|
رد: تعبت من زوجي وحركاته الماصخة
حبيبتي تسمحي أقول لك إنك أنتِ الغلطانة !!!
اولاً .. أنت عااارفة شخصية زوجك وعاااارفة طبيعتة ولما طلب منك " الشي " اللي رفضتية زعل ! أنا ما ادري ايش هو هالشي اللي طلبة منك بس إن كان " الفراش " فالخطأ راكبك من رأسك لرجليك !!! والرجل مايجرحة ويأثر فية إلا رفض زوجتة له لما يدعوها للنوم فترفض .. او تبين له عدم رغبتها !!! الشيء الآخر .. لما شفتي زوجك زعلان وآخذ بخاطرك منك ليش مارحتي بوقتها واعتذرتي منة لإنك في كل الأحوال أنت الغلطانة لإنك رفضتي طلبة " اياً كان هذا الطلب " !! صدقيني والله .. لو اعتذرتي منة وقت المشكلة .. حتى لو مارضي في وقتها بس إعتذارك هذا يخفف من زعلة وشوي يهدى ويرضى لوحدة ! حاولي تعرفي شخصية زوجك .. وتعاملي معه على هذا الأساس !! وتأكدي مافي إنسان كامل في هالدنيا وكلاً عندة اخطأئة .. فأحتوي زوجك واشعرية بالدفء حتى يحتويك ومايفكر بوحدة غيرك تعطية مالم تستطيعي أنت إعطائة !!! |
رد: تعبت من زوجي وحركاته الماصخة
حبيبتي هنوسه
انصحك وانصح كل وحدة متزوجه او على وجه الزواج انها تقرأ كتاب الرجال من المريخ والنساء من الزهرة , هذا الكتاب فادني كثير وخلاني اعرف كيف افسر حركات زوجي الي مش مفهومه ! في الكتاب مذكور ان الرجال تجيهم اوقات يحبون انهم يجلسون بالحالهم وفي لحظات صمت ويبتعدون عن زوجاتهم وهذا الشيء يسميه الكاتب " الكهف " , يعني كل رجال عندة كهف يدخل فيه كم مرة في الشهر , مو معناة انه مطنقر او زعلان لاااااااااااااا هو مجرد حاله نفسيه يدخل فيها الرجال عشان يحل مشاكله وامورة بنفسه وكلنا نعرف ان مخ الرجال يختلف عن مخ الحرمه حيث ان الرجال مايعرف يركز بأكثر من شغله بنفس الوقت عشان كذا لازم يكون مع نفسه شوي او مع اصدقاءة وبعيييييد عن زوجته عشان يتوصل لحل كل شيء يطري على باله . بعد ما قرأت الكتاب لاحظت هالشيء في زوجي يكون راااايق ولما اقول حاجه تافهه يروح يسكت ولا يكلمني ويروح يسهر برى وانا احسب انه صار كذا صااااااااااامت بسببي !! وانه الحين مطنقر علي !! في البدايه كنت اعتذر وابرر نفسي لكن بعدها عرفت ان السبب مو فيني وسبب صمته مش انا hwaml02 لا تضيقين خاطرك , عطية كم من يوم وبيرجع نفس ماكان أهم حاجة لما يطلع الأخ من كهفه استقبليه بإبتسامة ولا تنكدي عليه ولا تلومينه ولا تصيحين قدامه خليك قويه لأنك لو حاولتي تطلعينه من حالته الصامته هذة وبعدة عنك ترا ما راح يجي واذا طلعتيه غصب ممكن يعصب علييك وهذا الشيء مو كويس . بالنسبه لي , الأوقات اللي يدخل فيها زوجي كهفه يكون هو وقت طلعتي ووناستي hwaml7 واهتمامي بنفسي hwaml94 |
رد: تعبت من زوجي وحركاته الماصخة
اهلين يا اخوات
قريت ردودكم ،، وفيه اللي اقتنعت فيه وفيه اللي لا بالنسبة لام رزان اختي الشي اللي طلبه مو الفراش لان اولا انا فوقت نفاس غير كيذا الغلط كل الغلط لما انتوا يا الحريم تقولون الغلط راكب الحرمة مية بالمية صحيح الحرمة بذكائها تقدر تسوي كل شي بس بعد هي يبي لها احد يحس فيها ويقدرها انا امر في وقت نفاس واهلي مو معي وولادتي كانت صعبة وفوق كذا قاعدة اقوم بواجبات بنتي وزوجي ولا كاني وحدة والد ما كملت اربعينيتها غير ظروف الجامعة والاختبارات غير ظروفنا في نقل الشقة والاجار والحوسة يعني لما ارفض شي طلبني اياه وعلى فكرة ما رفضتع بس قلت له خليها بالليل افضل يعني انا بحاجة احد يقدر النفسية اللي انا فيها مو يقعد يزعل على اشيا تافهة واحنا ظروفنا كيذا ديدي ،، عجبني كلامك مرررة راح احاول اطبقه مع اني من النوع اللي اكره شي عندي اني اشوف زوجي متكدر ومتضايق . وووعلى فكرة امس سحبت عليه وطنشته وشفته هو جاني وقالي يلا صاحبه وزوجته عازمينا ع العشا وقعد يتناقش معي ع اللي صار وطلعت اللي بقلبي وطلع اللي بقلبه وصرنا سمنة على عسل مع شوية عتب مني هههههه يعني ما يعاتبك الا اللي يحبك |
رد: تعبت من زوجي وحركاته الماصخة
طنشية .. من حاله بيرصى لا تعودينه ان كل ما زعل تراضينه مدام ما غلطتي خلاص بكيفه اهم شي عامليه عادي كانك مةب عارفه ان هو زعلان سولفي واضحكي وطنشي زعله
|
رد: تعبت من زوجي وحركاته الماصخة
شوفي ياهنوسه انت ما سويتي شي يزعله منك 0بس الظاهر عودتيه ع انك انتي الي تراضينه
بس انا اقولك ماينفع مع الرجال الا التطنيش00 |
رد: تعبت من زوجي وحركاته الماصخة
الله يهدي زوجك ويسخر لك يارب
|
رد: تعبت من زوجي وحركاته الماصخة
الله يكون بعونك
توكلي على ربك وصلي كثير |
رد: تعبت من زوجي وحركاته الماصخة
وادا هو عللللللله ياختي. يغلط وهو الغلطان وفوق هدا اراضيه
بس مايقدر مزاجي ولا نفسيتي يبيني على كيفه متى ماضحك ضحكت واذا طفش طفشت !!!!! بالله بنات هذا وش اسوي فيه رغم اني أنا عصبيه حيل وماتحمل واتلفظ واغلط من القهر الي فيني وابكي وهو ولا يهمه الله يصيب هالرجال يجيبون الهم |
رد: تعبت من زوجي وحركاته الماصخة
انا عكس مع الي يقولون الزوج مستحيل يذل نفسه و يتأسف و انه ما تهمه دموع زوجته
حبيبتي مثل ما قالو الخوات فاجأيه بليله حلوة و ارضيه بطريقة حلوة مع بوكيه ورد و ربي يبعد الزعل بين كل زوج و زوجة |
رد: تعبت من زوجي وحركاته الماصخة
صرااحة
زوجي عادي يتاسف لي في بعض المواقف ويحاول يرضيني بس يعصب اذا تدلعت زيادة ومارضيت يعني يقول ماتاسفت الا وانا حاس بالذنب والدموع هو صحيح تعود علي اصيح ويسميني ام دميعة هههههه بس مثل ماقالت مدري مين ،، اذا صحت وقت اللي هو بقمة زعله وتعصيبته ما ياثر فيه او ياثر فيه بس يطنش بس اذا صحت بعدين لما يروق بالعكس يكره نفسه ويقعد يلوم حاله يا بنات الرجال مشكلتهم مزاجهم يتحكم فيهم مو مثلنا ،، احنا تلاقي الحرمة زعلانة ومقهورة وتمشي الوضع عادي وتجي تسوي حركات لزوجها ورومنسيات الرجال لا ،، معصب يعني معصب ،،.. مستحيل يتغير مزاجه اذا مو انتي جيتي وطلعتيه من هالمود |
| الساعة الآن 06:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .