الله يخليكم ماقصرتوا والله العظيم ماادري وش ارد عليكم انتم فوق على راسي والله ’(
الله يحقق لكم اللي تبغونه ويرزقكم بالذرية الصالحه اسال الله تعالى رب العباد ان يبعد عنكم و عن من تحبون كل شر وكل مكروه و كل شيطان متجسّد على شكل إنسان ..
اللهم اميييين <3


ماادري شلون بابدا لان راسي مصدع بس دخلت اطمنكم علي ><"
قبل امس اللي هو الاثنين وصل ابوي الصباح في الريااض و تلاقيناا من بعد المغرب و نام عندي بالبيت يومهاا بالليل قلت لزوجي تعال ابغاك بغرفة النوم دخلنا و قلت له انا راح اتركك انصدم و ناظر فيني بصدمة قلت اجلس و جلس قلت جد راح اتركك قال لي طيب اوكي
قام اخذ ملابسه حقت الدوام و قبل مايطلع قلت يعني ماتبغى تتناقش !!
مارد علي , و قلت له اوكي دامك ساكت يعني موافق ..
و رحت عند ابوي في المجلس ..
وهو راح الدوام اليوم الثاني اللي هو امس الثلاثاء مارجع البيت ابد في الصباح و لمن دق علي عشان يسالني عن ابوي قلت له نايم و قفل ..
المهم زوجي وابوه جابوا فطور و افطرنا كلنا مع بعض وانا مااكلت شيء وحاولوا معاي ورفضت احس شوي وانفجر من الضيقه اللي انا فيها شوي الا ابوي فتح الموضوع و قال لزوجي انت غلطان ان كلام بنتي صحيح !!!
و ابغى ردك لي !
قبل مااقول رد زوجي تذكرون الولد اللي يزعجني ويقول زوجك خاين وووآلخ !!
قال زوجي لابوي هي تكلم واحد و يشحن لها !!
قاطعته وقال ابو زوجي خليه يكمل و خليته يكمل المهم ابوي وقتها عصب بقوة و قلت لابوي انا قلت له عن كل شيء وهو يدري وانا ماانكر انه ارسل بطاقة ارسلها ودقيت وقتها على محمد و قلت له وقال اشحنيهاا وقال لي بعد قوليله انا احبك و ابغى منك حنانن كل هذا عشان يبغى يصفقه لانه مس كرامة الست الهام !!!!
ابوي جد اول مرة اشوفه معصب كذا ومسح فيهم الارض و ابوي يسال و محمد يجاوب بسرعه لمن قال الحقيقه وهي نفس كلامي الا انه قال لي اقول له كلام حلو عشاان يستدرجه !
ابو زوجي صدق وقعد يتكلم ويقول عييييب تطلبين الشباب بطاقات شحن و جلس يرفع صوته علي ويهاوش و بس خلّص قلت له *شوف ياجد { اقول له جد من يومي لانه عم امي } شوف ياجد لو جت عالفلوس وابغى فلوس قوم شوف المطبخ فاضي مافيه اكل وماقد شكيت لاحد واهلي مايدرون !!
ومو اناا اللي انهى عن الغلط واروح اسويه و محمد ادرى بكل اللي صار وهالولد قال بنفسه انه من طرف الهام و مالي علاقة فيه اناا كل اللي يهمني يحترمني و يقدرني والللللله لو ناكل خبز يابس وانا مرتاحه معاه لاعيش مبسوطه !!!*
رد علي يقول بيّض الله وجهك وماادري وش و لمن شافوا ابوي معصب هجدوا و قاموا يقولون *مُجارة مُجاارة* اصلا بداخلهم متاكدين اني مااسوي شيء بس يبغون يحطون فيني اي عيب عشاان يغطون على الولد الموضوع بالنسبه لمحمد و ابوي و ابو زوجي انتهى مع ان محمد ماتاسف مني غير انه قال ماراح يعيدهاا وماادري وش من هالكذب ..
لكن بالنسبه لي ماانتهى والله تاثرت باتهامه الباطل لي لمن يقول اكلمه وجلست ابكي بعد ماسافر ابوي الظهر امس لمن نمت بدون مااحس و طوّلت مرة وانا ابكي ..
قررت اتركه خلاص مااتحمل حتى لو اتهمه بالباطل عشان اتركه اتوقع راح اسويها ’(
حسبي الله ونعم الوكيل للحين في قلبي زي الجمرة تغلي كل مااتذكر اتهامه لي نزل يعبّي راس ابوه علي بكلام بااااططططططلللل ..
و لمن ابوي علق عالبطاقة قال لمحمد لحظة لحظة لمن ارسل لها الولد بطاقة شحن قالت لك بنفسها ولا انت كشفتهاا !!
قال لا دقت علي قالت لي قال ابوي اييييييييييييوه يعني لو بتسوي شيء من وراك بتدق عليك تقول لك الولد شحن لي !!
والله بتقدر تشحن من وراك بالميات من هالرجال وانت ماتدري صح ولا لا !!
بس هي قالت لك بكل شيء وقالت لنا واحنا هناك بكل شيء اول باول لاني اعرفها ماتلف ولا تدور و اي شيء يصير مو زين تقوله عشاان اللي اكبر منها هو يتولى الموضوع والرجال مرسول من الهام و قصدهم يخربون بينكم وووووووآلخ !
يعني ابوي اخذ كل شيء بالتفصيل و سمع مني ومنه و الغلط كله على محمد والحمدلللللله رب العالمين ماسويت ولاشيء غلط .,
لكن زي ماقلت احس مااقدر اتحمله كرهته قلبي يعورني لما يكون جنبي مو معقوللللللللللله واللللله كل شيء يهون بالنسبه لي الا انه يتهمني بمرضه المزمن *المكالمات الوصخه* !!
وش اقول اكثر من كذا الله يقويني وانا ماجلست الا عشاان خاطر ابوي الا والله اغراضي كلها جاهزه ..
لكن قريب باذن واحد احد راح اتركه بعد اللي قاله عني عشاان يبعد الشبهه عنه مع العلم ان كل شيء انرد عليه من الله ..