|
رد: ديوانية البحرين - دردشة حوامل البحرين - البحرينيات
شلوووونكم يا امهات البحرين طمنوني عنكم
خجوول الف مبرووك الحمل مستشفى الهلال وااايد زين وتعاملهم مع الزباين تمام روحي لهم رااح يعجبونج انه كنت اروح لهم والله يتمم لج على خير |
رد: ديوانية البحرين - دردشة حوامل البحرين - البحرينيات
هلاااا
شمس الله يسمع منش ياارب وماعليها شر ملوكة وحطي بالش عليها ولاتستحين من أحد بعد لين مرضت كحد بينفعش صعب تنساني هلا ويش أخبار يوسف كانه سميتينه ربي يخليه خجول وردي مبرووك الحمل ربي يحفظة ويثبته وتولدينه بالسلامة من بعد التمام أني تابعت عند دكتورة فرح وااايد ممتازة ونفسش أني ماحصلتها لأن عندها فل بس رحت على الجانس وحصلتها ومشت مواعيدي |
رد: ديوانية البحرين - دردشة حوامل البحرين - البحرينيات
أهلين أحلام أم و صعب تنساني
و الله يبارك فيكم ، مشكووره + مستشفى الهلال وين يصير بكم اسعاره ؟ + مافي دكاتره ثانين ؟ |
رد: ديوانية البحرين - دردشة حوامل البحرين - البحرينيات
هلووووووووووو
جيت اليوم متاخره احلام ام ويش اسوي اني ما ابغي اقص فيها هذة حماتي الله يسلمش جابو اليها حفيده وعاااد من تشوف ملاك تقارن تطلع اعيوب في ملاك بطريقة مو مباشرة حتى اخوها لاحظ مع ان فرق وايد في العمر بنتهم توها في الشهر الثاني واني ملاك تشمي في السابع والله يطلع ملاك من لمقارن وعلى ما قلتين شكلي بصير شيطانة احسن لان بعدين محد ينفعني خجول وردي تقدرين تروحين عيادة ابن النفيس عند دكتورة كيرنا في الطابق الثاني تاخذ عليش اول مرة عشرين وبعدين كل 15 دينار وتستخدم في كل زيارة الاترساوند وتعطيش ملف صغير لج فيه الصور والبيانات صعب ويش اخبار البنوتة طف طوووووووف ويش اخبارش اليوم |
رد: ديوانية البحرين - دردشة حوامل البحرين - البحرينيات
هلا الغاليه شميسان
نفسيتي بتحطيم ماني قادره كلش واكره شي لمقارن وقفيهم عند حدهم بكلمتين عن طريق المزح قولي يوو الحين اكيد فيه فرق لان بنتي اكبر بوايد شلون تبغون بعد مايصير وردي قولي ياعلي موزين تقارنون حرام عليكم بتي كيت وكيت وحسسيهم يوقفون عند حدهم |
رد: ديوانية البحرين - دردشة حوامل البحرين - البحرينيات
مساء الخيرر .. شخباركم ؟؟
حبيت اسلم عليكم على السررريع واجوف اخباركم والله يفرجهاا على الجمييع بحق عظمة الايام الي ياية ..:) ومبرووك عليكم قرب قدوووم شهر رمضان ولا تنسونا من صالح الدعاء في هالشهر الفضيل .. لنا لقاء آخر باذن الله |
رد: ديوانية البحرين - دردشة حوامل البحرين - البحرينيات
هلا ومرحبا فيكم اسفرت وانورت بالطله
واخيراا احد قام يقعد بااال صدق حسدوو ديوانيتنا وين التجمع القبلي صلو على النبي يا جماعه الحسد مب زين ترى :p شخباركم وش مسوين وشخبار جهالكم وحشتوني بالزف ويش اسوي ماادخل من مشاغل الدنيا وصيام ومسؤلية ولازم اطبخ حق زوجي الفطور وتعب وهلاك وحررر وانتون ادرة الله يساعدنا برمضان شكلي طولت عليكم متباااركين بقدووم شهر رمضان الله يبلغنا وياكم بصحه وخير وعافية ويلاااا كل وحده تجيب ليي من طباااخه سمعتوون :) |
رد: ديوانية البحرين - دردشة حوامل البحرين - البحرينيات
السلام عليكم
شخباركم جميعا؟؟ توني رجعت من تطعيم زينب وقالت الدكتوره وزنها وطولها قليلين وحواتني السلمانيه وضايق خللللقي خايفه على زنوب ... سألتها اقدر اعطيها اكل قالت لا لازم 6 شهور عشان معدتها ومادري ويش .. قلت الكل يقول عادي 4 وهي ضعيفه بعطيها حسيتها تبغي تقول عطيها بس لان القانون يمنع ماقالت ... والطيب ماهو راضي يقول مدام قالت الدكتوره لاتعطينها :( ياربي تستر عليي وعلى الجميع وقلت ليهم عن ايدي قالت الدكتوره هذا العصب عطتني مسكن واذا ماتغير اروح لفحوصات ويمكن احتاج علاج طبيعي ... يامن فرجه قريب وسائله لايخيب فرج لي وللمؤمنين يا ارحم الراحمين دعواتكم |
رد: ديوانية البحرين - دردشة حوامل البحرين - البحرينيات
السلاااااااااااااام عليكم حبيبات ورفيقات دربي
فلونة وفروحه عاش من شافكم ولا تغطون وايد ترى كلنا مشاغل عندنا بس نحاول ندخل قدر المستطاع طف طوووووووووف ما عليها شر زنوب الحين هي كملت الشهر الرابع اعطيها اشياء خفيفة اني لما كملت اربع اشهر قلت للدكتور وقالت احنا ما ننصح بالأكل بس حاولي ان الأكل ما يتعارض مع كمية الحليب قمت اعطي ملاك عادي ويا ريت فاد ومن احد يشوفها يقول يؤؤؤؤؤؤ صعيفة والمصبية اذا حملوها بعد خفيفة حاولي تقنعين زوجش وبخصوص ايدش حاولي تحملين زنوب بايدش اللي ما تعورش علشان يرتاح عصب اليد الأولي دعواتكم بنات اليوم موعد ملاك الساعة اربع ونصف يا رب ما تحتاج شي غير بس قطور ااااااااااخ تعبت من المستشفيات وتعبت ملاك مسكينة من عمرها ايام واني اغافص من عيادة الي الثانية يا رب تشافي ملاك وتحفظها من كل مرض وعين وسوء |
رد: ديوانية البحرين - دردشة حوامل البحرين - البحرينيات
سلام
بنات بتي تصرخ من قمة راسها مادري من الم الابره لو من التطعيم نفسه ويش اسوي مكان الابر؟؟ شسوي ليها عن الالم |
| الساعة الآن 08:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .