المشاركة الأصلية كتبت بواسطة زهرة الكميليا (المشاركة 2969046)

اختي الحبيبه انااا ماعندي خلفيه عن الابر ولله الحمد بس
عندي نصيحه وووايد راح تنفعج


استخدمي حبوب الفيتكس وايد تساعد واحسن عن الكلوووميد

والحبوب عبارة عن اعشاب ومفيدة جدا للمبايض

ان شاء الله اكووون فدتج

الله يرزقج ياحبيبتي وتقر عينج بالحمل وبشوفة ضناج

المشاركة الأصلية كتبت بواسطة قدعه (المشاركة 2969469)

الحمدلله
انا استخدمت الابر 4ايام ثم ضاعفت دكتورتي الابر ابرتين يوميا لمدة 3 ايام
والان انا بايام التبويض اسالله ان ينقع بها دبعا الالم الجسدي بعدها لايوصف الم الم الم بجنبي شديد

المشاركة الأصلية كتبت بواسطة saleha (المشاركة 2969708)

اشكرك يا حبيبتي على هذا الموضوع ..

انا الصراحه لسى مااستخدمت الابر ..

الشهر اللي فات اول مرا اخذ كلوميد بس كان تبويضي متاخر والحدلله كانت بويضتين حجمهم حلوه وحده 20 والثانيه 19 طلبت منها ابره تفجيريه قالت لا لان عندي كيس حجمه 4 سم قالت خليها تنفجر من نفسها احسن ورحت لها بعد يومين قالت في وحده انفجرت والحمدلله كنا مواضبين على الجماع وكنت متأمله لانها قالت في امل تحملي ..\

وللاسف امس جاتني الدوره الحمدلله منتظمه نفس موعدها مع انه الشهر اللي فات تقدمت ودا الشهر جات في نفس موعد تقديم اللي فاتت ...

بس حبيبتي بسالك اذا التبويض متاخر لازم الدوره تتاخر لان تبويضي كان السبت اللي فات وكنت متوقعه انها تتاخر ...



ووش رايك ذا الشهر اخذ كلوميد والا ابره اش تنصحيني ..

واذا عندك معلومات عن التكيس اعطيني لان هي قالت بينزل مع الدوره واذا ما نزل بتعطيني تحميله تنزله << عندك معلومه عنها .. لاني مرا متخوفه



وربي يعطيييكي الف عااااااافيه ...

المشاركة الأصلية كتبت بواسطة حياتي توأمي (المشاركة 2968642)

صباح الخير يا أحلى بنوتات المنتدى

بنات حبيت أطرح هذا الموضوع بخصوص الأبر المنشطه ..
يعني كثير شفت ردود من بعض الأخوات اللي تقول مانفعت معاها تلك الأبر وبدون طرح اسباب عدم نفعها !!! طيب ممكن توضحيلنا أكثر . بمعنى :
لما خذيتي هذه الأبر هل تابعتي تبويضك ؟؟
هل كان تبويضك ممتاز ؟؟
أذا تبويضك كان ممتاز كم كان حجم البويضات وياريت لو تذكرين اذا كانت اكثر من بويضه كذلك ؟؟
......
بالرغم من كل اللي سبق لم يصير حمل ؟؟ بمعنى :
اذا كانت كل التساؤلات السابقه اجابتك كانت عليها (نعم ) بمعنى تبويضك ممتاز وكل شيء تمام . هل حدث معاكي حمل ؟؟ اللي صار معاها ونجحت معاها الأبر المنشطه وحملت ياريت تسردلنا كيف كانت بويضاتها ؟؟ حجمها ؟؟

واللي كانت اجابتها نعم تبويضها كان ممتاز وتمام لكن لم يصير حمل ؟؟
طيب حبيبتي ممكن تقوليلنا الأسباب بمعنى :
هل في تلك الفتره لم يصير جماع بالوقت المطلوب هل زوجك كان بعيد عنك هذه الفتره ؟؟
بعض الأجابات راح تكون طبعا كان تبويضي ممتاز لكن أرادة رب العالمين انه مايصير حمل والنعم بالله هذه اجابه ثانيه وقدر الله وماشاء فعل ..
احنا نبغي الأسباب الثانيه اللي انتي عارفتنها .. بمعنى :
انتي خذيتي هالأبر وماصار تبويض في الحجم المطلوب هذا سبب من أسباب فشل خطه الأبر لأن الأبر هي حافز تكبير البويضه بحجم ممتاز وبالتالي تعطيكي الدكتورة ابره تفجير عشان البويضه تنزل وتكون متهيأه ومستعده للتلقيح ..
بنات أتمنى تفهمون شو الفكره من هالموضوع
يعني أنا تجربتي السابقه راح اقولها لكم مع أن الأغلبيه عارف قصتي بحملي التوأم اللي قبل 6 سنوات لكن راح أكررها عشان الكل يستفيد من تجربتي
.. بنات أنا لما تزوجت قعدت 4 سنوات بدون حمل طبعا انتو عارفين انها مده طويله خاصه أن كان اخوان زوجي تزوجوا وأنجبوا وظليت انا قلبي مكسور وحزين .. طبعا خلال فتره 4 سنوات كنت آخذ الكلوميد ومافادني بشيء بل بالعكس زاد التكيس فيني .. وبعدها قررت اقطعه وسألت عن دكتورة شاطره .. وكنت أول مره آخذ معاها علاج كورس بالأبر وسبحان الله حملت بنفس الشهر اللي خذيت فيه تلك الأبر .. بجانب قيامي لليل ورجائي لربي يرزقني بطفل يملأ حياتي بالفرح وبجانب الصدق بنيه الحمل صدقوني بنات ترى الصدقه تأثيرها عجيب سبحان الله
و طبعا كان تبويضي جدا ممتاز وكانت أكثر من بويضه وحملت بأحلى توأم ربي يحفظهم يارب ... ربي عوضني صبر 4 سنوات الحمد لله رب العالمين حمدا كثيرا
ومن بعد التوأم قررت انا وزوجي مايصير حمل حتى توأمي يكبرون وياخذون حقهم بالرعايه .. أنا ماكنت آخذ موانع حمل بس كنا نمنع الحمل بطريقه طبيعيه .. يعني زوجي يتصرف ويقذف خارج الرحم ..
طبعا عيالي الحين كبروا وكملوا 6 سنوات .. وقررت انا وزوجي نخطط للحمل مره اخرى ..
والحين من شهرين فقط واحنا نحاول بس ماصار نصيب طبعا كنت اتناول الكلوميد اللي انا متعقده منه .. ومافادني بشيء ..
غيرت دكتورتي الشهر اللي فات وطلبت منها انها ماتعطيني كلوميد لأنه ابدا مانفع معاي وقصتي معاه طويله قبل حملي الأول .. طبعا هي أيدت كلامي بشده خاصه اني شهرين اللي فاتوا كنت آتناوله ومافادني ..
عذرا عالأطاله بس حبيت اسرد قصتي مع الأبر وكيف اني استفدت منها بفضل الله سبحانه وتعالى
.. حاليا انا لي رابع يوم للدورة الشهريه وانتظر سادس يوم عشان ابتدي العلاج بالأبر المنشطه
ادعولي بنات تكون نتيجتها نفس ماكانت أول ماخذتها قبل 6 سنوات وحملت عليها يارب يارحيم ارزقني ولاتحرمني يارب .. لأن انا اصلا عندي تكيسات بس على كلام الدكتورة ان التكيسات خفت لأني اتناول الكلوكوفاج من فتره طويله ...
بنات نرجع للفكره من الموضوع
ياريت يابنات تجاوبون عالأسئله اللي سبق وذكرتها بأول الموضوع .
وتشرحيلنا أسباب عدم حملك بالرغم من أخذك اللأبر المنشطه .. بمعنى :
هل تابعتي تبويضك واذا كان ممتاز ماهو العائق دون حصول الحمل ؟؟ أن وجد
واذا كان كله تمام وتبويض ممتاز وصار جماعه بالفتره المطلوبه وماحصل حمل معناته رب العالمين بعده ما أذنلك بالحمل ...
طيب ياريت لو تذكرين لنا اذا خذيتي هالأبر وان تبويضك ماتأثر تأثير ايجابي هذا كذلك سبب آخر لمنع حدوث الحمل ..
ياريت بنات تفيدونا بتجاربكم مع الأبر مع الشرح عشان نستفيد ..
وربي يرزقني واياكم بأحلى بشاره في هالسنه قولوا آآآآآآآآآمين

المشاركة الأصلية كتبت بواسطة amani_nor (المشاركة 2969855)

أختي عملت تحليل huhner? يعني اللي بعد الجماع و اللي الهدف منه ادا فيه حيوانات منوية داخل الرحم....و ادا كان الجو مناسب يعني غير حامضي....و ربي يرزقني و اياك