاتحة خير علي كل العضوات يا رب اسمعو يا بنات نبي رايكم في موضوعي لو سمحتم السلام عليكم ورحمة الله وبركاته اخواتي العزيزات اتمني من الله ان تكونو بصحة وعافية انتم ودرياتكم يا بنات انا عندي بنت وجبتها طبيعي والحمد لله والان انا حامل 38 اسبوع ويومين وبصراحة اليوم كنت عند دكتورتي وقالت لي البيبي لسا راسه فوق وبكره ان شاءالله بتلفه لي بس قالتلي عندك مجموعة خيارات اما في حالة نجحت عمليه اللف نعمل عمليه في نفس اليوم او تصبري لين يجيك الطلق وتولدي طبيعي ادا ما رجع البيبي راسه فوق او ما تنجح عمليه اللف وتعملي عمليه او اصبر كمان لين يجيني الطلق واعمل عمليه مستعجله والخيار الاخير كتير خوفتني منه وهو ان لو ما لف البيبي وما اريد اعمل عمليه قالت انو كتير خطر عالبيبي ويمكن يموت اتناءالولادة الطبيعية لان ممكن راسه يعلق وبالتالي صعب نخرجوه لانه قالت البيبي بسم الله ما شاءالله كبير شوي وبصراحة حسيت الدكتوره كتييير مصره عالعمليه وانا ما نبيش العمليه اتمني اولد طبيعي لاني مغتربه وعندي بنت وزوجي عنده ضغط في الدراسة وايضا فيه صديقات قالولي انه الحمل التاني البيبي يمكن انه يلف حتي اتناء المخاض لان تقلصات الرحم هي الي تقلبه وانا ما اريد استعجل علي طفلي واخرجه قبل اوانه اريد كل شيء طبيعي ومن عند الله سبحانه يعني لين امتي يسخر ربي يااااابنات اسفة عالتطويل بس ارجوووكم اعطوني رايكم وايضا مين الي مجربه العمليه والطبيعي يااااريت اتقولولي شو هيا المتعبة اكتر وفي حاله العمليه كم يوم اتسطحت وما تحركت ليوم طابت وحست نفسها تمام |
رد: سيدات ليبيا الحبيبات ..تفضلووو
السلام عليكم
كيف حالكم جميعا مبروك التجمع الجديد شكرا لكل من سال عليا انا كنت تعبانه شويه عندي ضرس العقل ناض عليا و راجلي قلي ما نقدرش انحيهولك لانك حامل فقعدت انعالج فيه بالمضاد الحيوي و ماء الاكسجين و توا باهي احسن من قبل سوسو الف مبروك لحماتك و انشاء الله ربي يهانيها خوله الحق اني مش حنقدر انفيدك لانه اول بيبي بنجيبه وانشاء الله البنات يقدروا يساعدوك وانشاء الله يلف راس البيبي و تجيبي طبيعي |
رد: سيدات ليبيا الحبيبات ..تفضلووو
السلام عليكم ورحمة الله وبركاته
كيف حالكم اليوم خوله إن شاء الله ربي يسهل عليك ويخلصك علي خير شوفي بالنسبه ليا الافضل إنك تستني لموعدك وين تعلمي ممكن يلتف في اخر لحظة ولو ما التفش وقتها يدخلوك للعملية وما تخميميش لو جبتي بالعملية والله حسب ما نشوف في اللي مدايرينها مش هاديكا الصعوبة اللي متخيلينها احني ممكن كان كترتي الاسبوع الأول بس ومرات أقل يعني زي الطبيعي غير بتحافظي من ناحية رفع الثقيل والاشغال الشاقة زي التنكيت والفلاحة امتاع الليبيات ههههه والباقي عادي والله في وحده ليبيه نعرفها اهني عندها ثلاثه صغار وجابت الرابع بالعملية وقعدت تلاته أيام في المستشفي ولما روحت أول ما وصلت للحوش دارت عشي راجلها وصغارها وحاست علي روحها وقالت عااادي أهم شي نبهوها انها ما ترفعش تقيل ما عدا البيبي لكن مشكلتهم اهني يخيطو مش يلحمو لحم زي في ليبيا عموما إنتي لو لسمح الله صار من العمليه تقدري تسأليهم عاللحم وان شاء الله ما تستحقيش وتجيبي طبيعي يارب |
| الساعة الآن 05:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .