|
رد: وزني نازل مع الحمل إيش الحل ارجوووووكم
شقول لج انا عكسج وزني يزيد نفسيتي زفت نفسيتي مفتوحة عكسج نتبادل ومن الحين تعليقات وتوني نهاية الخامس ونفخ يألمني واتعب بعد الولادة في خسارة الوزن محد مرتاح سبحان الله
|
رد: وزني نازل مع الحمل إيش الحل ارجوووووكم
انا لما كنت حامل كنت مثلك ونزل وزني كثييير لين وصلت للاربعين كيلو عادي ياقلبي لاتشيلين هم بس انتي اهتمي بنفسك مايصير كذا ولجاء زوجك يروح الدوام روحي لاهلك ولخلص يمر ياخذك ع الاقل تشتهين تأكلين مع اهلك
|
رد: وزني نازل مع الحمل إيش الحل ارجوووووكم
حلى البحرين
انا بالشهر الرابع كان 48 والحين بمراجعة الشهر الخامس 45 جتني ضيقة اخاف يأثر ع الجنين وزني لأني قرأت ان وحده إبنها جا وزنه كويس بس عنده قصور في الكلى بسبب وزن امه الحين ناوية بالعيد اجلس من اول العيد وارجع بيتي بعد اسبوع ع الأقل انبسط مع جمعتهم و اغير جو لأ |
رد: وزني نازل مع الحمل إيش الحل ارجوووووكم
شوفي حبيبتي عارفة شعورك بس احب اقولك ترى مليون بالمية طبيعي دام الجنين نموه وتطوره زين و دام تحاليلك سليمة
وطبعا انتي اكلك قليل بالاضافة الى نفسيتك تعبانه شوي فشي طبيعي تنزلين انا وحده كذا الحمل بالنسبة لي كانه شي لتخفيف الوزن بحملي الاول الاشهر الثلاثة طبعا لا اكل خير شر ونزلت ما يقارب ال ٥ كيلو او حتى يمكن اكثر بعدها ما ادري بس ما زدت ويمكن نزلت كم كيلو المفاجئة نزلت من سرير الولادة باربي ملابس اللي قبل الزواج واسعة علي لووول وحملي هذا كمان نزلت بالاشهر الاولى والآن انا بالشهر الرابع ولا ربع كيلو زدت بس اللي لاحظته انا صح اكل وكثير بعد بس اغلب اكلي فاكهة و سلطة خضرا و زبادي و وجبة اساسية و اخذ فيتامينات الحمل بس شوي خفت وسألت وقالوا لي كل شي طبيعي و الجنين نموه ممتاز و بصراحة شعور حلو احس اني صحية العبرة مو بالزيادة اهم شي الصحة وترى ما ورى السمنة في الحمل الا المشاكل والطبيعي ان الوحدة تزيد من 11-18 كيلو غرام تقريباو اغلب هالزيادة المفروض تكون بالاشهر الأخيرة بس احب انبهك لشغلة حبيبتي حاولي تغيري نفسيتك شوي اذا زوجك صار عنده اجازة حاولي تطبخين وتاكلوا مع بعض حاولي تروحين لاهلك و تجلسين كم يوم نوعي بالاكل يعني سلطات فواكه زبادي شوربات مكسرات يعني نوعي وغيري روتينك و حافظي على تناول الفيتامينات وانبسطي بهالفترة الحلوة و شيلي خرابيط الناس من راسك و سالفة الوزن من بالك لان عمر زيادة الوزن كانت تدل على حمل صحي وربي يفرح قلبك بشوفة جنينك سليم ومعافى واعتذر عن الاطالة |
رد: وزني نازل مع الحمل إيش الحل ارجوووووكم
حبيبتي البريد الملكي
انتي تقولين مو مهم الزياده .. بس انا وزني نازل عن الطبيعي عارفة وزني المثالي المفروض 63 و وزني قبل يعتبر المثالي الأقل مو الاقصى الحين عندي عدم تناسق و زني اقل من الطبيعي بكثير هذا وانا حامل يعني لاتنسي حجم البطن والجنين والماء اللي حوله فرضا هذا اخذ كله 2 كيلو يعني وزني صاير 43 من دون الجنين يدي عظم زي العصا صايرة والله ما ابالغ وزوجي يوم اجازته يصوم كل هذا عشان الرجيم بس يوم الجمعه اللي آكل ونفسي منفتحه لأننا نروح لأهله وإذا ع الحليب والزبادي والفواكه آكلهم بس مهما كان الوجبه الرئيسيه اهم منهم هذي مكملات وزني مو.صحي اببببد يعني مو.مثل ماتقولي صحة .. إذا الممرضه تضحك والدكتورة تستحي تقولي شي لأن زوجي معي بس اللي تقوله المفروض يزيد وزنك. يمكن لو.زوجي مايدخل معي بتهاوشني |
رد: وزني نازل مع الحمل إيش الحل ارجوووووكم
هلا حبيبتي ..ﻻ تتضايقييين ولا شي حاولي تسلي نفسك ب اي شي حرام مرحلة الحمل مره حلوه
حاولي تلتقين مع الناس واهلك علشان نفسيتك تصير احسن وتروقي وتفتح نفسيتك اذا كان معاك احد ولا تنسي ترا يأثر ع الجنين إذا كنتي متضايقه وهبككك ...بالنسبة لوزنك عاادي لا تزعلين يابعدي بس لازم تاااكلي ..لازم يكون معاك احد علشان تنفتح نفسيتك إذا قصدك ان ماتحبي تاكلي الا لانه ما معك احد ...او اذا كان هالشي من الحمل إن شاءالله ماتتطولين وبعدين نفتح النفسيه ..بس اهم شي لاتزعلين نفسك ..ودلعي نفسك بالاكل والحركاااات والحلويات والحليب ...لاتتهملين فديتش.. وبالنسبة ل مكمل الغذائي لاتأخذينه الا بأستشاره دكتورتك وإالله يتمم لك على خييييير ويسهل عليك وعلينا يارب |
| الساعة الآن 06:07 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .