منتديات حوامل النسائية

اقتباس:

المشاركة الأصلية كتبت بواسطة سهام فرنسا (المشاركة 3601608)

أنا معك في كل كلمة قلتيها معك حق الغربة مو سهلة ابدا أبدا و مايحس فيها غير لي جربها
أنا مثلك عايشة بالغربة و أنا ماعندي عايلة هون ولا صديقات فيه كثير ناس من بلدي بس مثل ماقلتي هون بيتحاشو الكلام معك لأنهم ما يأتمنو معهم حق انا كمان يعني ما بحب أخالط كثير حبيبتي انت على الأقل لما تطلعي تتمشي لحالك تطلعي مع إبنك أنا بطلع لحالي و بالبيت طول اليوم لحالي بس بالنسبة لإبنك حبيبتي سجليه في حضانة يوم بالأسبوع من جهة إبنك راح يلعب و يتعرف على ناس ومن جهة ثانية ممكن تتلاقي مع ناس عرب و بيفهمو عليكي و تفهمي عليهن و بالنسبة للحكي و للغة مستحيل تتعلميها لو ماحكيتيها لهيك انا بنصحك مثلا لو رحتي تشتري شئ حاولي تطلبي نصيحة البائع و هيك شئ وشوي شوي راح تلاقس حالك تعلمتي كثير و بالنسة للكوافير انت كوني جريئة و غيري شوي بحالك و لو ماعجبك غيريه كمان
أنت مشكلتك انك مو جريئة لا تخافي حبيبتي كوني قوية شخصية و لا تنتبهي للناس و لا تعيريهم إهتمام
بالنسبة للأعياد و المناسبات الدينية انا الحل لي لقيتو هو الجامع انا بروح صلي الجمعة و الاعياد و برمضان تتعرفي على ناس كثيييييييييير و تحسي بطعم الأعياد الحقيقي
بعرف انو حكيت كثير بس انا قلتلك الغربة ما بيحس فيها غير اللي جربها
المهم الله يوفقك حبيبتي و يكون بعونك يارب

اختي سهام شكرآ على الرد وفعﻵ ما يحس فيك اللا الي عاش معاناتك بالنسبة لحل الحضانة انا فكرت فيه بس قلت لما يصير ابني بعمر السنة ﻹن لسه عمره 7أشهر ومارح يستفيد حاليآ من بقاءه في الحضانة لكن حلك هذا معقول ورح أقوم به في الوقت المناسب او باﻷحرىلما يكون ابني في عمر السنة ﻹن وقتها رح يتفاعل مع اﻷطفال. ورح يستفيد من تواجده معهم
وبالنسبة لي اﻷعياد والمناسبات الدينية صعب أني اروح للجامع. بوجود طفل. أنتي اكييييد عارفة أن اﻷطفال رح يسببوا ربكة وضوضاء للمصلييين. وبالنسبة للجرءة وقوة الشخصية. والله لولا هالصفتين لما تغربت عن بلدي ﻹن مثل ما تعرفي هالقرار. مش أي شخص بيقدر عليه إلا. اﻷشخاص الجرئيين وكمان أنا كتير من عائلتي رفضت فكرة غربتي وحاولوا حتى منعي بس انا اصريت ﻹني ابلغ من العمر وقوة الشخصية ما يؤهلني لي صنع قراري بنفسي وتحمل نتائج هذا القرار كما أن. حاجة المغترب لي التعرف على الناس لا يعني أنه ضعيف شخصية ولكن فطرتنا هي التي تدفعنا لذلك وهذا أمر طبيعي وبالنسبة لي انك حكيتي كتير لا والله انتي اعطيتيني من وقتك والوقت غالي . .
دعواتي لك بإن يخفف عليك الله وحشة الغربة ويرزقك بطفل يؤنسك