رد: دورة غريبة
 

يسلموا على مشاركتكم معي بس اليوم الخامس تماما ما في غير افرازات بنيه مع انه مغص الدورة لسه موجود ابغى اعمل تحليل منزلي بس باستنى بعد 7 ايام و انشالله خير و الله اني قلقانه لانه اول مره يصير معايا كذا و انا ما شربت القرفه الا لمن شفتها نزلت اول يوم و بعدها وقفت كاني شربتها عشان توقف من تنزلها حتى الزنجبيل قالو ينزلها و يخلي رحمك نظيف بس غريبه يمكن استعداد للحمل ما اعرف
و انشاء الله بعد الدورة اقصد تخلص ايامها الطبيعيه عندي هههه احلل منزلي و أقولكم ايش يصير معايا

والله يرزقني و يرزقكم بالذريه الصالحة السليمه المعافاه

رد: دورة غريبة
 

السلام عليكم يا بنات انا حبيت اكتب لكم ايش اخر شي صار معايا انا امس رحت للدكتوره و عملت لي تحليلات و من بينها التحليل الهرموني عشان تتطمن ما في حمل و طلع ما في حمل مع انها تقول اعراضك كلها حمل بس طلع صفر مافي شي و قالت و حده معاكي نفس اعراضك و طلعت حامل
الحمد لله اني سليمه و مافيني اي شي بس الغريب الدورة على يوم واحد ووقفت عشان كذا الدكتورة توقعت الحمل و خصوصا اني في جفاف تام مافي اي نوع من الافرازات طلبت نعمل فحوصات تاخر الحمل و قالت نشوف سبب التأخر بس انا ما رضيت وقلت لزوجي انا يا دوب لي 5 شهور لسه بدري خليها للشهر الجاي يمكن في حمل بس يكون متاخر ما يبان خصوصا عندنا في العائله هذا شي متوافر الوحده ما تعرف انها حامل و لا يبين مع الطبيبه الا بعد 3 شهور و للحين بحس بالم الدورة و غثيان الصباح و من ريحه الاكل
يعني اللي تنزل عليها الدورة يوم او يومين لا تتهور مثلي و تشرب اشياء تنزلها تستنى للشهر اللي بعده و اسفه على الاطاله و ربي يرزق الجميع بالذريه الصالحه