|
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
هههههههه يارحيم يا ام خلودي
لما شفت اسمك قلت يالله على هاديك الايام والتمع والبنااااات صح مابقينا نتلاقى بسبب صرنا مشغولين بالكتاكيت الله يرزقك الحمل عن قريب يارب كيفو خلودي طلع سنان وبدا يمشي وابدا يتكلم شي ؟ ههههه انا حاليا ما اريد احمل عامله كل احتياطاتي ان شاء الله حتى يصير عمره سنتين افكر بالحمل طمنيني عنك حبيبتي رجعتي من بلدك ولا باقي فيها بوسي لي خلودي |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
بإذن الله تحملين طبيعي لان التلقيح الصناعي مثل الطبيعي الله يحقق لك امنيتك يارب ويرزقك ويرزقني واخواتنا المتأخرات الذرية الصالحة انه على الله يسير
|
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
اقتباس:
بصراحه انا زيك مابغا الحمل الحين لان خلودي بعده صغير ومرة متعبني الله يصلحه ويخليه لي.. تعرفين الاولاد كيف حركين واشقيا مو زي البنات.. بس لانه الحمل الاول تأخر كثير وكان فيه مشاكل انا وزوجي قررنا نحاول من بدري عشان لو لا قدر الله صار فيه مشاكل نعالج قبل ما يتأخر الوقت كثير بين الطفلين بس انا اهون علي احمل الحين وخلودي صغير ولا ادخل في معمعات الدكاترة والمستشفيات واحباطات كل شهر :( عشان كذا اقول ياليت القا نفسي حامل فجأة و اتفادا هالموال.. |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
طبعا الدورة جت يوم الجمعه.. يعني تأخرت يوم بس ولله الحمد..
عندي اختبار تبويض مدري استخدمه هالشهر ولا انتظر؟ كل تأخيره وفيها خيره ان شالله وواثقه تماما ان ربي مستجيب دعائي وبتجيني بنت شقرا وعيونها ملونه باذن الرحمن.. انه عليه يسير :) ربي مأخرها لمصلحه لي لا اعلمها والحمدلله من قبل ومن بعد.. |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
إن شاء الله تحملي من غير أدوية
ربي ييسر أمورك |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
الف شكر لكل من دخل ودعا لي ولكل من قرا موضوعي ودعا لي بظهر الغيب من غير رد..
|
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
اقتباس:
انا نفس حالتك سنن تقريبا لما دخل على السنه وهو حاليا عندو سنتين تحت ووحده فوق تخيلي واتذكر في نفس الشهر بدا يمشي ويخط خطواته الاولى واكيد مرات يطيح بس الحمد لله بدا يتوازن خبريني بدا يتكلم شي والنوم تعدل ولا باقي مثل ايام زمان مسهرك ؟ وبالنسبه لوضعك انا اتذكر اللي مريتي بيه يارب تحملي طبيعي في القريب العاجل طمنيني عنك حبيبتي بوسي لي خلودي العريس الله يحفظه يارب |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
يامرحبا بأم خالد ،، الحمدلله اني لقيت حد من تجمعنا hwaml7 hwaml7
دخلت اليوم ادور ادور على بقايا من البنات وذكريات ومالقيت اثر لحد ههههههه لين دخلت ع هالقسم وشقت موضوعك ... وهلا بسندوسه ، اشتقتلكم واشتقت لبنات تجمعنا والله .. عيالنا صارو سنه وشوي والحين فعلا صار الوقت المناسب لان الأمور استقرت وافتكينا من التعب والسهر والامور هذي .. ف ربي يسهل لك يارب يا رحيم وتحملي بسهوله بدون تدخل وتجارب اطباء ،، بس انا نصيحتي لك انك تشيلي الفكرة نهائيا من راسك وبتحملين صدقيني ، عن تجربه اكملج ، قبل لا احمل بولدي نور كنت اراقب واتوقع كل شهر يصير حمل كذي لين مرو علي 7 شهووووووور هههههههه تخيلي التحطيم اللي كنت امر فيه كل مرة تنزل الدورة على مدى سبعه شهور ولما شلت الموضوع من راسي حملت !! فسبحان الله ، كثرة التفكير والمراقبه وخيبة الأمل اللي تجي بعد نزول الدورة كل هذا له دور في تأخر الحمل .. انا اقولك شو تسوين ، اقرئي هالنصايح بدقققققة اوكي .... بعدما تبدأ الدورة لو دورتك منتظمه عدي لين توصلين يوم 11 الى يوم 15 من الدورة وحطي منبه بالتليفون عشان يذكرك في يوم 11 للدورة ، وانتي لين توصلين هالايام شيلي مووضوع الحمل من راسج وعيشي حياتك عادي ولما توصلين اول يوم من ايام التبويض (طبعا المنبه هو اللي ذكرك مو انتي كنتي قاعدة تعدين قلنا شيلي الموضوع من راسج اوكي هههههه) يعني من يوم 11 للدورة شدي حيلك مع ابو الشباب هههههه وبعد العلاقه دايما حطي مخدتين تحت وارفعي رجولك تقريبا خليكي كذا 20 دقيقة (ادري تعب بس انا سويت كذا لما حملت هههههه) وكرري الطريقه لين اخر يوم من التبويض يعني يوم 15 او 16 وبعدها شيلي التفكير الحمل مرة ثانيه من راسج وتابعي حياتك لين أخر يوم من الدورة وشغلي نفسج وسوي انشطه واطلعي اهم شي ما تفكرين بالحمل عشان ما تخرب الخطه هههههه وشغله ثانيه تساعد هي تشربين ميراميه وعصير اناناس من 3 ايام الدورة لين يوم 11 من الدورة وتوقفين .. وزوجك يشرب مانجو لانه مفيد للرجال .. شغله ثانيه هي المرّة ، في بنات خبروني عنها مفيده للنفاس بايام التجمع ماعرف لو تذكرين هالسالفه وقالو انها تسبب ضعف للرجال ، فعلا هذا الكلام صحيح لان زوجي يموت بالمرة وقبل لا احمل كان كل يومين تقريبا ياكل منها ههههههههه واحنا ماكنا ندري بس سبحان الله لما وقف حملت ،، ادري احترتي بكلامي لان صراحه اموووووور وعوااامل كثيرة ساعدتني احمل طبيعي فعشان كذا قلت اكتبلك كلهم ، انتي اهم شي التفكير بالحمل يأخر الحمل حتى تلاقين تقريبا المنتدى كله يقول كذا لان فعلا صحيح .. فانتي عيشي حياتك نورمل وسوي ع النقاط اللي ذكرتهم لك ولما توصلين آخر يوم للتبويض يعني يوم 15 او 16 بتوقفين كل شي من تجارب او تفكير لان بعد هاليوم هذا مايفيدك تسوين اي شي لو صار حمل صار ولو ما صار الفرصه هالشهر راحت ولازم تستني نزول الدورة ...عشان كذا التفكير ماحيفيد .. وان شاء الله يارب تحملين ويرزقك ببنوته مثل القمرررررر اسفه طولت عليج hwaml49 |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
اخخ نسيت ماخبرتكم عن اخبار ولدي ههههه ،،
نور صار عمره سنه وشهرين يعني دخل بالشهر الثالث .. وزنه وطوله ماشين مع بعض مع انه شوي اطول من الاطفال اللي بعمره ماشالله ، وزنه 13 كيلو .. وطلع له 4 سنون تحت واربعه فوق يعني صارله 8 سنون ولما يعط قولي باي باي لإيدك خخخخخخ جربها علي مررررة مؤلم .. والمشي بدأ يمشي من دخل سنه بس بحذر شديد وقبل كذا كان يمشي عادي وهو ماسك مكان زي طاوله او جدار الخ.. ولما بدأ يمشي صارت مشيته اسرع واحسن لكن بعدين رجع يحبو !! صدمنا بعد هالتطور صار يمشي وقت مايحي براسه والباقي يحبو ع اربعه .. ههههههههههه |
رد: مهما مر الزمن نرحع نسأل نفس الاسألة نحن الامهات قلوبنا لا تكل ولا تمل :)
اقتباس:
خلودي ما قال ولا كلمة مرة يقهر hwaml15 كنت متوقعة انه اذا كمل سنة يقول ماما او بابا بس احس مشغول باللعب ماعنده وقت يتعلم الكلامhwaml03 طبعا ينطق حروف واحيانا يقول ماماماماما اتحمس اول ما يبدا احسبه يناديني بعدين اكتشف انه يلعب.. لاحظت انه يفهم.. يعني ببرونة الحليب اسميها نانا فلما يبكي او يكون متضايق وابغا اعرف لو كان جوعان ولا لا اسأله نانا؟؟ وطبعا من ردة فعله يبين انه فهم علي ويبغاها.. واحيانا هو يجيني ويقول نانانانانا يعني جوعان :) بالنسبه للنوم الحمدلله من زمان متنظم نومه بس يتعبني يتعبني بالليل لازم يبكي كم مرة ويصحيني وانا صعب ارجع انام بسهوله وبعدين يصحى الصباح بدري ولازم اصحي معاه.. صار نومي قليل الا في بعض الليالي اللي ما يبكي فيها.. كان يرضع حليب وهو نايم وقررت اقطع هالعادة قلت يمكن هي السبب اللي تخليه يصحي كل شوي صار الحليب عاده اكثر من جوع.. قطعته والحمدلله خف البكا عن اول بس برضه لازم يصحيني على الاقل مرتين :( والحفاظ خلاص ما اغيرله الا لما يصحي الصباح.. بوساتك وصلت وبوسيلنا انتي كتكوتك الحلو ومشكورة على الدعوة الحلوة الله يجعلها في ميزان حسناتك hwaml7.. |
| الساعة الآن 11:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .