|
رد: مشكلتي مع بنتي عمرها سنتين مااتحملهاا ابي حل تكفووون
شفتي مايحس فيك الا الي مجرب وضعك
انا والله تعبت وهالفتره ماعندها الا تكفخ في اخوها وتصطر فيه وتاخذ رضعته تبي هي تشربها مو عارفه شلون اقطعها عنها وابي اعلمها ع الحمام وانتي بكرامه مافي فايده احسها ماتفهم علي واختي بنتها علمتها من زمااان وكبر بنتي احس مشتته وربي مو عارفه انا بديت الحين العب معها واحملها والعبهااا وان شاء الله تتغير شكرا لكم ماقصرتووو ربي يديكم الف عااافيه |
رد: مشكلتي مع بنتي عمرها سنتين مااتحملهاا ابي حل تكفووون
اختي حابه ازيد على نصايح البنات اللي ماقصروا
بنتك واضح ان عندها ( فرط حركه ) نشاط حركي زائد اعملي لها حميه من أي شي فيه سكر زايد حلويات وشبسات وعصيرات فيه تلاقين عصيرات مافيها نسبة سكر ودائما امسحي على راسها واقري عليها المعوذات وآية الكرسي والأذكار سبحان الله تهدي الطفل حتى وهي نايمه اقري عليها وادعي لهااااااااااااااا الله يهديها ويحفظها لك يارب |
رد: مشكلتي مع بنتي عمرها سنتين مااتحملهاا ابي حل تكفووون
ياقلبي ماقصرتي
ان شاء الله راح اسوي كذا وراح اقراا عليهاا الله يعيني ويريحكم كلكم يارب وربي اذا هدت راح تهدى اموري كلهاا شكرا لكم من الاعماااق ماقصرتو ربي يرزقكم مناكم ولا يحرمكم الجنه |
رد: مشكلتي مع بنتي عمرها سنتين مااتحملهاا ابي حل تكفووون
الله يكون بعونك حبيبتي والله هذا عم الاطفال كلهم كذا بس انا اول ماكملت بنتي السنتين حاولت افطمها لكن ماصارت تاكل ابد يادوب على الشيبس والعصير ونحفت مرره وجاها امساك يعني خليها لما عليها لما تكبر انا اضطريت ارجعها لها
والحمد لله رجعت صحتها اتوقع ماعندها فرط حركه مثل ماقالوا البنات مع احترامي لرائهم بس انتي يبيلك بال وسيع شوي كل الاطفال كذا لان بنتك مكبوته يبيلها مكان واسع تلعب فيه هذي مالها الاغرفه وحده تلعب فيها ويبلك تدمجيها مع اطفال اخواتك وحمواتك من شان تتاقلم معاهم لان مبين انها مكبوته والله كلنا نعاني من هالناحيه الله يصبرنا والله لو تشوفي لابتوبي تو صار له 4 شهور بنتي قلعت نص الحروف والابتوب القديم نفس السالفه صاير مافيه ولا حرف بس ربي يصبرنا ونشوف برهم فينا |
رد: مشكلتي مع بنتي عمرها سنتين مااتحملهاا ابي حل تكفووون
هههههههه والله ضحكتيني رجعتيني لاربع سنين ورا
نفسس بنتي بكل شي ونفس الحركات ااااااااااه ياما تعبت وشقيت منها حتى اهلي صرت استحي اروح لهم منها تعبت تعبت تعبت منها حتى الحدايق ولا الطلعات ولا الجمعات ماتجلس ولا تخلي بيوت الناس سالمه واذا تمشينا ابوها مايجلس دقيقه على بعضها يشرب شاي ولا عصير طول وقته ركض وراها نخاف عليها يصير فيها شي ولا تطيح ههههههههههههه عدوت نفسها الله يصلحها وربي سويت كل الطرق معها مانفع عندها طاقه زايده مثل بنتك ولا تهتم لتلفزيون ولا افلام كرتون ولا شي يشغلها بس تحب تكتشف وتري هذا دليل ذكاء الطفل ربي يخليها لك وربي ماانساها يوم من الايام اتفقت انا وصحباتي نلتقي بحديقه خاصه بالنساء وقتها كنت حامل بولدي وبالشهر الثامن وتعالي شوفي وش سوت فيني ماجلست شوي معاهم وهم يعطوني حلول ويجبوا لها العاب قلت يلا اشوف يااومهات الحلول والافكار بسلمها لكم وجربوا اخر شي جابت لهم الجنان قالوا الله يعينك لدرجة روحت بيتي بسرعه بغيت اولد بالحديقه من كثر الركض وراها ههههههههههههههه لكن الحين هي في المدرسه ربي يحفظها تغيرت 180 درجه هدت وازيدك صارت تساعدني في البيت وماتشوفني اتحرك الا تركض تقومني ولا تشوفني الم وارتب البيت تجي تسألني اساعدك ماما تبغي شي ماما ربي يخليها لي على قد ماتعبت منها على قد ماشقيت منها لدرجة البكا شوفي الحين كيف الحمدلله عقلت وفهمت واذا بس جرحت يدي بشي ولا صكيت على يدي باب ولا تعورت من شي تجلس تبكي علي ويوم حملت بحملي ذا ماحد قام فيني غيرها مره ارتفعت حرارتي وجلست عند راسي تكمد لي وتهمز رجولي وكل شوي تسألني ماما تعبانه ؟ يعني تحملي بنتك شوي لين تدخل المدرسه صدقيني بتتغير كثييييييييييييييييير خذيها عن تجربه مني والحين اللي استلم الدور ولدي ههههههههههههههههه ماابغى اخوفك بس نفس شقاوتها الله يصلحهم ويهديهم لكن اشوى هي تمسكه عني وتركض وراه لاني حامل وتعبانه واتامل خير يكبر ويدخل المدرسه ويعقل وتنتهي معاناتي معه وابدا عاد باللي جاي هههههههههههههه |
رد: مشكلتي مع بنتي عمرها سنتين مااتحملهاا ابي حل تكفووون
لاتربطينها ماعليج الا ان تكون نفس بنتج
هاتي الوان ودفتر لصقي الاوراق ع الجدران رسمي معاها وسوي نفس اللي تسويه انتي ابدا ارسمي ع ايدها ع ويها بس اهم شي يروح كوني مشاكسه نفسها بتحب بنتج هذا الشي هاتي مكعبات ابني شي وخليها تهدمه عطيها الاكل واكلي معاها بالطريقه نفسها بعد جذي حاولي شوي شوي تعلميها المطلوب اذا عانتيها ومشيتي عكس اتجاها بتعاند سوي ماراح تخصرين شي |
رد: مشكلتي مع بنتي عمرها سنتين مااتحملهاا ابي حل تكفووون
نفس حالة ابني
عمره سنةونص وعليه نفس حركات بنتك والحمدلله على مارزقنا احس اني بدخل الجنة من تحت عمايله فيني احس لانه ياكل حلو يمكن ذا السبب لان ابوه يحط له العسل في اي شي ياكله ويعطيه عصاير كثير ولا تحسبي البيت الضيق هو السبب ع قولة البنات ترى انا عندي غرفة لابني والعاب وكل شي بس مايحب يمسك الا اغراض البيت ولله العابه مايمسكها الا اول يوم نشتريها وبعدين يلعب بالصحون وبالتسريحة حقي المشكلة في طبع الطفل الحركي والله يعيننا عليهم ماعندنا الا الصبر |
رد: مشكلتي مع بنتي عمرها سنتين مااتحملهاا ابي حل تكفووون
والله انا عندي بنت واحده عمرها سنه وشهر فجاه لم اتعلمت تمشي جننتني ماتترك شيء بمكانه وكل ماكلمتها تصارخ في وجهي مادري ايش اسوي معاها بس قريت وقريت عشان اشوف حل خلاص اللي قريته ان كثره الصراخ على الاطفال تعلمهم العصبيه وتزيدهم شقاوة صرت اول مابنتي تصارخ اترك الغرفه واطلع تقوم تدب في الارض وتصارخ اكتر وتنام في الارض وتتشنج لم مالقت مني اهتمام بطلت هالحكره نهائي اما بالنسبه لانها تاخذ من الزباله عادي كل الاطفال كدا خذيها بشويش جمب الزباله وعلميها ان هذا شيء مقرف مايصير نحط يدنا فيه وكانت تاخد المزهريات من على الطاولات وتطيحها في الارض وتكسر وتخرب صرت اخذ منها الشيء واحطه بمكانه واقولها هذا حج بابا لاتحركيه واوديها لمكان العابها واقولها هذي اشياءك واجلس العب معاها لم تعوددت وين اللي يخصها وكيف تبعد عن اللي مايخصها ...خدي بنتك في حضنك تراها نور عينك واول فرحتك ولاقي طريقه تواصل بينكم بدل ماتصارخي وتتعبي نفسك وتوتري اعصابك وتنمي في البنت العصبيه ترى والله مافي احلى من اللين في التعامل
|
رد: مشكلتي مع بنتي عمرها سنتين مااتحملهاا ابي حل تكفووون
الله يعينك هذا حال الاطفال اللي بعمرها
عندي ولدي الله يصلحه فيه من حركاتها الله يصبرك ويصبرنا ويرزقنا طولت البال لانها بصراحه معدومه عندنا تقريبا انا في نفس وضعك من حيث السكن ودوام زوجي بعيد الله يعين بس |
رد: مشكلتي مع بنتي عمرها سنتين مااتحملهاا ابي حل تكفووون
حبيبتي الله يهديها لك الحركة دليل على الذكاء ولاتنسي وجود اخوها اكيد الغيرة لاعبة دورها حاولي تسايريها وتصبري عليها وضروري تدخليها روضة او تسجليها بشي تفرغ طاقتها في نادي اطفال او شي تختلط باطفال تكتسب منهم عادات ولاتنسي انها غيرانة من اخوها حاولي تضميها على كلشي زين تسويه او تصفقين لها او حتى وهي مشغولة تغني لها تحسسيها بوجودك حتى وانتي مشغولة عنها حتى تحس انك تشتغلين بس عيونك عليها وكلامك لها واشعريها انك متفاجئة ومندهشة بسعادة على اي حركة تسويها يعني لو ماغيرتها هالحركات ممكن عالاقل تقلل من حدة سلوكها وبالتوفيق يارب
|
| الساعة الآن 01:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .