|
رد: حكاية زواجك ..أحكيها
:قصة حب من زمن..... فاتن حمامة ....رومنسية للغاية ....وشجاعة في نفس ألوقت
ألحب ..... نعمة .... غاية ألروعة http://t3.gstatic.com/images?q=tbn:A...fIboG_oKwQEyzQ http://t3.gstatic.com/images?q=tbn:A...m4fuDM9J9JAX0L http://t1.gstatic.com/images?q=tbn:A...yY77yL_Oeqvt9w ربي يحفظ ألحلوة ألشطورة |
رد: حكاية زواجك ..أحكيها
انا حكاية زواجي شابة و الحمد لله ربي يدوم عشرتنا و يحفظنا و يرزقنا الذرية الصالحة،،،،،
انا كنت في هذاك الوقت نقرا في الاردن نحضر في شهادة الماجستير و كان الموضوع تاعي الاول على المؤسسات الجزائرية و التجارة الالكترونية،،،، قبل ما نحط الموضوع و الاشكالية بديت نكونتاكتي في المؤسسات و بعث شحال من رسائل الكترونية باش يعاونوني و منهم المؤسسة تاع راجلي كان اول واحد رد عليا و كانت الرسالة تاعو " مرحبا انسة ان شاء الله راكي لاباس حبيت نساعدك و ننصحك على موضوعك اذا تقدري غيريه لان التجارة الالكتورنية لا تتوفر في الجزائر اتخيلي ان معظم الشركات لا تتوفر فيها على الانترنت كيفاش تحوسي يكون عندهم تجارة الكترونية ،،،،،،،،، الخ، طلب مني اذا يقدر يساعدني و اذا احتجت لاي حاجة نتصل بيه في الايميل" امالا كيما كان الحال عاوني و بدلت الموضوع تاعي و مسكين هو اللي وزعلي الاستبيان تاعي و راح اتصل بالمؤسسات و جابلي مواعيد معاهم و من هذاك اليوم و احنا على اتصال و ما شفناش بعضانا كامل الا في اليوم اللي طلب يهدر معايا في الماسنجر قلت يالله و شفتو شافني هدرتا حتى شبعنا و عرفني على روحو هى مهندس معماري و عندي مؤسسة بناء مقاول الله يبارك و بدينا نهدرو شوية على القراية و شوية على الحياة الخ انا اليوم اللي بعثت فيه ايميل كان في مارس و فس جويلية جاء خطبني من كثر ما كنتش دايرة في بالي كامل نهار اللي قالي واقتاش اتجي للجزاءر قلتو في جوان تماك قالي شوفي اعجبتيني و راني حاب نجي نخطب و مانيش حاب نضيع وقتي هههههه انا تخلعت ما كنتش نستنى فيها قلتلو ان شاء الله و ضربت النح قلت هذا يتمسخر على روحو شافني مرة في الكام و ما قسرناش بزاف عجبتو!!!!!! المهم هبطت للجزائر حتى لقيتو عيطلي انا تخلعت قالي صحاباتك اعطاوني التلفون كان عندهم كونتاكت،،،،، المهم هدر معيا قالي ما رجعتيليش خبر قلتلو ما كنتش نستنى قلتلو خليني نشوف العائلة و نردلك خبر ،،،، انا حكيت لماما ماما زعفت قالتلي التهاي بقرايتك كان قعدلي عام و نسوتني انا قلتلها برك خطبة و السيد سيريو. امالا ماما حكات لبابا و بابا سقساني قالي واش اسمو هههه اهنا الضحك انا راجلي اسمو و لقبو كيما واحد المغني شعبي تاع القلال انا ما نعرفوش هاذ المغني ميت،،،،،،بابا كي سمعاسمو مات بالضحك قالي بنتي هذا يتمسخر بيك قالي تعرفي هاذ الاسم تاع من ؟؟؟ قلتلو لالا قالي تاع واحد المغني و قعد يوريهولي في اليوتوب ههههههه انا تشوكيت،،،،، عيطت لراجلي حلفلي بلي اسمو هكذا و تماك قالي باش نبينلك بلي سيريو و هذا اسمي راني نجي نشوف باباك قلتلو اوكي جاء مع صاحبو استقبلو بابا و ورالو الهوية تاعو كارت ايدونتيتي ههههههه و تماك حكى مع بابا و قالو كلش عليه قالو بابا ان شاء الله بابا عجبو و راجلي عجبو بابا و قالو راجلي واقتاش نجيب العايلة قالو حتى نعيطولك ،،،،، امالا باب دار عليه اونكات كبيرة و راجلي كل يوم يقولي واش قال باباك مازال مازال هبلني و هبل بابا و منقعد شهر هكذا حتى شاب راجلي مسكين و جا النهار اللي عيطلو بابا قالو اتفضل مع الفاميليا رانا نستناو فيكم مرحبا راجلي فرح و جاب الفاميليا نهار جاو الاول جات يماه جداه و باباه و هو جداه يماة بابه هايلة الله يرحمها حبتني من الوقت اللي شافتني هي اللي ربات راجلي و هو يموت عليها ،،،،، خالتي بدات تشكر فيا بنتنا قارية شاطرة الله و ووووو راكم تعرفو هههه و تماك جداه مسكينة نطقت حتى وليدنا مليح جينيور " مهندس" انا هي قالتها هكذاك و انا ترتقت بالضحك و خالتي موراها تخزر فيا و تقولي اسوكتي هههههههه و انا و الله ما علابالي ،،،،، كي جاو لبست جوب كحل و بودي بيض و شعري و الله ما رحت للحفافة لميتو و مادرتش كامل الماكياج و الله على الطبيعة مليح امالا عجبتهم و من بعد جا ليا خالي قالي السيد حاب يشوفك بلا حجاب ههههه انا تخلعت امالا جابو خالي و شافتي ياخاه شحال حشمت ،،،،،، نسيت نحكيلكم بلي كي قلت لماما عليه كان حابنا نتلاقاو المالا مي قلت لماما قالتلي ماكاش الخرجة وحدك نجي نعاك سقسات بابا قاللها اوكي روحو،،،،،، مسكين اتخلع كي شافنا هههه رحت انا و خالتي و ماما و اختي غاشي ههههه قسر مع ماما و عجبهوم اما اختي قالتي هذا ما يليقلكش قلتلها علاش قالتلي بزاف سيريو السيد و انت مهبولة ههههههههه قلتلها امالا مازال ما تعرفيهش و درك عرفوه مهبول كتر مني ههههههه الحمد لله،،،،،،،المهم كي جابو خالي شافني بلا خمار شافني و قالي الله يبارك ههه حشمت و من بعد حا خالي قالو هايليك شوف هذي هي و شدني من شعري قالو هذا شعرها ماشي بيروكة هههههههه المهم كي جينا رايحين عيطتلو جداه و قالتلو اعطيني دراهم جبدت دراهم واحد المليون و خمسمية و بدات توزع مدت 100. الف لخالاتي زوج لماما و لجاداتاتي في زوج و مرت عمي و مدتلي ليا خمسمية مسكينة و الله مانيش قادرة ننسى الفرحة اللي كانت في وجهها الله يرحمها كانت طايرة من الفرحة الحمد لله كامل كانو فرحانين و الله ما ننسى هذاك النهار،،،،، المهم موراها بواحد العشر ايام درنا الفاتحة و كنت حابة نخلي الخاتم لليوم العرس علاخاطر دارنا كانو مسافرين امالا هو قالي لالا نديرو حاجة سمبل المهم نلبسلك الخاتم و نزيدو نعاودوها في العرس درنا كلش في الدار ماكاش بزاف الغاشي و جاب لابياس مونتي حاجة صغيرة و شريت الخاتم و لبسهولي و الحمد لله جازت شابة هذا كامل كان في 20 جويلية 2008 في اوت 2009 سوتنيت ماجيستير و جبت الماجستير بتقدير جيد جدا الحمد لله و في 31 ديسمبر 2009 تزوجنا و جاز عرس هايل الحمد لله و رانا عايشين الحمد لله مانقوللكمش جنة راكم علابالكم الحياة الزوجية بصح الحمد لله خير و ربي برك يزيد يرزقنا اطفال و تكمل الفرحة تاعنا،،،،،، هذي هي الحكاية ايا دالتكم بسرعةةةةةةةة،،،،،،،، |
رد: حكاية زواجك ..أحكيها
أووووه تبارك ألله ألسيد طاح فيك لا طيحة ....أمالا أبنيتو ألدار كيفكيف
http://t3.gstatic.com/images?q=tbn:A...NisqcVQP10pmar وإن شاء لله يجيكم ألبشمهندس الصغير http://t2.gstatic.com/images?q=tbn:A...PdwnGY-0Ok9FlQ |
رد: حكاية زواجك ..أحكيها
جا أليوم دوري نحكيلكم قصة زواجي ....كنت سنة أولى تانوي آداب ....شعري صفر عيوني زرق
يعنيييييي....وكان هو سنة ثانية علمي......كان يتمشى مع صاحبو قالو هذييييييك هي مكتوبك..... سبحان ألله كلمة قالها مالكتاب ...كيشافني جا لي المسيو أتاعي قالي تمشي معايا....قتلو لالا ...ألمهم فاتو يامات وعاود قالي ...قتلو لا لاالالا......هذاك أليوم ماعلاباليش واش صرالي ....وليت كل يوم نخمم فيه.....15 سنة ولا قلبي يعشق ...فاتت 10أيام ....رحت ليه قتلو خلاص راني قابلة....ومن هذاك النهار وانا نموت اعليه فاتو عامين تع اليسي واحنا زاهيين العام 3جاب لباك وليت كي لمهبول والفتو معايا ....ألمهم فات ذاك ألعام مر بلا بيه ...كنانتاتبو بالبراوا..... http://t1.gstatic.com/images?q=tbn:A...u3-x59AapNzzO0 ولحقت للجامعة أنا أدب عربي وهو حقوق http://t3.gstatic.com/images?q=tbn:A...iFVx1r_xbiOouQ عشنا فيها يمات حلوين ...وأغلب لوقت ماكانش يجي ...وانا نتعذب كي يدير روحو ماعلابالوش خلاص هو علابالو بلي دارني فالجيب والصيف أتاعي كانت تحكمني الذيقة من ألتخمام وانا مخبية على دارنا كملنا ... ألجامعة ....هودار مقاول ماشاء ألله نجح فيها...وانا وليت انقري..... فاتو عامين ....جا خطبني وكان شرطو نحبس خدمة واندير النقاب http://t3.gstatic.com/images?q=tbn:A...z_pg_Vls3zsT7A يما قاتلي لا لا كيفاه تحبسي خدمة ...وتروحي تعيشي في دار غاشي أنا عرفت بلي محال نعيش بلا بيه ....وشديت فيرايي....كما لقيتش كفاه ندير قتلها راه قابل نخدم وتزوجنا ف2009 ..بعد 9 سنين..... http://t2.gstatic.com/images?q=tbn:A...ICdRSbcldusDKw ودك....رانا نستناو في رحمة ربي http://t0.gstatic.com/images?q=tbn:A...k23IFXxriut1oK |
رد: حكاية زواجك ..أحكيها
موضوع روووووووووعه استمتعت بقرائته
ربي يخليلكم ازواجكم وتعيشووو احلى حياة يارب يستاهل التقييم لي عوووده وحكاية زواجي بحبيبي |
رد: حكاية زواجك ..أحكيها
[IMG][/IMG]
اقتباس:
|
رد: حكاية زواجك ..أحكيها
انا حكاية زواجييي قصة وشمن قصة، المهم انا مغربية وراح احكي مغربي شوي ههه، انا راجلي كان ساكن بحينا و كان صديقو بيدرس معي وكان بيحبني وباغي يتزوجني واخوه الكبير هضر معايا فالهاتف يعني المعقول من بعد زوجي لي هو الصديق ضافني عندو فالمسن علا اساس حابب يتكلم مع صديقتي و صرح لي باعجابو و انا كمان عجبني وبات قصة حبنا الطويلة وخلاص تخاصمت مع صديقو وابتدينا نكلم بعض لمدة عام عالمسن والعام الثاني بدينا نتلاقاو وكنت فنهاية الباكالوريا ،وهو يدرس الاعلاميات والانترت المهم كان معدبنبي كثيررر يخوني ، بس ربي كتبنا لبعض وتجوجنا وبعض 5 شهور من زواجنا ، امو حلفت فينيخلقت مشاكل بيني وبين زوجي ووصلنا للمحاكم والطلاق وتعدبت كثير وانا بدرس وعمري 22سنة بس ربي رحمني وماطلقنا وزوجي فهم الاعيب امي وهلا بعدات علينا الحمدلله وانا عقت بيها وعطيتها التقار، ةالحمدالله كنعيشو احلى قصة حب قبل وبعد الزواج الله يخليه ليا ويعطينا الدراري ياارب
|
رد: حكاية زواجك ..أحكيها
الاعيب امو
|
رد: حكاية زواجك ..أحكيها
كل قصص الحب تمر بصعوبات.....وحبيبك فهم سببها حتى من أقرب ألناس لييه
هوشاطر جابك بحيلة http://t0.gstatic.com/images?q=tbn:A...6qPrwN_2OkSH8Q G] ألله يرزقكم .....عن قريب http://t1.gstatic.com/images?q=tbn:A...M_wipB3xYQukkt |
| الساعة الآن 12:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .