المشاركة الأصلية كتبت بواسطة fifi dola (المشاركة 3011949)

السلام وعليكم ورحمة الله وبركاته

اختي العزيزة انا نتابع في لكلينيك تيزيري منذ مدة

اول موعد رايحة تاخذي معاك وثائق :
صورة طبق الاصل لبطاقة التعريف الوطنية نتاعك ونتع زوجك صورة طبق الاصل للصفحة الاولي من الدفتر العائلي واذا كان عندك ملف طبي فيه اشعة صبغة او دايرة من قبل عملية منضار جيبيهم معاك رايحة تكون افضل تنقصي علي روحك

اولا رايحين يكونولك ملف ممبعد تدخي للطبيب الي هوما يجهوك عندو و اذا كان عندك رسالة توصية الي طبيب خاص في لكلينيك بعثوك ليه يكون احسن جيبي الرسالة معاك وهوما يوجهوك ليه لما تدخلي للطيب يسالك اسئلة عديدة انتي وزوجك ورايحين ياخذو وزنك وطولك اذا
كنتي زائدة في الميزان لازم تنقصي وترجعي للوزن المثالي

اذا كنتي عاملة اشعة صبغة من قبل مليح واذا معملتيهاش من قبل رايحة تعمليها ممبعد


يمدولك موعد نهار 3يوم من الدورة يعملولك تحليل دم واشعة مهبلية ورايحة ترجعي يوم 14 من الدورة تعاودي اشعة مهبلية في هذا الوقت يمدو موعد لزوجك لكي يعمل تحليل دم وتحليل للحيونات المنوية

لما يوجدو التحاليل والاشعة هما يحطوهم في ملفك الطبي عندهم لان كل التحاليل والاشعة تنعمل عندهم المهم يدولك موعد باش يشوفو التحاليل والاشعة نتاعك ونتع زوجك في هذا الحالة يمدولك دواء علي حساب الحالة نتمني نكون افدتكي بمعلوماتي لاني في مرحلة نتع بداية الابر ادعولنفسي وادعو لكي اختي العزيزة ولكل محرومة بالذرية الصالحة يارب


وهذي هي بياناتهم : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ممنوووووووع وضع ارقام هواتف
الالتزاااااااام بقوانين القسم الله يعطيكم العافية
تكرار هالشي من نفس العضوة يعرضك لمخالفة

المشاركة الأصلية كتبت بواسطة هبة الرحمن (المشاركة 3147069)

بارك الله فيك اختي على المعلومات ...عندي سؤال

شحال المبلغ كله ؟؟ وايضا شحال المدة مابين التحاليل واجراء العملية؟

المشاركة الأصلية كتبت بواسطة loubi (المشاركة 3147103)

راح اجاوبك انا بناءا على تجربتي مع تيزيري
شوفي اختي
المبلغ كله من الادوية الى التحاليل الى العملية كله يصل الى حوالي 30 مليون
يعني كل وحدة و كيفاش
ممكن تكلفك 25 مليون و ممكن اقل شوي و ممكن اكثر شوي
الابر لوحدهم ممكن يكلفوك حوالي 15 مليون
العملية لوحدها تقدر ب 10 ملاين
اظافة الى التحاليل و الاشعة و الادوية
و بالنسبة للوقت بين التحاليل و العملية هي ما تطول حسب الرونديفو .. لأنه راح يكون كلش بالرونديفو و ممكن اول مرة لما تروحي ليهم يعطوك رونديفو على ثلاث اشهر او خمس اشهر .. لخطراش عندهم الغاشي و بالرونديفو الفيزيت
و مبعد كي تشوفي الطبيبة تبدا معاك بالتحاليل و مبعد كي يخرجو التحاليل تبدا معاك بالادوية وو
المهم كي تبداي تاخذي الادوية و الابر يبقالك حوالي شهر باش تعملي عملية الزرع

المشاركة الأصلية كتبت بواسطة loubi (المشاركة 3149226)

ههههههههههه اطباء يخافو ربي هاذي منقدرش نضمنها لك
شوفي انا درتها مرة وحدة و هي عملية اطفال الانابيب و منجحتش على الرغم من ان كل شي كان تمام و فل الفل حكمة ربي سبحانو
كاين بزاف شفتهم معايا نجحت لهم و عاودوها و زادت نجحت لهم
كي كنت ندير فيها في هاذ الكلينيك شفت وحدة سميييييينة توزن فوق 150 كيلو ..انا قلت في قلبي هاذي اكيد مسكينة متنجحش عمليتها بسبب السمنة و حتى البويضات يكونو كلاهم التكيس ... و مبعد كي هدرت معاها قالتلي راني درتها من شهور و نجحتلي و جبت توام بنات و هالمرة راني جيت فيزيت عند طبيبتي لخطراش زدت عاودتها و زادت نجحتلي و راني حامل بتوام اخرين ...ماااااا شااااء الله .. يعني شوفي هاذي حالة من الحالات سمينة بزاااف و التبويض عااالي و نجحتلها بكل بسااااااااااااطة مرتين ورا بعض
يعني توكلي على ربي الاطباء هم سبب برك و ربي هو اللي يكتب الحمل و ان شاء الله تكوني من اللذين تنجحلهم من المرة الاولى .
و على فكرة الاسعار اللي قالولك عليهم ماشي كامل تاع اطفال الانابيب فالعملية اللي تسوى مليون و نص هي عملية التلقيح الاصطناعي اما طفال الانابيب فهي اغلى منها تصل الى عشر ملاين اما فوووق هاذ السومة ما شفتش فاكيد يكون الحقن المجهري لخطراش تيزيري ما يديروش الحقن المجهري و في وهران ممكن داروه . موووووفقة