|
رد: شوفو شو صار معي لما قررت لطفل الانابيب
سلمى العمر شكرا لك ...انا بصراحة تعبت من الدكاترة تعرفت خلال 4 سنوات على اكتر من 8 اطباء والجميع كانو ينصحوني بطفل الانابيب ويقلولي حالتك عقم غير معروف السبب وهي 10% من المتاخرات بالحمل .. وانا تعبت من هالكلمة صراحة لما قالي الدكتور اعملي تنظير بطن وتنحل مشكلتك ماشجعني ابدا على طفل الانابيب مع اني رحت لعندو كرمال ساوي طفل انابيب يعني كان شجعني ليربح ... هو نصحني بالتنظير وقالي بدك تساويها بالمشفى عندي بدك برا باي مشفى حكومي عندو 35000 ليرة وقرايبتي عملتا ب 15000 ليرةبحكومي بس من سنة بس ان شاء الله رغم تكلفته العالية رح اعملها عندو لانه اضرار العملية صعبة بتسبب التصاقات وخصوصي اضرار البنج لذلك خليي يكون اختصاصي افضل وتعبت بصراحة مالي مستعدة ارجع اروح عند دكاترة ويقلي مافيكي شي صرلي 4 سنوات مافي شي ومافي حمل لايمتى بدي استنى.....
بعرف دكتور محمد طباع هو رفيق ابي من الروح للروح بس مو مختص نسائية هو طبيب عام فقط مابعرف ازا نفس الشخص ولا مو هو واللي بعرفو انه مرته طولت لحملت واكتشف حالتها بالسعودية انه معها هرمون حليب زايد ..وتعالجت وحملت.وعرفت انه نزل لسوريا واستقر بس هو ولا ماهو مابعرف شكرا لمعلوماتك المفيدة وانشالله الله يحققللك اللي تريديه |
رد: شوفو شو صار معي لما قررت لطفل الانابيب
orchid حبيبتي عطيني معلومات شو بتعرفي عن هالموضوع واي معلومة عن التنظير انا بحاجة لها وعنجد الكل شجعني عليها وقال هيا متل اشعة الصبغة او الصورة الظليلة انه بتسلك وبشيل الالتصاقات فيحصل حمل باذن الله انا بانتظار معلوماتك وبخبركن ان شاء الله بكل جديد معي
موفقة اختي والله يعطيك ويعطينا الذرية الصالحة |
رد: شوفو شو صار معي لما قررت لطفل الانابيب
ان شااااء الله تتعالجي وتحملي باذن الواحد الاحد
|
رد: شوفو شو صار معي لما قررت لطفل الانابيب
ليمونه الدكتور محمد الطباع اللي اقلك عنك اختصاصه نسائيه و هو دكتور محاضر بجامعه دمشق مختص بامريكا و تشخيصه ممتاز... وقت سالته عن تنظير البطن هو قلي اذا عندك اي مشكله فالحل طفل الانابيب فلا تعرضي حالك لعمليه بجوز ما تفيدك ابدا... يمكن لان زوجي عنده مشكله و ما تنحل غير بطفل الانابيب فلهيك ما شجعني اعمل عمليه يا رب يصير خير معك و خبرينا عنك
|
رد: شوفو شو صار معي لما قررت لطفل الانابيب
اختي منظار البطن هو عملية جراحية تتم على مستوى اسفل البطن
بعد التخذير الكلي يتم فتح ثلاث فتحات كل وحدة بمقدار 1 سم فتحة في السرة من اجل ادخال الكاميرا و فتحة جهة المبيض اليمين و فتحو جهة المبيض اليسار و ممكن يستدعي الامر كذلك فتحة اخرى جهة عنق الرحم و هالعملية مهمة كتييير من خلالها يتم كي الاندومتريوزس اللي هي بطانة الرحم المهاجرة ..و ايضا يتم نزع الالتصاقات والاكياس واصلاح الانابيب وووو .. وهي عملية شوي مكلفة و تستغرق حوالي ثلاث ساعات الى اربع و لازم تنامي اول يوم بالمستشفى و بكرة تخرجي ..وبعد حوالي اسبوع يتم نزع الخياطة و الجرح راح يخف بسرعة .. و الحمل بعدها يحدث خاصة في خلال الثلاث شهور الاولى اذا ربنا اراد .. او ممكن يكون بعد ست شهور .. ولكن اذا مرت سنة من غير ما يحدث حمل فمعناتو انو السبب مازال موجود . كثيرات حدث لهم الحمل في الشهر الاول ..بس انتي قلتي قريبتك كل ما تعملها تحمل و انا لااااااا اعتقد انها عملت منظار البطن لانه ينعمل مرة وحدة بس و هو صعب و مكلف و جراحي كمان ..فممكن انتي تقصدي انها عملت اشعة الصبغة و الله اعلم ربنا يسهلك امرك و تحملي يااارب |
رد: شوفو شو صار معي لما قررت لطفل الانابيب
شوفي اختي لوبي كفت ووفت وفيه معلومات اكثر
بس انا التنظير اللي بيسويه لي الطبيب مو منظار رحمي جراحي * قال الدكتور منظار داخل الرحم وانا صاحية وفيه بنج موضعي اللي هو الفولتارين قالي الطبيب راح نعالج لك سماكة الرحم ونفتحلك الانبوب الايسر لانه مسدود بسبب التهاب ونزيل الحويصلات اللي موجودة على المبيض * انا هذي حالتي . قالي اول ٣ اشهر لو ماصار حمل يصير نستخدملك كورس التنشيط عشان الحمل ! لازم يصير حمل اول سنة من بعد المنظار يصير ننتقل للتلقيح الصناعي او اطفال الانابيب وعندي اضافة التنظير البطني غالباً يجي معاه التنظير الرحمي يصير يسويلك ثلاث فتحات والمنظار الرحمي يغني عن الفتحة اللي جهة عنق الرحم |
رد: شوفو شو صار معي لما قررت لطفل الانابيب
بعدين ياحبيبتي لاتخافين وربي الحمدلله عرفتي مشكلتك
الحمدلله بتعالجين وباذن الله الاسباب اللي تعيق تعشيش الاجنة في رحمك بتروح بمجرد انها تسوين المنظار وياااااااااااارب يرزقك بتؤام ولد وبنت يارب اهم شي خليك متفائلة ولاتفكري كثير بالمموضوع |
رد: شوفو شو صار معي لما قررت لطفل الانابيب
تسلمولي جميعا لردودكم التشجيعية ومعلوماتكم القيمة ودعواتكم جد تفائلت وقلت واخيرا حدا حاسس فيني ويدعيلي ويشجعني انا رح اخبركم شو بصير معي اول باول والله يرزقني وياكم بالذرية الصالحة يارب....
|
رد: شوفو شو صار معي لما قررت لطفل الانابيب
مافهمت تنظير يعني ايش؟؟؟
|
رد: شوفو شو صار معي لما قررت لطفل الانابيب
انا بنصح كل وحدة عندها بطانة رحم هاجرة تستعمل وضعية السجود بالجماع بقولوا بتزبط وبصير حمل
|
| الساعة الآن 05:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .