|
رد: فراقي صار يحلا له ؟؟
اقتباس:
دائم اقول لنفسي كذا ماراح أبين له بس سرعان ما انهار وأبكي واصارخ |
رد: فراقي صار يحلا له ؟؟
السلام عليكم ..
بلاول انتي غلطانه انك تتزوجي واحد عن طريق علاقة حب طوويله 5 سنين .. يعني شافك و شفتيه غير المكالمات الطويله .. و الطلعات و و و و و والخ .. لكن الحين انتي متزوجته و صار لكم 4 سنين ... تذكرين ال 5 سنين اللي كلمتيها فيه كيف كان كلامكم كيف اسلوبك .. حب و اهتمام و نصايح و فله و وناسه .. بس .. مافي مصروف جيب اغراض للبيت .. بروح بيت اهلي .. و بعمل هيك و هيك .. كان كل واحد فيكم عايش مع اهله و طايحين في بعض حب.. و اهتمام و نظره للمستقبل بحياة افضل .. الحين صعبه انك تقررين انك تنفصلين عنه بعد 9 سنين .. من حياتك معاه .. لازم تكافحين انك تعدلين الأغلاط اللي بحياتك.. و تواصلين فيها .. خليه يشوفك و انتي تقراين القران و تدعين على سجادتك ان ربي يهديه .. و لا تنسين قيام اخر الليل و احرصي انك لما تصلي الفجر تصحينه يصلي الفجر .. خلي يشووف اهتامك و قربك لربك و طاعتك له هو و محاولتك انك تتغيري قابليه بأبتسامه و ودعيه بأبتسامه و كلمة الله يحفظك .. و طنشي موضوع البنت .. و ارسلي لها طويله .. رساله الدنيا دواره و الشي اللي ما تحبينه لنفسك لا تحبينه لغيرك .. لا تزوجتي و اكتشفتي زوجك يكلم .. أكيد بتزعلين و هذا الشي ما تحبينه لنفسك و رغم هذا قاعده تكلمين الحين واحد متزوج .. حسبي الله و نعم والوكيل فيك لو بتستمري معاه و راح ادعي عليك بكل صلاه .. و تذكري الدنيا دواره يوم لك و يوم عليك و فلنفرض ان زوجي راح يوفي بوعده لك و بيتزوجك .. بيجي يوم و بيسوي فيك مثل مايسوي فيني الحين .. لاني انا كنت على حب طويله معاه و تزوجنا بعد كم سنه و الحين احنا صار لنا سنين مع بعض فا لو انه بيتزوجك راح يسوي فيك مثل ما يسوي فيني الحين راح يخونك و تجربي حرقت قلبي .. و لا تغتري بحالك و تقولي انا غير انا ذكيه و اقدر اخليه لي لوحدي و املي عينه.. ابليس ما يعرف عينه و لا عينك و و زي ما قلت لك الدنيا دواره .. الموضوع الحين بين يدك يا تستمرين و النتيجه معروفه يا تبعدين عن زوجي و تتركيني معاه نحل امورنا لوحدنا من غير تأثر حد علينا كل البيوت تصير فيها مشاكل .. و الحوبه ماترووح تجيك لو كنتي بأخر الدنيا لا تخلين حوبتي تجي بأهلك و يصير لأمك نفس اللي يصير فيني ان ابوك يخونها و يهددها بلزواج يعني ضياع اسره كامله بيت .. و بأستمرارك معاه قاعده تهدمين بيتي .. و بس و انتي خلك مع زوجك الحبوبه المطيعه و المرحه و الغيوره و بنفس الوقت .. أعتبري اللي يصير فيك الحين عقاب من ربك نتيجه لأرتكابك علاقة حب من وراء اهلك.. لمدة 5 سنين اعتبري اللي انتي فيه عقاب و اختبار من ربي العالمين و حاولي تتقبلين العقاب و تنجحين بلاختبار .. بأحسن صوره و بأفضل طريقه و ربي يهديه و يصلح حالكم .. |
رد: فراقي صار يحلا له ؟؟
و مهما يصير بينك و بينه ... من مشاكل لا تتركين بيتك و تتركين لها الفرصه انه يغلط و يلجألها و يقولها
ازعلت و راحت بيت اهلها و ذيك .. تقعد تقوله يؤؤؤؤؤؤ بجد غبيه بس احسن تفتك منها و و و و و ما يندري شتقوول بعد .. |
رد: فراقي صار يحلا له ؟؟
اقتباس:
شسوي ي أختي أنا كنت واثقه من حبه لي سوا المستحيل علشان يبقى معي ويتزوجني ماتوقعته بيوم يخونني حتى خيانته السابقة ماكانت تهمني لانه كان ينكر يشتري رضاي يكلم البنت قدامي ويجحدها وينهي علاقته وينتهي الموضوع بس هذي هي اللي كانت ردة فعله غير على فكره كثير كلمتها بالأول كانت تقول خلاص بتركه بعدين لا وكتبت لها رسائل كثير من ها لنوع كانت تقول لا تدعين ومدري وش تقول انها مطلقه وعندها بنت وتبي احد يواسيها وما كانت تدري انه متزوج وكانت تعرفه خمس شهور ولما اسألها كيف تعرفتي عليه تقول نسيت اصلا بائن انها لعابه أرسلت عليها كم شخص من أقاربي شباب وكلمتهم ولما أقوله يقول عادي تعقل لما اتزوجها مدري وش يحس فيه وزوجي الله يهديه. النوع اللي مقصر بصلاته كثير ولما أقوله صل يقول طيب ولا يصلي أحيان ادخل بمشاده معه بسبب الصلاة يقول صلاتي لربي مؤ لك |
رد: فراقي صار يحلا له ؟؟
اقتباس:
ابي ارجع الروح لحياتنا احيانا هو يقول روحي لأهلك تشكين فيني ليش جالسه معي اقعدي عند اهلك ومن هالحكي |
رد: فراقي صار يحلا له ؟؟
اجل انتي اهتمي بموضوع صلاتك
و قيام الليل و الصوم عشان ضميره يأنبه و منها اجر و ربي يعينك.. لا تحنين عليه صلي صلي ترى الزن بهذا الموضوع مو حلو.. لكن اهتمي بصلاتك و ارسلي له وهو بلدووام .. مسجات دعاء و صلح و هدايه و كلام حب كل بين فتره و فتر و حشني كذا و اشتقت لكذا .. حتى و انا زعلانه منك .. مشتاقه لك .. و بنفس الوقت لا تذلين نفسك له و تترجينه .. صيري قويه و حاولي ما تبكين قدامه و تبينين لها ردة فعل غير متوقعه .. |
رد: فراقي صار يحلا له ؟؟
شوفي إحنا الحين ما نكلم بعض الا اذا ابي شي طلبته
وهو بس ينافخ ويتوعد انه يندمني ! مثلا امس جاب عشا لنفسه تعشا ولا نادني بالعادة حتى لو متهاوشين يناديني وانا ماروح حتى بزعلنا تغيرنا |
رد: فراقي صار يحلا له ؟؟
نصيحه أختي حذاري تكلمي غيره او تفكير زي مقالتي لانه حراااام للتكوني زيه تذكري وراك حفره ومنكر ونكير وجنه ونار والجو اللي راح تعيشيه سنه سنتين عشر مصيره ينتهي وتحسي بالإثم ربي أولادك واحتسبي وغيري معاملتك معه وربي يوفقكم وتذكري انتي كنتي معاه علي علاقه محرمه وصار زوجك وايش سوا فيك فتخيلي بغريب ممكن تخسري سمعتك بالدنيا وتخسري اخرتك
|
رد: فراقي صار يحلا له ؟؟
اقتباس:
والله أحاول أخوفه وهدده أني بخونه وكذا بالأول كان يقول أنا واثق فيك وعارف ماتسوينها الحين صار يقول الحرمه خيرها لزوجها و شرها لأهلها قلت يعني كيف قال بيقولون بنت فلان hwaml15 |
رد: فراقي صار يحلا له ؟؟
ما فيه ولا راجل يعترف بخيانته خاصة اذا كان يحب زوجته و يخاف تضيع منه ... و في نفس الوقت ما يقدر يغير طبعه ... لهذا السبب يكون مو راضي على نفسه ... بدليل انه يتنرفز من غير سبب ... بس من حكم تجربتي اللي قارنتها مع تجارب ثانية ... في هذه الامور كل الرجال مثل بعض ... المصيبة الكبرى لما تكون الخيانة بعد زواج الولاد و في سن متاخرة
|
| الساعة الآن 07:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .