|
رد: سؤال عن كيفية استخدام ميزان الحرارة لمعرفة التبويض؟ ضروووري
الله يعطيكي ألف ألف مليون عافية شكرا ياروحي عالشرح المفيد والوافي انا هلق الي 3 ايام مخلصة الدورة وطول دورتي 24 يوم ومن اول يوم من بعد الدورة درجة حرارتي تتراوح بين36،2 و36،6 يعني يوم التبويض تحديدا كيف بعرفو اذا درجة حرارتي بقت مرتفعة لان دكتور زوجي قلنا ركزوا على يوم التبويض بالذات واذا ماارتفعت حرارتي يعني مافي تبويض؟واي يوم تتوقعي اباضتي كانت دورتي 15 هاد الشهر واستمرت خمس ايام وانا دورتي كتير منتظمي بتجي كل 19 يوم وتستمر 5 ايام ؟ بتمنى تجاوبيني وماقدرت شوف ردك لليوم لان كنت مسافرة وشكرا كتير الك ولكل البنات يلي جاوبوني الله يجزيكن الخير وينولكن يللي بتتمنوه.uote][/quote]
ويعافيكي حبيبتي طيب شوفي رح اتفق معك اني رح ساعدك هالشهر انك تحددي يوم التبويض كل اللي عليكي تقوليلي كل يوم درجة حرارتك كم وانا رح اعملك كل شي ورح اعملك الرسم البياني اتفقنا اذا اوكي اكتيبيلي كل يوم من اول ما بلشتي كم كانت درجة حرارتك ورح امشي معك يوميا ورح اعرفلك بالزيط كم فترة دورتك بالزبط وكم طول الفتره الثابته عندك رح اشترك بموضوعك كمان من شان ساعدك هالشهر ومن بعدا رح تصيري تعرفي انتي لحالك |
رد: سؤال عن كيفية استخدام ميزان الحرارة لمعرفة التبويض؟ ضروووري
اقتباس:
طيب شوفي رح اتفق معك اني رح ساعدك هالشهر انك تحددي يوم التبويض كل اللي عليكي تقوليلي كل يوم درجة حرارتك كم وانا رح اعملك كل شي ورح اعملك الرسم البياني اتفقنا اذا اوكي اكتيبيلي كل يوم من اول ما بلشتي كم كانت درجة حرارتك ورح امشي معك يوميا ورح اعرفلك بالزيط كم فترة دورتك بالزبط وكم طول الفتره الثابته عندك رح اشترك بموضوعك كمان من شان ساعدك هالشهر ومن بعدا رح تصيري تعرفي انتي لحالك[/QUOTE]ألف مليووووووووووون شكر الك ياألبي على اهتمامك فيني الله يحفظك ويعطيكي كل شي بتتمنيه انا درجة حرارتي عم تتغير بنفس الدقيقة يعني انا بقيسها اكتر من مرة خلال خمس دقائق عم بتكون بين ٣٦،٤ و ٣٦،٩ ومرات ٣٧،٢ وعدت فترة التبويض وماعرفتها بسبب هالتقلب بقى ياريت تشرحيلي شو اعمل والله يجزيكي الخير حبيبتيhwaml59 |
رد: سؤال عن كيفية استخدام ميزان الحرارة لمعرفة التبويض؟ ضروووري
لا طبعا ما رح تقيسي درجة حرارتك كل خمس دقايق
كل اللي عليكي تقيسي درجة حرارتك مره وحده بس وهي الصبح اول ما تصحي من النوم وقبل ما تعملي اي حركه او حتى تقومي من التخت او السرير يعني جهزي ورقه وقلم والميزان جنبك قبل ما تنامي اول ما تفتحي عيونك على طول بتاخدي الميزان بأقل حركه ممكنه وبتقيسي حرارتك وبتعطيني ياها .. لانه بس تعملي حركه او تاكلي شي رح تتغير درجة حرارتك وهالشي طبيعي |
رد: سؤال عن كيفية استخدام ميزان الحرارة لمعرفة التبويض؟ ضروووري
اولا صباح الخير والعسل والقشطة لاحلى بنت صيدا وثانيا حبيبتي انا باقي لدورتي ٣ ايام وصرلي ٣ ايام ماعم قيس حرارتي بقى ايمت ابدا قيسها، ينفع ابدأ اليوم ولا استنى للدورة؟ وسؤال تاني يعني طبيعي حرارتي تتغير خلال دقيقة بين ٣٦،٢ و٣٦،٨
وقديش لازم تكون بفترة التبويض والترمومتر يللي عندي عن طريق المسح على الجانب اليسار من الجبين |
رد: سؤال عن كيفية استخدام ميزان الحرارة لمعرفة التبويض؟ ضروووري
السلام عليكم
اذا شفتو بعد الدورة بي 10 ايام انو درجة جسمكم عالية من غير عدتها يعني الف مبروووووووووووووك |
رد: سؤال عن كيفية استخدام ميزان الحرارة لمعرفة التبويض؟ ضروووري
السلام عليكم الله يطمن قلبك يابسبوسة زوجها وانشاء الله تحبلي وتفرحي بعد ادنك انا عيز اسال بنت صيدا انا عندي 6 ايام عمل ابرا تفجرية والان اعمل بروجستيرون و افستان لمدة 10 ايام وحرارة جسمي بين 36.6 الي37.1 واقيسها في الصباح والمساء طمنيني الله خليكي
|
رد: سؤال عن كيفية استخدام ميزان الحرارة لمعرفة التبويض؟ ضروووري
اقتباس:
اوكي رح نتفق انك رح تقيسي حرارتك من اول يوم الدوره وتكتبيها عندك على ورقه وتعطيني ياها يوميا اكيد مجرد اي حركه رح تتغير درجة حرارتك رح تنزل وتطلع من شان هيك نحنا مناخدها كل يوم الصبح بس وبدون حركه او اكل لان الحركه والاكل بأثروا عالحراره هلأ قديش لازم تكون بفتره التبويض هالشي بيعتمد على جسمك انتي من شان هيك اول شهر رح يبين معنا كيف درجات حرارتك انا بفضل تجيبي ميزان حراره العادي اللي منحطه تحت اللسان وفي ملاحظه لو بتقدري تقيسي حرارتك عن طريق المهبل بدل تحت اللسان رح يكون احسن من تحت اللسان رح استناكي اول يوم الدوره من شان نبدا سوا ان شاء الله اوكي |
رد: سؤال عن كيفية استخدام ميزان الحرارة لمعرفة التبويض؟ ضروووري
اقتباس:
وما بقدر احكم على درجة حرارتك حاليا لاني ما بعرف كيف كانت قبل التبويض لحتى اعرف كيف ارتفعت لو حابه ممكن ابدا معك انتي كمان انك تقيسي حرارتك يوميا الصباح وتعطيني ياها في حال اجت الدوره وان شاء الله ما تحتاجيها وتطلعي حامل وتستغني عن خدماتي هههههه hwaml02 |
رد: سؤال عن كيفية استخدام ميزان الحرارة لمعرفة التبويض؟ ضروووري
اعفوا يااخت بنت صيدا اشرفني اتواصل معك وشكرا علي المعلومات لكن في الباح اقيسها علي 5 او 6 صباح بتكون دائيما 36.6 واعيدها علي 8 صباح بدون ايضا ما اقوم من مكاني تكون 36.8 وانا اليوم عملت تحليل منزلي وطلع خط رفيع جدا لكن ما اعرف تاثير الابرة التفجرية وهي اوفيتريل 250 ميكروغرام اومن شمع عن طريق المهبل بروجستيرون ميلان 100 مع العلم قرات في النت عن لابرة التفجرية اوفيتريل 250 مفعولها ايروح بعد 7 ايام وانا عندي اليوم 7 ايام افيديني
|
رد: سؤال عن كيفية استخدام ميزان الحرارة لمعرفة التبويض؟ ضروووري
اقتباس:
انا ما عرفت ليه بتقيسي حرارتك مرتين بالصباح قيسيها مره وحده ويكون من بعد نوم عميق لمدة ثلاث ساعات عالاقل .. يعني لو بتصحي عال 5 او 6 وبتقيسيها من بعد ما تكوني نمتي ساعات طويله احسن من انك تقيسيها عالساعه 8 من بعد نوم ساعتين بالنسبه للادويه والابره وهالقصص اللي بعرفه انه مفعولها ممكن يدوم لعشر ايام بالتحليل بس عالحراره ما بظن انها بتأثر بس عالعموم رح اسأل دكتوري كمان واتأكد منه بدي اعرف كيف كانت حرارتك قبل التبويض .. |
| الساعة الآن 02:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .