|
رد: كيس على المبيض !!!!
اول مانزلت الدورة علي مانزلت على طول مثل عادتها حمراء
لاء كانت افرازات كثيرة لزجة مثل الماء وبينها خيوط دم وبعد ساعتين واكثر بدا الدم ينزل شوفي حبيبتي انا اعراضي كانت الام ووخز من جهة مبيض اليمين اللي هو مكان الكيس كيسي مائي حجمه 2 سم وكان يزيد كل يومين لدرجة صرفتلي حبوب تسكن لي الالم المهم اول مانزلت ذيك الافرزات اختفت الالام اللي ع المبيض اليمين وكل اعراضي والانتفاخ خف والشد كمان ودورتي كانت فاتحة هالشهر مش غامقة مثل كل مرة واتوقع انها فاتحة بسبب الكيس المائي اللي نزل حاليا وضعي تمام وماشك بحاجة وبنتظر الدورة بتاريخ 16 هالشهر اذا جت بوقتها معناه وضعي بالتمام وماحتاج ابهذل نفسي وكلام دكتورتي كان كالتالي ظهور الكيس المائي لانه تبويضك نشط جدا وبنفس الوقت يوم لقت هالكيس كان فيه بويضة بالرحم حجمها كبير قالت عندك كيس مائي من 2 الى 2 ونص بس ماتخافي ولا شي راح ينزل بعد دورتين او 3 ولو كثرتي شرب ماء راح ينزل بنفس الدورة وهالكيس نهائيا مايأثر على الحمل لانه اصغر من البويضة نفسها حتى على كلامهآ + نصيحة مني تغيري الدكتورة افضل لان الدكتورة الجيدة هي اللي تحب تشرح الوضع كامل للمرأة وزوجها علشان يكونو على بينه ^^ |
رد: كيس على المبيض !!!!
تصدقين ياقلبي اني استغربت لان دورتي اللي فاتت قبل عشر ايام مثل ماوصفتي كانت افرازات لزجه مخاطيه ومعها دم فاتح بس جتني ثلاث ايام ووقفت مانزل معي دم دوره مثل العاده
معقوله ان الكيس كان اكبر من كذا وتقلص حجمه !! معك حق لازم اغير الدكتوره انشاءالله بكره بروح لدكتورتي بمستشفى الملك فهد |
رد: كيس على المبيض !!!!
اقتباس:
وبآخر يومين بتلاحظين انه مثل القطع خفيفة قاعدة تنزل منك بس الدم يكثر اصلا حتى ريحتها وانتي بكرامة ذيك المرة غير :$ عذرا يعني بس حبيت اشرحلك اكثر لأنه انا نفس وضعك بالزبط أنا دورتي كانت 5 ايام هالشهر 3 ايام دم ورابع يوم كدرة وطهرت بنهايته يوم شفت القصة البيضاء هذا وانا يختك حاقنه قرفة وزنجبيل واشياء حارة خخخخخخخخخخخخخخ ماما قالت لي الشتاء دايم غير بدورته تكون دمها قليل مو مثل العادة + مستشفى الملك فهد اي واحد ؟ ^^ |
رد: كيس على المبيض !!!!
يعني تنفع القرفه والزنجبيل
انا اراجع بمستشفى الملك فهد اللي بالرياض الرعايه الاوليه عاد انا سويت عندهم تحليل هرمونات وطلعت التتايج سليمه وسويت سونار بس ماخذت النتيجه لان مواعيدهم بعيده استعجلت ورحت للخاص والله انها خوفتني ع طول انتي بتستخدمي ايه وربي قلت فيه شي خطير خوفتني بس الحمدالله تطمنت من ردودكم وبحثت بالنت عنه وقريت ايش يقولو الاطباء عنه حسيت ان هالدكتوره ماعندها سالفه مع ان اللي يمدحونها كثير >> مو كني بديت احششش |
رد: كيس على المبيض !!!!
اقتباس:
عرفته $_$ يدهرون بمواعديهم :"" الحمدلله اهم شي هرموناتك سليمة الكيس ينزل بعد دورتين ثلاثة مانزل حبوب تنظيم الدورة ينزلها لك لانها مثل المانع بالزبط بس ماتمنع الحمل ^^ + تبغين الصدز ؟ الخاصة ودهم بلهفة الفلوس وبس :) نصب وتحاليل ومدري ايش ع الفاضي :@ بس حنا مانرتاح الا لرحنا للخاص ليش مادري xd |
رد: كيس على المبيض !!!!
هههههههههههه اي والله نبي سريع سريع الله يرزقنا من فضله
بكره من ارجع من المستشفى بقولكم وش صار معي وانا متحمسه للسونار الاول بشوف هو موجود الكيس من اول ولا من استخدمت كليمن |
رد: كيس على المبيض !!!!
الله يشافيك ويعافيك يا رب
|
رد: كيس على المبيض !!!!
من ناحية هل الكيس على المبيض هل يمنع الحمل اقول لكي لالالالالالالالا
انا حملت و معي كيس على المبيض حجمه 7 سانتي و راح وحده مع الحمل يعتبر الكيس الي عندك صغييير يروح لوحده ما يحتاج دواء و كمان ما يمنع الحمل فلا تحاتي |
رد: كيس على المبيض !!!!
ام وليدامييييين يااارب
شمس من جد طمنتيني الله يسعدك دنيا واخره ماتخيلون شلون كنت متضايقه وشلون ارتحت الحين بعد ردودكم ياحبي لكم |
رد: كيس على المبيض !!!!
عظيمه انا صار معي كيس مائي بعد اجهاضي وتعالجت منه واخر سونار سويته عشان اشوف وضعه بعد العلاج قبل شهر بالتمام وكل شيء سليم الحمدلله
شوفي هو مثل ماقالو بعض الاخوات ابد ابد ماياثر في عدم وتاخر الحمل وعلى فكره فيه حريم يحملون ويجيهم الكيس مع الحمل وعادي امورهم ماشيه انا مثلك كان حجمه 3 وقالت ابعطيك دوفاستون وانصدمت كيف تصرف لي دوفاستون اللي عرفته من كثر اسئلتي بالنت استغربو وقالو علاجه حبوب منع حمل رجعتي لدكتورتي قبل ما اخذ الحبوب و سئلتها قلت لها دكتوره الله يعافيك كل ما اسئل شخص سوا دكتور او احد بالنت عن علاجه يقولي حبوب منع الحمل انتي ليه اعطيتني دوفاستون قالت ابد ما اقدر اعالج الخطا بالخطا اعطيك حبوب منع حمل وعالج شيء بسيط فيه وبعدها يتاخر الحمل عندك وتلخبط هرموناتك هالحبوب افضل شيء دوفاستون عشان ينزل كله مع الدوره وفعلا استخدمته 10 ايام وفي يوم الخامس من الدوره سوت لي سونار والحمدلله راح وانصحتني بكثره شرب الماء والمشي وقالت وقت دورتك اشربي قرفه اكثر عشان ينضفه بالكامل وتدري متى يخافون منه على كلام دكتورتي اذا كان حجمه من 5 الى 7 ويزداد في كل مره اتطمني وحاولي تحاورين مع دكتورتك وتكون عندك خلفيه بموضوع مرضك عشان تعرف انك فاهمه مو تفلسف عليك سوري قرقت كثير بس عشان اعلمك لو قالت تحتاجين حبوب منع حمل وتخبرينها على الدوفاستون افضل دعواتك |
| الساعة الآن 06:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .