رد: اجهضت بعد فرحة اسبوعين الحمد لله على كل حال
 

حبيبتي .... انا بعد مثلج اجهضت هالاسبوع كنت حامل في شهر واسبوع بس للاسف ماكمل وهذا الاجهاض الثاني لي بس الحمدالله على كل حال ...
اول شي نزل علي كدره وعرفت انه شي مب اوك وبعدها ب ثلاث ايام بدا النزيف
الحمدالله انا حاليا فاليوم الرابع من الاجهاض بس احس الدم بدا يخف وماعرف لو هاي طبيعي او لا؟
بس عن نفسي انا حاولت ماجهد نفسي هالفتره وخذت اجازه من الدوام عشان اريح ظهري شوي وحاولي ماتشيلين اشيا ثقيله كلش
واكثري من الخضروات والفواكه والماي ولو عندج حبوب فيتامينات حبه باليوم تعطيج اللي ناقصج من النزيف
وداومي عالاذكار الصباح والمسا وعالرقيه وماي زمزم
في شي بغيت اقولج اياه وايد مهم انه دم الاجهاض هذا مايمنع الصلاه والصيام والجماع !!! لانه علي حسب فتو{ الشيخ بن باز انه لو الاجهاض قبل 3 شهور يعتبر دم استحاضه وبعد ال3 شهور يكون نفاس
ف دم الاستحاضه مايمنع الصلاه بس لازم تتوضين قبل كل صلاه وتغيرين الفوطه مع كل صلاه عشان تكونين نظيفه وبالنسبه للجماع مش حرام لانه قلت لج مو دم نفاس بس الاحسن بعد مايوقف الدم عشان مايصير التهابات يعني بعد اسبوع او عشر ايام

والدكتوره قالت لي لازم انتظر دورتين بعدين احاول الحمل مره ثانيه والله يعوضني ويعوضج يارب
لاني مع الاجهاض الاول والثاني كان بس شهر فالدكتوره قالت لي سبب الاجهاض هالمره احتمال كبير لانج ماريحتي عدل من اول اجهاض لج

والله المستعان

رد: اجهضت بعد فرحة اسبوعين الحمد لله على كل حال
 

الحمد لله على سلامتج ياقلبي والله يعوضج ان شاء الله بأقرب وقت وتفرحي ويتمملج على خير يارب
لاتزعلي روحج وانتبهي لنفسج وصحتج اهم شي عشان بس تخلصين الاربعين وانتي بتمام الصحه والعافية وصبري لج شهر شهرين وبعدين احملي كا ردتلج صحتج عدل وصرتي احسن
انا سقطت اكثر من مرة والحمد لله على عطية رب العالمين يستمر معي الدم حوالي شهر او اقل بس مو وايد يعني وسط ولحد ما اخلص الاربعين ترجع حياتي عادي بس اهم شي صحتج كلي عدل و تغذي غذا صحي عشان يقوى جسمج وماعليج الا العافية يا قلبي

رد: اجهضت بعد فرحة اسبوعين الحمد لله على كل حال
 

مشكورين على ردودكم والله يعطيكم العافيه
والحمد لله ع كل حال
أمي مساوية لي عسل خالطته بحبهم سودا وان شاء الله يكون زين
كنت ناديه اروح المستشفى عشان اعرف سبب اﻻجهاض عشان اتجنبه المره الثانيه ان شاء الله بس غيرت رايي وبفوض امري لله اللي خلقني وقادر انه يرزقني وكل محروم الذرية

رد: اجهضت بعد فرحة اسبوعين الحمد لله على كل حال
 

الله يعوض علينا انا مثلك دوبي مجهضه وربي بغيت امووت من الالم قبل لاينزل لكن لمى نزل الالم راح الله يكتب الاجر لنا

رد: اجهضت بعد فرحة اسبوعين الحمد لله على كل حال
 

الف الحمدالله عالسلامه واسال الله العلي القدير ان يرزقكي بطفل المعافاه وان يقر عينكي برأيته والحمدالله على على كل حال قضاء وقدر ديري بالك على نفسك بالحمل القادم القريب باذن الله

رد: اجهضت بعد فرحة اسبوعين الحمد لله على كل حال
 

هلا بك يا الغلا انا ب7 -11 اجهضت الدم ظل معي لمدة 7 ايام الي اجهضت بشهر الثاني في الايام الاولى نزيف كو طبيعي واخر الايام عادي بس يختلف عن الدوم وهيك ينزل قطع دم وانتي بكرامه وهيك لان مارحت سويت تنظيف وسبب الي بيسوي تنظيف دكتور ورفضت
وبعدها بشهر على طول حملت قبل حتى اخذ اربعين يوم صار حمل والحمدلله ممكن تكونين من النوع
الي بعد الاجهاض يحملون على طول والله يعوضك خير

رد: اجهضت بعد فرحة اسبوعين الحمد لله على كل حال
 

ياربي يعوض عليك حبيبتي

انا الآن نفس الشي ماحسيت بوحام انا في الأسبوع الرابع

فقط صداع وتعب وكسل ونوم لا غثيان ولا شي

ولما زرت الطبيبه قالت معرضه للأجهاض وعطتني مثبتات

والآن صار لي يومين اتالم بألم يشبه الم الدورة والم ظهري زايد علي

خايفه طمنوني

من حصل معاها كذا