منتديات حوامل النسائية - نقط دم في الشهر الثاني مييييته خووووف ساعدوووووني

منتديات حوامل النسائية (https://naqatube.com/index.php)

رد: نقط دم في الشهر الثاني مييييته خووووف ساعدوووووني

ياقلبي لاتخافين

انا ياما نزل مني دم حوالي ثلاث مرات اقري مواضيعي
وكم مره اروح لطواري يقلون في كيس جنين وارتاحي وانا اخذ تحاميل مثبته للحين

لاتخافين اعرف حوامل كثير بداية حملهم ينزفوون الحين مشاء الله بالشهور الاخيره

وانا بعد جاني الدم بالسادس
يعني ياقلبي لاتخافين هالجيل هاذا كل الحوامل ينزفووون وربي اعررف بنات حملوو كثير ونزل منهم دم
عادي لاتخافين
بسسس من الافضل تروحين لمستشفى ويسوون لك سونار يشووفون كيس الجنين والنبض

بعدين ترا النبض يبان بالاسبوع السادسس انا بين معي بالاسبوع السادسس

بعدين ياختي لاتسووقين ولاتطلعين اصلا من البيت
لاتاخذين الامور بساطه انصحك انصحك انصحك تجلسين بيتك ولاتنظفين ابدا وطول وقتك منسدحه وتجنبي الجماع لمدة شهرين مانتي ميته تحملي ياقلبي لااجل البيبي لاتهاونين بالهشي وتقولين لاعادي بطلع واسووق وانظف لا انتبهي
كلها ايام وتمررررر بملح البصرر تحملي قعدت البيت والراحه

والله يتمم لك ولي وللمسلمات ع خير يارررب

رد: نقط دم في الشهر الثاني مييييته خووووف ساعدوووووني

حبيبتي نصيحة روحي ع الاسعاف على طول هذا دم مو افراز بني
الافراز البني ممكن الواحد مايستعججل لكن اذا دم احمر روحي اسعاف
والله يثبته لك ويتمم لك على خير

رد: نقط دم في الشهر الثاني مييييته خووووف ساعدوووووني

مشكووورييين .. انا رحت امس الاسعاف حبيباتي وما لقو عندي مشكله ورجعت البيت.. اليوم لما صحيت لقيت افراز بني فقط ما نزل دم وبعدين توقف الافرازا البني.. لي كم ساعه اراقب مافيه افرازات ملونه ولا دم.. ان شاء الله انه توقف..

انا موعدي عند طببي بعد بكرا الاربعا ان شاء الله بشرح له كل اللي صار واشوف رايه.. ان شاء الله ما اشوف هالدم مرة ثانيه ابد فجعني بشكل..

بالنسبه للراحه انا الحمدلله مرتاحه وشغل البيت خفيف مرة يعني بس اسوي لنا اكل وخلاص فيه احد يجي ينظف لي البيت وزوجي يساعدني بالترتيب وتنظيف المطبخ والمواعين كلها بالدش واشر وخلاص.. بس بالنسبه للطلعات برضه خفيف وما اجهد نفسي والسواقه ما تتعبني ابدا لاني اكون جالسه بالسياره ومرتاحه بس المرة اللي فاتت كانت اول مرة لي اسوق مدة ساعه بخط سريع وكنت قلقانه وخايفه لاني مو متعوده واعتقد ان هالشي سبب لي النزف!! مع اني سالت الدكتور امس بالطوارئ وقالي التوتر ما يسبب نزيف ابدا!! عموما انا مارح اسوق مسافات طويله ابدا خلاص توبه.. وهاليومين مريحه نفسي تماما..

الف شكر لردودكم الثمينه.. الله لا يحرمني..

رد: نقط دم في الشهر الثاني مييييته خووووف ساعدوووووني

أنا كنت زيك ...
اول شيء أنسدحي وارفعي رجولك ..

ثاني شيء ابتعدي عن الجماع لمدة شهرين ...

ثالث شيء لارحتي حيكشفو عليكي بالسونار وراح تطمني ان شاء الله .. أنا كدا وطلع دم قديم متجمع ونزل مع الحمل ,, وراح يعطوكي مثبات لين الرابع .. أنا كان ينزل بني ودم خفيف وردي ثلاث شهور..

الله يطمنك يارب

رد: نقط دم في الشهر الثاني مييييته خووووف ساعدوووووني

الحمدلله الحمدلله اجر وعافيه حياتي ماتشوفين شر ان شاءالله

رد: نقط دم في الشهر الثاني مييييته خووووف ساعدوووووني

الله يتمملك حملك وتقر عينك بشوفته يارب

رد: نقط دم في الشهر الثاني مييييته خووووف ساعدوووووني

مشكورين على الدعاء.. الله يتقبل.. رح اوافيكم بالتطورات لما اشوف دكتوري يوم الاربعاء باذن الله..

رد: نقط دم في الشهر الثاني مييييته خووووف ساعدوووووني

الحمد لله انك اطمنتي و طمنتينا كمان
الله يثبت حملك و يتمملك بخير و عافية يا رب

رد: نقط دم في الشهر الثاني مييييته خووووف ساعدوووووني

الحمدلله على سلامتك والله يثبته لك ويتمم لك على خير

رد: نقط دم في الشهر الثاني مييييته خووووف ساعدوووووني

الحمد لله ..
الله يطمّن قلبك حبيبتي ، ويتمّم لك على خير .. ويفرّح قلبك بشوفة طفلك بين أحضانك .
لا تاكلين هم ، تصير لكثير من الحوامل .. ينزل نقط دم خفيفة ، من التعب .

أهم شيء تريحين نفسك ، وتستمرّين على التحاميل المثبّتة .. وإن شاء الله ما تتكرّر ، ولا عاد تشوفين الدم مرة ثانية .. إلا عند الولادة ^ـ^