|
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
صرآآآآآآحه البنات كفوا ووفوا ما أأقول غيرر...ربي يسسعدكك ويفرررج همكك وغمكك
وتذككري ............ ((ان مع العسسر يسسسرا)) هاذي بحدد ذآآتها تريحك بآذن ربي^^ |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
اختي العزيزه ليالي حب .
اليك الحل وهو بسيط جدا .طبعا زياده على كلام الاخوات ماقصرو. انتي لازم تتعلمين الصبر الصبر الصبر لان الحياه تبي لها صبر مهما كان الزوج استفزازي صدقيني احيانا زوجي يقول لي كلام او يتصرف معي تصرف ينرفز بس انسى ةاتحمل واتمالك نفسي علشان تمشي الحياه . كلنا يصير عندنا مشاكل مع ازواجنا ومافيه احد مرتاح بس الزوجه الذكيه هي اللي تعرف تخلي الحياه تستمر وتعيش حياتها زي ماتبي. انا فهمت من كلامك ان زوجك عارف انك مالك غيره بالدنيا .لان اهلك مايبونك قصدي زوجة ابوك . علشان كذا هو مأخذ راحته وضامن انك ماراح تتركينه ويتصرف زي مايبي . انتي هنا لازم تحسسيه انك تقدرين تعيشين حياتك زي ماتبين ومن دونه وخاصه اللحين عندك مولود . يعني من اليوم تصرفي معه بثقه بنفسك يعني حسسيه وبطريقتك انك خلاص ملكتي الدنيا من جبتي ولدك وانك تقويتي بإبنك حتى على زوجة ابوك حتى لو تضطرين تكذبين عليه . يعني مثلا قولي زوجة ابوي صارت تعاملني احسن من اول وانا صرت مالقي لها بال وبكذا هو يعرف انك صرتي قويه جربي اختي ولو بالتمثيل انك قويه ولا يهمك احد واسمعي من اذن وطلعي من الثانيه حتى زوجك لو استفزك احقريه ولاتهتمين واقضي اغلب وقتك مع ابنك وبكذا هو بيلاحظ انشغالك بإبنك عنه وبيدور عليك لان الرجل اذا بعدتي عنه قرب منك . وحاولي تكوني حنونه مع زوجك وهاديه وصدقيني هو بيتعلم منك الحنان والهدوء والله يعينك ييي لك وقت وصبر علشان تغيرين من وضعكم الاول ,,,وصراحه اخذيها نصيحه حافظي على بيتك قد ماتقدري . لانك للاسف مالك اهل ترجعين لهم .. الوحده الحين منا اهلها يالله يتحملوها كيف عاد زوجة ابوها ,,,,,,,,, الله يكون بعونك ويفرج همك ويسخر زوجك لك ويوفقك وكرري دائما اللهم اجعل لنا من ذرياتنا وازواجنا قرة عين |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
ما ازيد ع راي البنات
بس يابنتي احسك مكتئبة بزيادة ونفسيتك تعبانة وماستبعد يكون عندك اكتئاب بعد الولادة لانه يغير النفسية ويغير التصرفات وطبيعي ان تغيرتي زوجك يتغير .. وانتي تقولي ماكان كذا روحي لدكتورة تكلمي معاها وشوفي رايها .. ولا تقولي مافيني شي منتي خسرانة روحي لانه شي طبيعي ومنتشر وعادي ماهو مرض ولا شي بس لاتهملين روحك |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
السلام عليكم .. حبيبتي ليالي بتكلم بصراحه ولا تزعلين مني ياقلبي
من ولدتي وانتي تعيدين وتزيدين بنفس الموال ! خلاص ياقلبي تجاوزي هالمرحله خلاص انسي ولدتي قيصري وكبر ولدك حرام عليك للحين تحنين وتزنين انك والده قيصري ، عادي جدا ياقلبي كل النسوان يولدون قيصري ايش صاير بالحياه واذا عمرك ٣٠ !! تعتبرين صغيره ليش انتي مكبره نفسك ؟ فيه بنات عمرهن ٣٠ وتوهن يتزوجن وعادي جدا .. شي ثاني انتي مازلتي تعيدين وتسبين ف زوجه ابوك ؟ ياقلبي خلاص حرام عليك اعتقيها لوجه الله لو هي سيئه صيري احسن منها واذكريها ب الطيب .. نجي لزوجك .. يعني مايصير تشوفين نفسك على زوجك ، واذا جامعيه وجميله ؟ الدراسه والجمال ماتسعد الانسان والرجال مايدور وحده تشوف نفسها عليه .. يدور وحده حنونه وقلبها طيب وتحتويه ، شوفي نفسك دايم تنتقصينه عشانه عسكري !! واذا كان موظف قد حاله مو مهم ترا .. لا تخلين نظرتك قصيره وصغيره ، غريبه انك جامعيه وتفكيرك بالطريقه ذي !! المفروض عشانك جامعيه ومثقفه تكونين اكبر من هيك حبيبتي .. انا شهادتي اعلى من شهاده زوجي ، واصغر منه بواجد .. واجمل منه ، لكن عمري مافكرت اقول هالكلام عن زوجي ، لانه عندي اكبر وارفع من هالسواليف احبه واعزه ولا شهاده ولا جمال ولا شي بالحياه ينزل من قدره .. لا تقارنين زوجك بنفسك ابدا .. لا تقولين له انا جامعيه وانت عسكري .. لا تحسسينه انك شايفه عمرك عليه !! طبيعي يعايرك ف اهلك وانتي شايفه حالك عليه ، يعني تستنقصينه ولا تبينه يستنقصك ؟ والزوجه دايم توطي صوتها عند زوجها وتراعيه وتدير بالها عليه .. وغلط غلط تتكلم عنه بالشينه وتطلع عيوبه مايصير كل مره تقولين انه مدمن العاده .. زوجك ذا لازم تكونين ستر وغطا له ! جمعتكم كلمه الله .. واستحلك بكلمه الله .. ونمتم علي مخده وحده ، ماعاد فيها انا وهو صرتم واحد وبينكم طفل بعد دايم استري على زوجك وقابليه بوجه حلو وسمح ، وان غلط عليك اسكتي ولا تغلطين بينكم طفل وانتي ماتبين الطلاق خلص عيشي مع ولدك وانبسطي بحياتك وخليك من هالسوالف اللي مالها داعي .. وطليقه زوجك المفروض ماتجيبين سيرتها ابد.. يعني تذكرينه فيها ويقعد يقارن بينكم .. وترا مو عشانها مو جميله ولا متعلمه معناته انتي احسن منها ، لا ابدا ابدا انتي غلطانه .. ممكن هي افضل ب صبرها وتحملها وامور كثيره ، الجمال ماهو مقياس ابدا .. وتراك كذا اغتبتيها وذنب الغيبه عظيم فيه كلام واجد ودي اقوله .. اخت تقوله لاختها .. صعب تعيشين حياتك كذا وصعب زوجك يعيش معك وانتي كذا وصعب على ولدك بعد غيري نفسك .. اللي راح راح لا تجلسين تعيدين وتزيدين فيه ، الرجال مايحب الحرمه الزنانه ابدا مايحبها ياليت تقرين كلامي وكلام الاخوات وتاخذين العبره منه ، لاني الاحظ الكلام اللي مايجي على مزاجك تطنشينه وكنك ماقريتيه وهذا غلط الله يسعدك ويوفقك ولاتزعلين مني .. |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
الله يفرج همك ويشرح صدرك البنات كفو
|
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
اخت ليالي الله يسعدك ويهدي بالك وبال زوجك.
اولا حبيبتي لا تقارني بينك وبين زوجتو الاولي ولا تفتكريها ولا بينو وبين زوجك الاول ولا تفتكريه هي صعبة ولكن بالعشرة مع زوجك ومع السنين بتنسي. ثانيا هي اية ظروف زوجك وسبب طلاقه وهل عندو اولاد من الاولي وكيف كان تعاملو معاها كل دي اشياء مهمة حتفيدك وىخليكي تعرفي اذاي تعامليه واوعي تحسسيه انك افضل منو ايااااااكي. حتي لو بيعشقك ممكن يكرهك بسهولة الراجل يحب يكون الاقوي والافضل دايما . انتبهي لبيتك وزوجك حافظي عليه .خاصة انك عندك زوجة اب وبناتها ماحيتحملوك ولاانتي حترتاحي اذا لاقدرالله رجعتيلهم.صح وبالنسبة للعادة اللي عند زوجك حاولي وهو في البيت تشغلي قناة دينية وعوضيه عنها بطريقتك يعني انتي سويهالو فهمتيني وعفوا اني وضحتها ولكن لتفهميني اش اقصد.وما تنهريه وتقوليلو انك عرفتي عشان مايعاند ويزيد واخير وتلله ان السعادة ممكن احنا نجيبها لفسنا وممكن احنااللي نبعدها.واشغلي نفسك مع طفلك وانسي مشاكلك معاه حتلاقي الحياة احسن اشوية وحتتعودي .وسوري لاطالتي ولكن لحرصي ان بيتك مايدمر حبيت اوعيكي .خدي بالك |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
اختي قل مايصيبنا الا ماكتب الله لنــــــــــــآ... هذا نصيبك
وبالنسبة لزوجك ربي يهديه ويصلح حاله |
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
جزاكم خير ..كلامكم سليم .ماازعل بلعكس في اشياء افادتنى ..
|
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
الله يسعد روحك حبيبي ويبلغك منتهى الراحة يارب
|
رد: ندمانه انى طلبت قيصر وتصرفات زوجى ندممتنى اكثرر؟!!...وفقكم الله
الأحبة كفو
احسسيه بأهميته تتبعي. كل مايحبه حاولي ان لاتقع عينه على مايكره وبما انه وحيد امه عاملي امه بحنية وحب حاولي ان تتقربي منها الدعاء الدعاء الدعاء وماتدري بما صنع الدعاء صلاة الليل تصنع لك المهابة. حفظك الله واصلح شأنك |
| الساعة الآن 04:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .