|
رد: بنتي مالها شعر
تسلمون ماقصرتو عاد انا ماهمني بس كل من شافها يسالني ماطلع لها شعر للحين وانا اتضايق
|
عندي الحل وان شاء الله تدعي لي لأني مجربتها
مرحباً كيف حالكم بقول تجربتي مع بناتي. hwaml15 أنا دائماً أجيب عيالي شعرهم يكون خفيف لدرجه الي يشوف هم يقول صلعان ما فيهم شعر بنتي الكبيرة استخدمت لها روب (زبادي) واخلطه مع زيت زيتون وحبة البركة مطحونه (سويده) أو الحبة السوداء واخليه ع شعرها ساعه أو ساعتين بعدين اغسله وإذا غسلته أحط لها الكريم الأبيض الي علبته زجاج شفافه وصاير شعرها جنان وبعدي إلى الحين استخدم لها الروب بس الحين برد انتظر يجئ الصيف عشان ارجع أحط لها بنتي الثانية الحين عمرها 4شهور ومن جبتها وشعرها أخف من أختها استخدمت لها مرة روب وبعدين دخل البرد وتركته قلت لازم يطلع لها شعر لانها بنت وحتى لو لبستيها رطبات لازم يكون فيها ع الأقل اشوي شعر يخليها أحلى عاد أنا ما اصبر لين يجئ الصيف واحط لها روب قمت وخلطت زيت زيتون مع حبة البركة المطحونة واحط لها وماشاء الله اشوي طلع شعرها ترى فائدته. انه يطول الشعر ويغذيه وحتى أنا أحيانا استخدم هال طريقه لشعري والله عن تجربه |
رد: بنتي مالها شعر
يعطيك العافيه
لان بنت حماتي كذا وتعبت مع بنتها على 6 شهور بداء يطلع شعرها وصفه روعه سلمتي |
رد: بنتي مالها شعر
اقتباس:
يسلمك ربي يالغلا |
رد: بنتي مالها شعر
انا بعد ولدي نفس الشي والحين دخل سته شهور طلع شوي بس باقي احسه اصلع
لان الشعر لونه اشقر كانه وبر وحواجبه خفيفه كمان |
رد: بنتي مالها شعر
ولد اختي كان اصله وكانت متضايقه من هالشي
قامت الوالده وصارت تزيت شعره بزيت زيتون وتسبحه وهكذا وربي اللحين كانه بنت شعره طول وكثافه ونعومه والكل منبهر من شعره وكثيييير اللي جربوه لاطفالهم ومدحوه ولامنه ضرر على طفلتك لانه خفيف وطبيعي انا اذا ربي تمم لي وولدت على طول باستخدمه له استخدمييه اختي وادعيلي ربي يثبت حملي ويزقني شوفة طفلي معافا |
رد: بنتي مالها شعر
والله بنتي المكان إلي تنام عليه من وراء صلعة
يلا أن شاءالله يكبروا و يطلعلهم أنا أحظلها زيت نارجين بس مافاد بولى شي |
رد: بنتي مالها شعر
بنت اخوي هيييك كبرت وشعرها خفيف
وانا يوم كنت صغيره ما بدا يغلظ عندي الا في اربع سنوات بس انصحك بالخرووع ممتاز خليه على شعرها ساعه قبل الاستحمام لمدة اسبوع او عشر ايام وراح يبين خلال يومين |
رد: بنتي مالها شعر
بعض الاطفال مايطلع لهم شعر اول ماينولدو
وينمو ان شاء الله |
رد: بنتي مالها شعر
مشكورين ماقصرتو بجرب زيت زيتون مع حبة البركه دامنا في الشتاء
والله يثبت حملك ياكتمان |
| الساعة الآن 02:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .