|
رد: اللي مايعلمون بجنس الجنين
شكرًا عالردود بخصوص أنها ماكانت تكذب الدكتوره اللي ولدتها انا قابلتها بمكان وقالتلي انه عارفه من الرابع وفي تقريرها مكتوب وانصدمت لما قلت لها أنها قالت أنها بنت وبعدين انا ماسالتها شنوفيها وبخصوص الأخت ملكتني بهمسك والله زوجها مدرس وراتبه كويس انه يفتحو أكياس القمامة ويأخذوا ملابس بناتي بحجه بالصيف تلبس بناتها لأني الحمد الله اشتري ماركات لبناتي ولما شافتها الشغالة وجاتلي قالت لاترمي الصراحة انا انصدمت في فقراء أولي منهم انا أتبرع بالملابس لهم قالت لا تعجبني ملابس بناتك وهم بخل يشترون بيوت وعماير ومقصرين علي عيالهم الله يستر عليهم
|
رد: اللي مايعلمون بجنس الجنين
عزيزتي انا بقولك شغله بصفة عامة ( ماقصد جارتك لاني ماعرفها ومابتكلم عليها )
لكن من تجربتي بالنسبة للبشر ترا كل واحد يشوف الناس بعين طبعه يعني اللي تحسد الناس وما تتمنى لهم الخير ع بالها كل الناس نفس فكرتها تحسب الناس يحسدونها وغيرانين منها مع ان اغلبهم ماجاب خبرها لكن مرض نفس الله يشافيهم شوفي حبيبتي انتي اذا مارتحتي لجارتك هذي اسحبي عليها او خليك رسمية معاها اللي يريحك منتي مجبورة عليها يعني خلي بينكم حدود ,,, بس نصيحة لا تتكلمين عليها عند احد من وراها ابدا اخرتكم بتتفرقون خلي ذكرك طيب وبخصوص انك جبني بنت الخيره ياعمري فيما اختاره الله بقولك قصة شخصية ع السريع يمكن تسفيدين منها وربي ان جدتي عندها 3 اولاد وبنت وحده ,,,,,,,, اولادها يوم مات جدي الله يرحمه بهدلوها و سحبوا عليها وكل واحد مع زوجته ولا سائل عنها و ما منهم الا الاذى مأذينها في حياتها بكل معنى الكلمة كل ليل المسكينه تنام بحسرتها ودموعها اربع اربع ..... متخيلة عجوز كبيره على اخر عمرها ذاقت الخذلان ومن من ؟؟؟ من عزوتها ... وهي كانت زمان فخوره فيهم تقول الحمد لله معي 3 رجال ما بحتاج لاحد لكن الله المستعان شوفيها الحين مع بنتها الوحيدة اللي هي امي هي اللي برتها وقت كبرها و ضعفها حاجتها .... الخيره في الصالح حبيبتي مايفرق ولد ولا بنت الحمد لله اللي انعم علينا و سبحان الله كيف تغير الزمن ... شوفي كيف امهاتنا وجاراتهم كانوا زي الاخوات ويمكن اكثر ماشاء الله والحين صرنا نقول سكر بابك واعف جارك .... الله يسامحنا ويعيننا ع زمنا يارب اعتذر ع الاطالة |
رد: اللي مايعلمون بجنس الجنين
أنا كمان بتجنن من هل شي زوجه اخويا ع طول تقولي أنا احتمال حامل ببنت ومن اقلها شجيبلك أغراض تقلي جيبي أشياء ورديه ومن زرتهم بالبيت لقيت الملابس والتجهيزات لولد اسئلها انتي بتجيبي صبي تقول لا بس كان عليه تخفيض مع العلم أنا عندي بس بنت الله يحفظها الي عن جد ناس مريضه مفكرين الي جيب بنت بحياتها مجيب صبي واذا مجابته بالناقص كمان ههه
|
رد: اللي مايعلمون بجنس الجنين
خلاص إنتي إحمدي ربج عندج بنات شو تبين بعد بنت ولد شو الفرق أصلا أنا حتى ما أسأل ربيعاتي يعني إلي حامل فبنت بيقصر أجلها والولد العكس؟!! أهم شي خلفتي وحسيتي بالأمومه غيرج ما حس ب هالشي صراحه طفرتونا بنت ولد بنت ولد أخاف يجي يوم تقدسون فيه الولد!! وأنا شخصيبا البنت عندي مثل الماس والذهب و لا قالوا ولد حسيت إنه المشاكل والمرض راح يجي بس دوم لازم نقول الحمدالله والشي إلي تتمنونه خلوه بقلبكم مب كل يوم وحده تكتب خاطري بولد طفرتونا ترى والله العظيم إحنا بشر مب رب العالمين لا بغيتوا شي إطلبوا من الله مب هني وكل هالمواضيع مكرره والله من أدخل قسم أنواع الحمل أتنرفز قولوا الحمدالله أنا لو عندي 20 بنت راح أقول الحمدالله ولا راح أسأل فلانه وعلانه شو فيج لإنه النعمه عندي وألف شكر لله ومستحيل أكتب موضوع كيف أحمل بولد وغيره ولا أهتم ولا أسأل...
|
رد: اللي مايعلمون بجنس الجنين
بالله وش فيهم البنااااااااااااااااااات والله والله يهبلون 000 الله يحفظ لي جوريتي يارب 00 وبعدين حبيبتي اختي الغاليه لاتزعلين من كلامي00 انت وجارتك سالفتكم ابدا مالهامعنى وانتي تحملين على الاربعين بس عشان الولد تتعبين حالك بس عشان الولد والله ان ماراح تنفعك وماتنساك الا البنت لكن الرجل بطبعه قاسي ومايديم لك الا بناتك مااقول الولد شين ومانبيه لا والله لكن يقهروني الناس اللي يميزون بنت ولا ولد عندنا بالسعوديه يقولون اللي يجي من الله حياه الله 00 سواء ولد ولا بنت 00 وبصراحه لاتزعلين ماني شايفه اي سبب يزعل 00 وغير كذا احسك تدورين وراها يوم تقولي سالت الدكتوره 00 خلك اعلى من كذا 00 وافضل منها وزوريها ولاكن شي صاير وخلي علاقتك سطحيه اما انك تتركيها ولاتكلمها عشان ذي السالفه وتقولي تشحذ افا من جد عيب 00 والرسول وصى على الجار 00 واذا هي حلفت كذب ذنبها على جنبها يعني انتي ترفعي عن تافهات الامور 00 ولاتزعلي من صراحتي لكي ودي 000
|
رد: اللي مايعلمون بجنس الجنين
يمكنغلط معها السونار... نحن نحسن الظن وربي شاهد ع كل حد.. وعالم بحسن نوايانا
وربي يرزقك بالولد الصالح |
| الساعة الآن 06:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .