منتديات حوامل النسائية - الفشل المتكرر لعمليات أطفال الأنابيب وسبل التغلب عليه

السلام عليكم اخواتي العزيزات
وتقبل الله صيامكم واعانكم ع طاعته
انا لافيه جديده لهالمنتدى الرائع وهذا ثالث موضوع اكتبه
ووجدت بهالمنتدى حاجتي ولله الحمد كثير من التساؤلات لقيت
لها اجابات من مواضيعكم الرائعه والحمدلله استفدت كثير
انا اللحين بحكيلكم قصتي ومشواري مع تاخر الحمل
انا ماعندي اي مشكله انا وزوجي تمنع الحمل الحمدلله
اللهم ضعف بسيط بالتبويض ويتعالج بالمنشطات عملت
اكثر من كورس تنشيط وابره تفجيريه والحمدلله ربي
مااراد لي الحمل بعدها قرر زوجي نسوي طفل انابيب
اختصارا للوقت والفلوس وسويتها المره الاولى بالحبيب
عند جوهرة المطوع وكان كل شي الحمدلله تمام وانا كنت
من قبلها مسويه الاشعه الصبغيه والحمدلله الانابيب عندي
سليمه بس طلع عندي ورم ليفي صغير حجمه 2 سم
وقالت لي دكتوره الاشعه ان عندك لحميه قلت الكلام هذا
لدكتورتي جوهرة المطوع ردت علي ان اشعتك مو مبين فيها
وجود لحميه وان الورم مايمنع العمليه (طفل الانابيب)
لان حجمه صغير ومو ماثر وتوكلت ع الله وسويت العمليه
وبصراحه سويتها وانا مومقتنعه لاني كنت اظن طفل الانابيب
لمن عندهم مشاكل تمنع الحمل الطبيعي وانا الحمدلله
ماعندي اي مشكله الموهم عطتني كورس تنشيطي قصر
وسحبو مني 7 بويضات ورجعولي 3 الغلط انها ماقالتلي
بعد السحب رح اكتبلك ع تحاميل تاخذيها من بعد السحب
قالتلي النيرس صيدليه بس كنت اعتقد مسكن عشان الالم
وطنشت ولم جت ترجعلي البويضات قالت في سوائل
بالرحم كثير بس قالت عادي مايضر ان شالله توكلي ع
الله ووبعدها داومت وصراحه ماريحت ونزلت علي الدوره
بالاسبوع الثاني وماحملت ورحت للدكتوره قلت لها بريح
كم شهر انا لي سنه وانا اخذ كورسات منشطه بريح 3 شهور
واكتبتلي ع فيتامينات وفوليك اسيد واسبرين وكنت ناويه
اسوي دايت وانقص من وزني واشترك بنادي جيم بس ماصار
من ذا ولاشي من ظروف العمل والحمدلله ولما جت الاجازه
نويت اسوي طفل انابيب مره ثانيه عن قناعه بعد ماتاكدت
بالثلاث الشهور اللي فاتو ماصار حمل وهالمره عن قناعه
وسويتها ايضا بالحبيب بس عند محمد بقنه ونفس الشي
منشطات وسحب 7 ورجع لي 3 اجنه بس هالمره عطاني
ابرتين مثبت وحبوب دافستون وتحاميل سايلوجسكت
وبالاسبوع الثاني بدت علامات الدوره تنزل علي وسويتً
امس تحليل دم ومافي حمل وانا وقفت كل المثبتات وبانتظار
تنزل الدوره والحمدلله ع كل حال والله يخلفتي بمصيبتي
بخير منها ويكتبلي الرضا بما قدر علي الحمدلله
ابي منكم النصح وش الخطوة القادمه شورو علي
هل ارجع للدكتور وانابع معه من جديد اوالجأ ل تقنيه اخرى
؟؟؟؟؟مستنيه نصايحكم الله يكتبلنا الخير ويردقنا جميعا
بالذريه الصالحه